|
انت [you] قاتل ولا تقل لي لا ....
السلام عليكم ورحمة الله
موضوع مهم للنقاش وابداء الاراء به مطلوب علشان نعرف وين الصح ووين الخطأ الموضوع هو شئ لفت انتباهي والصحيح حبيت اشارككم فيه لاعرف هل ما شعرت به خطأ ام صحيح موضوعنا :الطواقم الطبيه (سيارات الاسعافة)نجمة داوود الحمراء الي في بعض الاحيان بتدخل على البلد وللاسف بتلاقي جهنم فتحت عليهم وكأن الوطنيه دبت فينا مرة وحده على هالناس هذول !!! كثير حالات بتصير في البلاد وبيحتاج فيها شخص معين ان يعالج بطريقة فورية والناس وقتها بتتصل بالاسعاف الاسعاف الوحيد المتواجد في منطقة القدس بما نها مناطق تحت سلطة اسرائيل هو اسعاف تابع للدوائر المعرفة لوزارة الصحة الاسرائيلية. طبعا هون في حالتين: الاولى وبكل بساطه وبسبب الوضع الامني كثير من طواقم نجمة داوود الحمراء يرفضوا يدخلوا المناطق العربية ومن بينها لعيسوية (بصراحة لا الومهم مع ان القرار هذا فيه يقرر حياة انسان). الثانية: ان يوافق الطاقم ان يدخل الى البلد وهون السؤال الي فتحنا الموضوع علشانه ... لما واحد يخاطر بنفسه من اجل انسان اخر وبيدخل وبيلاقي (حجار وتصفير ومن الاشياء بتستنى فيه) يعني هل من الوطنية انك تضرب سيارة اسعاف؟ هل من الوطنية انك تخوفهم ؟ هل من الوطنية انك تعيق عملهم علشان ينقذوا واحد بيقربلك او بيقربلي بحاجة ماسة للمساعده ؟ حتى في حالات الحروب بين الدول الكل بيعرف ان سيارات الاسعاف دايما خارج اللعبة كلها وممنوع استهدافها. وبرضوا عندنا في بلادنا وقعت اتفاقيه بين نجمة داوود الحمراء وبين الهلال الاحمر الفلسطيني للتعاون وعدم استهداف واخراج طواقم وسيارات الاسعاف من اللعبة السياسية... اما ان ما يحدث هو نتيجة جهل البعض للاسف؟؟؟ او انهم لسه مقتنعين ان لازم استهداف الاسعاف ... حياة اي شخص ممكن تتغير بلحظة وثواني ممكن تقرر مستقبل ولما انت او انا نعيق عمل انسان مستعجل لاسعاف وانقاذ حياة انسان اخر تذكر بانك قاتل نعم قاتل ....انت وكأنك شفت واحد بيموت وبيطلب علشان يعيش كاسة ماء وشايف واحد جاي بسرعه بده يعطية جرعه الماء وتقوم توقف بطريقة وانسان سيموت بسببك تذكر هذا دائما ... واخيرا تذكروا ان يوجد اناس يتصرفون بطريقة نعتبرها همجية مثلا في لحظات الي اسرائيل شفناها بتهاجم سيارات اسعاف وطواقم اسعاف فلسطينيه ...كنا ننضر اليهم بهمجية واستهجان ..لذلك دعونا لا نكون مثلهم ... |
مشاركة: انت [you] قاتل ولا تقل لي لا ....
والله انه معاك حق يسلموا ايديك على هالموضوع الحلو لازم كلنا نحترم ونقدر
|
مشاركة: انت [you] قاتل ولا تقل لي لا ....
