مشرفتنا المتميزهـ (ريّـانه) تحت الأضواء

[kArEeN]

http://i5.glitter-graphics.org/pub/658/658735klh6ahf9s1.gif


السلام عليكم ورحمة الله وبركاته

لكل صباح ندى - ولكل مسآء ذكريات يصنعها عبق الأيام
فصباحكم \مسائكم ندى .. وذكرياتُ أملٍ دائم
أعضاء منتديات العيساوية الكرام

http://i10.glitter-graphics.org/pub/865/865400yq9tit2nmt.gifhttp://i10.glitter-graphics.org/pub/865/865400yq9tit2nmt.gif

اليوم وكما اعتدنا ، ستكون بضيفتنا وبحضرتنا
صاحبة الطلة البهية والاشراقة الجميلة ..
زهرة منتدانا الغالي
من تترك عبق رائحتها الفواحهـ في
جميع اقسام منتدانا الغالي

http://i10.glitter-graphics.org/pub/865/865400yq9tit2nmt.gifhttp://i10.glitter-graphics.org/pub/865/865400yq9tit2nmt.gif

ذات الحضور المتألق والبارز..
والمشاركات الرائعه المتميزه ..
ناضجهـ بفكرها وكلامها..
متألقة الطلة والحضور..
شخصيهـ احببنها من خلال مشاركاتها الرائعه الواعيه..

http://i10.glitter-graphics.org/pub/865/865400yq9tit2nmt.gifhttp://i10.glitter-graphics.org/pub/865/865400yq9tit2nmt.gif

سنستضيف اليوم
مشرفة قسم العيساوي العام واخبار محلية وعالمية



http://www.esawiah.com/hosting/files/ud6d8t8nku2tqqua873e.jpg

(ريّـانة)
نستقبلك بكل ترحيب وعناية وحُب ..
لنتعرف على الجانب الذي لا نعرفه عنكـ مشرفتنا المتميزهــ
والأن ضيفتنا العزيزهـ
تفضلي بذكر بطاقتكــ الشخصيهــ
نتمنى ان تقضي وقت ممتع برفقتنا

مع كل الحب ..

http://i10.glitter-graphics.org/pub/865/865400yq9tit2nmt.gifhttp://i10.glitter-graphics.org/pub/865/865400yq9tit2nmt.gif

http://www.esawiah.com/hosting/files/fs81csc0q0r5qcxkqayv.jpg


http://i5.glitter-graphics.org/pub/658/658735klh6ahf9s1.gif

[ДŁ-мoĐąмЄR]

السلام عليكم..

ريّانهــ أهلاً وسهلاً بككِ بين احضان كرسي الاعتراف

واشكرك على رحابة صدرك واستجابة دعوتي لكِ

فمرحباً بكِ

ضيفة عزيزة وكلنا شوق للتعرف أكثر على جوانب مختلفة من شخصيتك

تحيه من قلب ملؤه التقدير

احبتي في انتظار اسئلتكم وتشريفكم ..

كارين كل الشكر والاحترام والتقدير لكِ على كتابة الموضوع
دايما بتتعبي حالك *!*

تحيتي،،

[*منار*]

شكراً لمعاذ وكارين على الإختيار الحلو ...

ريّانة ...

ما هي نقطة ضعفك؟

ما هو أكثر موقف مؤلم حصل في حياتك؟

ما هي نظرتك للحياة؟

لو منحت لكِ فرصة وهي أن تتمني 3 أمنيات وسوف يتم تحقيقها ... ماذا تتمني ؟

مع تحياتي

[ريّانه]

مشكورين معاذ وكارين على اللفته الحلوة ..
مغلبتكم معي دايماً ^_-


.. البطاقة الشخصية ..


.. الأسم المستعار ..
ريّانه.

..العمر ..
14 و 10 أشهر و 11 يوم .

.. المهنة ..
طالبة


.. الهواية ..
المطالعة و كتابة الخواطر و التصور العشوائي والرسم .


..

[ريّانه]

ريّانة ..

عيونها

ما هي نقطة ضعفك؟

امم بعرفهاش بس بضل أحس انها أخوي الكبير !:rolleyes:

ما هو أكثر موقف مؤلم حصل في حياتك؟
امم مش متذكرة حالياً

ما هي نظرتك للحياة؟
الحياة حلوة ، و فيها المنيح وفيها المش منيح وبسس!:36_1_8:

لو منحت لكِ فرصة وهي أن تتمني 3 أمنيات وسوف يتم تحقيقها ... ماذا تتمني ؟
امم انتي عارفه أول وحده وهي انو أنجح بمسابقة الرياضيات ، ويوم السبت أعرض كويس بالبرزنتيشن الي بالمركز .
و أخلص التشيبس الي بإيدي هه ..:p

منورة منار أحلى صحبيتي والله ..:victory:

[*منار*]

تسلمي ريّانة ...

وانا كمان ان شاء الله أنجح بمسابقة الرياضيات وأجيب مركز عالي


ما هو الأسلوب الذي تتبعينه في السير بحياتك؟

ما هو هدفك؟

ما رأيك بالأشخاص الذين يعيشون بعزلة؟

من هي الأقرب لديكِ الصديقة أم الأخت؟

هل توثقين بأحد وتعتبريه مخبأ لأسرارك ؟؟

مع تحياتي

[زهرة فلسطين]

اللون المفضل:




الاكلة المفضلة:




الشراب المفضل:




المطرب المفضل:




المطربة المفضلة:




الممثل المفضل:




الممثلة المفضلة:



هواياتك:


احلامك وطموحاتك المستقبلية:

حكمة تؤمني بها:

كلمة لباقي الاعضاء:



لمـن تعطين هذه المسميـات ؟!


قلب ابيـض
فـآرض احترامه
شهادة تقدير
كتـاب مفتوح
طيوب
مميز
غامض
دمه قشطه
حساس
عصبي
كتـوم
عقله كبير رغم صغر سنة

ضيفتنا الكريمة

اتمنى لكِ التوفيق بــ الاجابات والحضور الرائع ...

وكوني كما عودتِناا ...

دائما على العطاء بلاحدود ..والابداع بلا قيود ...

