*فوتو ضروري لكل مسؤول عن البلد يفووت ويحللنا هالقضية المستعصية ..

[free girl]

مسا الخير يا جماعة الخير والنخوة

نبلش هالقضية الي بصراحة قرفنا وانلعى قلبنا من كتر محكينا فيها ولكن لا حياة لمن ينادي

هلكيت بدي احكمكم على هالشغلة وبتمنى صحاب الضمائر الصاحية ها قلنا صحاب الضمائر اليقظة الصاحية تحكم وبس

لما الواحد عنده محاضرة على ال 8 ويطلع من ال 6ونص عشان يلحق يوصلها وما يوصلها عشان باصات البلد ؟؟؟ شو يسوي فحاله سعيتها :rolleyes:أكيد بده يبدا يسب ويعصب ويوصل متأخر على محاضرته انا بقلكم انا جامعتي فبيت لحم وبطلع قبل المحاضرة بساعة ونص بس ولسبب بسيط اني على امل اوصل على الوقت مش قبله حتى ولما اقعد نص ساعة بس على موقف البلد واتشرشح بالسكعة واترتر وانا واقفة وبس بستنى شفكة من صحاب الباصات -----------------------وما حدا بقبلها لا صاحب ولا عددو .. والله انها شغلة بتفلق انا عارفة انه لتينا وعجنا بهالموضوع وهيني بلت وبعجن على الفاضي لانه كد محكينا بس بنسمع حكي وكل الباصات فوضى وكايمة يا كلهم يكونو بالقدس يا كلهم بكونو بالبلد يا ريت الشغلة بتوقف على الصبح بدري لا كمان لما بدي اطلع على محاضرات عادي الساعة 12 او 11 بدي اطلع قبل سنة عشان اوصل يا ريت تلاقولنا حل قرفنا حكي عن هالموضوع

يعني اكتر بلد عنا باصات وباصاتنا مش خداماتنا معناته بلاهن احسن بنروح مشي وخلصنا وياريت هيك الحلو بالموضوع انه لما نشووف باص من بعيد بنكيف وبنحكي اجا الفرج وما بوصل الا بكوون مفزور من الي فيه يعني ما ضايل حدا بالبلد الا وطالع من داره واحنا بنوقف بس نتفرج انه طلع باص من جهتنا والاحلى من هيك لما بتيجي تحكي مع الشوفير وتقله النا ساعة واقفين بقلك وانا شو دخلني وقفي كد مبدك طبعا انا بسترجيش افتح تمي معهم لاني بعرف الجواب هاد ومرات بطلعو باصات في مجال يطلعو اكم من واحد كال يعني بسوو حالهم نظاميين وبقلك استنى للباص الي بعده يعني انت واقف على الموقف يعني غصبن عنك لازم تستنى ولا بتكونش فالعيساوية وانت فشي وراك غير تنسنى باصات .. انا ما حكيت ما نستنى بس الواحد بالعقل بتنسى 5 دقايق 10 ان طار مخها 15 بس مش نص ساعة والله شغلة بتفلق غير الختايرة الي بكونو بدهم يموتو من الوقفة وهما يستنو .. وخصوصولنا باصات لاول البلد لانه احنا بنطلع اخر شعب من البلد على اشغاالنا وجامعاتنا ومدارسنا يعني ضروري نطمن على كل البلد انها طلعت وبعدين احنا نطلع؟؟؟
وازا الله حبنا وطلعنا في باص يا بنطلع واقفين يا بنستنى باص وبنوصل متأخرين .. مش شغلة :36_6_8:

ويعني ازا بدي انطرد من الجامعة اكيد على ايدين باصات البلد عشان تأخيري والله والله والله باصات بيت جالا ما بأخرونا كد باصات البلد

يا ريت تلاقولنا حل واضلكمش تحكو حكي سو فعل لانه قرفنا من الحكي واللت والعجن بهالموضوع

لاقوللللللللللنا حل

[free girl]

عنجد والله سدق الي كلي انه فشي امل وكلووو لت وعجن على الفاضي !!!