اخي العيساوي اشكرك من كل قلبي على طرح هذا الموضوع القيم الذي كم نحتاجه جميعنا لنفهمه ونعيه ابدا واقول في ردي بان هنالك الكثير من الشباب الذي فهموا معنى الوطنيه بالمفهوم المغلوط فالوطنيه هي ليست محاربة اي شيء ياتي من قبل المستعمر لتحرير الوطن فهنالك امور انسانيه يجب النظر اليها واخذها بعين الاعتبار قبل القياكم بالعمل فمثلا كما ذكرت اخي هل حرق سيارة الاسعاف الاسرائيليه سوف يحرر الوطن هل رشقها بالحجاره سوف ترجع لنا ارضنا الذي سلبت هل هذه السياره جائت مسالمه وتعمل لخدمتك ام جائت محاربه وتعمل على مهاجمتك انا لا انكر بان في زمن ما كانت تستعمل هذه السياره لضرب شبابنا في الانتفاضه والقبض عليهم وهذه حيله من حيل الكافر او وسيله كان يستعملها ولاكن اليوم دعونا ننظر بتامل وعمق ما هو دور هذا الطاقم وعمله ولا نجعل عقولنا ومعاملتنا كمعاملة اعدائنا لنا فدعونا نكون خيرا منهم امام المجتمعات وامام انفسنا فلا نصل الى المستوا الذي وصلوا له بنزع الانسانيه والخلق والاداب من انفسهم فنحن اسمى من ذلك واعظم من ان نقوم بمثل هذه الاعمال الا اخلاقيه ولا انسانيه رب اخ لك او اب او ام او اخت هي بحاجة ماسه الى خدمة هذا الطاقم فدعونا نفكر بعقولنا لا نسير حسب اهوائنا لكم التحيه اخوكم دعاء الكروان |
مشاركة: انت [you] قاتل ولا تقل لي لا ....
السلام عليكم ورحمة الله وبركاته
أول اشي بشكرك أخي العيساوي على وضع هذا الموضوع الذي يجب على كل إنسان دراسته وفهمه كما هو مقصود، فإن استهداف سيارات الإسعاف من أقبح الجرائم على وجه الأرض ولو كانت لأعدانا وذلك لأنها تقوم بإفادة المسلمين ونحن الآن في وقت احتلال ولسنا قادرين على إنشاء إسعاف خاص بنا، ولكنه يوجد إسعاف مؤقت وهو الإسرائيلي، وسيزول بإذن الله تعالى من دون إيذاءه، وليس المقصود أنه لا يجب إيذاء الأعداء،ولكن المقصود أنه لا يجب إيذاء الإسعاف التي تقدم لنا ولكم العون. وأرجو من كل من يفعل ذلك (يستهدف الإسعاف بالحجارة وغيرها) أن يعي من الجهل الذي هو فيه ويعلم أنه على خطأ ويوجه نفسه نحو الصواب... حتى لا يقع في جريمة كبرى وهي القتل... ومرة ثانية أقدم الشكر إلى أخي العيساوي على طرح هذا الموضوع الرائع والسلام عليكم ورحمة الله وبركاته |
مشاركة: انت [you] قاتل ولا تقل لي لا ....
الف شكر الك اخوي العيساوي على هالمضوع الي لازم ينفتح من زمان
بس هيهات الي يفهم الاسعاف مهما كان بيضل جاي ينقذ روح مش نشاطر عليه (الطب ما فيه نزاعات و لا خلافات ) (خلو عندكم انسانية ) |
مشاركة: انت [you] قاتل ولا تقل لي لا ....
مرحبا اخي العيساوي الصراحة انا كنت حابة نزل هاد الموضوع في منتدى المركز الجماهيري لانه هاد الموضوع كان مهم كتير بنسبة لائلي لما شفت التصويت اول صفحة في المنتدى....