وانتي الان في ضيفتنا لهذا الاسبوع ولامفر من الهروب

[SoFt G!rL]

والله اهلا ب ريانة منووورة والله :victory:

بحرحب فيكي على طريقتي وأقدملك ورد :shy:

انا بحب الورد الابيض عشان هيك رح اهديكي ورد ابيض

http://www.digitalphotoartistry.com/roses/Imgp0181.jpg



بعد مرحبنا نيجي للجد

ممم اول اشي بدي اردلك اسئلتك بمقابلتي وغلبناكي معنا :yay:

اسئلتي :

1- شو مفكرة تدرسي ان شاء الله بالجامعة ؟؟

2- لو لم تكوني انتي من تتمنين ان تكوني ؟؟

3- مم شو رأيك فيني ؟؟

4- مين الانسان الي حاب تنتقمي منه؟؟

5- مين اغلى انسان على قلبك؟

ممم وخلصنا وان شاء الله لي عودة :o_o:


تحياتي

[حنظله]

اهلا وسهلاً بك اختِ ريانه وعلى أمل قضاء اجمل الأوقات بهذه الاستضافه

وجزل الشكر للأخت كارين والاخ معاذ

اسئلتي

\
احلامك , هل هي بقائمة الحسبان ؟

هل انت ِ مستعدة لمواجهة المجتمع في سبيل افكارك ؟

الثقه عامل أساسي لبناء اي علاقه , فماذا تعني الثقه لريّانه ؟

هل من أتهم المرأه بالثرثره كان صادقاً ؟

عادتنا وتقاليدنا ,إلى أي مدى تلتزمين بها , وهل منها ما هو سلبي ؟

\

برئيك كيف يجّسد دور المرأه الفلسطينيه في ظل الأحتلال بالمقارنه مع المرأه العربيه في مفهوم الحياه العام ؟

ماذا تقولي للإقتتال الفلسطيني ؟

كأنثى فلسطينيه كيف تساهمي وتخدمي وطنك ؟

\

خالص الود

[ريّانه]

هو الأسلوب الذي تتبعينه في السير بحياتك؟
انا حياتي ماشيه سبهلله هه ما فش اسلوب وكل ما احط مخطط انا لحالي بضيعو يعني مش قادرة التزم! :36_1_47:

ما هو هدفك؟
أوصل للمستوى العلمي إلى بدي اياه وأربي اولادي على الي انا اتربيته :yay:


ما رأيك بالأشخاص الذين يعيشون بعزلة؟
الناس بتقدر تعيش بعزلة وبتقدر تختلط مع الي حواليها ،، وكل شخص ورأيه !

من هي الأقرب لديكِ الصديقة أم الأخت؟
!! الصديقه مهما كانت قلبي وروحي ما بتوصل لأختي !:o_o:

هل توثقين بأحد وتعتبريه مخبأ لأسرارك ؟؟
إطلاقاً .. بس في مخبأ أسراري بس مش كل شي بينحكى !!



يعطيكي ويعطيني العافيه ..

[ريّانه]

أهلين زهرة

اللون المفضل:
الأزرق بجميع درجاته و الليلكي والسكني .



الاكلة المفضلة:

التبولة والأوزي والورق دوالي:36_1_51:


الشراب المفضل:


المي:yay:


المطرب المفضل:

فش مطرب محدد بسمع للكل



المطربة المفضلة:

برضو فش محدد


الممثل المفضل:

منذر رياحنه و ونتورث ميلر


الممثلة المفضلة:

صبا مبارك وجيسيكا البا


هواياتك:

كرة السلة والمطالعه

احلامك وطموحاتك المستقبلية: كبيييرة بس واقعيه!:D

حكمة تؤمني بها: مش متذكرة كويس بس أطن هيك : اعمل لدنياك كأنك تعش أبداً واعمل لأخرتك كأنك ستموت غداً


كلمة لباقي الاعضاء:
كل أنسان بعرف مصلحته وبعرف كيف بدو يفيد نفسه ويفيد وطنه مشان هيك أمشي متل ما بحكيلك عقلك وقلبك وما تخلي حد يأثر عليك



لمـن تعطين هذه المسميـات ؟!


قلب ابيـض
فـآرض احترامه
شهادة تقدير
كتـاب مفتوح
طيوب
مميز
غامض
دمه قشطه
حساس
عصبي
كتـوم
عقله كبير رغم صغر سنة

كل واحد بعرف حاله !

ضيفتنا الكريمة

اتمنى لكِ التوفيق بــ الاجابات والحضور الرائع ...

تسلمي يا رب ..:D

[ريّانه]

والله اهلا ب ريانة منووورة والله :victory:
هاد نورك خيتي

بحرحب فيكي على طريقتي وأقدملك ورد :shy:
انا بحب الورد الابيض عشان هيك رح اهديكي ورد ابيض
شكرا ، وأكيد انا كمان بحبه

http://www.digitalphotoartistry.com/roses/Imgp0181.jpg



بعد مرحبنا نيجي للجد
ماشي ..

ممم اول اشي بدي اردلك اسئلتك بمقابلتي وغلبناكي معنا :yay:
صارت شغله دين بشووف هه

اسئلتي :

1- شو مفكرة تدرسي ان شاء الله بالجامعة ؟؟
امم حابة أدرس طب وأتخصص أورام خبيثة >> تكوليش لأمي إني جبت سيرة الأورام الخبيثة هه

2- لو لم تكوني انتي من تتمنين ان تكوني ؟؟
نفسي فقط!

3- مم شو رأيك فيني ؟؟
امم مش رح أعرف اجامل بس انتي بنت كويسة و حققتي الي بدك اياك بمعدلك ، وأن شاء الله الي أعطاكي يعطيني ..

4- مين الانسان الي حاب تنتقمي منه؟؟
لا بلاش فضايح ، و لو كنت متدايقه من حد بتوصلش الانتقام

5- مين اغلى انسان على قلبك؟
أهلي وصحبيتي ..

ممم وخلصنا وان شاء الله لي عودة :o_o:
أهلا وسهلا .. بس تيجيش وايدك فاضيه هاا ..


تحياتي

[ريّانه]

اسئلتي

\
احلامك , هل هي بقائمة الحسبان ؟
طبعاً ، ولو لم تكن لما خلقت شخصيتي !