يلا شكرا لكل الي فاتو استطلعو ورجعو طلعو لانهم عارفين انوو حكي فاضي بس لونه حكي حب ولا اشي تاني كان بردووو

[IkEr_CaSillAs]

ما بتوقع الحل راح يكون هون يا أخت free girl نصيحه مني بدل ما تضيعي وقتك و تحكي مع ناس على المنتدى بهاد الموضوع إطلعلي على مقر الشركه اول البلد وهمه راح يفيدوكي أكتر منا بهل الخصوص يعني فهميهم الوضع عشان يراعو ظروفكم و إن شاء الله ما بصير إلا كلشي خيرو طولي بالك وصلي على النبي و إتوكلي على الله

[ام زيد]

صرخة واستغاثة لشركة الباصات

للاسف الشكاوي كثيرة ولا تجاوب من الشركة !!!
قالوا نظموا طلعة الباصات والباص لا يقف في الموقف اكثر من 5 دقائق ولكن لا نتائج عملية او ايجابية للاسف .

مش عارف شو بدي اقلك فري غيرل ولكن شو بايدنا نعمل
بنتأمل فعلاً انه صرختك توصل للشركة ويكون في تجاوب عملي وسريع .

طبعاً الحال مش عليها لحالها ...في مثلها مثايل سواء طلاب او عمال وغيره .

والاعضاء ما ردوا لانه ما في بايديهم اشي ...

[_محمد_]

يعني اكتر بلد عنا باصات وباصاتنا مش خداماتنا معناته بلاهن احسن بنروح مشي وخلصنا وياريت هيك

انا حبيت اعلق ع هاد الحكي هيك حكيتي

ياااا مش عاجبك ما تتطلعي مع احترامي الك

وانا بحكيلك انو الباصات صبح بكونو مضغوتين كتتير ومنيح منهم لي بلحكو والله انو انا صارلي ابوع لما اطلع عالمدرسة ع 7 ونص ما الاكي طلاب كتيير

بس انتي بتحكي انو دايما بكون ملان وابصر شو
ومش اول مرة بنحكى فهالموضوع

وانا حكيت رأيي وبس ويا ريت ما تزلعلي


وبنسبة ل انو لو الموضوع لو كان ع الحب واشياء هيك كان رد كتييير فجواي لاك انو هاد الحكي ما نزل من اول مرة نحكي في ع المنتدى كتتتير كبل ما تحكي انتي
مني تحيااتي
محمد

[DaRk_AnGeL]

والله يا اختي ريحي راسك وخدي الرخصة وروحي وتاعلي بسيارتك اشرفلك واحسلك ولا تقعدي تستني في هالسقعة واتضلي واقفة ولما تطلعي كمان على الواقف يعني فوق التاخير بتضلي على اجريكي والشوفير على اقل من مهلة فش وراه اشي ........ انا مني وعلي جامعتي في العيزرية كنت اروح في الباص وانزل بدري عالقدس ويملي الباص ويبلش يعبي عالواقف ويطلع صبايا ونسوان فغصبن عنك بدك تقوم يعني مش حلوة انتا قاعد والنسوان والصبايا واقفات وبعدين وانتا طالع من محسوم معالي ادوميم ساعة بنزلوك وعلى غرف التحقيق وبيعطوك ورقة ترجعلهن على المخابرات وبخلوا الباص يروح ويتركك ويلا روح مش من الزعيم على العيساوية ..... انا ريحت راسي وهيني بروح وبيجي هلقيت في سيارة بنزل وقت ما بدي يعني في الباص بدي ساعة او ساعة وربع علشان اوصل هلقيت في 20 دقيقة ببقى في الجامعة ما بتوخد معي وقت وما بضطر اني اتبهدل واتاخر وبنزل براحتي وانا مرتاح وعارف وينتا بدي اوصل وللعلم انه ازا بيصير عند 3 غيابات عن المحاضرة بتسقط فيهاللمادة وانا بتمنى انهم يساعدوك لانه في كتير غيرك محتاج لهاي الشغلة ....

[_محمد_]

وع العموم انا معك انو لباصات

كتييير مرات بتأخروو والناس بستنو عالموقف
بس يعني يمكن يكون في ازمة او اشي تاني

تحياتي

[*منار*]

شكراً لكِ على طرح المشكلة ...
لكن من المؤسف أنه مهما تكلمنا لا يوجد حل ...
الله يعين طلاب الجامعة وطلاب المدارس

وان شاء الله يلاقوا الحل .