في المخيم الصيفي الي كان في المركز الجماهيري كان في مشروع للمشتركين في المخيم الصيفي هو اسعاف اولي من شباب متطوعين من نجمة داوود الحمراء وهم ناصر & خالد الله يعطيهم العافية والحمد لله كان المشروع ناجح جد والمشتركين تفاعلوا كتير في هاد المشروع بس لاسف احنا توقفنا على نقطمة مهمة جدا وهي ليش لما الاسعاف تدخل القرية بنعمل حالنا زلام وبنطبشها مع انها جاية تاخد حد بعز علينا اوا قريب او جار .. وللاسف الشديد ما لقينا جواب مهم او حتى يكون اله سبب رئيسي كل الاجابات كانت لانها لليهود ... ومع العلم انه من جديد الشباب المتطوعين في نجمة داوود الحمراء صار عندهم امكانية انهم يدخلوا اي قري عربية بدون سيارة شرطة واهاد كتير كتير ممتاز وعشان احنا بجد على قد حالنا ولانهم عرب بنطبشهم الشب المتطوع ناصر كان رح يموت بين ادين ابطالنا الشجعان عشنة عربي واجا ينقذ البنت الي اخوها طعنها في السكين يعني احنا ورجينا لغيرنا قديش احنا ابطال وشجعان وبنضرب فينا المثل وخسارة كل الي الشباب اشتغلوا بسنين احنا بربع ساعة خربناااااا عشان نيجي ونطبش عليهم .... هم اشتغلوا بسنين عشان يكون مسعف عربي يجي يسعف عربي مش يهود يجوا ويضلوا واقفين عند الكزية من هون لتيجي سيارة الشرطة وبعد عزاب من الشباب وتضحية وميت ترجي وميت الف سنة وهم يشتغلوا على الموضوع احنا حرقنالهم كل شي وخربنالهم كل شي صار المسعف العربي يوم ما تيجي اي حالة طارئة لازم تكون سيارة اسعاف هناك بعطوهم صور لابطالنا وهم بطبشوا على السيارات وهم بضربوا ناصر والي حرقوا السيارة و و و و و غيره وغيراته وكمان مرة مشكووور كتير اخوي العيساوي على الموضوع الروعة واسفة كتير لاني اتاخرت عليكم وحكيت كتير وخصارة ما حكيت كل الي بدي احكي بلاش تملوا وياريت احنا نتغير لانه ازا تغيرنا بنجبر الي قدامنا يحترمنا ويتغير عشانا وشكرا تحياتي اختكم فوفو |
مشاركة: انت [you] قاتل ولا تقل لي لا ....
بصراحه احترت كيف راح اتكون المقدمه
بس عندي سؤال للي عاملين حالهم وطنيين يلي بتنزل عليهم الوطنيه بس يشوفو سياره الاسعاف بلكي كانت بهاي السياره امك ولا ابوك و رميت عليها حجار شو بكون موقفك وين بتكون وطنيتك بهاي الحاله روحو ارمو حجار ع القوات الاسرائيليه وين النخوه راحت احنا بس مسلمين بالاسم اما الفعل فهي كلمه اخدوها حكام زماان معهم ع القبر ما بقول الا الله يرحمها هاي الكلمه اسفه ع الاطاله . . . |
مشاركة: انت [you] قاتل ولا تقل لي لا ....
والله انمعك حق والله يوفقك ويخليك وشكر خاصى على الموضوع كل احترامي الك
|
مشاركة: انت [you] قاتل ولا تقل لي لا ....
بسم الله الرحمن الرحيم
يا شباب اي عمل كهدا هوه خارج عن الصف الوطني وكل من يعمل على هده الدرب مع الاسف فهو مشبوه امني(بي اختصار فهو ينفع المصلحة المخابرات الاسرائليه p.l.o |
مشاركة: انت [you] قاتل ولا تقل لي لا ....
مشكورين كل من رد
والموضوع جدي جدا بكل صراحة وهام للنقاش لان اذا في ناس بتعتقد ان الوطنية غير الا احنا بنفكر فيه لازم يدخلوا ويقنعونا خصوصا اخص بالذكر العضو الي رشح انه الوطنيه لازم نطبش الاسعاف يا ريت يدخل ويفهمنا وجهة نظره |
رد: انت [you] قاتل ولا تقل لي لا ....
فعلا موضعك كتتتتير مهم وان شالله من اهلنا انهم يفهمو ويتركونا من هالعاده تطبيش سيارة الاسعاف والله عطيك العافيه يا اخ
|
مشاركة: انت [you] قاتل ولا تقل لي لا ....
مهو انا ما بدخل في هيك اشياء احسنلي وبعدي انا بعرف انو هاد الاشي غلط لانو يمكن يكون السواق عربي او المصاب وشكرا
|
مشاركة: انت [you] قاتل ولا تقل لي لا ....