هل انت ِ مستعدة لمواجهة المجتمع في سبيل افكارك ؟
مليون مرة أكيد

الثقه عامل أساسي لبناء اي علاقه , فماذا تعني الثقه لريّانه ؟
أكيد عامل أساسي ، بس دايما أنا ثقتي لذاتي ، بس ما بمنحها لأي حد ، يعني حالياً أنا بتعامل مع الناس ، والثقه من طرفي معدومه ! ، طبعاً لأن مش أي شخص بستحقها .

هل من أتهم المرأه بالثرثره كان صادقاً ؟
لم يكذب ، وبالوقت نفسه لم يكن صادق ، لأن أصابع يدك ليست متشابه وكذلك المرأة .

عادتنا وتقاليدنا ,إلى أي مدى تلتزمين بها , وهل منها ما هو سلبي ؟
بالتأكيد نعم بجانب ما نصته الشريعة الإسلاميه ، لكن إن كانت هذه التقاليد تَحُتّ من شخصيتي فبدوري بالتأكيد لن ألتزم !
طبعاً يوجد ما هو سلبي ، وهو رغبة الأباء للأبناء بالعمل في نفس الحرفة أو المجال ..

\

برئيك كيف يجّسد دور المرأه الفلسطينيه في ظل الأحتلال بالمقارنه مع المرأه العربيه في مفهوم الحياه العام ؟
المرأة الفلسطينيه هي رمز الصمود والبقاء ، وعانت جميع مظاهر القمع الفلسطيني من تشرد وتكثيل ، إن كنت تريد فعلاً أن ترى المرأة الفلسطينيه فهي إمرأة عجوز على بوابات أسرائيلية تساوم وتصرخ من أجل فلذة كبدها وهو إبنها .
ولكنني إستغربت في مقارنتك بالمرأة الفلسطينيه مع المرأة العربية ، لنأخد المرأة الخليجية على سبيل المثال تعيش في رخاء ورغد ولا تعاني إطلاقا !
لن أطيل ولكن المرأة الفلسطينية هي عربية ، ولكن ليست أي إمرأة عربية كالمرأة الفلسطينية .

ماذا تقولي للإقتتال الفلسطيني ؟
قاله قبلي كثر ، وهي الوحده الفلسطينيه لا غير ، وكفانا مهزلة .


كأنثى فلسطينيه كيف تساهمي وتخدمي وطنك ؟
بتابع المستجدات السياسية ، وبقرأ كتب سياسيه كثير ، والمعلومات الي بقرأها بشارك غيري فيها وبرضو بتناقش فيها أنا وإلى حولي ، ولكنني حالياً أخدم وطني إجتماعياً وليس سياسياً ، ولكن كلاهما خدمه .


\

خالص الود
وودي أيضاً

[رنادْ]

-مــــن انـــــــت ؟
2- ماهو هدفك ؟
3-ماهي أمنيتك ؟
4-ماهي رؤيتك للحياة ؟
5-ماهي رسالتك في هذه الحياة ولمن توجهها ؟
6-ماهي التجربه التي تتمنى تكرارها ؟
7-ماهو أفضل مكان تتردد إليه ؟
8-مـــــن يطـــــربك ؟
9-من هو توأم روحك ؟
10- ماهو اكثر شئ تخشاه ؟
11- مالذي يشعرك بأكثر قدر من الحرج ؟
12-شخص تحتاج لقربه الآن منك ؟؟
13-متى تغضب ؟
14-باقة ورد لمن تهديها ؟
15- باقة شوك لمن تهديها ؟
16- شخص لاترفض له طلبا ؟
17-ماهي أعظم صفة تفضلها ؟
-ماهي الصفه التي تكرها؟
19-أعظم شيء فقدته ؟
20-وأعظم جرح دفنته ؟
21- اسوأ خبر سمعته ؟
22-ماذا يمثل لك الموت ؟
23-دعوه صادقه من اعماق قلبك لمن تهديها ؟
24-اوصف نفسك كما تراها ؟!
25-و اخيراً صف نفسك بكلمات بسيطة كما يراك الناس ؟؟؟؟

[ريّانه]

-مــــن انـــــــت ؟
أنا إنسانه وإلي شخصيتي .:victory:

2- ماهو هدفك ؟
حكيته قبل وهو إني أدخل المرحلة الجامعيه بتفوق وأدخل التخصص الي بدي اياه ، وأربي اولادي على الي أهل ربوني عليه .:shy:

3-ما هي أمنيتك ؟
هي أنه أدخل تخصص أورام خبيثة .

4-ماهي رؤيتك للحياة ؟
الحياة حلوة وبتمر مواقف علينا صعبه بس كلها بتكون عبر إلنا وعمره غيرنا ما بتعلم من خطأنا أو العكس .. الواحد ما بصدق إلا بتجربة شخصية .:rolleyes:

5-ماهي رسالتك في هذه الحياة ولمن توجهها ؟
والله هلكيت مخي كله رياضيات خايفه أكتب رسالة كلها معادلات هه:D

6-ماهي التجربه التي تتمنى تكرارها ؟
رحلة اللفتا والعين .

7-ماهو أفضل مكان تتردد إليه ؟
ربي ، لما أصلي .:o

8-مـــــن يطـــــربك ؟
الإشي الطرب

9-من هو توأم روحك ؟
نفسي .

10- ماهو اكثر شئ تخشاه ؟
الله عز وجل .

11- مالذي يشعرك بأكثر قدر من الحرج ؟
لما حد بتطلع علي وأنا منتبهه بس ما بكون أنا أتطلع فأنا بنحرج ..

12-شخص تحتاج لقربه الآن منك ؟؟
انا بالوقت الحالي بدي الكل يفك عني ^-^:)

13-متى تغضب ؟
وليش أغضب ! فش داعي ..

14-باقة ورد لمن تهديها ؟
للي بحب الورد

15- باقة شوك لمن تهديها ؟
للي بحب الشوك :yay:

16- شخص لاترفض له طلبا ؟
فش ، طول حياتي إلأا أرفض هه ;)

17-ماهي أعظم صفة تفضلها ؟
الثقه بالنفس .

-ماهي الصفه التي تكرها؟
كل شي سلبي .

