شكوى ضد باصات العيساوية.. [الأرشيف]

مشاهدة النسخة كاملة : شكوى ضد باصات العيساوية..

همزة وصل

16-10-2009, 09:40 PM

_محمد_

16-10-2009, 10:35 PM

السلام عليكم ورحمة الله وبركاته

هاد الحكي لي انتي بتحكي

بصير فكل قرى القدس مش بس فباصات العيسوية

يعني ما تكعدي تحكي ومش عاجبك الوضع احمدي الله انوو في باصات هيك فالبلد

وانتي بتكولي انو ازا ما في مجال حد يقعد في الباص مش ضروري اطلعوا العالم اضل واقفة وهي دافعة 4 شيكل زيها زي الناس اللي قاعدة

لو بصير انهم يبطلوو يطلعو بصير لي واقف على الموقف ومستعجل على موعد

يكول نفس الحكي لي انتي بتكولي الباص بيجي وما بطلع حد هيك بصير يحكي .

والله يعطي شفرية الباصات العافية

واذا انتي مش عاجبك تطلعي فالباص وهو ملان ما تطلعي انتي حرة ما حد ضربك على ايدك وكلك اطلعي مزبوو ط

تحياااتي

محمد

أمير السلام

16-10-2009, 11:22 PM

السلام عليكم ورحمة الله وبركاته
الباصات مشكلة عويصة في هالبلد
يا اخوي مين حكاللك انو هالمشكلة في جميع قرى القدس
انا في يو استنيت الباص 40 دقيقة شو و الله لو انو مسافر الى تل ابيب
و خاصة الصبح معاناة يومية لا يوجد ادارة و لا نظام و نأ\تأمل انهم يصيرو و يصبحوا الافضل

BIG BOSS

16-10-2009, 11:29 PM

السلام عليكم ورحمة الله وبركاته

شكرا الك على الموضوع بس اكيد دايما في حل والحل لطلاب المدارس والجامعات انه يطلعو ابدر شوي وهيك ببطل في ازمه
لانه الجميع بيطلع بنفس الموعد متاخرين بتطلعو عل موقف عل ساعه 7 وتلت جربو اطلعو قبل ال 7 وتلت بتشوفو الاختلاف
وزي ما حكا اخونا يعطيهم العافيه شفريت الباصات ومزبوط في منهم مش لازم يسوق ههه بس خلص لازم نتقبل الوضع

همزة وصل

17-10-2009, 12:05 AM

اخي محمد قبل ما احكي تعقيبي بدي احكيلك شكرا على مشاركتك يخي
و انا معك الله يعيهم الف عافية شفرية الباصات بس ما بصير هيك بقعدوا نص ساعة ليطلعوا

prince251079 شكرا على الرد خيوو وانا مرة قعدت استنا نص ساعة ل اجى باص

big boss يسلموو على ردك وعنجد في منهم مش لازم يكونوا شفرية باصات

مع تحياتي
همزة وصل

الفراشة

17-10-2009, 12:08 AM

السلام عليكم ورحمة الله وبركاته
بس حابة اقدم شكوى لباصات العيساوية....
اولاً:بنقعد نص ساعة وساعة نستنا ليجي الباص
ثانياً:ازا ما في مجال حد يقعد في الباص مش ضروري اطلعوا العالم اضل واقفة وهي دافعة 4 شيكل زيها زي الناس اللي قاعدة
ثالثاً:طلاب و طالبات المدارس بقعدوا يستنوا في الباص ليجي وبالاخر بيجي الباص وما بطلعوا الطلاب والطالبات
وانا خلصت كلامي
ويا ريت هالمرة يكون في نتيجة......
مع تحياتي
همزة وصل

السلام عليكم ورحمة الله وبركاته

والله كلامك صح خيتوو
مشكلة الباصات في العيسوية كبيرة كتير والله وخاصة الصبح ما هم عارفين حركة الطلاب والعمال الصبح بتكون كتيرة ليه مش متلا خلينا نقول كل10 دقايق يطلعو باص
طيب ومرة ما لحقت الباص يعني وصلت الموقف والباص طلع هذا الحكي الساعة سبعة الصبح وانا لازم اكون بالشغل الساعة 8 وبركب مواصلتين كمان لحتى اوصل طيب ظليت على الموقف للساعة سبعة ونص وانا بستنى ويمكن وصلت الشغل الساعة مع الازمة الساعة 8 ونص والله سترها يومها
بس الحمد لله هلأ اتريحت صرت اطلع بسيارتي ووقت ما بدي وبوصل قبل الموعد كمان بس يا حرام والله بشوف قديش بيكون في ناس على الموقف امبارح وانا طالعة الصبح كان الموقف عند بقالة الشام مليان ولما وصلت للجامع لقيت الباص هناك طيب يا ترى هلأ لما الباص مر ما كان في حد والا شو ؟؟
وبعدها بأشوي وصلت لراس البلد لقيت كمان باص هناك حمل الناس وطلع
وكمان في باصات صغار بيطلعو من فوق ما بينزلو على البلد بحملو من فوق وبيظلو طالعين يعني هذا الحكي حكيتو لاني شوفتو بعيني
يا ترى المشكلة في الباصات والا في الناس ؟؟
ان شاء الله بتلاقو حل بسرعة لانو كمان اشوي جاي الشتى وما في مواقف الواحد يقعد تحتها من المطر

طولت عليكم بس اعتبرت الحكي هذا انا فشة خلق

تقبلو مروري
احترامي
اختكم الفراشة

أنين أنفاس

17-10-2009, 12:27 AM

بشكرك أخت همزة وصل ع موضوعك

فعلا يعطيهم العافية الشوفرية لأنهم اول أيشي فوضوين

والفوضى الي هما فيها بحسدهم عليها

واذا كانت بس هذي المشكلة التأخير يا أختي واللة بسيطة

بتكوني بدك تنزلي بمحطة بنزلك بمحطة تانية لأنة الأخ ما بسمع

انا كنت بدي انزل على كوبات حوليم نزلني عند مدرسة عبداللة الجديدة

وبكفي لسانهم الحلو مرة برمضان دعا علينا الشوفير انة يقلب فينا الباص ونموت

لانة كان معصب وكان رمضان والاخ صايم واذا بدي احكي عنهم ما بخلص

وبلحقوا وبشتروا باصات واللة البلد ما بدها باصات بدها شوفرية منظمين

وكل شوفير يعرف أي ساعة لازم يطلع واي ساعة يرجع

يا بكونوا كلهم بالقدس يا كلهم بالبلد (( اللهم لا حسد ))

_محمد_

17-10-2009, 12:58 PM

انا معك اخي

big boss

يصير الكل يطلع

على الساعة 7 او 7 وربع

شو بدو يصير بالعكس بتبطلو تكولو هيك

بدل ما تطلعو على الساعة 7 ونص اطلعوو ابدر وشوو شو بصير

تحياتي الكم وشكرا الك يا همزة على الموضوع

......................