أنا ضد وبشجب كل من تسول له نفسه على حمل حجر ليلقيه على سيارة الاسعاف ولكن :
بداية كيف نقدر على أن نجعل سيارة الاسعاف تدخل الى البلد دون مرافقة الجيش وأتوقع بأن دخول سيارة الاسعاف الى البلد دون مرافقة الجيش يؤدي الى عدم رشقها بالحجارة لا أريد أن أنظر الى السلبيات في هذا الموضوع بل أريد أن أنظر الى الناحية الايجابية توقعاتي بأن شباب العيسوية يتمتعون بالشهامة وحب المساعدة ولهم الكثير من المواقف التي تثبت ذلك وهم واعين تماماً الى أن رشق سيارة الاسعاف بالحجارة هو عمل همجي . واذا سمح لي كاتب الموضوع الأخ العيساوي على أن يطرح السؤال التالي هل اذا دخلت سيارة الاسعاف الى البلد دون مرافقة الجيش ترشق بالحجارة أم لا ؟؟؟ شبعنا وطنية مع احترامي للشباب والصبايا الذين ردوا من قبلي على الموضوع في أن نقّيم بأن ذلك خروج عن الصف الوطني أو هو عمل غير وطني وهذا الكلام مفهوم ضمناً لدى كل شباب البلد ولكن علينا أن نقف وقفة وقد بادرت بذلك والموضوع بحاجة الى عمل جماعي بأن يتوجه مجموعة من الشباب الى نجمة داود الحمراء وتتعهد بعدم رشق الحجارة على سيارة الاسعاف التي تدخل البلد دون مرافقة الجيش وهذا أمر وارد ومن حقنا لأننا نحن في العيسوية أيضاً نعاني من سيارة نجمة داود الحمراء التي تأخذ وقت طويل حتى تصل المريض لأنها تنتظر مرافقة الجيش وهذا بحد ذاته يقلل من العمل الانساني الذي تقوم به تلك السيارة واسألوا الكثير من الناس الذين يشهدون على هكذا مواقف وكذلك من المواقف الاخرى الغير انسانية من تلك السيارة بأن يقولوا لك أحضر لنا المريض الى طريق معاليه أدوميم وهذا غير مقبول فهيا نقف معاً لكي نجعل سيارة الاسعاف تدخل البلد دون مرافقة الجيش وتنتهي المشكلة وانني واثق بأن المشكلة لا تنتهي تماماً من أول مرة ولكن فلنتبع قول رسولنا الكريم "من رأى منكم منكراً .........الخ" ونمنع بعض الأطفال الصغار من رشق تلك السيارة بالحجارة أعتذر عن الاطالة وأشكرك مرة أخرى على الموضوع يا عيساوي |
مشاركة: انت [you] قاتل ولا تقل لي لا ....
خيي العيساوي انا معك في هاي النقطه انو غلط انا نرشق سيارات الاسعاف وخاصة انها جايَ للعمل انساني زي ما حكيت انو بجوز يموت الشخص الي طلب الاسعاف ليش علشان الاسعاف خايفه تتدخل البلد علشان مايرشقوهم بالحجار
الله يعطيك العافية يا خيي العيساوي على هيك موضوع مهم |
مشاركة: انت [you] قاتل ولا تقل لي لا ....
مرحبا : العيساوي
انا مع تطبش سيارات الاسعاف , ليش ؟؟؟ لان اليهود لما يضربو غزا بيستهدفو سيارات الاسعاف وبشلو حركتها وفي كمان كتير ناس من الضفه بحاجه لتلقى العلاج داخل القدس و بيمنعوهم وكتيير وكتييييير يعني النسوان الي ولدن ع المحاسيم احسن ؟؟؟؟؟ هدول يهود هاد مش محلهم وانا بلاحظ انو الوطنيه قاعده بتخف عنا بشكل كبير وملحوظ ومشكور :::: يا مسيو العيساوي جزيل الشكر ::::: |
مشاركة: انت [you] قاتل ولا تقل لي لا ....
