|
ليش ما في مدرسة ثانوية .. !!
بسم الله الرحمن الرحيم السلام عليكم و رحمة الله و بركاته .. اليوم حبيت اعرف ارائكم بــ المشكلة الي الكل نفسو تنحل المشكلة هي ليش ما في عندنا بالبلد مدرسة ثانوية يعني شو بأثر اذا في مدرسة ثانوية زي ما في مدرسة اعدادية و ابتدائية ليش ما تعملو هالمعروف يعني من عمل معروفاً فليكمله بس بصراحة انا و معظم طلاب العيساوية في مدرسة عبد الله ابن الحسين مش عارفين لمين بدنا نوجه صوتنا يعني كيف بدنا ننجح !! وفي مشاكل بين الطلاب زي ما غيرنا اتعلمو برضو احنا بدنا نتعلم بس هذا الكلام و بكفي .. و هذه الفقرة بوجها للطلاب و طالبات العيساوية الي بالراشيدية / والمأمونية .. الخ لو انتو محلنا شو بتعملو ؟!! يعني انت بتدرسو واحنا مظلومين بهيك مدارس بتمنى انكم تصوتوا ( الموضوع : بالتعاون مع جينتل العيساوية / ABO AL3LI ) |
رد: ليش ما في مدرسة ثانوية.. !!
موضوع الأسبوع : ليش ما في مدرسة ثانوية .. !!
الكاتب : أبو علي .. موضوع مهم جدا ً.. فلنبدأ النقاش بسم الله .. |
رد: ليش ما في مدرسة ثانوية.. !!
سأبدأ اولا ً ..
انا لا اضم صوتي إليكم !! لماذا ؟؟ طبعا ً سأجيب .. نناقض أنفسنا بأنفسنا .. نشتكي من مدراس البلدية وضعف التعليم فيها .. ومن ثم نطالب بمدرسة ثانوية !! كيف ذلك ؟!! على فرض انه حصل و أ ُنشات مدرسة ثانوية بالعيساوية .. فستكون البلدية هي المسؤولة عنها .. و أنتم بأنفسكم قارنتم بين مدارس البلدية والمدارس الخاصة .. والفرق بين الثرى والثريا !! كيف تطالبون بمدرسة ثانوية تكون البلدية مسؤولة عنها .. وانتم تعرفون مدى الضعف في مدارس البلدية !! وهذا الضعف واضح في مدرسة العيساوية الإبتدائية والإعدادية .. وهذا ما ناقشناه في موضوع سابق - ضعف التعليم في العيساوية - .. أم ان المدرسة الثانوية ستكون خاصة !! وينشأها اهل الخير !! لا أعتقد ذلك !! تريدون مدرسة ثانوية بالعيساوية تابعة لبلدية القدس .. - شو جابت من دار ابوها - ؟!! ولا شي .. مدرسة العبدالله ابن الحسين ومدرسة الراشيدية مدارس ثانوية وتابعة لبلدية القدس .. وهذا يعني انها تشابه المدرسة التي تطالبون بها .. أفهم من ذلك انكم تريدون مدرسة حكرا ً لأبناء البلد .. وأفهم أيضا ً أنكم تريدون توفير ثمانية شواقل مواصلات .. ام انكم تريدون أن يقال العيساوية فيها مدرسة ثانوية !! لا يبدو لي غير ذلك !! قبل ان نطالب بمدرسة ثانوية في العيساوية .. لا نشاهد ما يحدث في موقف العيساوية بالقدس .. لا نشاهد ما يصدر عن الشباب من أفعال وأقوال .. ولا نشاهد أفعال شباب العبدالله في موقف العيساوية عند - الكوبات حوليم - .. ولا نتذكر المشاكل التي تقع في هذه الأماكن .. - ليس الجميع - ( الكلام غير قابل للتعميم ) لكن الأكثرية .. فلنكن واقعيين بالله عليكم .. اتريدون ان تنتقل هذه المظاهر الى شوارع العيساوية !! ام انهم سوف يتغيرون عند إنشاء مدرسة ثانوية لهم في العيساوية !! وكيف تنتقضون سياسة البلدية المتبعة في مدارس القدس .. وتصفوا تعليم البلدية - الشبه مجاني - بالضعف .. وفي نفس الوقت تطالبون بمدرسة ثانوية !! انا لا افهم ذلك !! ولو انشأت مدرسة ثانوية بالعيساوية فحالها لن يكون أفضل من حال مدرسة عبد الله ابن الحسين ولا من حال مدرسة الراشيدية للأسف .. بل أعتقد انه سيكون الحال أسوأ .. وسيكون ضعف التعليم هو - هو .. والتسيب والإهمال والأعمال الطائشة هي - هي .. - ليس الجميع - ( الكلام غير قابل للتعميم ) لكن الأكثرية .. هذا رأيي .. تحياتي الكم ولكاتب الموضوع والله يوفق الجميع . |
رد: ليش ما في مدرسة ثانوية.. !!
والله يا اخ ابو العلي
انتا بتعرفني منيح وانا معكم بالعبدلله وانا بحكيلك اللي بدو يتعلم بتعلم اذ كان بالعبدلله وبغير العبدلله ما تسألني انا اسأل عدت شباب بمدرسه العبدلله بحكولك نفس الحكي اللي بدو يتعلم بتعلم واللي بدوش لو بتخلي 24 ساعه بمدارس ما بتعلم وتحياتي |
رد: ليش ما في مدرسة ثانوية.. !!
بسم الله الرحمن الرحيم
والله اقتراح معقول ان تكون مدرسة ثانوية ولكن على اي اساس. وكما ذكرت في موضوع سابق عن ضعف المستوى التعليمي في المدارس التابعة للبلديةوالكل بتوجه للمدارس الخاصة فالافضل ان تكون مدرسة خاصة. لقد اسمعت لو ناديت حيا لكن لا حياة لمن تنادي عقاب |
رد: ليش ما في مدرسة ثانوية.. !!