المظلوم

17-10-2009, 01:10 PM

مشكورة يا همزة وصل على الموضوع ..

بس انا حابب احكيلك انو باصات العيساوية من احسن الباصات لو في تنظيم
من قبل مدراء الشركة ... وشوية تنظيم من اهل البلد ....

وانشالله انو يتغير الوضع للأحسن يا رب ...

مع تحياتي ..

سفير الاحزان

17-10-2009, 03:11 PM

والله الحكي تبعك مزبوط اختي همزة وصل بس كمان لونو في في الادارة نظام كان بتكون الشركه في حاله منيحه

شكرا

مجهوله

17-10-2009, 04:00 PM

مرحبا...
أول شي شكرا ع مووضوعك لانو انا كنت حاابه انو حد ينزلو وكلامك مزبوط وكلام انين انفااس مزبوط وبااص العبدلله الجديد ان في بنت تاخرت او الباص راح عليها او بلعربي ما بدها تطلع بللبااص بطلعو عليها ميت كلمه والشوفريه بسيرو يحكو ع المخشير البنات ما طلعوهم في البااصات منيح انو احنا طالعين ودافعنلكم وبدنااش جميلتهم بطلعو ميت سمعه ع البنت والله يعلم شو كمان يحكو عليها وبسيرووو يسبو ع البنت وع اهلها بدخلووو كتير كان في ئريبه ولا غريبه يعني متل هديك االيوم في واحد من الشفريه ئعد يبهدل في البنات ئدام الكل وكان الحئ عليهم لانو كنا نستنا في باص العبدلله وما جاابو وما حكولنا انو ما بدو يجي وخلونا نستنا ونتاخر وشكرآآ

همزة وصل

18-10-2009, 12:15 AM

يسلمو على ردك خيتي الفراشة مكل العالم بتتأخر مش بس انتي يلا بعين الله

انين انفاس يسلمو على المشاركة معلش شكلو الشفير كان كتيير جعان يلا استحمل بعيييين

خيو محمد شكلك انت بتشجع الشركة كتيييييييير يلا حلو كتيير

خيو ابو سمرة مين حكالك انو من احسن الباصات ههه ال احسن الباصات ال احسن الباصات ما بئعدوا يغلطوا عالعالم

فلسطيني وافتخر يسلمو عالرد اصلن ما في عندهم لا نظام ولا شي

مجهولة معلش بدك تستحملي بعين الله شكلهم كتيير متعودين علينا انشا الله تتغير كل الشركة

ويا ريت حد يوصل كل هاد للشفرية وللشركة كمان

مع تحياتي
همزة وصل

عالم توشيفا

18-10-2009, 01:38 AM

انا بدعو الى اضراب عام عن المدارس لمدة يومين احتجاج على الباصات
وشفوا بعدين كيف بصير الحال
وحياتكم ليصير كل خمس دقايق باص
في مصاري كثير بتدخل على الشركة وين بتروح هاي المصاري
يشترولهم اكم من باص
خط العيسوية من اقوى الخطوط من ناحية الضغط عليه وللاسف يعتبر من اسوء الخطوط
بالخدمة
الحل فقد بيد الطلاب والطالبات اضراب يومين او ثلاث تيام ازعم واحد في الشركة
بصير يترجى ويقول شو الحل

سلام

صقر الأقصى

18-10-2009, 02:07 AM

مجهوله

18-10-2009, 10:34 AM

صقر الاقصى انتا شكلك ما بتطلع بلباصات منشان هيك بتحكي هيك
لو نك بتتطلع كان حكيك بحكي غير هيك
بس احنا طلاب المداارس الي باكلوها وبعدين اشي ما شفتووش ما تئعد ادافع عن اشي ما بتعرفوو .. وبتحكي انو نوجه المشكله لاصحابها مهو ازا صاحبها مش ساائل ومطنش بس شاتر يفر بسياارتو وما بعرف شو بسير وشو الطلاب باكلو بهادل من الشفريه كل يوم الصبح واحنا مروحين بئعدو بسمعوو حكي وبكون الئصد علينا ...
وبعدين بئولو انوو احسن خط وينو احسن خط بلعكس اتئل من دم هيك خط بحياتي ما شفت ولا بدي اشووف
شكرآ

همزة وصل

18-10-2009, 01:20 PM

عالم توشيفا يسلمو على الرد بس هيك بنظلمو الطلاب ليه يعطلوا عن مدارسهم عشان ناس ما بتحس

اخي صقر الاقصى شكرا على ردك والله خلص تاني مرة بروح للشركة اوجه الشكوى والله ما خطرت على بالي طيب شو رأيك انت تروح وتوجه الشكوة ل الهم انا بنت عيب علي ارووح بس انت زلمة مو هيك؟؟

مجهولة يسلمو على الرد وانا معك....

مع تحياتي
همزة وصل

العيساوي

18-10-2009, 01:47 PM

السلام عليكم
الاخت الكريمة همزة وصل الشكاوي عند اصحابها خيتو مش في هذا المنتدى

اخ صقر الاقصى
منتدى العيساوية وجد ليكون الصوت الحر لكل من لديه كلمة شكوى او كلمة خير في صالح البلد

ويجب تقبلها مهما كان قبلها شكاوى او لم يكن

نقطه على نقطة وممكن للحجر ان يتكسر

_محمد_

18-10-2009, 02:11 PM

تحياتي الك يا همزة وصل

اه بشجعها ليش لاء

وشو مالكم نزلين طخ فالشفرية

بدل ما تكولو الله يعينهم كلكم واكفين ضدهم

ليش ؟؟؟

وحدوو الله

انتو شو ما بصير فهالبلد

من اشي منيح لازم تعترضو عليه مش لهدرجة

...............
.................