ويا ريت لكل الي بيعرفو بالمنتدى ما يبلغو عني هههههههههههههههههههه
انا بحب اسرائيل كتير وبقولها لشارون هههههههههههههههههه ((((((((((وعشان اورجيكم اني مش جبانه ((((((((((ينعن ابوهم ولاد كلب الحرق قليل عليهم ))))))) ولو شو ما سولنا وقدمولنا خدمات مش لازم ننسى نهم احتلال |
مشاركة: انت [you] قاتل ولا تقل لي لا ....
اقتباس:
أما اذا بدك تطبشيها لازم تكوني متأكدة انه اللي فيها بس يهود.ههه أما لما يكونو اللي فيها عرب ومسلمين تطبيشها غلط |
مشاركة: انت [you] قاتل ولا تقل لي لا ....
احنا من كل عقلك بنطبش سيار ة اسعاف فيها عرب ؟؟؟؟؟؟؟؟؟؟؟؟؟؟ظ
|
مشاركة: انت مغرمة القمر قاتل ولا تقل لي لا ....
اصلاً ما بصير نطبش على سيارات الاسعاف الاسرائيلية بنكون سبب في موت روح
يعني نحسها ع حالنا بلكي صار مع ناس بنحبهم واجت سيارة الاسعاف تنقذهم وصارو يطبشو عليهم مش راح يموتو... بعدين انا مش فاهمة يعني ليش محطوت اسمي (مغرمة القمر قاتل ولا تقل لي لا) وياريت وصلني رد من اللي كتبو |
مشاركة: انت [you] قاتل ولا تقل لي لا ....
والله هاد شي عييييييب فوق مهي سيارة الاسعاف جايي لولاد بلدكم واهل بلدكم وبالاخر بتروحو
بطبشوا عليهم مهيهم بطلنا نشوفهم الا ومعهم جيييب جيش علشان عرفينكم شو انتو ما بتحترموا ولا بتقدروا مساعدتهم لالكم هاد الحكي مو موجه للكل طبعااا,, هاد بدل ما تعلوا بلدكم لفوق قاعدين بتورجوا كمان انكم لا مبااااااااليين بلمره بحياة اخوانكم اللي بنسعفواااا,,,, ويا ريت نعطي احترام وتقدير اكتررر لانو بجد شي بخزي وهاد اللي بعطيهم فكره مو منيحه عن اهل البلد ..والله يهدي الجميع.. تحيااااتي دانياا |
مشاركة: انت [you] قاتل ولا تقل لي لا ....
ميرسي يا عيساوي عالموضوع هاد والذي يعتبر من أهم المواضيع لانه يرجع بالفائدة الى أبناء قريتنا
وانا ضد هذه الاعمال والتي تعتبر سلبية تقبل مروري no love |
مشاركة: انت [you] قاتل ولا تقل لي لا ....
يسلمو ايديك عالموضوع بس ليش حاطت العنوان
The Prince of Angels قاتل ولا تقل لي لا شو سويتلك يا عمي ليكون قتلتلك واحد من اهلك لا سمح الله الرجاء تغيير عنوان الموضوع |
مشاركة: انت مغرمة القمر قاتل ولا تقل لي لا ....
ههههههههههههه برنس انا افهمت الموضوع منك طلع اي واحد بدخل بأسمو بطلع عندو العنوان باسمو هيك صار معي هههههههههههههه
|
مشاركة: انت [you] قاتل ولا تقل لي لا ....
هههههههه
اه عرفت بس بعد ايش يعني بقول مش متذكر قاتل حدا |
مشاركة: انت [you] قاتل ولا تقل لي لا ....
بصراحة موضوع حلو كتير وبدو نقاش
. . اول شغلة هالشباب في الايام ما بعرفو شو معنى وحدة وطنية ولو بعرفو بفكرو انو لمين تكون سيارة هالاسعاف ومش شرط تكون فيها يهود او اعداء النا . . يسلمو اخي العيساوي وبصراحة انا حكيت اللي عندي |
مشاركة: انت [you] قاتل ولا تقل لي لا ....