مع تحياتي

[اسد الاقصى]

الله يعنك اخوي free girl على هذه الشغله الصعبه الذي جميع سكان العسويه يعنون منها



حياتي:اسد الاقصى

[العيساوي]

لحل مشكلة من هذا النوع يجب على المسؤولين ان يكونوا اولا معنيين بالحل

وايضا عليهم بان يقوموا بعمل احصائية في داخل البلد عن عدد مستخدمي المواصلات العامة في القرية خصوصا في ساعات الصباح خصوصا بين 6:00 الى 8:00
وكم طالب من كل محطة
وتقسيم الباصات كلها وبمعنى الكلمة كلها على الساعتين
والتركيز بشكل خاص 6:30 الى 7:30 باصات تخرج من البلد اكثر من الداخلة

الكلام مش شطارة

الفعل هو الشطارة
والمسؤولين عن الموضوع ان شاء الله يتفهموا المشكلة الي بيعاني منها الكثيرون
وليست المرة الاولى التي يتم الكلام فيها كما تفضلتم

والله يرحمك يا سيدي كنت تقول دايما : ( هين قرشك ولا تهين نفسك )

[BIG BOSS]

زي ما حكا ايكر كاسياس الحل مش هون بس اكيد الشوفريه ما بقدرو يعملو اشي واحنا بنلومهم قاعدين
المشكله انه في كتير ناس بالبلد وبيطلعو من بيوتهم مع طلعت الطلاب
انا بحكي لو تسوو توعيه لعامه الناس يعني الي ما بكونله لا شغله ولا عمله بالدار وبكون صاحي بصير حابب ينزل عل قدس ولا على هداسا ولا ابصر وين وخصوصا الختايره والكبار بالسن والنسوان على السواق .. يا عمي السواق بفتحو عل 10 مش عل 8
وانا متاكد انهم الشوفريه بسوو اكتر ما بوسعهم بس هون بيجي دور المسؤولين عنهم هما الي بقدرو ينظموا الباصات ووينتا يطلعوا ووينتا ما يطلعوا على ايامي كنت اشوف ابو هادي بلف بالبلد وبحكي مع الباصات ازا يطلعوا ولا لا بس هلء بعرفش لاني بطلت استخدم الباصات كتير الا لمشوار مش مستاهل سياره
بس بدنا نتحمل يا اختي هاد هو الحل وشوفيلك انتي وصحباتك ازا في الك صحبات كتير خدو طلب مثلا صيرو اطلعو بسياره خصوصيه من مكتب تكسي وادفعو كلكم مزبوط بطلع عليكم اغلى شوي بس بتريحو راسكم والله

[free girl]

شكرا الكم على التجاوب

بس بحب اعلق اكم من شغلة

سيد _محمد_ ولا يهمك عشان مش عاجبني بصير اطلع فباصات مخيم شعفاط بس ولا زعلك خيوووو

اخوي big boss
ازا بدي اروح طلب على الجامعة بدي 150 شيكل روحة !! يعني كل يوم 150 شيكل لو ابوي وزير وزارة بوخد تكسي بس انت بتعرف قسط جامعة وبتعلم سواقة وغير مصروف جامعة يعني الله يعينه لأبوي !! بدهاش كمان 150 مواصلات بس عشان اروح ؟؟

ونفس الحكي لاخوي العيساوي انا ما بهين نفسي انا بطلب بس بحقي انه المواصلات تكون مأمنة

هي باصات بيت جالا بالرغم من بعد المسافة بس ولا مرة ما بنلاقي باصات ولا مرة بنروح وما بنلاقي باصات !! وبلدنا شو هي كلها من القدس للعيساوي 5 دقايق اذا شد الشوفرية حيلهم فالسواقة بس احنا بتوخد معنا ربع ساعة عشان بلفو الدنيا

[_محمد_]

ولو يا فري جيرل

انا حكيت هادا هو رأي وما تزعلي
بس انتي حكيتي هيك

وزي ما حكي محمود

الشافرية مش ذنبهم مرات بكون في ازمة

....... وع العموم انا اسف انز زعلت حد فالحكي

[سفير الأقصى]

بسم الله الرحمن الرحيم

شكرا على الطرح

بداية أنا بلاحظ هالحكي كتير وشركة الباصات مش منظمة حتى أنا مرة كنت بدي أنزل عالقدس نزلو من جنب دارنا 4 باصات صغار عالقاعة وما طلع ولا واحد فيهم أنو يعني شو بيسوو تحت نفسي أفهم بس بعد نص ساعة طلع باص وكان مليان وأضطريت أوقف في الباص بدل ما يطلعو باصين عالقليلة .