عالم توشيفا

18-10-2009, 02:23 PM

اختي همزة وصل ظلم يوم ويومين احسن من ظلم سنة دراسية كاملة
وثاني اشي احنا مش ضد الشوفرية ,شوفرية مساكين الله يعطيهم العافية
الكلام هادا موجه لا المسؤولين عن الشركةمش لا الشوفرية
تحياتي

ابو كايد

18-10-2009, 02:51 PM

اخ صقر الاقصى
منتدى العيساوية وجد ليكون الصوت الحر لكل من لديه كلمة شكوى او كلمة خير في صالح البلد

ويجب تقبلها مهما كان قبلها شكاوى او لم يكن

نقطه على نقطة وممكن للحجر ان يتكسر

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

دمتم بود ومحبة
على رسلكم
بوركتم أخي العيساوي
أنا معاكم في هذا التوجه
صحيح أن المنتدى هو حلقة الوصل بين مؤسسات القرية
وحتى مع المغتربين والعالم

وأعتقد كما فهمت من أخينا صقر الأقصىيقصد بتوجهه
أن تكون المواجهة مباشرة لإدارة الباصات وهذا المكمل وقد تؤتي أكله
على إعتبارأن الكلمة قد لا تصل للمعنيين

لهذا أقترح على المعنيين في المنتدي إدارة ومسؤولي أقسام
أ بأن يكون لهم دور ريادي للمتابعة وأن يتواصلوا مع جميع الفئات
لنقل المعلومة وإصلاح ذات البين أياً كانت
كما وعلى من يستطيع من الأعضاء أن يعمل بهذا الإقتراح كل جهده الذي يستطيع
وأن تكون لهم حركة واضحة في هذا المجال وإن كان في هذا جهد كبير

الصحيح المشكلة قائمة والشمس ما بتتغطى بغربال هناك تقصير نلمسه يوماً بيوم
و تقره إدارة الشركة وبعض السائقين
فللعلم مراراً تكلمت شخصياً مع إدارة الشركة وبينت لهم هناك تصرفات فردية
من قبل بعض السائقين وكل يغني بليلاه ولا نعمم على أية حال

كل من أشار برأي فهو محق وهذا الواقع تجب معالجته بشكل جذري
فإدارة الشركة ملزمة بحسم الأمور فأكيد لولا الخطأ لم ولن يتم الصحيح

للإنصاف المشكلة تكون ما بين الثامنة والنصف صباحاً وحتى قبل الظه
وقد يكون الحال إلى حد ما من بعد صلاة العصر
حيث تتأخر حركة الباصات على الخط بشكل ملموس
وهذا أمر غير مستوعب مقارنة مع عدد الباصات

فأناشد إدارة الشركة متابعة السائقين ومعاقبة من يقصر بعمله كان من يكون
والكمــــــــــال للــــــــــــــــــــــــــــــه
كما وأنني سأتابع بنفسي مراجعة الشركة وبقوة هذه المرة
وهذا وعد مني لنضع النقاط على الحروف على أن يتوجه كل من عنده مشكلة
لمقر مكتب الشركة فرادى وجماعات ذكوراً وإناثاً لبيان شكاويهم

ولكن بالنسبة لعدد كبير من الطلبة من الجنسين الأمر مخجل تكلمنا فيه مرراً
دون جدوى حيث التأخر عن الدوام والتسكع في الشوارع
وعلمت بأن عشرات من بنات السكاكيني الجديدة يرفضن الخروج
في باص العيسوية عندما كان يحضر لمدرستهن وشاهدت هذا عند كوبات حوليم
فعدد منهن رفضن الدخول لباص رغم وجود أماكن وقسم منهن دخلن الباص
بعد أن قمنا بتسميعهن كلمات تليق بتصرفاتهن
ويتسكعن في الشوارع ومنهم من يرفض الخروج في الباص في المحطة نفسها
وماذا بعد أحبتي و يا أولياء الأمور وهذا ليس بجديد
وبعد كل هذا يقال الباصات تأخرت هذا في فترة مغادرة الطلبة والطالبات
لمدارسهم حيث تكون حركة الباصات قوية ولا أحد بستطيع أن ينكر هذا

وأما حول بعض التعبيرات غير المسؤولة لدى البعض ممن قام برد
بحق الشركة والسائقين أمر غير مستوعب
وأكيد لو كنت مكانهم الله أعلم كيف بتتصرف طالما الإنسان لحم ودم

أحبتي أكرر ووأكد بأن هناك حركة شبابية جديدة مكونة
من جميع الطيـــف السكاني في القرية" جميع العئلات "
فاعلة وفي طور التحضير وجادة لمتابعة كل ما هو غير صحيح في القرية
ومتابعة النظافة وإلزام مؤسسات القرية الإجتماعية والسياسية أياً كانت
بأن يكون لكل منها دورها الإلزامي
إتجاه تصرفات الشباب في الفرية ومتابعة تصرفاتهم المدارس والشوارع قبل وبعد الدوام
آخذين بعين الإعتبار التواصل مع أوليء أموهم ر وإدارة مدارسهم
بما في ذلك متابعة وتنظيم حركة الباصات جنباً إلى جنب
دعماً لإدارة الشركة وتخفيف معاناة من ينتظر في المحطات
ونأمل أن تنتهي هذه المشكلة من خلال المتابعة
جنباً إلى جنب مع لجنة أولياء أمور الطلبة الفاعلة إلى حد ما

المهم أنا مع العيساوي وصقر الأقصى بتوجهيهما
وشكراً

صقر الأقصى

18-10-2009, 05:35 PM

السلام عليكم

همزة وصل
اخي صقر الاقصى شكرا على ردك والله خلص تاني مرة بروح للشركة اوجه الشكوى والله ما خطرت على بالي طيب شو رأيك انت تروح وتوجه الشكوة ل الهم انا بنت عيب علي ارووح بس انت زلمة مو هيك؟؟

عندك اهل طيب احكيلهم هيك هيك بسير معي ليش بتخبي عن اهلك شو بسير معك وبعدين لو اهلك بعرفوا كان ما بتحكيلي
عيب عليي انا اروح كبنت روح انتا اتوجه المشكله هيي مشكلتي ولا مشكلتي انتي والمجهولة وفعلا !!!