المدرسة الثانوية في العيسوية فانها ان وجدت فستكو ن للطلاب الذين ينوون الدراسة ولن تكون للذين
يقضون وقتهم الدراسي في شوارع القدس وامام مدارس البنات و يضيعون السنة بالمشاكل استبعاد هذا الصنف من الطلاب سيجعل من الدرسة احسن مستوى الاعتماد على المدارس الخاصة باهظة التكاليف ليس بمقدور جميع الناس فالذي لديه اربع وخمس اولاد في مختلف المراحل ودخله محدود فمناذا تراه يفعل في هذه الحياة الباهظة الالتزامات والفرق بين المدرسة الخاصة والحكومية ان مدير المدرسة الخاصة يستطيع فصل اي طالب مخل بنظام المدرسةوبدون تدخل الاهل لانها تريد المحافظة على سمعتها بعكس الحكومية حيث قانون التعليم الالزامي وشماعة الاحتلال جاهزة واقترح على صاحب المو ضوع ابو علي ان يجمع اسماء الطلاب الذين يسترفعون الى المرحلة الثانوية ويريدون مدرسة ثانوية في العيسوية وعرض الاسماء في مشاركة خاصة ان امكن ذلك فتوفر العدد يلزم البلدية باعتقادي بفتح المدرسة ولكن لا ادري ما هو العدد المطلوب |
رد: ليش ما في مدرسة ثانوية.. !!
بس يا اخوي كانت Love حابب اسألك سؤال انت اتعلمت عربي زي العالم/ اتعلمت علوم زي العالم /اتعلمت رياضيات زي العالم ؟؟؟؟
يا اخوي انا في المدرسة وشايف شو بصير و طبعا اذا انت راضي عن التعليم الي فيها هذا اشي بيعنيك انت بس لما تصير توجيهي بتكون زي الاطرش في الزفة مع احترامي الك و انت لما نقات على مدرسة الايتام مخليتش اشي الا قلتو عن مدرسة العبد الله "مدرشة نش منيحة ....الخ" ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^ اذان حابب احكيلك كلمة يا ابو وديع الكل بحكي انو مدارسة البلدية مستواها مش منيح بس انا بدي اعتبرو سؤال واجاوبك عليه #### انا من صف الاول الى الخامس و انا في مدارس خاصة شو رأيك اني شفت مدرسة البلدية بتساعدك اكترررر من الخاصة و بعدين يا اخوي في مدجارسة كتيرر خاصة مش معترف فيها بشهادة التوجيهي و يعين انت بمدرسة البلدية تتحكم بس هذا هو الكلام الي بيد احكي تحياتي ابو العلي |
رد: ليش ما في مدرسة ثانوية.. !!
اولا بشكرك اخي abo al3li على اثارة الموضوع...
واود مناقشه اخي ابو وديع بنقطتين هامتين... بخصوص اللي عم يصير بالمواقف والشوارع بره البلد (العيساويه)...بعتقد انو هاذا الشي مش من المفروض يكون عائق لوجود مدرسه ثانويه ومش المفروض انو نحسب حسابو ونقول انو هالشي ح ينتقل لشوارعنا...لانو وبكل بساطه وباعتقادي الشخصي هالظاهره ح تخف... متل ما بقولو بالبلد حارتنا ضيقه وبنعرف بعضنا...وانا متأكده انو اللي بيعملو هيك اعمال ما بيسترجو يعملوها قدام اهلهم....وبالبلد ما في شي بيتخبى... هاي نقطه... اما النقطه التانيه ف بغض النظر عن جودة التعليم باعتقادي مهما كان مستوى التعليم وكفاءتو على الاقل بضل تعليم ولا القعده بالبيت... ومع احترامي لكل الاهل اللي ما بيسمحو لبناتهم يطلعو بره البلد منشان يتعلمو...هيك بتكون المدرسه وصلت لعندهم وما عادلهم حجه... اكيد مستواها مش هالقد عالي من ناحية التعليم... بس ولا الجلي والتكنيس.... ولا شو رأيكم؟ |
رد: ليش ما في مدرسة ثانوية.. !!
شكراً ع الطرح
انا مع ليل الهجر بغض النظر عن مستوى التعليم المهم تعليم وكمان اهل البلد الاكتريه منهم ما طلعو اولادهم برى مشان سمعة المدارس لسا لو في مدارس بالبلد اهون كتيير اما سبب عدم وجود المدارس بالبلد برجع سبب لعدم الطلب من اهل القريه او انها ما اجت ببالهم هالفكره بس اكيد حيصير مدرسه بالبلد وان شاء الله عن قريب .. \\ |
رد: ليش ما في مدرسة ثانوية.. !!
مرحبا خيو ابو العلي مشكور على طرحك للموضوع الي في مكانو ندخل بالموضوع على طول انا من ناحيتي بتمنا انو يكون عنا مدرسة ثانوية وبتمنى انو اهل البلد يحكمو على اولادهم وبناتهم انهم يلتزمو بالتسجيل في المدرسة الثانوية بالقرية وانا بوعدك وبوعد الكل انوراح تنفتح هالمدرسة ان شا الله يعني من السنة الجاي بكون عنا صف عاشر بالمدرسة و السنة الي بعدها صف الحادي عشر والسنةالي بعدها بكون توجيهي باذن الله لانو في ناس قائمين على هالموضوع والمدرسة الي بدها تفتح مدرسة تابعة للسلطة والي قائمين عليها لجنة اولياء الامور جزاهم الله كل خير بس بتمنى من كبار البلد واهل البلد بالوقوف مهم تجاه ابنائهم وبناء هالقرية المظلومة لانهم بدور على دور مع ساحة عشان يتأجروهم للمدرسة وان شا الله الشباب والشابات الي معارضين انو يتسجلو بالبلد هادا اذا بدهم يتعلمو يسألو صحابهم وصحباتهم الي بدرسو برة انو احسن التعليم و وين ان شا الله اكون قد وصلتلكم رسالتي بالطريقة المباشرة وتقبلو تحياتي اخوكم ابن فلسطين |
رد: ليش ما في مدرسة ثانوية.. !!