المهم بنطلب من شركة الباصات أنهم يتخدوا قرار بهادا الأشي ويمكن أنو يدا بيد نقدر نغير اشي


تحياتي : سفير الأقصى

[رقيب]

ممكن ما تحكي هيك وانتي ما دخلك ماشي وتزعليش
الواحد حر وينتا ما بدو يطلع بيطلع لا والله تعالو احكموه
الواحد حر ايييييييييي

[رقيب]

يا شاطرين مش بس سكان العيساويه كمان جميع الشركات
بس انا عندي حل ليش متسو يا شركة البصات برنامج اي ساع بيجي الباص ووزعوه على الجميع هيك الواحد لا بيتاخر ولا بطلع بدي على الميعاد

[angel eyes]

يا ريت توقف بس ع هالشغلة يلي حكيتيها لسى كمان بغلطو ع البنات والمشكلة يروح يتطلع ع اهلو وه حالو بعدين يحكي ع البنات لو شو كانت البنت ما لازم يحكو عنا شي وبزات حكي وسخ متلون قدام البنات ايش هاد
thanx free girl

[الفراشة]

مسى الخير للجميع

والله يا اختي حكينا كتير بالموضوع هذا وبيقولو انو انحل بس هو هو ما اتغير فيه اشي
قال كل 5 دقايق بيطلعو باص على الفاضي اليوم طلعت من الدار على 7 الا ربع وصلت المحطة الا هو الباص طالع هذا الحكي من عند بقالة الشام يعني ما لحقتو احسبي من هاي الساعة للساعة سبعة ونص لشرف الباص التاني يعني بدك تحسبي انو على 8 تكوني باب العامود وفعلا هيك وكيف ازا لازم تكوني بالشغل الساعه 8 كيف صارت هاي ؟؟ وقال بيقولو كل 5 دقايق باص يا عمي وينو كل 5 دقايق باص قولو كل نص ساعة باص اه الواحد هيك بيصدق بس والله حكي
كمان شغلة براس البلد يعني الباص بيجي من تحت لعند بقالة الشام مليان يعني وين بدو يحمل الناس الي عند الجامع وما بوصل لراس البلد الا وهو فل ما في مجال لحد يعني عارفين هذا الحكي وسامعينو كل يوم على المخشير يعني من عند الجامع فل بما انو هيك ليش ما يطلعو كمان باص واره هيك بيكون احسن لانهم عارفين المشكلة وعلى الفاضي
لا المشكلة كمان بمر عليكي 3 او 4 باصات جايات من تحت مو مليانات كتير في مجال يعني وما بوقفو بصيرو يأشرولك على الباص الي وراه طيب وينو بعد ساعة ليجي
كل الباصات بينزلو تحت وما بيطلعو طيب وينهم ؟؟؟؟؟؟؟؟؟؟؟؟؟
على قد ما بتطلعي من الدار بدري ولا يمكن الا توصلي متأخرة
ومتل ما حكو الي قبلي اشتريلك سيارة وريحي راسك يعني بدل ما الطريق تتحمل ساعة بتتحمل نص ساعة
لا وكمان على الترويحة يعني الساعة 5 او قبل باشوي ولا باص بيكون باب العامود والناس مليانة طيب كل هالباصات للعيسوية وما في ولا واحد باب العامود يعني معقولة كلهم يكونو بالعيسوية
يعني الواحد مرات بيطر يترك السيارة بالبيت لسبب ما بس بعد اليوم على قد ما استنيت مستحيل اطلع بدونها
هههههههه

تحياتي للجميع
الفراشة

[a7la shosho]

مرحبااااااااااااااا
والله الكل بيعاني وحيات ربي كل يوم باكل بهدله من مربية صفي وبضلها تحكيلي ليش اتأخرتي كانو انا مسؤولة هفففففف والله بتنكد بس فعلا لا حياة لمن تنااادي شو نساااوي يعني اتعودنا انو نضل نحكي .........

[BlAcK RoSE]

free girl

اختي مش مشكلة بتهون وشو بدنا نعمل الحكي هون عالفاضي لا بقدم ولا بأخر بس هاتي احكيلهم انو الوا\حد بتكسرو اجري عالموقف وهو بيستنى على قولتك ضلو استنو هو انا مزبوط لسا ما بستنى بس عندي اخوا واهل بستنوا ,,, اه وبعدين انتو بتحكوا ازمة ومش عارف شو ايمتا بتصير يوم الجمعة ولا في رمضان امن الصبح وما في عجقة ولاشي ما تحكي ازمة عالفاضي لانو

وعنجد يا خيتي الله يكون بعون كل الي بستنوا

وان شاء الله الشغلة بتهون وبصيروا صحاب الباصات اسرع

وان شاء الله بالنجاح وما بتنطردي وبتنجحي يا رب

تحياتي الك ....

