|
رد: تأهل فرقة نادي العيساوية للدبكة الشعبية لتمثيل القدس
كل الاحترام والله واحلا فرقه شفتها في قريه العيسويه
فـــرقه نادي العيسويه ...مديرها عماد محمود ومدربها مصطفى محمود كل الاحترام الكم ويعطيكم الف عافيه ويعطيك الف عافيه استاذ خضر عبيد كل الاحترام الك ومشكور نخال على الصور والموضوع الرائع الى الامـــــــــــــام فرقه نادي العيسويه فرقه موحده غير تابعه لاي حزب او فصيل تحياتي |
رد: تأهل فرقة نادي العيساوية للدبكة الشعبية لتمثيل القدس
الف مبروك لشباب الفرقه والى الامام انشاء الله
ومتل ما قلتلكم اول ما بلشت معكم : بدنا انعيد تراثنا من اجديد ونوصل لاعلى دراجات النجاح : وهي الفرقه عم تتقدم الى الامام وبلشنا نطلع درج النجاح وعقبال الفرحه الكبير انمثل اسم قريتنا في كل فلسطين ونمثل اسم فلسطين في كل العالم . بس لازم نتعب على شان ننجح والحكي موجه لكل الفرقه شدوا الهمه في التدريب للمسابقه الثانيه. واخر شي بقوله مبروك للفرقه بشكل خاص ولكل العيسويه بشكل عام مع تحياتي للجميع مدرب فرقة شباب العيسويه للفنون والدبكه الشعبيه. مصطفى محمود |
رد: تأهل فرقة نادي العيساوية للدبكة الشعبية لتمثيل القدس
السلام عليكم
أبارك لكم هذا النجاح يا ابناء هذا البدالمعطاء وأشكركم على المجهود الذي بذلتموه لكي تصلوا بإسم بلدتكم العيساويه وتحيوا تراثها الشعبي بهذا الأداء المشرف فجزاكم الله خيراً أيها الشباب كلٌ بإسمه كما أتقدم بأحر التهاني والتبريكات لرئيس النادي خضر عبيد الذي ساهم بتوفير الأسباب للإستعداد الجيد فله كل الأحترام ولا ننسى المدربان مصطفى وعماد مشكوريين وبارك الله فيكم والى الأمام |
رد: تأهل فرقة نادي العيساوية للدبكة الشعبية لتمثيل القدس
الف الف مبروك للبطوله لفرقة دبكة نادي العيسوية
على هذا الانجاز الى الأمام يا أبطال فلسطين ومشكور اخي علموضوع ونقلك الصور لنا وانتى يا استاذ خضر ايضا مشكور |
رد: تأهل فرقة نادي العيساوية للدبكة الشعبية لتمثيل القدس
والله الشباب روعة وانشالله منها للاكبر
والله الشباب روعة مع تحيات ابو عرب |
رد: تأهل فرقة نادي العيساوية للدبكة الشعبية لتمثيل القدس
بداية أتوجه باسمي وباسم أعضاء الهيئة الادارية في نادي العيسوية الى جميع أعضاء فرقة الدبكة وللمدرب مصطفى محمود وللمشرف عماد محمود بالتهنئة والتبريك على هذا الانجاز الرائع والذي بدورنا بعد سماح أعضاء الفرقة نهديه الى كل عيساوي وكل من يسكن هذا البلد المعطاء في شبابه
فنحن في ادارة نادي العيسوية على العهد باقون في تقديم ومد يد العون الى ما نستطيع لدعمكم المعنوي ونعلن عبر صفحات المنتدى الغالي على أننا سنباشر وبأسرع وقت في بناء القاعة ليكون لكم المكان المريح للتدريب لاعطاء المزيد. ومن ثم أتوجه بالشكر لكل من نورنا في الصفحة وأعطى رأيه فيا أهل البلد نحن معكم نكبر ونصل الى أعلى المراتب ولا ينقصنا الا تشجيعكم |
رد: تأهل فرقة نادي العيساوية للدبكة الشعبية لتمثيل القدس
مشكور اخ نخال وابو معن على نقل الموضوع ونشكر كل من هنا الفرقة في فوزها في البطولة وانشاء الله نرفع اسم البلد ونشكر اهل البلد بمساهمتهم الى الفرقو ودعمها ورفع معنويات الشباب في الفرقة وبسمي واسم شباب الفرقة نشكر المدرب مصطفى على جهوده في تدريب الشباب نشكر المشرف العام على الفرقة عماد محمود(ابو محمد)
مع تحياتي $Abo_Sttaf$ |
رد: تأهل فرقة نادي العيساوية للدبكة الشعبية لتمثيل القدس
الف الف الف مبروك لشباب النادي العسوية الدبكة والفنون الشعبية
وبهني العسوية ونشاء كل عرض وانتو في المركز اول مع تحيات محمد .................. محمود ملاحظة (مع تمنياتي الى فرقا التانية في البلد بنجاح واتوفيق) |
رد: تأهل فرقة نادي العيساوية للدبكة الشعبية لتمثيل القدس
والله يا شباب العيسويه انتو كدها
وانشالله راح اتكونو كدها واكتر بدرجه الاولى على فلسطين وألف مبروك سلفاً تحياتي black*cat |
رد: تأهل فرقة نادي العيساوية للدبكة الشعبية لتمثيل القدس
والله صبابا الصور نكشة طعو استاز خضر يسلمو ايديك على الصور الحلوين كتير بس قبل ما تصور حدا احكيلي بلكي زبط ابتسامتو بس بالرغم من انو الصور هيك عفويات بس بجننو عنجد يسلمو ايدك وشكرا للشباب كلهم لانهم عنجد ابدعو والله ابدعو وشكرا لابو معن ولمدربنا الكبير واساسنا الي تاسسنا عليه والله لونو مدرب غير الي دربنا وغير عماد محمود ما وصلنا للي وصلنالو وعنجد يا مدربنا فضلك على راسنا من فوق وجميلك ما بعمرنا احنا بننسا ولانو لو واحد غيرك الي قايم على موضوع فرقة الدبكة ما بعمرها صارت فرقة دبكة محترمة وبتروح بتشارك في بطولات على مستوى القدس وفلسطين ولونو واحد غيرك ما بتصل عضوية فرقة الدبكة لحد60 عضو في فرق متنوعة عنجد انت انسان بستاهل من كل اهل البلد التقدير والاحترام وانا مش راح احكي شكرا للمدرب مصطفى الي بعمرنا قديش بنوصل في الدبكة ما بنوصل للي وصلو مصطفى وللابداع الي ببدعو مصطفى ومصطفى بعرف قديش بنحبو وقديش بنحترمو وبنسمع كلمتو وابو معن الاستاز الفاضل الي عمل ولساتو بعمل لبلدو ولاهل بلدو علشان بلدو تزدهر وتصير بلد بتليق في اهلها وساكنينها شكرا كتير يا استازي العزيز على وقفتك معانا وشكرا مرتين مرة علشان انت مدير نادي العيساوية ومرة تانية علشان وقفت معانا وقفت ابن بلد ما بعمرنا بننساها وشكرا للكل انشالله يا رب لقدام ولقدام |
| الساعة الآن 01:45 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author