مناقشة ليل الهجر ..
والله يا ليل الهجر اللي فيه عادة ما بغيرها لو عالمريخ .. وبعدين مثل ما بقلوها اللي ما بستحي برا بلده ما بستحي جواها .. ( بتعرفي هالمثل ) واذا علشان الشباب يتعلموا ويلتزموا ويهتموا لازم يكون الهم مدارس بأحضان اهليهم عمروا التعليم ما بصير .. وبعدين انتي بتقليلي بتغيروا .. طيب شو رأيك بأولاد المدرسة الإبتدائي الواحد قد قتمة اللحم وبسب من الزنار وتحت .. مش كمان الهم اهل حواليهم !!! وانا داري عالشارع وبشوف اولاد المدرسة وهما مروحين واعمالهم .. سواء الإبتدائي او الإعدادي فما بالك بالثانوي .. كانت حبا ً .. بوافق اخي كانت حبا ً : اللي بده يتعلم بتعلم وين ما كان .. والمدارس الخاصة معبية الدنيا .. ولا الطالب ما لازم يتعب ( لازم يطلع من الدار ويحط رجله بالمدرسة ورجله الأولى لسا بالدار !!! ) .. ياما ناس قطعت مسافات علشان تتعلم ونجحت وصارت .. اخي سعد .. نعم هناك شباب بالعيساوية - ما شاء الله عنهم - .. يحبون التعليم ومهتمون لمستقبلهم .. آرى انهم بصراحة مظلومين .. ولا تنسى ان هناك نسبة من العكس ^ .. اخي ابن فلسطين .. لو صار وأ ُنشأت مدرسة ثانوية في العيساوية فلن تكون إلا بلدية كن متأكد من هالكلام .. ندين .. ( بغض النظر عن مستوى التعليم المهم تعليم ) هيك بتقولي !! وين صارت !!! كلام غريب بعض الشئ ّّ !! ابو علي .. ليه نقيت المدراس اللي شفتها من وجهة نظرك غير جيدة .. هناك مدراس خاصة كثير .. واذا بدي اسردلك اسماء المدارس القائمة تطول .. وانا بعتقد انه الأب اللي يهتم لمصلحة ابنه اكثر من المال يضعه في مدرسة خاصة لو كان لا يوجد غيرها !!! لانه مدارس البلدية للأسف .. وشباب اكثير فيها مظلومين !! بس بالنهاية اللي بده يتعلم بتعلم .. الكلام غير قابل للتعميم تحياتي الك والله يوفق الجميع . |
رد: ليش ما في مدرسة ثانوية.. !!
اخي انا نقلت من مدرسة خاصة من صف الخامس لانو ما كان
في صف سادس في المدرسة على شان هيك اتطريت انقل من المدرسة الخاصة مش على شان مصاري |
رد: ليش ما في مدرسة ثانوية.. !!
بس انا يا أبو علي ما عنيتك ولا عنيت أي حد ..
وبالخط الأحمر العريض فوق كاتب " الكلام غير قابل للتعميم " .. يعني كل شخص و إله ظروفه والله يعين كل واحد على حمله .. تحياتي الك والله يوفق الجميع . |
رد: ليش ما في مدرسة ثانوية.. !!
ارجو من ابو العلي الابتعاد عن النقاشات الشخصية والتحدث في صلب الموضوع وكذلك الاعضاء الكرام
حسب معلوماتي ان غالبية الطلاب والطالبات هم انفسهم من يرفضون المدرسة الثانوية في العيسوية و يفضلون الدراسة بمدارس القدس |
رد: ليش ما في مدرسة ثانوية.. !!
سعد ..
انتا وصلتنا لصلب الموضوع و عند مربط الفرس مثل ما بقلوها .. ان غالبية الطلاب والطالبات هم انفسهم من يرفضون المدرسة الثانوية في العيساوية .. ويفضلون الدراسة بمدارس القدس .. نتيجة ممتازة اخي سعد .. فلنستمع لباقي الآراء .. تحياتي الكم والله يوفق الجميع . |
رد: ليش ما في مدرسة ثانوية.. !!
والله الصراحه بيقدروا ليش لا وانا بشكرك على الموضوع المهم والتصويت الاهم تحياتي مليسا
|
رد: ليش ما في مدرسة ثانوية .. !!
اقتباس:
العواشر لا يريدو التعليم وانتا ادرى الناس بذالك يأتون لقضاء الوقت وليس الجميع بل الاغلبيه ابدء بنفسك ثم بغيرك >اطلب العلم ولو في الصين < اقتباس:
اقتباس:
اقتباس:
وأنا برأيي يلزم كل منطقه مدرسه ثانويه وانشاء الله يتم فتح مدرسه ثانويه سيكون في البداية بعض الصعوبات والمشاكل ولكنها ستفرج ويجب على الطلاب ولجنة اولياء الامور المساهمه في نجاح المشروع بالتوفيق والنجاح للجميع احتراامي 7ِANDALA |
رد: ليش ما في مدرسة ثانوية .. !!
اخي حنظلة .. احنا مش بصدد الكلام بالموضوع هذا بس نقطة وحدة ..
اللي انا بشوفوا كل الناس بتشوفوا ويمكن انا غلطان .. صح بكونوا واقفين بالمحطة يستنوا الباص وعين الله عليهم .. انا غلطان .. بس شو بكونوا يسووا شباب من العيساوية ومن مدرسة العبدالله ابن الحسين .. عند مدرسة المأمونية - جانب سوبرماركت النابلسي ؟! في اكثر من هيك صراحة !! بتقدر تجاوبني .. بس لو سمحت ما تقلي بستنوا الباص .. تحياتي الك والله يوفق الجميع . |
رد: ليش ما في مدرسة ثانوية .. !!