[ابو العتاهيه]

بسم الله الرحمن الرحيم
الله يعين كل من تعامل مع النقل العام
وبعدين حاب اقول اذا الحجه ام زيد يئست من كثر ما سمعة
والعيساوي بيقترح فهذا ان دل فانما يدل على ان المسئولين في المنتدى مع الرعيه
فهلى شركة الباصات حذة حذوهم
يمسيكم ويصبحك الجميع
الاخوة الكرام
ان مشكلة السفر هي فعلا في ساعات مكتظه ومعلومه ويعاني منها الكثير
نعم اخي العيساوي لتقم الشركه بدراسه ولينزل المسؤلين الى الشارع وخاصه صباحا
وان يتصرفوا بمهنيه
ويعلم الله ان منهم من لا يحرص ادنا الحرص على راحة المسافرين ويعتبر نفسه فوق الناس
ومنهم من اذا تفوه ببنس كلمه انهالة عليه النعال عافاكم الله
وللعلم يعلمون الذي يجري على الطبيعه
الحل--- من وجهة نظري المتواضعه
اان يتم ابلاغ الشركه عن طريق الهاتف
= = =============المراسله
===============البريد
مع علمي الاكيد ان كل هذا لن يفيد؟؟؟؟؟؟؟؟؟؟؟؟؟؟
العمل على ابلاغ الاهل كل من موقعه وليتضامن اولياء امور الطلبه وليجتمعوا مع المسؤلين عن الشركه وايصال الرساله بالود والمحبه
والشركه هي المسؤله عن حل المشكله
وقلبي معكم واتمنى النجاح لكل الدارسين وانشاء الله بالتوفيق



ابو العتاهيه

[ليش يا دنيا بتبكيني]

اه والله معك حئ في كل حرف عم تحكي والله انك على راسي من فوووووووووء وانا كمان مثلك بس يا حزرك مين يسمع .... هون لازم نحط نئطه سطر جديد لا كلو كووووووم ولما يطلع مفتش التزاكر كوم ثاني ئال يعني فووووء ما بنوئف ساعه ونص ساعه نستنى الباص زي كانو بدو يطلعنا في بلاش بيطلع هداك بدو تزاكر ايش هاد لاشي واشي بئدرو يعملو لشركة باصات العيساويه وواكثر شركه عندها باصات ويا ريت عارفين يتحكموا فيهم ولا ينظموهم هو ما في الا شركة باصات العيساويه كل الدنيا الها باصات وما بشكو من اشي انا والله لما المعمله تسئلني ليش اتاخرتي بحكيلها والله عندنا العيساويه بصاتها اتكيت كثير الها ساعه محدده على كل موئف بس تطرء بيجو ئبل بعد بثانيه نو لكل موئف باص مو مستعد باص ثاني فيو مجال يطلع كلو بضرب على بعضو ما بتسدء والله انو كنا عالفوردات ارحم كانو ماشيين تمام التمام يا ريت ترجع ايام زمان بس الي راح برجع وقال شو شفرية الباصات بنجنو في رمضان لما بشتغلو الفوردات اي لولا الفوردات ما بني ادم بصلي في رمضان مالنا ومال الحكي

[الفايروس]

اسمعي في اشي اسمو المسراد تحبوره بدك رقمهم والله بعطيكي المهم بتتصلي وبتتشكي هيك اريح شي بصيرو متل البسس كل يوم بالموعد لما ياكلو المخالفه

[ŅĮĞђţŏỌŏ]

السلام عليكم

والله صدق لسانك اختي

ازهقنا من كثر ما حكينا بس لا حياة لمن تنادي

روحي على بصات ايجد كل نص ساعه بطلع باص
بتعرفي اي ساعه بطلع وبتطلعي

اما عند العرب بدك تطلعي من الفجر عشان توصلي على القدس
على 8 شي بقرف

وبعض الاحيان بوقف باص ما بوقف

انا عمري ما وصلت الكليه بالوقت دايما متأخر
والمدير بضل يحذرني
كل يوم بوصل متأخر

بأختصار

العرب بضلو زي ما هم ما بتغيرو


تحياتي

[ابو البراء]

يا اخت المشكلة فينا انا بنا كل يجي على راسنا لو بطلع الباص كل 5 دقايق ما بعجبكم مع انو بطلع يعني انا بشوفهم ما بوخذو وقت ان طارت 10 دقايق وبنحكي بطلع قبل سسعة ونص دخيل الله مهو باص بيت لحم بدو ساعة ليتحرك وهاد اذا ما وقفو محسوم بتل ابيوت يعني لاتحطي الحق على البصات انتي نضمي حالك يعني وانا بكتب بلموضوع مر 4 بصات للبلد بس انتي لو بدك توصلي بدري بتوصلي