19-أعظم شيء فقدته ؟
صلاتي ، إلي يومين ما بصلي ..

20-وأعظم جرح دفنته ؟
مأنا دفنته !:indotz:

21- اسوأ خبر سمعته ؟
كتييير

22-ماذا يمثل لك الموت ؟
تجسيد أراح لتتلقى الحساب ..

23-دعوه صادقه من اعماق قلبك لمن تهديها ؟
للكل

24-اوصف نفسك كما تراها ؟!
متسرعة ، وواثقة بحالي ، نمرودة ، أحلامي لا تعرف حدوداً !!

25-و اخيراً صف نفسك بكلمات بسيطة كما يراك الناس ؟؟؟؟

نمرودة خجولة ومغرورة :--)


\\

[*منار*]

مرحبا ريّانة ...

رجعت كمان مرة ...

بس بدي أضيفك بلاش تزهئي

http://www.esawiah.com/hosting/files/6jeidoi21f8qokpam28n.jpg (http://www.esawiah.com/hosting/)

يلا نبلش الاسئلة ...

كيف استعدادك لإمتحان الرياضيات ؟؟

ما هي أكثر صفة تكرهيها بنفسك ؟؟

ماذا ستكتبي لنا لتعبري عن حياتك التي عشتيها الى الان في كلمات قليله ؟

. اذا اردتي ان تبكي الان , فعلى من تبكي؟

من ستختاري ليمسح دموعك ؟

لو خيروكي بين حبيبك وبين اعز صديقة فمن تختاري؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقوليها ؟

.(( اللي راح راح وماتفيد كلمة ياريت ))
إذا أردتي ان توجهي هذه العباره لنفسك, فماذا تقصدي بها ؟

.(( انت كل شيء بحياتي )) لمن تقوليها ؟

متى اخر مره بكيتي؟

اي الدول تتمني ان تزوريها ؟

هل لديكِ الجرأه ان تقولي عمرك أمامنا ؟

هل انت راضية عن نفسك ؟

.هل تؤيدي الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحبي ؟

.هل تعترفي بشيء اسمه الصداقه بين الرجل والمرأة ؟

.هل انت مدمنة تفكير؟

** خدي بلي ريقك

http://www.esawiah.com/hosting/files/twe58g0etz8888lmmfmz.jpg (http://www.esawiah.com/hosting/)

.من هو اكثر شخص تفكري فيه؟


.اذا تم تعيينك ملكة لجميع البلاد العربيه فما اول قرار ستتخذيه ؟

.هل تكرهي شخص بشده في حياتك ؟

.ما هو اقتراحك الذي تتمني ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيكِ لتأخذي عنه انطباع ؟؟

.ماالذي يلفت انتباهك بسرعه في الشخص لكي تعجبي به ؟

اذا احببتي شخصا في الوقت الخطأ وفي المكان الخطأ فماذا تفعلي ؟؟

.حكمة تؤمني بها جدا؟؟

.عاده تفعليها دائما تتمنى ان تتركيها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعلي اول شيء اذا ربحت مليون ؟

.هل انتِ من لديهم رغبة حب التملك واذا تملك الشيء اصابه الملل منه ؟

.اعتذار تريدي ان تقدميه لمن؟


ان شاء ما اكون ثقلت دمي عليكِ

الي رجعة ...


خدي تحلي أكيد بتكوني بذلتي كل طاقتك

http://www.esawiah.com/hosting/files/voh19n75toqhpjaysuof.jpg (http://www.esawiah.com/hosting/)

مع تحياتي

[ريّانه]

مرحبا ريّانة ... أهلا

رجعت كمان مرة ... أهلا وسهلا

بس بدي أضيفك بلاش تزهئي
أه لأني بلشت أنعس هه:yawn:

http://www.esawiah.com/hosting/files/6jeidoi21f8qokpam28n.jpg (http://www.esawiah.com/hosting/)

يلا نبلش الاسئلة ...
نبلش ..

كيف استعدادك لإمتحان الرياضيات ؟؟
لسا قبل شوي الاستاز روح ما ضلش علي غير يا دوب 6 دروس بسس هه:36_1_47:

ما هي أكثر صفة تكرهيها بنفسك ؟؟
إني متسرعه :jf1:

ماذا ستكتبي لنا لتعبري عن حياتك التي عشتيها الى الان في كلمات قليله ؟
حلوة وبتجنن وكل يوم أحلى من الي قبله :yay:

. اذا اردتي ان تبكي الان , فعلى من تبكي؟
مش مستاهله ! :36_7_15:


من ستختاري ليمسح دموعك ؟
إيدي وبسس

لو خيروكي بين حبيبك وبين اعز صديقة فمن تختاري؟
مهي أعز صديقة !!

.ماهو تقييمك لهذا المنتدى بصراحه ؟
كويس ، بس مرات في شغلات بكون بدي أحكي فيها ، بس برجع بقول خلص يا بنت هه:tooth0000:

.من يسكن قلبك؟
البطين والأذين هه

.هل تعتقد ان حظك سيئ؟
لا الدنيا هيك وهيك ..

.هل هزمك حزنك في يوما من الايام؟
لحد الأن ولا لعبة مصارعه تخيلي !! :yess:

.((مستحيل انساك)) لمن تقوليها ؟
للي مش رح أنساه

.(( اللي راح راح وماتفيد كلمة ياريت ))
إذا أردتي ان توجهي هذه العباره لنفسك, فماذا تقصدي بها ؟
مش عارفه صراحة !!

.(( انت كل شيء بحياتي )) لمن تقوليها ؟
اهلي ..