[QUOTE][بس شو بكونوا يسووا شباب من العيساوية ومن مدرسة العبدالله ابن الحسين ..
عند مدرسة المأمونية - جانب سوبرماركت النابلسي ؟! في اكثر من هيك صراحة !! /QUOTE] اخي ابو ودبع في المشاركه السابقه انتا قصدت _كوبات حوليم وليس عند المأمونيه هؤلاء ليس ابناء العيساويه بل اغلبيتهم ابناء البلده القديمه ولكن لا اقول ليوجد من القريه لكن قله قليله وهم لا يحسبون على الجميع ويمثلون انفسهم لا غير ليس هذه النقطه مهمة بالنسبه للموضوع من ناحية هدف الموضوع نريد صلب الموضوع مع الاحترااام 7ِِِِِANDALA |
رد: ليش ما في مدرسة ثانوية .. !!
كل كلمة حكتوها على عيني وراسي
احي ابو وديع بصراحة مبالغ شوي بحكيك مش لهالدرجة يعني ممممم اخي حنضلة اؤيدك بكل كلمة وضعتها بالموضوع وزي ما حكيت نريد حل ونريد نصل لصلب الموضوع مع التحية |
رد: ليش ما في مدرسة ثانوية .. !!
ابو علي اول اشي
مشكور بعدين ما عجبتني لما تكون بالتوجيهي بتكون زي الاطرش بالزفه يا عمي المدرسه فيها تعليم بس انتو ما بدكم تتعلمو انتو لو تنبهو بتستفيدو بس انتو بتقعد تتفرجو شو سوا هاد وشو عمل هاد عشان هيك المدرسه بتخرب لو انو الولد اللي بعمل اشي تطنشو فبنحرج ما برجع بعمل العملات تاني مره فعشان هيك حابب احكيلك (كما تدين تدان) |
رد: ليش ما في مدرسة ثانوية .. !!
تحياتي للجميع والله يوفقكم
حابة اكمل الموضوع الي بديته واحكيلكم انو يكون مدرسة ثانوية بالعيسوية مش اشي غلط زي ما بحكو بعض الاعضاء الكرام بس انا زي ما شفت انو كل واحد بنظر للموضوع من زاويته ولا واحد قادر يحصر الموضوع وانا بدي احاول احصرلكم اياه اول اشي كل القرى الي حول القدس في عندهم مدارس بلدية ثانوية ومش كل المدارس الثانوية زبالة الدور مش بس عالطلاب الدور على مدير المدرسة بالاول وبعدين الاساتزة يعني ليش مثلاً مدرسة شعفاط الثانوية احسن مدرسة في القدس وبتعطي اعلى معدلات في التوجيهي الجواب بسيط لانو المدرسة اغلب طلابها من اهل بلدها والمدير فيها على قد حالو بعدين عنا في المدرسة لو انو استاز خضر مش في المدرسة عنا كان المدرسة صارت شوربة ليش لانو بس هو الوحيد الي كان من العيسوية يعني بس هو الي كان بمون على الطلاب وعلى اهاليهم وثاني اشي انا بتوقعش انو واحد بقبل يوقف لبنت عمه عالشارع لانو كلنا اهل بالبلد يعني مش رايحين نشوفهم زي ما بنشوفهم في القدس وبشارع صلاح الدين وفي شغلة مهمة انو الطلاب بنضبو في البلد ببطلو يطلعو يصيعو في القهاوي والشوارع يعني الاهل بكونو يعرفو وينتا ابنهم وبنتهم بروحو مش زي اليوم الي ابن متأخر بروح يجيبو من القهوة في القدس وانا من هاد المنطلق حكيت انو التعليم تعليم لو بمستوى واطي لانو مش معقول انو المدرسة من اولها تكون بمستوى مدرسة الفرير مثلاً اكيد بمساعدة الطلاب والاهالي وبهمة اهل البلد بتصير من احسن المدارس على مستوى فلسطين كلها مش بس بالقدس ولي عودة |
رد: ليش ما في مدرسة ثانوية .. !!
مشكورة ندين على مشاركتك الكافية لحصر الموضوع وفهمه وهضمه
مممممممممم في كمان نقط لازم نذكرها لي عودة انشالله |
رد: ليش ما في مدرسة ثانوية .. !!
اخي حنضلة
لا بد من توفر العدد المناسب لفتح مدرسة ثانوية من الذكور والاناث وبدون توفر العدد كيف يمكن فتح المدرسة سواء بلدية او حتى خاصة كل محاولة كانت تجري لفتح مدرسة ثانوية كان تصتدم بعدم توفر العدد المطلوب الاغلب يريد الدراسة في مدارس القدس اتمنى ان تفتح مدرسة ثانوية في العيسوية في اقرب فرصة حتى تصبح فرصة اكبر للشباب والبنات في التعليم عدم فتح المدارس بسبب الطلاب المتسيبين فهذا يعني اغلاق المدارس وانضمام الطلاب لسوق العمل وبقاء البنات في البيوت بدون تعليم |
رد: ليش ما في مدرسة ثانوية .. !!
ليش دائما نضع الملامه على الاخرين المشكله الاولىوالاخير في انفسنا نحن اولياء الاموراود ان لااطيل عليكم ولكن اودان اعطيكم لمحه بسيطه عن ابني انا واجهت مشاكل كثيرهبسبب تسجيل ابني بعد النتهاء من المرحله الاعداديه الى المرحله الثانويهمع العلم ان مدير المدرسه وعدني بتسجيل ابني في مدرسةشعفاط ولم يوفي في وعده ومع ذلك لم اياسوقمت بتسجيل ابني في مدرسة الايمان الخاصه بعد ان كان في مدرسه حكوميه والحمد لله لقد توفق في هذه المدرسه بمتبعتنا له وعدم تركه وتشجيعه
|
رد: ليش ما في مدرسة ثانوية .. !!