[ابو البراء]

انا بحكي خلي ابوكي يستاجرك شوفير لى احسابو شو نست الشركة تتصل على كل واحد عندو ميعاد اتنبهو من النوم عنجد شي بصطح ولا نسو يركدو وراكم من شارع لشارع والله عيب اذا مثل ما بتحكي طالبة جامعة وبتعملي هيك وا اسفا الله ايعينو الي انتي من نصيبو بس ما بحكي غير هيك

[free girl]

شكرا كتير الك اخوي ابو البراء كلوو من زوءك

مهو الي ايدو بالنار مش زي الي ايدو بالمي !!

[ليش يا دنيا بتبكيني]

شكلو ابوك او انت نفسك بتشتغل على شركة الباصات ابو البراء تمنو بتحكي هيك يا اما عندك سياره مهو الي باكل العصي مش زي الي بتفرج لا تحكي على ئد خاطرك وانتا مش فاهم اشي هاي المشكله مش بس هي بتعاني منها كل البلد بتعاني منها يعني الاغلب حتى ليش الاغلب الكل وين ما تروح بشكو عن باصات العيساويه لا تعمل حالك بتئوم بدري احنا بنات شو انت ما عندك خوات اتخيل نطلع من البيت سته بطلنا طالبات سرنا عمال هيك بنت تطلع الساعه سته الله ما بئولها شوارع فاضيه يلا يلا ماشيين والدنيا زحمه في الناس ومو خالصين مو يكون شوارع فاضيه فلما بدك تحكي اطلعو سته كلمه سهله تحكيها وتكتبها بس والله عمال البلديه ما بطلعو سته

[_محمد_]

مرحبا

لمهم انا بشوف انو

صبح لما بطلع ما بلاقي ازمة كتيييير خفة عن اول

ويا ليش يا دنيا بنبكيني ما حد بجربك تتطلعي ع سيعة 6 اطلعي ع سبعة

وان وصلتي متأخرة ع لمدرسة يوميتها تع احكي

ومش ضروري كل واحد يحكي حكي زي ابو لبراء يعني انو يا بشتغل يا ابن واحد بشتغل فشركة
عااااادي نقاش وكل واحد بيحكي حكي لي شايف انو صح

وانا شايف انو الله يعطيهم الللللللللللف عافية للشفرية

وانشاء الله بصير متل ما بدكم
مع احترامي محمد

......

[عصفورة النورس]

السلام عليكم ورحمة الله
والله كلامك صح والكل بيشكي من الباصات ومش بس طلاب المدارس الاهالي كمان اللي اله موعد للطبيب او المستشفى بيتاخر عن موعده ليش لانه الباص بيتاخر المشكله انه فش نظام في هالشركه والحل انهم الاداره يلاقو حل لهاي المشكله او يغيرو الاداره .
وشكرا

[ليش يا دنيا بتبكيني]

عادي كلو مثل بعضو ما بتفرء اشي لو طلعت سبعه او سبعه ونص نفس الاشي انا اول البلد موئفنا فلما سرت اطلع سبعه بدي استنى للسبعه ونص موعد باصنا فحكيت ليش استنى مالي ومال هالحكي مش بيجي سبعه ونص بروح بلائي جاهز هو بستناني فسرت اطلع سبعه ونص ليش اروح استنى مثل معرض السيارات بروح عالموعد وخلاص بعدين يلا مو مشكله اتعودنا نصل متاخرين ومعلمات ياسوا من بنات العيساويه يعني ما في داعي الي بحكي الله يتطورنا يا رب

[خديجه عبيد]

بسم الله الرحمن الرحيم
مع تحياتي للجميع
على الفاضي والله هاد الحكي الي بتأخر ساعه والي نص ساعه ودايما هاي الحال
الله يرحم ايام زمان ما كان الواحد يقدر يوقف
يالله الصبر يا اصحاب الصبر
كم من مره انحكى بالموضوع
ولا سبيل الى الحل للأسف
مع احترامي للمحترمين يا ريت تنحل هالمشكله
تحياتي للجميع

[ابو البراء]