العيساوي
اخ صقر الاقصى
منتدى العيساوية وجد ليكون الصوت الحر لكل من لديه كلمة شكوى او كلمة خير في صالح البلد
ويجب تقبلها مهما كان قبلها شكاوى او لم يكن
نقطه على نقطة وممكن للحجر ان يتكسر

أخي العيساوي المنتدى متل ما تفضلت منتدى العيساوية وجد ليكون الصوت الحر لكل من لديه كلمة شكوى او كلمة خير في صالح البلد
انا معك ولاكن كان بأمكانك بان ترى الردود
استهزاء وقلة احترام لهذا المنتدى وقلة احترام للسائقين ولا قد اشك في كلام خطأ

همزة وصل
ويا ريت حد يوصل كل هاد للشفرية وللشركة كمان

اخي العيساوي
شو احنا بنشتغل للعضاء وازا بنشتغل ننشر او ايشي بنزل على المنتدى مين هما المشرفين؟ وان يوجد هل لموضوع معين اما ماذا؟ بنواجه مسؤول معين اما ماذا ؟؟
وغير هيك موضوع ضد شركة الباصات اكثر من مره بنزل شكوى ادخلنا اعملنا ايشي رحنا انقدم الشكوى لمسؤول الشركة

احترامي
صقر الأقصى

الاصيله

18-10-2009, 08:45 PM

والله هالموضوع كتير حلو وانا عندي شكوه كمان لان فعلاهالموضوع لازم حد ايتابعو وصرت اكتر من مره بروح الموعد عليه من تحت راس الباصات وفي شفريه بنحط على الراس وفي لا وبالنسبه لموضوع الوقفه بالباص فهاي مزبوط كمان لان في بعضهم بيكون يحكي اطلعي يختي في محل ويوم تطلعي ما بيكون في محل بس شغلت كسب والشفير منهم اذا كان معصب بيطلع غضب على الراكب بدون زمب وهاي الشغله صارت معي

همزة وصل

18-10-2009, 09:14 PM

صقر الاقصى حابة احكيلك انو قبل ما انزل هاد الموضوع حكيت ل اهلي انو بدي انزل موضوع عالمنتدى حكيت لبابا وبعدين نزلتو وبعدين انت قاعد معي 24 ساعة بالبيت عشان تحكي ليه بتخبي عن اهلك وبعدين احنا لا غلطنا ولا هزئنا حد اقرأ الردود بالاول وبعدين احكي ماااااشي
****للعلم:انا ما بخبي شي عن اهلي بعرفو عني كلشي اول بأول

اختي الاصيلة يسلمو على الرد بدنا نتحمل بعين الله

مع تحياتي
همزة وصل

صقر الأقصى

18-10-2009, 10:30 PM

السلام عليكم

همزة وصل
صقر الاقصى حابة احكيلك انو قبل ما انزل هاد الموضوع حكيت ل اهلي انو بدي انزل موضوع عالمنتدى حكيت لبابا وبعدين نزلتو وبعدين انت قاعد معي 24 ساعة بالبيت عشان تحكي ليه بتخبي عن اهلك وبعدين احنا لا غلطنا ولا هزئنا حد اقرأ الردود بالاول وبعدين احكي ماااااشي
****للعلم:انا ما بخبي شي عن اهلي بعرفو عني كلشي اول بأول

حكيتي لأهلك طيب ما في مشكله المشكله ليش بتحكيلي انا اروح على شركة الباصات واوجه الشكوه هيي المشكله معك ولا معي وغير هيك ازا ممكن يعني اعرف شو حكولك اهلك بالنسبة للموضوع لما حكتيلهم هيك هيك السائقين بعملوا معي ومع غيري شو طلع معهم مش هما اهل وبخافوا على مصلحة بنتهم ؟؟؟ ليش ما يروحوا على شركة الباصات يعني ويقدموا الشكوه ليش يعني على المنتدى مين اهم اهلك انهم يدخلوا فيكي وفي تصرفاتك ولا المنتدى اللي ناشره فيه هلشكوه

إحترامي
صقر الأقصى

القطة المشاكسة

19-10-2009, 01:54 PM

السلام عليكم ورحمة الله وبركاته
الموضوع لفت انتباهي كتير لانه مزبوط كلام الاخت همزة وصل
والله كتبتي بجرائه شكرا الك
اخوي محمد شوي شوي عالبنت هي ما كفرت
بس حكت الي هي شايفته وانا نفس الشي بحكي
ليش احكي انه الباصات بيجو بسرعه وما بنستنا كتير
عالموقف دايمن الواحد بيحكي الظاهر وفشي داعي يجامل
وهو مش مرتاح بصراحه العيساويه هي الها اكتر خط وبلحقو
وبيجيبو باصات وعالفاضي والله بنقعد ساعه او نص ساعه بنستنا
وعالفاضي وبننحرق من الشمس وفي الاخر بنطلع واقفين
بس مش دايمن يعني انشاء الله رسالتنا توصل لشركة
الباصات وينظمو خلينا احنا نكون مرتاحين وهمه كمان يعني
ما في داعي نبلش تسميع كلام لبعض
وانشاء الله ما تكون زعلت مني اخوي
محمد وشكرا كمان مره اخت همزة وصل
تحياااات القطة المشاكسة

القطة المشاكسة

19-10-2009, 02:00 PM

صقر الاقصى كبرها بتكبر وصغرها بتصغر عادي ما صار
شي صلي عالنبي البنت ما حكت الا وجهة نظرها
وحرام يعني هيك تعاملها بنشافه شوي شوي عليها كلنا
اخوه يعني والله والله ما حكت شي غلط والمنتدى لأرائنا
بتمنى ما تزعل من كلامي وما اكون ذايقتك
القطة المشاكسة