متى اخر مره بكيتي؟
من زمااان يعني اليوم الصبح هه لا مش متذكرة صرااحه :touched:

اي الدول تتمني ان تزوريها ؟
فرنساا ودبي

هل لديكِ الجرأه ان تقولي عمرك أمامنا ؟
يا سلام وليش لا .. عمري 14 سنه و10 أشهر
هل انت راضية عن نفسك ؟
أكيد

.هل تؤيدي الزواج العاطفي ام الزواج التقليدي ؟ ولماذا ؟
بحبش أفوت بمتاهات بس الي كابته رب العالمين بده يصير

.ايهما اهم شهادتك الجامعيه أم الزواج ممن تحبي ؟
طبعا وألف طبعا شهادتي الجامعيه ولوووو

.هل تعترفي بشيء اسمه الصداقه بين الرجل والمرأة ؟
بحبه زي أخوي وصديقي والحكي كله هاد تخريف وحكي فاضي ، إحنا مش بأميركا

.هل انت مدمنة تفكير؟
لا بس باخدلي حبه ع الريق هه :D

** خدي بلي ريقك

http://www.esawiah.com/hosting/files/twe58g0etz8888lmmfmz.jpg (http://www.esawiah.com/hosting/)

الله يرضى عليكي وينجني وينجحك .

.من هو اكثر شخص تفكري فيه؟
بفكرش بحدا !!

.اذا تم تعيينك ملكة لجميع البلاد العربيه فما اول قرار ستتخذيه ؟
انا بس أصير ملكه الدار لأصير ملكة البلاد !! لسه بدري ;)

.هل تكرهي شخص بشده في حياتك ؟
أه بس امي بضلها تقلي أبغض حبيبك هونا ما عسى أن يكون عدوك يوما ما و أحب عدوك هونا ما عسى أن يكون حبيبك يوما ما
.ما هو اقتراحك الذي تتمني ان يحدث في هذا المنتدى ولم يحدث الى الان ؟
وأنا زغيرة يعني اقترحت انو أكون مشرفة على قسم الاقتراحات والشكاوي لهو العيساوي قلي
بدك تصيري مشرفه عليه وتنزلي مواضيع شكاوي هه:sick:
.هل ملابس الشخص امامك تؤثر فيكِ لتأخذي عنه انطباع ؟؟
أحياناً أه
.ماالذي يلفت انتباهك بسرعه في الشخص لكي تعجبي به ؟
صراحه بوته هه:;3:

اذا احببتي شخصا في الوقت الخطأ وفي المكان الخطأ فماذا تفعلي ؟؟
بغير الإتجاه :spiteful:

.حكمة تؤمني بها جدا؟؟
قلتها
.عاده تفعليها دائما تتمنى ان تتركيها ؟
بضل أقول عنجد

ماهو اجمل اسم لولد واجمل اسم لبنت من وجهة نظرك؟
اسم ولد .. محمد
اسم بنت .. رتاال
.ماذا تفعلي اول شيء اذا ربحت مليون ؟
انا يا دوبني على مصروفي هه :haha1:
.هل انتِ من لديهم رغبة حب التملك واذا تملك الشيء اصابه الملل منه ؟
أبصر !
.اعتذار تريدي ان تقدميه لمن؟
ولا لحدا

ان شاء ما اكون ثقلت دمي عليكِ
ان شا الله .. ربنا الي بيعلم الموجود في قلبي هه :kickball:
الي رجعة ...
اهلا وسهلا بس بدون أسئله :si:

خدي تحلي أكيد بتكوني بذلتي كل طاقتك

http://www.esawiah.com/hosting/files/voh19n75toqhpjaysuof.jpg (http://www.esawiah.com/hosting/)

لازم تفتحي منافسي :o_o:
مع تحياتي

[جنّات]

اختي ريّانة منورة الكرسي والله
بعرف انو بوجودي هه
يعني ما راح اكتر من اسالتي لانو ما شاء الله الاعضاء كفوو وفوو هه الله يكون بعونك

س: ريّانة انتي امام مرآه ما الذي ستقولينه للشخصية التي تريها امامك ,,؟
س2:ما هي طموحاتك التي لطالما حلمتي ان تحقيقيها ووصلت لمرحلة تحقيقها وفشلتي ان كان هناك اي طموح,,؟
س3:هل توفقين بين دراستك (حياتك العلمية )والمنتدى وتواجدك الدائم فيه,,؟
س4:لماذا اخترتي دراسة علاج الامراض الاخبيثة عن غيرها ؟.؟
س5: هل بأعتقادك ان في مجتمعنا الفلسطيني يضيع حق الفتاه من التعليم وغيره,,؟
س6:من هو قدوتك في الحياه؟
س7:ا لو اصبحتي مديرة هذا المنتدى اول قرار تتخذينه بما انه سيصبح لك الحق بفعل وبتغيير الكثير ؟.
س8:شو رأيك في جنّات طبعا انا,, هو في غيري ههه :؟

حبيبتي ان شاء الله ما اكون غلبتك بأسألتي
تحياتي لشخصك

[المظلوم]

نورت نورت نورت ...الله يعطيكي اعافية اختي ريانة ..
انا والله مش راح اغلبك كتير ..
بس سؤال واحد ..اكتر اغنيه بتعبر عن شخصيتك ...؟؟

مع تحيات اخوكم جهاد

[زهرة فلسطين]

مرحبا ريانة ارجعتلك
ابلش احم احم
\
/
وشو القسم الي ممكن تضيفه لاقسام المنتدى ؟؟


هل تخطط لمستقبلك ؟؟ ما هي طموحاتك ؟؟

معلومة بتعرفها عن مدينة القدس وحابب تعرفنا عليها .

شو اكثر موضوع قرأته وأثر فيك كثير وصعب تنساه ؟

ويعطيك العافية

[همسة الاحساس]

heyz

مسا الفل و الورد و النرجس و (الريان الأحمر ههههه)...منوووورة
كيفك ؟ والله زمان عنك يا بنت؟

اممم يلا نبلش الأسئلة
....

ما هو سبب انتقائك لاسمك المستعار (ريّانة) ؟

برأيك ما هو أجمل قسم بالمنتدى؟

ما هو رأيك بأصحاب (القلوب المُسَلَّمة) أي من ينعتون أنفسهم بالعشاق ؟

ما هو مدى تقييمك لمدرستك من ناحية تعليمية ؟ وهل تعجبك ؟

اسألي حالك سؤال وجاوبي عليه ؟

شو رأيك فيني ؟

شو الصفة الي نفسك تغيريها بحالك ؟

ووووو و بس
اله يعطيكي العافية
أحلا ريانة

والشكر للمدمر و كارين على الإختيار

تحياتي..