اول شي اسف على جيتي المتأخره لهذا الموضوع المهم
اخي ابو وديع انا طالب من طلاب مدرسة عبد الله بن الحسين وكل كلمه رد عليك فيها حنظله انا معه لانو احنا من شباب هذه المدرسه وبنشوف كل شي بصير واشكر اخي حنظله على الاجوبه الصحيحه 100% واشكرك على مشاركتك في هذا الموضوع اخي ابو وديع اما بالنسبه لاخي سعد اقتباس:
اخي سعد بحب احكيلك انو مش بدهم مدارس برا لانو انا منهم اللي ما سجلت هون انا ومجموعة من الشباب سجلنا بمدرسة عبد الله بن الحسين وبعد ما سجلنا اجا خبر افتتاح مدرسة ثانويه في البلد هون الغلط اللي صار يا اخوي انو بلشو بالتسجيل متأخرين ولما قررنا نسحب القسط اجا خبر بانو فشلت لانو ما في عدد كافي فهذا هو السبب ولا احنا ما بنصدق وهو يفتحو هون مدرسه ........... اما النقطه الثانيه وهي بانو كل محاولة كانت تجري لفتح مدرسة ثانوية كان تصتدم بعدم توفر العدد المطلوب .... هون يا اخي بحب احكيلك انو مره وحده اللي حاولو يعملو فيها مدرسه ثانويه هون وفشلت وذكرت سبب فشلها وشكرا .............. اما بالنسبه للي بحكي اللي بدو يتعلم وين ما يكوون الا يتعلم اخي كيف بدنا نتعلم ازا كل يوم (( حصه خامسه )) و ما في لوح ينكتب عليه (( مش كل الصفوف )) وازا استاز بكتب في صف فيه لوح ما بشرح للي بدو يتعلم وازا حكالو مش فاهم بحكيلو الاستاز شرحت بس انتو كنتو بتصيحو طيب شو ذنبو هذا الطالب ... اللي بدخلها كأنو داخل سجن والمعلمين نفسهم بغلطو على المدرسه وقدامنا كمان وما بدي احكي غير انو اللي دخلها هذه المدرسه وبدو يتعلم مستحييييل يحكي : (( ما بدي مدرسه بالبلد )) ....... ومع الشكر لاخي ابو العلي وجنتل على طرحهما للموضوع لي عوده |
رد: ليش ما في مدرسة ثانوية .. !!
السلام وعليكم اخواني
احبتت ان اضيف ردا بحب احكي للاخ ابو وديع زي ما فهمت انا من حكيو انو مش حابب يكون في مدرسه في البلد او مش حابب شباب البلد او بالاحرى مش حابب يصير تطور انت بتحكي عن شباب مدرسة العبدلله بستنو ع الموقف طب شو فيها هاي وين بدهم يستنو غير الموقف وبتحكي بظلهم عند المامونيه اغلبيتهم مش عساسوه وانت بتحكي وبتجمع العيساوي ومش عيساوي في حكيك طب انت شو كنت تسوي عند المامونيه وكيف شفتهم هنالك وشكرا |
رد: ليش ما في مدرسة ثانوية .. !!
اخي المتمرد
اشكرك على مشاركتك وتوضيحك نحن لانريد انتحدث ونناقش دون الوصول الى نتيجة مفادها افتتاح مدرسة ثانوية في العيسوية الموسم المقبل سواء تابعة للسلطة او البلدية هناك لجنة اولياء الامور قائمة على هذا الموضوع فانى اطالب من صاحب الموضوع ابو العلي وجنتل العيسوية وغيرهم منم الطلاب جمع الاسماء المنوي ترفعهم الى الصف العاشر وتسليمها الى لجنة اولياء الامور حتى يستطيعوا التصرف مع الجهات المعنية |
رد: ليش ما في مدرسة ثانوية .. !!
السلام عليكم بس يا اخي سعد انا مش صف تاسع ولا جنتل انا وجنتل صف عاشر يعني احنا مجربين المدارس برا و عارفين شو فيها و انا بقل في اكم من ولد من العساسوة (محسوبين على انفسهم) مش حابين يطلعو من مدرسة العبدالله لانو السكاكيني قريبة عليها و مش مهتمين لمصلحتهم يعني كل شي عندهم بنات و طبعا كلهم معروفين للطلاب مدرسة العبد الله و برضو يا اخوي حابب اسألك سؤال اذا عملو مدرسة ثانوية بس تابعة للسلطة على ما اضن مش معترف فيها باسرائيل و بالاخر بنوكل هوا. زي مقال المتمرد على اي اساس بتقولو انو معضم طلاب العيساوية الي موجودين برا ما بدهم مدرسة جوا ؟؟ و اذا حابب تتأكد اعمل تصويت لطلاب المدارس برا و شوف شو هي النتيجة يعني انت حكمت على ثنين ثلاث و حسمت الامر يعني لو سمحت ما تجيب اشي من عقلك و اذا انت خايف على مصلحت ولادك خليهم قريبين عليك مش تبعدهم و بعدين ليش شعفاط / الطور/عناتا ....الخ عندهم مدارسة ثانوية الى احنا شو يعني هم بني ادمين واحنا غير ولا احنا مش من اهل القدس و يا ابو وديع:: سيدنا محمد (ص) قال ( من كان يؤمن بالله واليوم الآخر ، فليقل خيرا أو ليصمت ) فانت لو سمحت يا بتحكي كلمة خير لأهل هالبلد يا اما خليك ساكت (عدم المؤاخذة ) احنا الي بندس و عارفين شو هم الطلاب مش انت لالي بتعرف انت بتسمعلي من اكم من واحد و بتصدقهم ... اذا كلامي اثر في حد سامحوني بس هذا رأي و رأي المعضم تحياتي ابو العلي |
رد: ليش ما في مدرسة ثانوية .. !!