صقر الأقصى

19-10-2009, 03:24 PM

السلام عليكم

القطة المشاكسة
السلام عليكم ورحمة الله وبركاته
الموضوع لفت انتباهي كتير لانه مزبوط كلام الاخت همزة وصل
والله كتبتي بجرائه شكرا الك
اخوي محمد شوي شوي عالبنت هي ما كفرت
بس حكت الي هي شايفته وانا نفس الشي بحكي
ليش احكي انه الباصات بيجو بسرعه وما بنستنا كتير
عالموقف دايمن الواحد بيحكي الظاهر وفشي داعي يجامل
وهو مش مرتاح بصراحه العيساويه هي الها اكتر خط وبلحقو
وبيجيبو باصات وعالفاضي والله بنقعد ساعه او نص ساعه بنستنا
وعالفاضي وبننحرق من الشمس وفي الاخر بنطلع واقفين
بس مش دايمن يعني انشاء الله رسالتنا توصل لشركة
الباصات وينظمو خلينا احنا نكون مرتاحين وهمه كمان يعني
ما في داعي نبلش تسميع كلام لبعض
وانشاء الله ما تكون زعلت مني اخوي
محمد وشكرا كمان مره اخت همزة وصل
تحياااات القطة المشاكسة

القطة المشاكسة
صقر الاقصى كبرها بتكبر وصغرها بتصغر عادي ما صار
شي صلي عالنبي البنت ما حكت الا وجهة نظرها
وحرام يعني هيك تعاملها بنشافه شوي شوي عليها كلنا
اخوه يعني والله والله ما حكت شي غلط والمنتدى لأرائنا
بتمنى ما تزعل من كلامي وما اكون ذايقتك
القطة المشاكسة

يا ست مشاكسة ويبدو انك فعلا مشاكسة
بس يا ترى ليش بتحكي وبيجيبو باصات وعالفاضي والله بنقعد ساعه او نص ساعه بنستنا
وعالفاضي وبننحرق من الشمس وفي الاخر بنطلع واقفين
بس بدي ازكرك ككونك صبحتي على هالمنتدى بتحلمي فيه كيف بدك اتردي بزكرك انك بتطلعي مع ابوكي كل يوم في السيارة ومع خليني ساكت!! مش انك بتستني باص ويبدو انك بدك تتمشكلي قبل ال!!
خليها على الله وخليني ساكت وبالتوفيق لالك
سلامات يا ست تغمض عينيك

إحترامي
صقر الأقصى

_محمد_

19-10-2009, 04:23 PM

شكر الك يا قطة مشااكسة

بس انا كمان بحكي لي انا شايفو

وما كفرت يعني ماتكعدي تحكي شوي شوي

اعرف شو بدك تكولي وفكري ميت مرة كبل ما تكولي ماشي

وانا شايف انو انتو لازم تحمدوو الله انو في عندكم فاللبلد شركة باصات زي هاي

والباصات مش ع الفاضي وانتو على كل اشي لازم تكعدو تعيطوو

اول اشي ما كان في باصات بينزلوو على القاعة تحت عند دار عبيد وما عجبكم صرتو بدك الباصات ينزلو

وبنزلو ولسا مش عاجبكم الوضع انتو لازم كل واحد اهلو يشترولو سيارة خاصة الا عشان ما تكعدو تحكو

ولما انتي يا اصيلة يكون عليكي موعد وكاعدة بتستني فالباص ويجي الباص بس ملان

شو بتسوي ؟؟؟؟؟

صح انتي بتصيري بدك تطلعي

واذا الشوفر ضلو مارك وما وقف يطلعك برضو بتسوو قصص انت شو بدكم كولو بالزبط ......

اخخخخخخخخخ

وشكرا الك اخي صقر الاقصى وكلامك مزبوط 100%

وما حد يزعل مني هاد رأيي وبس

.......................

ابو ياسر

19-10-2009, 04:32 PM

لاحول لا ولا قوة الا بالله شكرا لك عالموووووضوع موضوع مميز في قمة الروعة والغاية

همزة وصل

19-10-2009, 04:37 PM

صقر الاقصى ومحمد بدون كثرة كلام وتخبيص بالكلام والله ازا مو عاجبكم بتقدروا ما تردوا عالموضوع
وصقر الاقصى ما دخلك شو كان رد اهلي اصلن باب اللي نزل الموضوع وبعدين شو دخلك انت اخبي عنهم ولا ما احكيلهم شي ما دخلك مااااشي خيوووو انت واياااه
وكمان ما دخلك انزل الشكوة على المنتدى ولا ارووح للشركة هادا الشي برجع لالي مااشي
وما دخلك مع مين ابتطلع القطة المشاكسة مع ابوها مع امها ما دخلك وما بظن انو كل يوم ابتطلع معهم...

اختي القطة المشاكسة يسلمو عالرد العسل متلك...

مع تحياتي
همزة وصل

همزة وصل

19-10-2009, 04:39 PM

يسلمو ابو ياسر عالرد وعنجد لا حول ولا قوة الا بالله

مع تحياتي
همزة وصل

صقر الأقصى

19-10-2009, 04:59 PM

السلام عليكم

صقر الاقصى ومحمد بدون كثرة كلام وتخبيص بالكلام والله ازا مو عاجبكم بتقدروا ما تردوا عالموضوع

وصقر الاقصى ما دخلك شو كان رد اهلي اصلن باب اللي نزل الموضوع وبعدين شو دخلك انت اخبي عنهم ولا ما احكيلهم شي ما دخلك مااااشي خيوووو انت واياااه
وكمان ما دخلك انزل الشكوة على المنتدى ولا ارووح للشركة هادا الشي برجع لالي مااشي
وما دخلك مع مين ابتطلع القطة المشاكسة مع ابوها مع امها ما دخلك وما بظن انو كل يوم ابتطلع معهم...

اختي القطة المشاكسة يسلمو عالرد العسل متلك...