[ريّانه]

اختي ريّانة منورة الكرسي والله
بعرف انو بوجودي هه
يعني ما راح اكتر من اسالتي لانو ما شاء الله الاعضاء كفوو وفوو هه الله يكون بعونك

س: ريّانة انتي امام مرآه ما الذي ستقولينه للشخصية التي تريها امامك ,,؟
انتي قوية وخليكي زي ما انتي وما حد يأثر عليكي وعلى شخصيتك وشو ما نقال ما تهتمي ..

س2:ما هي طموحاتك التي لطالما حلمتي ان تحقيقيها ووصلت لمرحلة تحقيقها وفشلتي ان كان هناك اي طموح,,؟
أنا ما وصلت الفشل بحد ذاته ، بس ذاكرتي مش مساعدتني أذكر طموح ..


س3:هل توفقين بين دراستك (حياتك العلمية )والمنتدى وتواجدك الدائم فيه,,؟
تقريبا أه


س4:لماذا اخترتي دراسة علاج الامراض الاخبيثة عن غيرها ؟.؟
أنا كنت مفكرة بطب الأطفال أو جراحه بس مرة سألت أبوي عن اسم هذا التخصص فقلي اياه وحكالي انو قلال الي بيدرسو ، وعلشنهم قلال قررت أدرسه


س5: هل بأعتقادك ان في مجتمعنا الفلسطيني يضيع حق الفتاه من التعليم وغيره,,؟
إطلاقاً الي بدها تدرس لو شو ما كان بتدرس وما في شي بيوقف قدامها ..
س6:من هو قدوتك في الحياه؟
الرسول عليه الصلاة والسلام .


س7:ا لو اصبحتي مديرة هذا المنتدى اول قرار تتخذينه بما انه سيصبح لك الحق بفعل وبتغيير الكثير ؟.

أول شي هو انه في كم مشرف مش لازم يضلو وما يكون في قسم افتح قلبك ، وانه في كم قسم انهم يطيرو .
س8:شو رأيك في جنّات طبعا انا,, هو في غيري ههه :؟
كويسة وحبووبة وأسألتك حلوة .


حبيبتي ان شاء الله ما اكون غلبتك بأسألتي
صراحه أه هذه المرة التالته برد عليهم ولما اخلص أحط اعتماد بيصير في غلطه وبيطلعوش هه بس ولا يهمك .
تحياتي لشخصك
ولشخصك أيضاً ..


//

[ريّانه]

نورت نورت نورت ...الله يعطيكي اعافية اختي ريانة ..
يزيدك عافيه
انا والله مش راح اغلبك كتير ..
لا ولو غلبتك راحه خيي ..
بس سؤال واحد ..اكتر اغنيه بتعبر عن شخصيتك ...؟؟
هه مش عارفه أنا لما أسمع أغاني ما بفكر انه هذه بتنطبق علي أو اشي زي هيك !! مش لاقيه جواب .

[ريّانه]

مرحبا ريانة ارجعتلك
أهلا وسهلا
ابلش احم احم
\
/
وشو القسم الي ممكن تضيفه لاقسام المنتدى ؟؟
ولا قسم ، أسأليني شو الاقسام الي حابه تحذفيهم هه

هل تخطط لمستقبلك ؟؟ ما هي طموحاتك ؟؟
طبعاً ، أوصل مرحلة التوجيهي بمعدل عالي ، وأدخل الجامعه الي بدي اياها وأتخرج بتفوق قولي ان شا الله ..

معلومة بتعرفها عن مدينة القدس وحابب تعرفنا عليها .
امم إن القدس تسمى داره ومعناها الأرض التي تحيطها الجبال ، وبكل العالم بس مدينه القدس هيك .

شو اكثر موضوع قرأته وأثر فيك كثير وصعب تنساه ؟
كتييير ، بس مش متذكرة واحد محدد

ويعطيك العافية
يزيدك عافيه

[ريّانه]

heyz
هلااز ..
مسا الفل و الورد و النرجس و (الريان الأحمر ههههه)...منوووورة

كيفك ؟ والله زمان عنك يا بنت؟
كويسة الحمدلله .
اممم يلا نبلش الأسئلة
....

ما هو سبب انتقائك لاسمك المستعار (ريّانة) ؟
أنا بحب اسم ريان بس كان بالانجلش وحبيت أعمله عربي بس كان في أعضاء أسمائهم بالعربي فعملت تأنيث هه
برأيك ما هو أجمل قسم بالمنتدى؟
قضيتنا طبعاً و قسم ابدعات الشباب .

ما هو رأيك بأصحاب (القلوب المُسَلَّمة) أي من ينعتون أنفسهم بالعشاق ؟
عشاق شو بدي أقول !!
ما هو مدى تقييمك لمدرستك من ناحية تعليمية ؟ وهل تعجبك ؟
من ناحيه تعليميه من مرة !! وهل تعجبك ؟ عااادي بشوفها كمنظر بس كجوهر لاا
اسألي حالك سؤال وجاوبي عليه ؟
شو بدك تعملي بس تقومي عن الجهاز ؟
بدي أروح أكمل حل معادلات .
شو رأيك فيني ؟
عاادية وبنت قد حالك .
شو الصفة الي نفسك تغيريها بحالك ؟
اني متسرعه
ووووو و بس
اله يعطيكي العافية
أحلا ريانة

والشكر للمدمر و كارين على الإختيار

تحياتي..

[kArEeN]

يعطيكي العافيه ريّانه
جيت وجايبتلك اكم من سؤال
مش راح اطول عليكي :--)


هل ندمتي على قرار اتخذته فى حياتك ؟
هل تتقبلي النقد الصريح ؟
ما هو اسعد خبر تلقيته بحياتك؟
موقف أثر فيكي وغير في مجرى حياتك أو نظرتك للحياة ؟
ثلاث كلمات لثلاث اشخاص اثروا في حياتك..
شو بيعنيلك؟؟
الليل:
الام:
الاسرة:
البحر:
الطفوله:

حكمه ترددينها دائماً؟؟

بتمنالك التوفيق
في حل المعدلات ;)

[ام زيد]

السلام عليكم
اهلا وسهلا بريّانتنا ..

بتعرفي انه الخلايلة بحكوا عن اقراص اللحمة ..ريّانه !!!
شو يعني ريّانه المعنى الفصيح .