اخي ابوالعلي
اقدر حرصك عل مصلحة الطلاب المدرسة الثانوية تبدا بالصف العاشر ويجب ان تكون البداية بهذا الصف وامدرسة هي لمستقبل اولادنا مزبوط والا لا وان قلت سابقا ان المدرسة راح تكون للبدهم يدرسو والبدهمش يدرسو هم بطلعوا برا العيسوية البهدهم اشياء غير الدراسة قصدي المدرسة سواء بلدية اوسلطة يعني تعتير خاصة امتحان التوجيهي نهاية المدرسة معترف قيه في جميع العالم واسرائيل اولها اقولها للمرة الالف لابدمن العدد 50 70 طالب وطالبة في الصف العاشر السنة القادمة حتى تفتتح المدرسة |
رد: ليش ما في مدرسة ثانوية .. !!
هههههههههههههههههههشو يا اخي سعد مهوز عدد طلاب العيساوية الي برا بيجو ش 700 كيف بدنا نحصل ال 7050 يعني انت بتحكي من عقلك ولا بتمزح
|
رد: ليش ما في مدرسة ثانوية .. !!
هه انا ما تعودت اسمع من حدا ..
اخي ابو علي .. انا بشكرك على رأيك وهذا نقاش وتبادل آراء لا بد ان يكون بعض الحدة .. ولكن في النهاية جميعنا اخوة .. وانا سأجيب عليك فقط لأنك مهتم بالموضوع .. انا بحكي مش لأني ضد الفكرة .. او لأني لا سمح الله ضد مصلحتكم .. والله انا بكون سعيد كثير بإنشاء مدرسة ثانوية بالعيساوية .. تضم جميع طلاب العيساوية تحت سقفها .. ويمكن يا ابو علي انتا وغيرك ما تلحقوها وهذا شئ مؤسف .. ولكن هناك مستقبل آخرين يلحقون بكم .. وستكون خطوة جيدة لتفادي ما عانيتم منه .. انا والله فاهم كلامكم ومقدر كل واحد حريص على مستقبله ومستقبل زملائه .. وانا اتفهم ما تعانون منه من ظلم في هذه المدارس .. ولكن الآن انت في الصف العاشر وهذا يعني انه اقتربت من انهاء التعليم في المدرسة .. وهذا الكلام جاء متأخر كثيرا ً يا ابو علي .. يمكن في شباب طايشين لكن بذرة الخير فيهم موجودة .. لم يعد لي شئ أقوله .. اخي المدمر : يمكن في بعض المبالغة بالنسبة لشباب عبد الله ابن الحسين .. ولكن هذا لا ولن يكون ضدكم .. لأني أحب لكم ما أحب لنفسي تكون لهجتي بعض الأحيان حادة .. أختم بما قلته هنا .. واتمنى ان يأتي ما فيه خير .. وننتظر ردود وآراء أخرى .. تحياتي الكم والله يوفق الجميع . |
رد: ليش ما في مدرسة ثانوية .. !!
من 50 الى 70 طالب وطالبة
يعني 25 طالب و25 طالبة في كل صف انشاء الله يتوفر العدد |
رد: ليش ما في مدرسة ثانوية .. !!
اه هلكيت فهمتك اخي سعد
^^^^^^^^^^^^^^^^ اما بنسبة الك يا اخي ابو وديع شكرا الك على كلامك الحلو و طبعا لو شو ما صار بنضلنا اخوة اما بالنسبة انو ما بقدر اتعلم في العيساوية اذا بنوها في الوقت الحالي لانو انا قلت الحكي متأخر طبعا يا اخي ابو وديع انا بعرف بس انت و ابن بدك واحد و لازم تخاف على مصلحت ابن بلد زي ما بتخاف على مصلحتك او انا حابب اسمع رأي استاذ خضر / ولجنة اولياء الامور عن هل في امكانية انهم يبنو مدرسة ثانوية في البلد؟؟؟ و مع تحياتي ابو العلي |
رد: ليش ما في مدرسة ثانوية .. !!
نطلب آراء :
الأستاذ خضر عبيد .. عمنا أبو كايد .. أخونا العيساوي .. نريد ان نسمع ارائكم هنا .. تحياتي الكم والله يوفق الجميع . |
قريباً حول ..........المدرسة الثانوية في العيساوية ..
[SIZE="5"]بسم الله الرحمن الرحيم السلام عليكم ورحمة الله وبركاته اللهم علمنا ما ينفعنا وزدنا علما اللهم لا سهل إلا ما جعلته سهلاً وأنت تجعل الحزن سهلاً إذا شئت سهلا اللهم فقهنا في الدين وعلمنا التأويل بناءً على طلب بعض الشباب الخيرين فيطلب مني أن أكتب حول,,,,,,,,,,,,,[/SIZE] =========== ======== ===== نص الطلب فإننا نطلب رايك في قضية المدرسة الثانوية في العيساوية .. أرجو ان تنيرنا برأيك .. مشكور كثير . ******* ***** *** لبيك يا...............صاحب الرسالة الخاصة أعذرني اليوم قرأت رسالتكم ستتم الكتابة اللية وغداً بعون الله ستعتمد من قبل مشرف أخبار البلد وفقكم الله شكراً لهذه الثقة خادمكم محمد أبو داود13/5/08 |
رد: ليش ما في مدرسة ثانوية .. !!
اشكرك عم ابو داوود للإستجابة لـ ِ - صاحب هذه الرسالة - ..
هذه رسالة جميع الشباب الذين يحرصون على مستقبلهم ومستقبل قريتهم .. اعطاك الله الصحة والعافية واطال بعمرك .. تحياتي الك والله يوفق الجميع . |
رد: ليش ما في مدرسة ثانوية .. !!