كيف شو دخلني مدام انو الشكوه بتسيئ لسائقين القرية وبسيئ للقرية

وهاد كله رأيي وازا ما بدك رأيي ما اتنزلي موضوع بسيئ لقريتنا العيساوية
وبعدين انا و القطة المشاكسة بنسطفل ما تدخلي انتي

على فكرة برنامج همزة وصل بيجي بث مباشر على فناة فلسطين
ويبدو بان همزة وصل بدها تفتح اذاعة برنامج همزة وصل على المنتدى ووين على المنتدى يلا بنعيش وبنشوف

إحترامي
صقر الأقصى

همزة وصل

19-10-2009, 07:24 PM

هههه اهلين خيوو صقر الاقصى على كلن ما بنزل مستواي لهيك شغلاااااات وكمان مرة بحكيلك بدون كثرة كلاااااااام وتخبيص بالحكي لأنو زيادة الكلاااااام عالفااااضي خيووووووووووو سلاماااااات

مع تحيااااااتي
همممزة وصل

صقر الأقصى

19-10-2009, 07:39 PM

السلام عليكم

هههه اهلين خيوو صقر الاقصى على كلن ما بنزل مستواي لهيك شغلاااااات وكمان مرة بحكيلك بدون كثرة كلاااااااام وتخبيص بالحكي لأنو زيادة الكلاااااام عالفااااضي خيووووووووووو سلاماااااات

مع تحيااااااتي
همممزة وصل

هلا والله بس ما تكوني محضرة ملخص بهالموضوع عشان الاذاعة قال ما بتنزل بهالمستوى قال ها ها ها احلى اذاعة والله وعلى فكرة زيادة الكلام بنصح الواحد هيك بحكوا
مش هيك يللي بدو يرد بعدي !!

بنت فتح

19-10-2009, 08:15 PM

السلام عليكم ورحمة الله وبركاته
انا معك في هي الشغلة انا كثير بشوف بنات بضلهم نصف ساعة وساعة يستنوا وفي الاخير بيجي الباص واذا كان شفير بحب هل اشيء لبنتة احنا مسامحينة واذا ما بحبش يحس فينا

ولا شفير يزعل بس انا بحكي الصراحة يلي بشوفها

ام زيد

19-10-2009, 08:56 PM

السلام عليكم ورحمة الله وبركاته

الاخوة والاخوات ..

الشكوى قديمة ..جديدة ..ولو بعد سنتين راح يجي حد يشتكي بفكر انه اول مرة بيقدم هالشكوى .

مش راح ارد بلسان شركة الباصات لانه المفروض حد منهم يوصل ردهم ورأيهم .

ولكن راح اعلق على طريقة ابداء الاراء والتي تنتهي بإغلاق اي موضوع

هام يبدأ بطرح مشكلة هامة ولكن للاسف طريقة النقاش تقلل من مستواه واهميته .

البنت عرضت مشكلة واقعية
علينا النقاش والحوا ر بطريقة حضارية تتجلى باحترام انفسنا اولا واحترام من نناقشه ثانيا .

واذا ما اعجبنا الموضوع وقد نفقد السيطرة على كلماتنا ..فالافضل عدم المشاركة

حتى ما نزعج حدا وما نجرح حدا .

واقول في اعضاء اساليبهم في النقاش هجومية تجعلهم يخسرون تأييد بقية الاعضاء حتى لو كان معهم حق .

فرجاءً من الجميع التحلي بالصبر وبطريقة حوار محترمة

شاكرة تجاوبكم .

_محمد_

19-10-2009, 09:01 PM

مرحبا كيفكم

صلي على النبي يا همزة

المهم اسمعي انا بكول وجهت نظري وما في حد بيقد يمنعني

مااشي يعني ما تشوفي حالك زيادة

والشفرية هم من لحم زينا زيهم بيغلطو هم مش انبياء

وانتي حطي حالك محل الشوفر لي بصحى على الساعة 4 الصبح

وهاد نقاش ولا زم نكون ارقى من هاك
وشو بتكولي ما بدك تنزلي لمستوا ليش فايش انتي احسن منوو

وليش زعلتي انا هاد رايي وانا بكولو مش هاد موضوع نقاش ولا شو

وتحيااتي

لكل الشفرية والله يعطهم الفففففففف عااااااااااااااااافية

همزة قطع

19-10-2009, 09:31 PM

السلام عليكم ورحمة الله وبركاته
معك حق يا همزة وصل بهاي الشكوى على الباصات صحيح اني ساكنه جديد بهاي المنطقه بس بالفتره الي اجيت فيها لاحظت على الباصات انو ما في عندهم نظام بالمره مع احترامي الهم طبعا
ويعطيهم العافيه على كل حال

مع تحياتي:

همزة قطع

صقر الأقصى

19-10-2009, 09:37 PM

السلام عليكم

السلام عليكم ورحمة الله وبركاته

الاخوة والاخوات ..

الشكوى قديمة ..جديدة ..ولو بعد سنتين راح يجي حد يشتكي بفكر انه اول مرة بيقدم هالشكوى .

مش راح ارد بلسان شركة الباصات لانه المفروض حد منهم يوصل ردهم ورأيهم .

ولكن راح اعلق على طريقة ابداء الاراء والتي تنتهي بإغلاق اي موضوع

هام يبدأ بطرح مشكلة هامة ولكن للاسف طريقة النقاش تقلل من مستواه واهميته .

البنت عرضت مشكلة واقعية
علينا النقاش والحوا ر بطريقة حضارية تتجلى باحترام انفسنا اولا واحترام من نناقشه ثانيا .

واذا ما اعجبنا الموضوع وقد نفقد السيطرة على كلماتنا ..فالافضل عدم المشاركة

حتى ما نزعج حدا وما نجرح حدا .

واقول في اعضاء اساليبهم في النقاش هجومية تجعلهم يخسرون تأييد بقية الاعضاء حتى لو كان معهم حق .

فرجاءً من الجميع التحلي بالصبر وبطريقة حوار محترمة

شاكرة تجاوبكم .

