|
مشاركة: فتح .!! حماس .!! شكرا لتدميركم وطني
والله مزبوط كلام يا ابو العاصف الحكي الي بنسمعو عن البنات الي برا ابتخزي شو هدول البنات ما في الهم اهل يضبوهم شو هالبنات بنات اخر زمن مع انو هيوت احنا بنات بس ما بنسوي هكي متل البنات التنيات بس بعين الله .
شكرا الك اختي نادين على الموضوع وشكرا الك اخي ابو العاصف على كلامك تحياتي . |
رد: فتح .!! حماس .!! شكرا لتدميركم وطني
مشكورة يا اخت ندين على الموضوع ولازم احنا ما نتجادل ولازم نعمل على نشر هادا الحكي وخلي الناس يحسو في بعض مش كل واحد من فتح ولا حماس حامل اسلاح يعني ايصيرو يطخو على بعض
|
مشاركة: فتح .!! حماس .!! شكرا لتدميركم وطني
مشكوره حبيبتي دمعه نورتي موضوعي بردك
واكيـــــد الشغله ما بدها نقااس يا منى زكي يسلموو ع ردك |
مشاركة: فتح .!! حماس .!! شكرا لتدميركم وطني
انا لو معاي سلاح كان سويت العجايب كان في كل عرس بطخ بس اكيد ما بطخ على اخوي شو ما كانت ديانتو او فصليتو لانو قبل كل هاد هاد انسان وحرام الي عم بصير |
مشاركة: فتح .!! حماس .!! شكرا لتدميركم وطني
اسمحلي اخ new mail انسخ تعليقك واكتبو كمان مرة لأنو عجبني بجد بس ما في حد رد عليه بتمنى يشاركونا فيه
يعني المهم من اخرها شو بنقدر نعمل علشان نوقف الشغلات هذه انا بدي اعرف شو بنقدر نعمل ادا التخلف نابع من فوقنا شو بدنا نعمل مصالح سياسية من فوق يعني لو بنقدر انحل المشكلة كيف احنا كشعب بدنا انحل المشكلة واحنا موجودين في منطقة القدس يعني صعب انشوفهم او ننصحهم يعني مين عندو حل يعطينا يمكن لو نرجع لدينا بحق وبإيمان بننتصر بس وين الي يسمعو شو برأيكم انتو وين الحل ؟؟؟؟؟؟؟ مين عندو حل ؟؟ |
مشاركة: فتح .!! حماس .!! شكرا لتدميركم وطني
له يا ابو العاصف اصلن كل هادا ما بطلع منك انك اطخ ناس حتى لو طلعت ما بنصدق انو انت بطخ حدا بس كلو بهون بس عنجد ما بنفع هيك في هادي البلد سمعت العيساوية صارت مش منيحة بس من البنات شوف هالبنات هدول. بس بعين الله.
تحياتي للجميع . دمعة مجبورة. |
مشاركة: فتح .!! حماس .!! شكرا لتدميركم وطني
يا اخي يا ابن الخروية ويا نيو ميل فكرت الحل انا ةوياك بنسويها وفكرك اوا حينا في حلول من هون لبكره في حدا رلح يسمع علينا وقبل ما تلاقي حل اعرف ليش المشكلة وليش القتال الي بينهم وانا برايي الحل انو نقتل كل واحد مدسود في هاي القصة لانو العملاء هو الي عملو كل هاد الاشياء ولو القصة توقف على ابن فلسطين هاي بتنحل بس المشكلة الاكبر انو في رؤس كبيرة بتحرك هاي الاعمال الفاضحة بحق الشعب الفلسطنيني المعروف بالصمود والمقاومة ضد اليهود مش ضد بعضهم مشكورة كتير يا نادين واللهي الموضوع روعة |
مشاركة: فتح .!! حماس .!! شكرا لتدميركم وطني
كمان انا بشكر ندين لأنو الموضوع جد حلو بس اخوي ميديو انا بحب اناقش الموضوع معك بشكل اوسع
زي ما انت حكيت الرؤس الكبيرة هي اساس هذه المشاكل طيب بدي احكيلك يا اخ ابو العاصف انت شو بعرفك انو القادة ماشين صح ولا لا يعني الي مسؤولين عن فتح وعن حماس بالك كلهم ماشين صح ما بلفو وبدورو اي شغلة بتحط العقل بالكف وين الشعب يوقفهم عند حدهم ولا اها صحيح نسيت شغلى بسيطة السلطة موجودة علشان تحميهم اها عرفت والاسلحة من وين جاية هذه الله اعلم ما بدنا نظلم حد لأني انا اتعلمت ما احكي الا اتأكد وانا بصراحة مش متأكد بس مين بفدي وطنو وماشي بسمح بضهور هذه الشغلات وهو طبعا قادر على ايقاف هذه الشغلات والله انو قادر انا بروح كتير غاد وبشوف الانضمة الي بتصير والطرق الي بتوقف الشعب بس السلطات العليا ما بدها هدوء وما بدها يكونو الشعب اخوة ليش الله اعلم طبعا يمكن نصكم عارفين ليش وانا عارف كمان ليش بس ما بدنا نتعمق بهل الشغلات |
مشاركة: فتح .!! حماس .!! شكرا لتدميركم وطني
موضوعك كتير حلو ومقنع واكتر شي عجبني وصفك للحركات لانو هاده شي صحيح بس ياريت يكونو الي بأمنولي بهل حكي يقتنعو بكلامك مع احترامي للكل ماصارت المشاكل هاي الي بعد هل حركات بدال مايوقفو مع بعض بقتلو بعض وجيل اليوم هاده بحكي حماس وبس ...وهداك بحكي فتحاوي مع انو كان برأيي فتح افضل من حماس لانو حماس دايما متحمسه تولعها بس كلامك مقنع وشكرا على هل موضوع كتير عجبني مرسي
|
مشاركة: فتح .!! حماس .!! شكرا لتدميركم وطني
اسمعي يا نادين احنا دايما مبنعرف شو بنحكي طوالي رمينه الغلط على فتح او حماس بس مبتعرفي انو سبب الفتنة العملاء والمدسوسين وهدول العملاء بروحو بطخو على تبعون فتح وحماس في نفس الوقت وبعدين في جماعة في الاجهزه الامنيه لازم تتصفه لانهم عملاء لليهود وبس بنقول اللهم احقن دماء المسلمين وحسبنا الله ونعمه الوكيل على العملاء
|
| الساعة الآن 04:12 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author