انتِ مُحبة للمطالعة ..ما هو الكتاب الذي قرأتهِ اخيراً ؟؟
وما هو الكتاب الذي حفر اسمه في ذاكرتك ؟؟


ريّانه ..حسب ما قرأت لك من ردود ..شخصيتك كتومة ..سياسيّة ..مراوغة ..

هل هذه الصفات فعلاً تنطبق عليكِ

قلتِ او تمنيتِ ان تنجحي في مسابقة الريّاضيات ..ممكن تحكيلنا عنها ما هي هذه المسابقة
ومين مشترك فيها ..المتنافسين ؟

وآخر سؤال ..شو القسم اللي بتحبِ تحذفيه ..وليش ؟؟

وتحية لكِ ولمستضيفيكِ
يعطيكم العافية .

[ريّانه]

يعطيكي العافيه ريّانه
جيت وجايبتلك اكم من سؤال
يا هلاا
مش راح اطول عليكي :--)
لا ولوو خدي راحتك ..

هل ندمتي على قرار اتخذته فى حياتك ؟
ما اندمتش بس عاتبت حالي
هل تتقبلي النقد الصريح ؟
حسب يعني مرات مين هو الشخص الي وجهلي النقد إذا انسان واعي ومثقف اكيد بتقلبلها اما غيره لا وبرضو كمان على الأسلوب يعني النقد كيف طلع منه ..
ما هو اسعد خبر تلقيته بحياتك؟
كتااار

موقف أثر فيكي وغير في مجرى حياتك أو نظرتك للحياة ؟
مش ملاقيه هيك موقف :jf1:
ثلاث كلمات لثلاث اشخاص اثروا في حياتك..
أبوي .. بحبك كتيير
صحبيتي .. الله يخليكي يا رب ..
سيدي .. الله يطول بعمرك ..
شو بيعنيلك؟؟
الليل:هدووء وراحه :love:
الام:ملجىء يلجئ اليه الأنسان في حالة التعب أو في أي حاله تمسه أمه .
الاسرة:هي التمام شمل العائلة .
البحر: بقدر كبره بقدر غدره ..
الطفوله: كلمه كلها شغف و مشاكسه :yay:

حكمه ترددينها دائماً؟؟
أحبب حبيبك هوناً ما عسى أن يكون عدوك يوماً ما ، وابغض بغيضك هوناً ما عسى أن يكون حبيبك يوما ما .. نقلاً عن ماما :36_7_15:

بتمنالك التوفيق
في حل المعدلات ;)
الله يسمع منك ..

[ريّانه]

السلام عليكم
اهلا وسهلا بريّانتنا ..

بتعرفي انه الخلايلة بحكوا عن اقراص اللحمة ..ريّانه !!!
معلومة جديدة :cool:
شو يعني ريّانه المعنى الفصيح .
على ما أظن هي ريّان باب من أبواب الجنه ولكن إن كان الأسم لأنثى فهو بإضافة (ة) ريّانه ..
وهنا كان استفسار عن إسم ريّان
أجاب عن السؤال الشيخ/ عبد الرحمن البـراك (عضو هيئة التدريس بكلية أصول الدين بالرياض)
الجواب:
مالكِ ولباب الجنة؟ سمي ابنتك ريّانة، لا تسميها ريان، سميها ريانة، وإن كان ولداً وأعجبك أن تسميه ريان فسمه ريان لا على باب الجنة، سمه ريان من الري خلاف عطشان.
انتِ مُحبة للمطالعة ..ما هو الكتاب الذي قرأتهِ اخيراً ؟؟
أنا حالياً لضيق الوقت بقرأ فقط مقتطفات من جميع الروايات التي أملكها .. فهي أكله الذئب لشاكر النابلسي ، نسيانكم لأحلام مستنغامي .
و المتشائل لإميل حبيبي .

وما هو الكتاب الذي حفر اسمه في ذاكرتك ؟؟
نسيانكم ..

ريّانه ..حسب ما قرأت لك من ردود ..شخصيتك كتومة ..سياسيّة ..مراوغة ..
هل هذه الصفات فعلاً تنطبق عليكِ
انا بكتومة لا مش كتيير لما حد ينرفزني ع طول بحكي .. أما سياسّة ومراوغه فأه ممكن .. هاد حكي إمي هه ..:confused:

قلتِ او تمنيتِ ان تنجحي في مسابقة الريّاضيات ..ممكن تحكيلنا عنها ما هي هذه المسابقة
ومين مشترك فيها ..المتنافسين ؟
هذه مسابقة للمميزين في الرياضيات ، تم إختيارهم على حسب المعدل أعلى من 95 ..
ولكن المشاركه كانت إختيارية مع رسوم إشتراك .. فأنا حبيت أشارك .. والمسابقة على مستوى شرقي القدس ..

وآخر سؤال ..شو القسم اللي بتحبِ تحذفيه ..وليش ؟؟
قسم افتح قلبك وفش غلك .. لأنه لازم يكون في شوية خصوصية ، والمواضيع التي تناقش هناك أغلبها منقولة عن موقع بانيت إذا لاحظتي ومواضيع أساساً مش للنقاش !! :rolleyes:
وتحية لكِ ولمستضيفيكِ
ولكِ أيضاً
يعطيكم العافية .


:--)

[ثائر ابو لبدة]

قال عليه الصلاة والسلام : " أحبب حبيبك هونا ً ما عسى أن يكون عدوك يوما ً ما ،

وابغض بغيضك هونا ً ما عسى أن يكون حبيبك يوما ً ما " ..

هو حديث شريف وليس حكمة !!!

كتاب أحلام مستغانمي : " نسيان com وليس نسيانكم " ,

بغض النظر عن مقصد الكاتبة ،

ومن باب الحفاظ على حقوق الملكية الفكرية ليس إلا !!

كنت هنا والزهر ْ ..

تحياتي لكم والله يوفق الجميع .

[ДŁ-мoĐąмЄR]

السلام عليكم

كيفك اختي ريّانه انشالله مرتاحة معنا ومبسوطة

نيجي للاسئلة

شو اكتر شي بعجبك بمنتدى العيساوية؟

نهفه صارت معك بالمنتدى؟

شو بنقص المنتدى من احتياجات للاعضاء؟

بدي اعطيكي المايك وقدام كل اعضاء المنتدى تحكي اشي بقلبك شو بتحكي!