اصلن تطبيش سيارات الاسعاف هاد شغل ولاد
لانو الي بفهم ما بتطبشها لانها جاي تسعف شخص مسلم وبجوزك بقربلك لانو هاي الايام بموت المريض وهو يستنى الاسعاف الاسعاف بتكون جاهزه و بتستنى الجيش لانها ما بتنزل ع البلد لحالها مشكور اخي العيساوي ع موضوعك |
مشاركة: انت العيساوي قاتل ولا تقل لي لا ....
بسم الله الرحمن الرحيم
اشكر كل من مر على الموضوع وقال كلمته وارى رأي الاغلبية واضح بعض التعليقات اقتباس:
اولا شخصيا شفت اخر سيارة اسعاف قبل يومين وبساعه متأخرة بالليل دخلت مع صافرة الاسعاف وبدون اي جيب جيش وسبحان اله النايم فاق وحس بالوطنية وقرر انو وقت الضر اجا و وما خلوش ومع هذا سيار ةالاسعاف كملت شغلها ... بالنسبة انه نتوجه لنجمة داوود الحمرا ونوعدهم ان ما حد يطبش عيهم ؟؟؟ استاذي انت بتقدر تعطي مثل هذا الوعد؟؟؟ للاسف بلدنا من القرى الي ما شاء الله كل واحد فيها زعيم حاله وما حدا بيقدر يحكمه ولا يقوله بلاش ... بالنسبة لاختي ريم الفلا اقتباس:
اقتباس:
لعلمك اختي اسرئيل بتعمل كل شئ لتعيق اسعاف فلسطيني اينما كان وانتي اذا ضربتي سيارة اسعاف جوا العيساوية مثلا بتكوني مثل اسرائيل لانك بتعيقي اسعاف فلسطيني مثلك في البلد لان ما اظن سيارة الاسعاف جاية تسعف يهودي ببلدنا !!!! اذا شو الفرق بينك وبين اسرائيل؟؟؟انت وهم بتعيقوا اسعاف فلسطيني ... الوطنية تحتاج الى مخ واسع وفهم اوسع من تفكير محدود |
مشاركة: انت [you] قاتل ولا تقل لي لا ....
معك حق في كل الي بتحكي و يسلمو اديك على الموضوع الحلو
تحياتي:أسير فلسطين |
مشاركة: انت [you] قاتل ولا تقل لي لا ....
شكرا أخي العيساوي
و اليكم ردي لما تيجي الاسعاف على البلد طبعا بكون معها جيبين جيش او اكتر و الولاد و الشباب ببدو يطبشو حجار بس بتوقع انه بكون هدفهم يطبشو على الجيش مش على الاسعاف بس اذا كان هدف احدهم انه يطبش على الاسعاف بكون بتحدى ابن بلده وتحياتي |
مشاركة: انت [you] قاتل ولا تقل لي لا ....
يعني هادا اسلوب خارج الوطنية وان كانو قرائبك او اعزاءك اما ادا جيش خاص بدون اسعاف
فأْنتم تعلمون ماذا يصبح تحياتي الجبهة الشعبية لتحرير فلسطين |
مشاركة: انت [you] قاتل ولا تقل لي لا ....
انا مني وعلي مشكور على الموضوع
وبحكي ممنوع نستهدف الاسعف مبكرة بيجي يوم تعتازها لا احد قريبي واهلي واعز الناس |
مشاركة: انت [you] قاتل ولا تقل لي لا ....
اول شي بدي اشكرك يا عيساوي على الموضوع المهم
يعني ما شالله عنهم شباب هالبلد عندهم روح وطنيو ولا اختها بدي احكي عن حادثة صارت معنا مرة طلبنا سيارة اسعاف لستي لانها تعبت كتير وضلينا حوالي اكتر من ساعة واحنا بنستنى فيها وهي اول البلد بتستنى جيب جيش يدخل معها على البلد يعني هدول الي بقعد يطبشو على سيارات الاسعاف اعتبرو يا عمي انو السيارة جايه لحد من اهلك بتقعد طبش عليها وبعدين هدول الي بحكو انهم مع تطبيش السيارات الاسعاف طيب مهي جاية تنقذ واحد من بلدك واحد زيك زيو عربي مش يهودي يعني بتمنى يكون عند هالشباب شوية ضمير تحياتي لين |
مشاركة: انت [you] قاتل ولا تقل لي لا ....