الواحد مو عارف اش يحكي المشكلة فينا الواحد مو عارف ادير وقتو وبعلق كل اغلاطو على الغير
وشي تاني انا لاشوفير ولا ابوي شوفير بس هاد الي شطرين في اطقع حكي لو بدك توصلي يتوصلي بدري لتوصلي بس انضم وقتو
انا مو ضد حد لس الواحد يحكي الحق انا محلنا على الشارع وبشوف كل 10 دقايق بمر باص لس احنا ما بعجينا العجب بنا كل شي لحدنا يجي
مع احنرامي لجميع

[زمـن العجايب]

السلام عليكم

مشكورة اختي على الموضوع

ولكن الموضوع نزل 1000 مرة بالمنتدى ولا حياه لم تنادي
الكل بسمع من هون وبطلع من الجهة التانيه وما منشوف اي تغيري ابدن
ياريت العرب يقدرو يغيرو من سلبياتهم ولو 1% بس للاسف
ليس باليد حيله
والكل عمالو بنتقد وبغلط على التاني للاسف مش هيك ولاد البلد بتعاملو مع بعض
خليكم يد وحدة عشان توصلو للي طلبينو

[shadie]

عن جد كثرت باصات وشفريه في البلد على الفاضي بس لتسكير الشارع وعمل الاْزمات في البلد بدنا حااااااااااااااااااااااااااااااااااااااااااااااااا اااااااااااااااااال كتبتها كبيره بلكي بتصل شركة الباصات

[توتو]

مرحبا اختي انا حبيت ارد على هدا الموضوع لانو انحكا في كتير بس العساسوة عندهم قاعدة (اسمع وطنش) وهاي الشركة لازم تتسمى بشركة اسمع وطنش للمواصلات ههههههههههه
وانا بكيت كل بوم اطلع من الدار سبعة الا ربع اوصل تمنية ونص عشان انا ساكنة اول البلد
سرت اطلع على ال8 ونص والاكي الباص جاي بس ما بوصل المدرسة الا الحصة الاولى رايحة شصي ههههههههههه ومربيه الصف بتسكتش وصوتها بخزكلي داني من الصبح (ستيريو) هههههه انا عارف انشالله تنحل
moooooooody 3lyan:36_11_6:

[توتو]

مرحبا اختي انا حبيت ارد على هدا الموضوع لانو انحكا في كتير بس العساسوة عندهم قاعدة (اسمع وطنش) وهاي الشركة لازم تتسمى بشركة اسمع وطنش للمواصلات ههههههههههه
وانا بكيت كل بوم اطلع من الدار سبعة الا ربع اوصل تمنية ونص عشان انا ساكنة اول البلد
سرت اطلع على ال8 ونص والاكي الباص جاي بس ما بوصل المدرسة الا الحصة الاولى رايحة شصي ههههههههههه ومربيه الصف بتسكتش وصوتها بخزكلي داني من الصبح (ستيريو) هههههه انا عارف انشالله تنحل
moooooooody 3lyan:36_11_6:
ومش شاطرة المعلمة غير تكولي وينها هي العيساويه هيها بروحها ب 5 دئايئ بكولها طيب والله ان ما غبتي ابو حصتين ما بتسمى مودي هههههههههههههه

[عايش عبيد]

بسم الله الرحمن الرحيم
ام بعد}}}}}} فأن الحل يكمن في الادارة ونسئل كيف وفي نفس الوقت نجاوب
يجب توحيد المدير ووضيفته وتحديد الكنترول ووضيفته وتحديد صلحيات السائق
وتخصيص شخص لاستقبال الشكاوي وأخذها في محمل الجد
ووضع جدول زمني لمواقيت الباصات
وفي نفس الوقت يجب على الركاب انهم ما يزيدوها
وألأهم وألمهم مخافة ألله
وفي مثل بقول ~{ البخاف من ألله لاتخاف من ولا تخاف عليه}
وحنى على ثقه بأن ألجميع أهل ثقه وأمانه
ونتمنا على المسؤلين بأخذ هاذه ألأمور في محمل ألجد
راجين ألله لكم ألتوفيق
أخوكم { ألحج عايش أبو محمد} وشكراً

[عايش عبيد]

بسم الله الرحمن الرحيم
ام بعد}}}}}} فأن الحل يكمن في الادارة ونسئل كيف وفي نفس الوقت نجاوب
يجب توحيد المدير ووضيفته وتحديد الكنترول ووضيفته وتحديد صلحيات السائق
وتخصيص شخص لاستقبال الشكاوي وأخذها في محمل الجد
ووضع جدول زمني لمواقيت الباصات
وفي نفس الوقت يجب على الركاب انهم ما يزيدوها
وألأهم وألمهم مخافة ألله
وفي مثل بقول ~{ البخاف من ألله لاتخاف من ولا تخاف عليه}
وحنى على ثقه بأن ألجميع أهل ثقه وأمانه
ونتمنا على المسؤلين بأخذ هاذه ألأمور في محمل ألجد
راجين ألله لكم ألتوفيق
أخوكم { ألحج عايش أبو محمد} وشكراً