نطلب آراء :
الأستاذ خضر عبيد .. عمنا أبو كايد .. أخونا العيساوي .. نريد ان نسمع ارائكم هنا .. تحياتي الكم والله يوفق الجميع |
رد: ليش ما في مدرسة ثانوية .. !!
بدنا نسمع كلام هادفوفعال بنسبه لمستقبل اولادنا للعام القادم لقد قارب العام الدراسي على النتهاء ولم تجدوا حل للمدرسه الثانويه واحمل الامسؤليه لكل كبير واصل فهذا البلد اولادنا امنى في اعنقكم ففعلو ا شئ للمصلحه العامه مره واحده فقط ولكم مني جزيل الاشكر والاحترام
|
رد: ليش ما في مدرسة ثانوية .. !!
أرى بأن التعليم صفة سائدة على الجهل ....... ومن هذا المنطلق ، الطلاب الراغبين حقاً بالتعلّم وحريصين على مستقبلهم سيطلبون العلم مهما كانت الظروف المحيطة ، حتى لو كانت الإدارة غير حازمة والتسيب والإهمال موجودان ، فإن دافعية الطالب للتعلم أقوة من ذلك بكثير ، وخير دليل وجود طلاب متفوقين في مدرسة عبدالله بن الحيسن ، لم ينجروا وراء أصدقاء السوء ، ولم يكترثوا لتغيب ضمير بعض المعلمين ، ستقولون لا نستطيع التعلم في ظل وجود طلاب "همل" ومعلمين لا يهمهم سوى الراتب ، إذا كان هذا فعلاً قوْل طلاب العيساوية ، فلماذا لا تطلبون صف خاص بكم ؟؟ ولكن هناك واقع ظاهر للجميع ، بأن سياسة التجهيل التي تتبعها الدولة المحتلة قد أثرت بجميع الشباب أصحاب النفوس الضعيفة فقط ، فلقد غرّتهم بإرتفاع المعاشات وهيّات لهم فرص عمل كثيرة ، حيث تكوّنت عندهم فكرة بأن المدرسة لن تفيدني في شيء طالما مستقبلي المادي مضمون ، بالتالي إهمالهم فيها وأخذها كمرحلة ترفيهية "ليست مهمة" يفجر فيها الشاب طاقته على المعلمين وعلى الطلاب من بلدٍ آخر "كما حصل في مدرسة عبدالله بن الحسين قبل مدة" وحتى على أثاث المدرسة من مقاعد وطاولات وألواح ، وغير قصص الغرام ووقفات الذل والإهانة امام مدارس البنات ! وأوجه كلامي الى طلاب مدرسة عبدالله بن الحسين كأخٍ لهم ينظر الى مصلحتهم وأقول لهم كلمتان فقط :- انظروا الى مستقبلكم ..! اما بخصوص الموضوع المطروح وهو مدرسة ثانوية في البلد فلما لا ؟؟ بالإضافة الى الآراء السابقة فإن إفتتاح مدرسة ثانوية في البلد ليس أمراً في غاية الصعوبة ، هو يستحق هذا العناء من اهل البلد من أجل أولادهم ومستقبلهم -أي مستقبل القرية كذلك- ، حتماً ستكون البداية صعبة ، وبتعاون الأهل ستهون كل الصعاب من خلال حث ابنائهم على إكمال دراستهم وعدم إرسالهم الى الورشات والحرف الأخرى ، وكذلك البنات وعدم تزويجهن في عمرٍ مبكر فمن حقهن التعلم أيضاً .! ، ومن واجب المدرسة الجديدة توفير بيئة دراسية كاملة من حيث المكان والمعلمين المؤهلين والإدارة الناجحة وجميع المستلزمات ، فالعلم خيرُ سلاح نواجه به أعدائنا، وللعلم كما تعلمون مكانة كبيرة في الإسلام ... أدعوكم لقراءة هذا الموضوع المهم "مَكانَةُ العِلم في الإسْلامِ" .. ====================== |
رد: ليش ما في مدرسة ثانوية .. !!
ميرسي على الاهتمام في الموضوع ولكن المشكلة الاساسية في القائمين على ادارة مدرسة عبد الله لانها من الاساس لايوجد فيها فرع اكاديمي ولكن هي مدرسة مهنية و من اجل دمار اولادنا فلذات اكبادنا قاموا المسؤلين بطلب وللاسف فتح فرع اكاديمي لطلاب مدرسة العيساوية
ووعدوا انهم المسؤلين المسؤلية الكاملة عن هذا الفرع ولم نرى شيا ايجابي من العام السابق والحالي ولكن راينا انا اغلبيت اولادنا يعانون من مشكلة المدرسة والشرح والمعلمين ماذا نعمل في العام القادم ونحن على ابواب التوجيهي الذي يقرر مستقبلنا ومستقبل اولادنا هذا هو ماكنت اود ان اعرف رايكم فيه تحياتي |
رد: ليش ما في مدرسة ثانوية .. !!
هذا هو الكلام المزبوط اخي نخال بس ليش ما يبلشو من هلكيت ؟؟؟
|
رد: ليش ما في مدرسة ثانوية .. !!