شكرا على الموضوع الحلو والمهم كتير لانو سرنا نفهم الوطنيه بمعنا غير مزبوط وهاد اشي غلط ومش منيح ابدا ومش مقبول انو الشباب يضربو حجار على الاسعاف
|
مشاركة: انت [you] قاتل ولا تقل لي لا ....
مرحبــــــــــا
أخي العيساوي مشكور على الموضوع وأكيد ما لازم نطبش عليهم لأانو فيها المسألة مشكلة وقتل ارواح وما في حد يعني حيستفيد من التطبش و المهاجمة و إن شاء الله بس تحرر فلسطين بيصير إلنا اسعاف عليه علم فلسطين ولاآن بما انو الحكومة اسرائيلية أكيد حتكون الماعدات والاخدمات بتمويل وإشراف اسرئيلي بس في ملاحظة على العنوان ::ليش مكتوب FreE*SUn قاتل وما تقولي لا:: ؟؟؟؟؟ ولا يعني على شان ندخل هههههه بس على الفكرة عند كل عضو بيجي إسمو صح ولو انا عبقرية ههههههه تحيتي FreE*SUn |
مشاركة: انت [you] قاتل ولا تقل لي لا ....
كلام الاستااذ خضر 1005 واشكره على ذلك واشكرك يا العيساوي على الموضوع الجميل والمثير
تحياتي أميرالحب |
مشاركة: انت [you] قاتل ولا تقل لي لا ....
هذا موضوع امنيح او حلو بس الشرطة اخذوا كل الارضي بس بلا هجم لا ...هذا عمل همجي وغير مسؤول.
مع تحياتي ابو فلسطين |
مشاركة: انت [you] قاتل ولا تقل لي لا ....
اناا مع العيساوي يعني عيب نعمل هـيك
مش وطنيه هاي يا شباب او حدا تاني ××××× |
مشاركة: انت [you] قاتل ولا تقل لي لا ....
والله هادا الشي عيب منك يا شباب وهادا شي ما بتسمى وطنية
غلط كبير ولا فيها اشي من الوطنية اصلا ييعني من كل عقلكم سيارة الاسعاف لشو داخلة على البلد عشان تسعف اهل البلد يعني افرض لسمح الله حد بيقربلك فيها وانت نازل تتطبيش هادا الشي غلط كبير والوطنية ما بتقلكم روحو طبشو سيارات الجيش تحياتي صمت السنين |
مشاركة: انت [you] قاتل ولا تقل لي لا ....
بسم الله
شكرا الك يا عيساوي على الموضوع وانا بشوف شباب كتير بعيني بضربوا حجار |
مشاركة: انت [you] قاتل ولا تقل لي لا ....
hi
كيفك ضيفي اليمال عندك **************************************** |
مشاركة: انت [you] قاتل ولا تقل لي لا ....
يسلمو ايديك يا خيي العيساوي والله الموضوع حلو ومش لازم احنا نطبش سيارات الاسعاف لانها بتعمل عمل انساني وشكر اختكم جيسي
|
مشاركة: انت [you] قاتل ولا تقل لي لا ....
نعم والله انا بقول كل واحد بيعمل هيك هو منهم وفيهم عميل (جاسوس) بس عشان يشبك ويحبس الشاب المساكين يترمو في سجون الاحتلال
التوقيع: ابن فتح |
مشاركة: انت مغرمة القمر قاتل ولا تقل لي لا ....
:7_10_4[1]:
اقتباس:
التوقيع:ابن فتح |
مشاركة: انت [you] قاتل ولا تقل لي لا ....