خالة أم زيد نحن هنا بنعطي بارائنا لأي موضوع في هذا المنتدى كوننا مشرفين واعضاء نرد على اي موضوع في هذا المنتدى وبالاخص موضوع يخص القرية العيساوية بما فيها وغير ذالك يخص العيساوية سواء كان سلبي او ايجابي ولاكن المشكله ان صاحب\ة الموضوع كان سيرد على اي ردود من موضوعه\ا بأمكانه التخلص من الرد برد ايجابي وبعد إذ سيأخذ فكرة في الرد بدون مشاركة (ان رديت بجكامه راح يرجع ويرد بجكامه وان رديت بهدوء اكيد ما راح يرجع ويرد وان سمح الامر بذالك) ولاكن اي موضوع من هذا يبين للاعضاء بانه لا يريد فكرة جيدة لموضوعه\ا
ويريد الرد الاسلبي ومدايقه الاعضاء ومدايقة نفسه\ا ونفس الشي في اي موضوع كان في هذا المنتدى بكون هيك

إحترامي
صقر الأقصى

صلاح الدين

19-10-2009, 10:14 PM

السلام عليكم
اولا اوجه احترامي وتقديري لكل المشاركين في هذا الموضوع
واقول الكم الله يعطيكم العافية
ثاني اشي بدي اقول الكم انو الشوفري مش مش منظمين على العكس
بيبذلوا كل جهدهم من شانكم
والاشي الاخير انو ساعة الصبح ساعة صعبة على الجميع لأنو الموظفين والعمال والطلاب بيطلعو في هاي الساعة وماتنسوش انو البلد فيها كثير ناس والباقي عندكم
وشكرا للجميع

صوت الحق

20-10-2009, 01:21 AM

اخواني اخواتي

في البداية السلام عليكم

مع احترامي الشديد لكل من نقد ، ولكل من دافع ، سؤالي لكل هؤلاء :
أصحاب الشأن ربما يكونوا شاهدوا الموضوع ولكنهم لم يعقبوا عليه !، إذاً ما الفائدة من كل هذا النقاش ، ولماذا النفخ في قربة مثقوبة؟ وكل هذا الجدال فيما بينكم ؟!!

صاحبة الموضوع طرحت نقداً لشركة باصات العيساوية ، ولم أرَ فيه أية حلول !!

فمع إحترامي لصاحبة الموضوع فنقدك هو من اجل النقد فقط ! لا طائل من ورائه سوا ما تم حصده من ردود مهاجمة وأخرى مدافعة بلا أي فائدة !!

إن كان هدف طرح هذا الموضوع هو تغيير من واقع شركة الباصات ، فأين الحلول !! ، وإستمرارنا بالنقاش على هذا الحال ، سيخرج الموضوع عن مضمونه ، وسيغلق كما حدث في مواضيع اخرى سابقة .

لذلك ، ومن هنا ، ابعث برسالة الى أصحاب الشأن في شركة باصات العيساوية ، وكلي ثقة وعندي معلومات أكيدة انهم سيشاهدون ردي هذا ، وتضمن رسالتي طلباً أن يقوموا بالتسجيل في المنتدى والرد رسمياً على هذه الإنتقادات وإن كانت غير لائقة التعبير في معظمها ، الا ان شركة كهذه يمكنها التجاوز عن هذا كله ، وأخذ الجانب الإيجابي من الردود التي طرحت لتحسين من أدائها ، وإن تم تجاهل كل هذا النقد (حتى وان لم يكن له اساس من الصحة ) ، فهذا برأيي موقف ضعف من الشركة على مواجهة زبائنها ( ان صح التعبير ) وسيظل النفور منها موجوداً حتى تضع الشركة بنفسها النقاط على الحروف ، فإن لم تستطلع الشركة آراء زبائنها فكيف ستحسن من أدائها ! ، وبرايي ان المنتدى هو احدى الوسائل التي تمكن الشركة من ذلك ، مع إحترامي لكل العاملين عليها .

واسمحو لي بتقديم اقتراح يسعدني ان أرى تعقيباً عليه ، وأرى ان فيه الحل لكل هذه الأزمات سواء لشركة باصات العيساوية ولكل الشركات الأخرى ، وهو أن يتم وضع جدول زمني مدروس بدقة وتوزيعه على الجميع للفترة الزمنية التي تحتاجها كل حافلة للتواجد في محطات الإنتظار وكذلك الفترة بين كل حافلة والتي تليها ، وبالطبع لكل يوم وساعة وضعها الخاصة بناءً على الدراسة التي سيقومون بها .

ومن ناحية أخرى مشكلة زيادة عدد الركاب عن المقاعد المخصصة فهي برأيي ليست مشكلة !! ، فكل شركات مواصلات العالم ومنها شركة باصات "ايجد" يكون في غالب الأحيان عدد الواقفين أكثر من عدد المقاعد !، بل وهناك اماكن وأعمدة مخصصة للوقوف ، وجميعهم يدفعون ثمن الرحلة ! وفي غالب الأحيان نكون مجبرين على الصعود الى الحافلة حتى وان كنا واقفين لنصل الى موعدنا في الوقت المحدد ! وهذا هو الهدف الرئيسي لمستخدم شركة باصات العيساوية ان يصل في موعده المحدد ، وهذا العمل الشاق والمجهود الذي يتطلب ان تبذله الشركة لتحقق ذلك الهدف ... فالتعاون التعاون ....