اقتباس:
هذا الكلام لا ينطبق على الجميع لكن هناك بعد الطلاب بفعلون هذه الاعمال عن جهل وتخلف وهناك من يفعلون هذه الاعمال عن طريق المخبارات لان المدرسه هي المدرسه الوحيده التي تعد في الوسط اليهودي عربيه وسلطات الاحتلال تسعى من نحو20 عام لأغلاقهاوتحويلها الى مركز شرطه اقتباس:
نتمنى من طلابنا النظر الى مستقبلهم وارجو النظر الى الامام في صلب الموضوع وليس اتباع السلبيات الحضره لانها ستنمحي بوجود مدرسه ثانويه بأداره منظمه وجيل واعي انشاء الله احترامي 7ِANDALA |
السلام عليكم ورحمة الله
اخي ابو العلي موضوعك على العين والراس وصراحه موضوعك كتير حلو ومفيد للنقاش بس في نقطه معنيه بحب احكيلك عليها والي هي بدنا نتعلم واحنا مظلومين في هيك مدارس) اخي انتا مش مظلوم انتا وغيرك ظالمين نفسكم لو بدك تتعلم بتتعلم لو في مدرسه العبدلله وغيرها مدرسه العبدلله خرجت ناس دكاترة ومهندسين وبتقدر تسال وين بدك بس الواجب عليكم انتو تحافظو على مدرسكم عشان تقدر تدرس فيها وياريت كلامي يفيدك اشوي وتقدر تفهم شو كان قصدي وقصد غيري حافظ على مدرستك انتا وغيرك بتقدر تدرس فيها ومدسه العبدلله بتقدر تخليها احسن مدرسه في القدس كلها بس البركه في الطلاب الي فيها ....... اخي ابو وديع بتقدر تحكيلي شو بصير عند موقف كوبات حوليم طيب ما انا بشوف شو الي بصير كل الي بصير انو الطلاب بستنو الباص عشان يطلعوا فيه ..في غلط في الموضوع بعدين انتا ذكرت الشباب الي بوقفوا عند مدرسه المأمونيه طيب وين احنا ووين مدرسه المأمونيه في مسافه بعيده كتير يعني متل ما حكالك الاخ حنظله خليك في صلب الموضوع مع احترامي |
رد: ليش ما في مدرسة ثانوية .. !!
الى اخي حـ،ين مـ/ـيـ،ـسـ/ـرة يا عمي مدرسة عبد الله خرجت ناس كتيررر و انا بوافقك على الموضوع يا اخوي بس انت بتحكي عن مدرسة عبد الله زمان الي كانو يضربو فيها المثل بس هلكيت لما صرو كل زبالة القدس(بعيد عندكم) فيها خربت و ممكن تجي تسأل اي استاذ عن مدرسة عبدالله اليوم و مدرسة عبد الله زمان بقولولك اقرا عليها الفاتحة فلو سمحت وتكرمت اعرف شو بصير بعدين تعال احكي و هذا الكلام انا مش قصدي اجرح مشاعرك فيه بس انا حبيت رد عن كلامك و طبعا لكل فعل رد فعل و انت ما بتعرف انو احنا كتير اتهددنا من اليهود في مدرسة العب الله يعني وقت عملية (جبل المكبر)المستطنين اجو اتحركشونا بس انتو تكون محلنا سعيتها بتشوف شو بكون موقفك انت وغيرك....... تحياتي ابو العلي |
رد: ليش ما في مدرسة ثانوية .. !!
أخي حنظلة تعليقي على ملاحظتك في هذه الجملة اقتباس:
=============== ولا نخفي وجود طلاب يهمهم مستقبلهم ونادمون لذهابهم الى مدرسة عبدالله بن الحسين والتي أصبحت وللأسف من أسوء مدارس القدس بعد أن كانت في المقدمة .. لكن ، ما بيدهم حيلة ، فلقد حكم عليهم جبراً التسجيل في هذه المدرسة ، بعد أن اغلقت الراشدية أبوابها امام طلاب العيساوية وصعوبة الذهاب الى مدارس أخرى .. ترى هل ستتكر المعاناة هذه السنة أيضاً ؟؟؟؟؟؟ |
رد: ليش ما في مدرسة ثانوية .. !!
و الله يا اخي نخال هيك مبين انو السنة ما في راشدية
^^^^^^^^^^^^^^^^^^^^^^^^^^^^^^^^ |
رد: ليش ما في مدرسة ثانوية .. !!
بو العلي كلامك اكيد بحترمو بس بحب احكيلك انو انا معك في مدرسه العبدلله
وبعرف اكتر منك شو بصير فيها وبشوفك انتا كمان شو بتسوي فيها بس خلص خلي الطابق مستور بعدين احنا منقدر نرجع اسم العبدلله للمقدمه بتصرفاتنا يعني احنا صرنا العساسوه اكتر من اهل البلده القديمه في المدرسه مزبوط كلامي ولا لا يعني اخي بتقدر تغير من حالك ومن حال غيرك في مليون طريقه وطريقه بس انتا ابدا بتصرفات منيحه غيرك بحاول انو يقلدك في تصرفاتك بس صدقني بتقدر تخلي مدرسه العبدلله في المقدمه واحسن مدرسه في القدس كلها المدرسه زيها زي غيرها ما بتفرق اشي عنها بعدين بدك تقولي الاستاذما بعلم لا انا بحكيلك شو الي بصير الاستاذ بدخل على الصف بلاكي الصف مش على بعضو بحط حالو وبكعد بحكيلك يجعلهم ما تعلمو لانو الاستاذ اتعلم وخلص وضمن مستقبلو ما بدو يبوس ايدكم عشان تدرسو انتو حرين بس في الاخر بتاكل اصابعك ندم |
رد: ليش ما في مدرسة ثانوية .. !!
اوك بس امبكرا بشوفك بتقلي مين انتا بالمدرسة اوك
و بعدية مش احنا لحالنا نقدر نغير مدرسة البد الله برضو في ولاد كتير من حارة مناطق ثانية لازم يساعدونة لانهم هم اساس خرابها و انت بتعرف بس لهون بكفس بدي اروح انا عني صارو يجنين من الكمبيوتر تصبحو على خيرر |
رد: ليش ما في مدرسة ثانوية .. !!
الموضوع تحول من ليش ما في مدرسة ثانوية في العيسوية
الى تقييم لمدرسة عبد الله بن الحسين كيف ممكن يتم تحقيق هدف افتتا ح مدرسة ثانوية في العيسوية ؟ طالما طلاب العيسوية لا يجدون المدرسة التي يسجلون بها بعد انتهينا من قصة عبد الله بن الحسين نظرة للمستقبل ارجو ذلك |
| الساعة الآن 06:25 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author