رد: فلســـــــطين بعيــــون جدتــي
س _ لماذا هاجروا ؟ ان كانت الارض هي العرض و الولد ج _ ( الهجره بقينا نفكر انها كم يوم و بنرجع .. بقينا نقول كلها جمعة زمان و جيوش العرب بترجع الارض ... في وحده يا ستي تركت في حيفا ميتين ليره ذهب ابوها قال محنا كم يوم و بنرجع ... حفر حفره تحت التينه و حطهن فيها و بعدهن لليوم من وقت 48 لليوم و هني تحت التينه ... و راحت هي و ابوها و عيلتها على الاردن على امل الجيش يتحرك و يرجع الارض بعد كم يوم و بعده يا ستي ما رجعها .. تركنا مالنا و دارنا و قلنا محنا راجعين ... ما أخذنا الا المفتاح ) .... |
رد: فلســـــــطين بعيــــون جدتــي
لا استطيع ان اقول شيء يا اخت روز فموضوعك فقط للقرائة
موضوع فعلا جميل ... مع تحيات اخوكي المظلوم |
رد: فلســـــــطين بعيــــون جدتــي
س _ لكن عندما كان الانجليز في فلسطين كيف كان يعيش الناس خاصه في بداية الاحتلال
ج _ ( بقوا الناس يقعدوا و يناموا على اعصابهم و ممقوتين على البلد و الارض و كل ما في خبر يستنوه و يستنوا اي خبر عن اي اشي بخص الاحتلال ... بقى راديو بهذيك الايام كل البلد تتجمع تستنى اي خبر عن العرب و جيش العرب ... و كل يوم نقول اليوم بطلعوا و بكرا بطلعوا و لليوم بعدها الارض مع اليهود .. ) |
رد: فلســـــــطين بعيــــون جدتــي
س _ أعطينا مثال عن شهيد استشهد في زمن الانجليز يا جدتنا الغاليه ؟ ج _ ( والله الامثله كثير ... بقى في واحد من رجال البلد ما شاء الله عنه دائما يخبي الثوار في داره ايام السته و الثلاثين و السبعه و ثلاثين و هذيك الايام .. مره بعد المغرب بكثير اجى عنده الثوار مثل العاده و عشاهم و أكرمهم من كل اشي عنده .. و بعدها اجى واحد خاين خرب عليه كل اشي و قال للانجليز في بدار فلان ثوار أجو الانجليز على ع الدار و معهم السلاح و قتلوا الزلمي و استشهد عليه رحمة الله بس قبل ما يقتلوا الله يرحمه خلى كل الثوار تهرب من البيت و دلهم على طرق و حارات ما فيها خطر .. و استشهد و لليوم كل الناس بتفخر بيه .. ) |
رد: فلســـــــطين بعيــــون جدتــي
س _ كيف كان الناس ينظرون الى المحتل و هل كان الاستعداد قائم للجهاد و التضحيه
ج _ ( بقوا الناس يا ستي كلهم نخوه و محبه للارض ... بقى يسير بينهم مشاكل و يتقاتلوا مين بدو يطلع يواجه الاحتلال و مين بدو يضل ... بقوا الناس ما عندهم سلاح كثير بس كل عيله عندها سلاح واحد يوخدوا واحد من العيله و الباقي ما يطلعلهم سلاح .. ) |
رد: فلســـــــطين بعيــــون جدتــي
عُذراً لتاخري صديقتي :d
وتأبى الذاكره نسيان أيام الانجليز والثوار وأيام الدراسه على القش وفي عتمه الليل متابعه بصمت |
رد: فلســـــــطين بعيــــون جدتــي
سلام وعليكم
مشكوره يا اختيزوزي على موضعك الجميل كتير مناسب يا القرية ( مع تحياتي ضعت الحياة ) |
الساعة الآن 08:35 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author