[القطة المشاكسة]

صباح الخير
هاااااي
اسمعووووووووووووني يا جماعه في هون ناس متطفلين وفلاسفه سوري عهالحكي بس بجد شي بقهر والله الي بتفلسفو وهمن عارفين حالهم مبين عمرهم ما طلعو في باص
او استنو باص عشان هيك مسوين حالهم بدافعو عن شركة الباصات ههههههه قال بحبوهم يعني المهم بالأختصار شركة الباصات سوو (يا بطخى يا بكسر مخى) وهيك همه يا بيجو كل الباصات ورى بعض يا بالساعاات وقفي وفشي ولا باص ومع كل هذا اذا بتحكي صرلنا زمان بنستنا بنط الشوفير شو بحكي نسينا نجيبلك طياره عشان توصلي بسرعه بكفي بتأخرو علينا وفوق هذا بغلطو لو ضلو الفوردات احسن لازم اهل البلد يقطعو شركة الباصات كم يوم خليهم بتعلمو كيف يتأخرو وبصير يجو عالوقت واحكو اني حكيت ههههههههه جد اشي بضحك وانا بقدر انهم بتعبو الله يعطيهم العافيه بس هو خط العيساويه اكبر خط واكتر باصات الهم زد وبارك عشان يتأخرد علينا اكتر واكتر ههههههه باي وميرسي عالموضوع لانه حلو للنقاش

[IkEr_CaSillAs]

محمد نخال و محمد عبيد الموضوع أخد أكبر من حجمه صراحتاً وأي واحد عنده مشكله مع شركة البصات يروح لحاله يدك فيهم و يقلهم شو علتهم أو روحو لكباريتكم لى كبير كل عليه خليهم يحكو مع هل الشركه أو كبير العساسوه كلهم خلي يحكي مع الشركه اما كل واحد يكعد ينط ويحكي كاني و ماني وإلي بده إياه ما بينفع

بكفي حكي عل الفاضي و لت و عجن عل الفاضي

الحكي هون بس تضيع وقت

زي ما قلتلكم الحل غيره ما في مع إحترااامي الشـــــديد لجميع الأرااء

[بركان الغضب]

للاسف لو في حل كان انحل من زمان...

بس احنا عرب بنتشاطر على بعض ...

كتير شكاوي قدمنها عن شركة الباصات والجواب كان انو يسمعو من هون ويطيرو من هون ...

وشركة الباصات بفكرو حالهم في كوكب اخر .. ما بيعرفو انو في ناس عرب وبشر بينتظرو ساعات وساعات لحد ما يجي الباص وفوق ما بيتاخر الشفير بيقعد يحمل الواحد جميله على ايش كل هاد ؟.؟.؟.؟ بجد هاد مو اسلوب 5000 باص في البلد ليه كل هاد التأخير ؟.؟..؟...


قبل شهر او شهرين طلعو قرار من مسؤلين الشركه انو كل باص يقعد في مصف الباصات 5 دقائق ويطلع على طول وللاسف ما حصل هاد الشي .. وهلء كل شفريت الباصات بينزلو على مصف الباصات وبيجمعو حالهم وبيقعدو يوفطروساعات وساعات والعالم بنتظرو فيهم وهم ولا سألين ولا حسين في العالم ((((( بفكرو حالهم في كوكب اخر )))) ....


وكتر الحكي بيوجع الراس حكي من غير فعل ما بينفع ...

ما بدي اطول عليكم ..

ويعطيكم العافيه

مع تحياتي

[ابو الفهد]

تحية طيبة وبعد.
احبائي ابناء القرية لكل مشكلة لها حل واذا الادارة ما ابتنحل ما بصير حل.
هناك مشكلتان.
1-نقص في الباصات لان شركة العيساوية لديها فقط 12 باص وهي بحاجةعلى ما لا يقل عن26باص.
2-نقص في الخبرة لا يوجد في الشركة خبير جريء في مجال المواصلات.
وشكرا.
هناك من يعمل لصالح البلد وهناك من يعمل لصالح نفسة وجيبتة.