بكفي *!*

،،

[ريّانه]

السلام عليكم
وعليكم السلام ..

كيفك اختي ريّانه انشالله مرتاحة معنا ومبسوطة
الحمدلله كويسة
نيجي للاسئلة
ماشي ..
شو اكتر شي بعجبك بمنتدى العيساوية؟
إنه حلو وبوصل المعلومات من خلال الشاشه ..

نهفه صارت معك بالمنتدى؟
كتاار

شو بنقص المنتدى من احتياجات للاعضاء؟
إنهم شوي يساعدو المشرفين ، ويحطولونا أعذار اذا أخطأنا بحقهم ..

بدي اعطيكي المايك وقدام كل اعضاء المنتدى تحكي اشي بقلبك شو بتحكي!
خليني ساكته أحسن ههه


بكفي *!*
وبزيادة ..:36_7_15:

[محمد نخال]

ريّانة ..

مرحبا .. كيف الحال ..؟؟

كيف الإستضافة معك لحد الآن ؟

تعبتي ؟ .. زهقتي ؟ .. مليتي ؟ .. ما مصدقة وهي تخلص ؟ .. او اذا في حد زعجك بمشاركتو ..ومين؟ ..!

على كل حال الشغلات اللي كنت حابب أعرفها عن ريّانة عرفتها من خلال أسالة الأعضاء

مع ذلك عندي كم سؤال الها علاقة بالشغلات اللي كنت حابب اعرفها ..

قلتي انك حابة تدخلي تخصص علاج الأورام الخبيثة ، والسبب انه قلال اللي بدرسو هاد التخصص .. وانا بأيدك انك تختاري تخصص مطلوب ونادر ، لكن لو فكرتي تختاري تخصصك من جانب ثاني ، وهو حبك وميولك ... شو بتختاري ؟

لما تخلصي مرحلة التوجيهي رح يقابلك مفترق طرق ... الطريق الأول بوصلك الى الجامعات العربية ، والطريق الثاني الى الجامعات العبرية ... هل اخترتي طريقك ؟ واذا الجواب نعم .. ممكن توضحي ليش اخترتي طريقك هاد مش الطريق الثاني ..؟

بتمنالك التوفيق ... والإستمرار بالتفوق ...

كل الشكر للثنائي الذهبي كارين والمدمر ..

احترامي

[ريّانه]

ريّانة ..
عيونها ..

مرحبا .. كيف الحال ..؟؟
مراحب .. دايما الحمدلله ..

كيف الإستضافة معك لحد الآن ؟
كويسة ..

تعبتي ؟ .. زهقتي ؟ .. مليتي ؟ .. ما مصدقة وهي تخلص ؟
لا ولوو ..
.. او اذا في حد زعجك بمشاركتو ..ومين؟ ..!
هه يعني انت بتسألش هالسؤال الا وأنت عارف الجواب ، وأكيد أنت عارف مين ولا لا ؟؟!!

على كل حال الشغلات اللي كنت حابب أعرفها عن ريّانة عرفتها من خلال أسالة الأعضاء

مع ذلك عندي كم سؤال الها علاقة بالشغلات اللي كنت حابب اعرفها ..

قلتي انك حابة تدخلي تخصص علاج الأورام الخبيثة ، والسبب انه قلال اللي بدرسو هاد التخصص .. وانا بأيدك انك تختاري تخصص مطلوب ونادر ، لكن لو فكرتي تختاري تخصصك من جانب ثاني ، وهو حبك وميولك ... شو بتختاري ؟
انا ميولي أكتر علميه .. اذا قصدك بنفس المجال فهو طب الأطفال أو الجراحه ، أما إذا مجال غير الطب .. فأنا بختار دليل سياحي ..

لما تخلصي مرحلة التوجيهي رح يقابلك مفترق طرق ... الطريق الأول بوصلك الى الجامعات العربية ، والطريق الثاني الى الجامعات العبرية ... هل اخترتي طريقك ؟ واذا الجواب نعم .. ممكن توضحي ليش اخترتي طريقك هاد مش الطريق الثاني ..؟
لسه المشوار طويل ، بس أنا بقدر أعطيك طرف الخيط ، أنا ما أظن إني رح أدخل جامعه عربية !
لكن الله كريم ..

بتمنالك التوفيق ... والإستمرار بالتفوق ...
تسلم يا رب الله يخليك ..
كل الشكر للثنائي الذهبي كارين والمدمر ..

احترامي ..

[lara]

بنحب انمسي بهداوه
ع العسل والحلاوه
وبكل رقه وطراوه
مسا الورد يا بقلاوه

انا ما في عندي سؤال للاستفسار يعني انا بعرف عنك كل شي عشان هيك مش راح اسالك غير سؤال واحد

شو رأيك في؟؟؟؟؟؟

مع تحياتي وبتمنالك التوفيق بحياتك

[ريّانه]

بنحب انمسي بهداوه
ع العسل والحلاوه
وبكل رقه وطراوه
مسا الورد يا بقلاوه

ههه خجلتيني

انا ما في عندي سؤال للاستفسار يعني انا بعرف عنك كل شي عشان هيك مش راح اسالك غير سؤال واحد

شو رأيك في؟؟؟؟؟؟
والله انك عسسل وأمورة وضحكتك بتخليني اضحك ..
وكويسة بس مشكلتك إنو عطوول بتحكي إلي بقلبك !! وخصوصياتك ..

مع تحياتي وبتمنالك التوفيق بحياتك
الله يخليكي يا رب ..

[ثائر ابو لبدة]

انتهت الإستضافة ،،

14 - 21 / 2 / 2010 م ،،

مشكورين جميعا ً ،،

تحياتي لكم والله يوفق الجميع .

[kArEeN]

ريّانه
نشكرك على قبولك الاستضافه
كان اسبوع ممتع كثيراً معك
استمتعنا بقرأت اجابتك
وتعرفنا على الشخصيه المتواضعه المحبه
اتمنى لك كل التوفيق في حياتك العلميه والعمليه
اشكر جميع من شارك في هذه الإستتضافه
مع كل الحب ..