اخوكم
صوت الحق

20-10-2009

a7la shosho

20-10-2009, 03:11 AM

مرحباااااااااااااااااااااااا
اول شي باصات العيساوية دندرة والشوفريه كمااااااااااااااان واحلا تحيه الهم
ياستي اول شي مرحبا يعني شو زنبهم تاعون الباصات ولا نسو يحطو لكل واحد كرسي والله هاد باص للجميع يعني شوفير الباص مابيغصبك تطلعي ياسيتي اطلعي بباص ايجد ازا باصات العيساوية مش عاجبينك هيوت انا طالبة مدرسة ومابلوم الباصات لاانو دااااااااااايما في ازمة والله نااااااااااااادرا مااقعد انا داااااااااااااااااااااااااااااايما واقفة وهادي مابنقدر نسميها مشكلة عادي يعني

تحياتي

القطة المشاكسة

20-10-2009, 01:45 PM

اووووووو مشاء الله العيساويه متطوره بوجودكم محمد وصقر الاقصى
انتو بتحكو بتحكو ومش محترمين حد المنتدى النا عشان
نحكي وجهة نظرنا وصحيح صقر الاقصى اذا ما بدك
اياني احكي وجهة نظري اشتريلي سياره هههههه وما بحكي اشي
وما بدي احكي اشي تاني والي
عاجبو الموضوع يعلق والي مش عاجبو ما يفوت الموضوع بالاصل اوووووف منكم
ميرسي همزة وصل كلك زوق وموضوعك حلو ومنيح لألنا عشان نعبر عن ارائنا

القطة المشاكسة

20-10-2009, 01:52 PM

يا جماعه هي ما قصدها انو الشوفريه لا سمح الله انهم
مش مناح هي قصدها انو بس ينظمو هالشي عشان نكون مرتاحين
واصلن مين بهونلو في اهل بلدو الي بدنا اياه انهم يحاولو بنظمو
بس شوي وبالنسبه انو الشوفريه يوصلو الناس عند القاعه
اها من حقهم انت ما دخلك يعني همه دافعين 4عشان
الشوفير يوصلهم الدار وين ماكانت بعدين القاعه في نفس
العيساويه الي همه بشتغلو فيها
خلص ما تعقدو الموضوع
وما حد يحكي معي ما بينحكى معكم الكل صار بدو يتفلسف اييييي
القطة المشاكسة

_محمد_

20-10-2009, 04:03 PM

مرحبا

كيفكم

طيب ممكن سؤال ؟؟؟؟؟

بتعرفوو انو اليوم طلاب المدارس والبنات الهم من الساعة 10 الصبح كعدين عند الكراج

ممكن تكوليلي شو كانو يسوو ولا ما بتشوفو لا لي بدكم اياه

وشكرا الك يا قطة بس انا محترم كل الاعضاء شو كلت اشي بدل على اني مش محترم حد وانا كلت ما حد يزعل مني هاد هو رايي

وشكرا الكم

انشاء الله بتنحل والكل بيرضى

..................

جوهرة القدس

20-10-2009, 04:16 PM

بسم الله الرحمن الرحيم مشكورين شوفيرية الباصات على جهودهم بس بتمنى انكم تلاقوا حل لأول البلد لا الواحد بطلع من البيت الساعه 6 براص الساعه 6ونص حرام نصبح متاخرين على مدارسنا واشغالنا لازم تلاقوا حل شـكــ وبارك الله فيك ـــرا لك ... لك مني أجمل تحية .

بركان الغضب

20-10-2009, 04:33 PM

الحل الوحيد للباصات عود كبريت ونخلص منهم لانو بجد صار شي بيقرف كتير ...

والله انو على زمن الفردات احسن بكتير كتير من الباصات

على اليوم يرجعو الفردات متل زمان الواحد ما بلحق يغمض عينو بلقي الفرد قدامو ...

حسبنا الله ونعم الوكيل ..

بفكرونا يهود نقعد نستنا كل نص ساعه او ساعه ليجي باص ..

ينعن ابوها من شغله ...

بجد شي بيقرف ...

خلص دخنتوها كتير الواحد مش مستحمل حالو ...

روحو انصرفو انتو وبصاتكم ..

الشغله صار فيها تحميل جميله , على شو شيفين حالكم ...

قل خط رقم 1 على شو رقم 1 لزم رقم (( 10000000000 ))

ايه خلص بكفي مهزله لحد هون وبكفي ...

اخرتها ...............................................

مع تحياتي

_محمد_

20-10-2009, 04:48 PM

ينعن ابوها من شغله ...

بجد شي بيقرف ...

خلص دخنتوها كتير الواحد مش مستحمل حالو ...

روحو انصرفو انتو وبصاتكم ..

الشغله صار فيها تحميل جميله , على شو شيفين حالكم ...

مرحبا كيفك

اخي بركان الغضب

تحياتي الك بس هاد حكي ما بينحكي

خاصة من مشرف متلك

انا بعرف انو العيساوي وغيرو من المسؤلين حطوك مشرف ماشن اانك تصير قدوة

الي ولكل الاعضاء

وهاد الحكي ما لازم ينحكي خاصة من واحد متلك

بركان الغضب

20-10-2009, 04:58 PM

_محمد_

20-10-2009, 05:06 PM

بركان الغضب

20-10-2009, 05:14 PM

هخهخهخهخهخهخهه

شو مالك شو دخلك ولا ما دخلك نازل بتغلط فالنتدى ومش هامك حد

ولا لانك مشرف لازم تشوف حالك زيادة

وبدك تعطي رايك بتعطي فاحتراام

ما تكلي انتا ما الك كيف بدي اعطي راي الي ونص

هاد منتدى لكل مش بس الك تدخل وتسوي لي بدك اياه وتطلع لانك مشرف

وشكرا الك

واكتر من هيك با بحكي ولا كلمة

..........................

لا عمي لا اشوف حالي ولا اشي الله يرضى عليك ...

وخليك في حالك بكون احسن ما بدي اكتر كلام ...

فا خلص خليك في حالك وخلي كل واحد في حالو بكون احسن ..

والمنتدى ما حطك محامي دفاع دافع عنو ....

ازا حد طب فيك سعتها بتكون محامي دفاع عن حالك ...

فالحسن ضلك في حالك ماشي حبيبي ...

يعطيك العافيه ...

صقر الأقصى

20-10-2009, 05:39 PM

السلام عليكم

شو هاد خلص انتا وياه بكفي تخبيص خليي الموضوع رايق شوي فؤاد ومحمد خلص اهدوا بس فؤاد بدك اتكون شوي غير عصبي بالردود

محمد ما اترد على الموضوع رديت عليه ورد عليك خلص اوك خلي الموضوع رايق

سلامات

ام زيد

20-10-2009, 05:46 PM

!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!

الاغلاق هو النهاية الحتمية الدائمة لكل نقاشاتكم

للاسف !!!

واذا شركة الباصات عندها اي رد ..ممكن طرحه في موضوع منفصل