والله معك حق اخوي العيساوي والله يعطيك العافيه ..عنجد موضوع رائع وبيستاهل الواحد يرد عليه
مع اني مو عارفه شو ارد بس بحكي والله انا ما عشت ولا شي من اللي بتحكي عنو واكيد في كتير فلسطينين عايشين زيي ولا عمرهم حسو بهادا الشي عنجد بس كلنا بنتدايق لما نسمع هيك عن بلدنا وشو بصير فيها وكيف الناس بيعملو مع سيارات الاسعاف الاسرائيليه .. تطبيش وابصر شو.. لأنو الواحد ياخدها من الجانب الانساني انو مش بدنا نموتهم وبس لأ نهم بضلو بشر زينا.. وخلينا نضل احسن منهم واجرنا عند الله انشالله.. وانا والله اللي بسمعو انو مش كل الاسرائيلين الهم دخل باللي بتعملو حكومتهم ..يعني شو دخل الاطفال لاسرائيلين باللي بصير فيهم .. يعني هم زيهم زينا انولدو بأواضاع هيك واتربوا على انهم يكرهونا وبس.. وخلينا نتوقع انو هاي السياره رايحه لطفل بريئ ماالو دخل باللي بصير حواليه.. واسفه ازا ما كان معي احق احكي شي من اللي حكيتو بس والله انا بحكي اللي فاهمتو واللي على قدي..بس انا بتخيل انو صح وياريت ما تفهوني غلط وازا برأيكم حكيت شي غلط ياريت تفهموني الله يعطيك العافيه لتاني مره تحياتي اختك تمارا |
مشاركة: انت [you] قاتل ولا تقل لي لا ....
هذا اشي عيب لان سيارة الاسعاف جاية تنقد واحد من اهل البلد وعيب عليكم يلي بتطبشو عليها مع حبي عاشق الصحراء |
مشاركة: انت مغرمة القمر قاتل ولا تقل لي لا ....
عنوان الموضوع الصراحة بايخ يعني كل واحد بدخل بتحطو انو قاتل وين الديمقراطية يعني وحرية التعبير بعدين شو دخلك قاتل ولا لاء ما بحقلك تحط هيك
|
مشاركة: انت [you] قاتل ولا تقل لي لا ....
مشكور على الموضوع الموضوع الحو ولا لازم انطبشهوم
... |
مشاركة: انت [you] قاتل ولا تقل لي لا ....
السلام عليكم
انا بدي احكيلكم بختصار في نوعين من الشباب الي بيضربو حجار على سيارات الاسعاف منهم شباب عندو وطنية بس مش فاهم وين وكيف يوجها ويحمل في تفكيرو مفاهيم خاطئة عن الوطنية اصلا ومنهم الصغار2 والاخطر ان هنالك شباب يعلم مذا يفعل وموجه من قبل المخابرات الاسرائلية ليكون لهم الحجة في تاخر سيارات الاسعاف ولهم اهداف كثيرا اخرا ومن راي انو ضرب سيارات الاسعاف عمل غير مسؤول وغير منطقي لانن الاسعاف جاية لخدمة اهالينا والاطفاء كمان وقلبي مطفي اصلا من اهل العيساوية وما بدي احكي اكثر من هيك وشكرا |
مشاركة: انت [you] قاتل ولا تقل لي لا ....
مرحبااا
اناا عجبني الموضوع وانا من جهتي مش لازم نطبشهم لان مرات بتبقى الموجدين بالسيارة ناس متلنا متلهم وارواح فأذا الواحد بطبشهم يعتبر حالو بالسيارة انا هادا رأي................ تحياااتي............................ |
مشاركة: انت [you] قاتل ولا تقل لي لا ....
مشكورين شباب وصبايا على الردود الجيملة
في الاستفتاء النسبة واضحه جدا ولكن مع كل هذا تبقى نسبة قليلة صوتت ضد الاغلبية ولكن للاسف لم نسمع منهم ردا واحدا منقيا او نقاش جاد علشان نفهم وجه نظرهم بالموضوع يا ريت الي بيفكر عكس الاغلبية يفهمنا ليش هو بيعتقد العكس علشن نوزن الامور بلكي في اشياء احنا ما خطرتلنا على بال ومشكورين على التفاعل الحلو |
| الساعة الآن 11:00 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author