فلســـــــطين بعيــــون جدتــي [الأرشيف]

روز

13-10-2009, 03:30 PM

السلام عليكم ورحمة الله وبركاته

هل خطر ببال أحدنا كيف كان الناس يعيشون في فترة ما قبل الكهرباء و المشافي و وسائل النقل الحديثه و غيرها من كل التطورات التي حدثت في الحياة ؟

اليوم إن حدث اجتياح أو عدوان على مدينه فلسطينية نجد أنفسنا أمام بث مباشر فلا نتخيل شكل الطائرة و لا نستغرب من صوتها لأننا نراها لكن .. كيف كان حال أهلنا في فترة احتلال الإنجليز لفلسطين و فترة احتلال اليهود لها ؟

الماء البارد في عز الحر كيف كانو يحصلون عليه ؟

ما هو طعامهم و ما هي أدوات طهي الطعام لديهم ؟

متى كانوا يستفيقون من نومهم ؟

ما هو برنامجهم اليومي ؟

هل يحترم صغيرهم كبيرهم ؟

هل وجد بينهم من رفض الهجره و آثر البقاء في وطنه ؟

كيف كان بيتهم و صبرهم و تعاونهم و جهادهم

تابعونــــــا

روز

13-10-2009, 03:49 PM

فلســـــــــــــــــــــــطين بعيون جدتي :
هذه الجدة الطيبة هي من احدى المدن الفلسطينية تحكي لحفيدها حالهم قبل النكبة وبعد النكبة

هذه الحكاية من قلب التراث الفلسطيني.
الجده التي تروي الحكايه من البدايه حتى نصل معها الى النهايه تكون هذه الروايه من فم جدتنا أجمل و ارقى و أكثر تأثير و عبره ... كانت جدتنا ترى فلسطين بعينها و تعيش الصبر بالوانه و اشكاله , تعيش المقاومه و تحب الجهاد و تفخر بالاستشهاد , تكمل حياتها و مسيرتها , تقدم ما لديها و أسرتها و تؤثر غيرها و لو كان بها خصاصا .

تكمل حياتها و تعيش مع جيرانها بكل ما لديها من روح التعاون و الاخاء ,تضم في حضنها و قلبها و عقلها عائلتها التي تشمل الجد و الجده و ابنائهم و ابناء ابنائهم و ان نزل ... يعيشون في بيت واحد صغير بحجمه كبير بحنانه و محبته .

نريد ان نسمع منها و ليس من الكتب و ليس من التاريخ بل من جدتنا نسمع كيف كان يعيش الناس قبل عام 1948 اي قبل النكبه ثم كيف استمروا بالحياة و الجهاد بعد العام 1948 و وصلوا الى نكبه اخرى و لا نريد ان نسميها نكسه لان كلمة نكسه بسيطه و لا تعبر عن ما حدث في عام 1967 ... و نرى كيف تتطورت الحياة بعد ذلك ...

حكايتنا مع الجده مقسمه الى ثلاث مراحل :

الاولى : ما قبل عام 1948
الثانيه : ما بين عام 1948 الى عام 1967
الثالثه : ما بعد عام 1967 حتى يومنا هذا ....

تعالو بنا نستمع الى ما ترويه جدتنا عن الماضي ...

روز

13-10-2009, 03:50 PM

http://www.esawiah.com/hosting/files/7te9y6qzg8kqmvuyf1lr.jpg (http://www.esawiah.com/hosting/)

البيت الفلسطيني الواحد :

كان يحتضن بداخله الاب و الام و الابناء و زوجاتهم و ابنائهم ...

روز

13-10-2009, 03:52 PM

المرحله الاولى : فترة ما قبل عام 1948 ...

بيت العائله الواحد :

نريد منكِ يا جدتنا ان تحدثينا عن هذا البيت ...

س _ سؤالنا لكِ يا جدتنا :نلاحظ اليوم ان من شروط بناء اي اسره توافر بيت خاص بها و لا نلاحظ البيوت التي تحوي العائله كلها مع من فيها من ابناء و ابناء ابناء نريد في البدايه ان نعطينا صوره عن تلك الايام التي مرت .

ج _ آه ما أجمل تلك الايام ... هو بيت صغير يشبه الغرفه في ايامنا هذه لكنها غرفه كبيره نوعا ما ... له سقف مرتفع كبير و مقوس " يروي احد اجدادنا انه طلب من البناء ان يبني له بيت في فتره 1966 تقريبا و قال له : اشمخ البيت و خليه عالي .. اي اجعله شامخ مرتفع لانه معتاد على البيوت القديمه التي ترتفع اسقفها و تعطي شعور بالراحه " . كان يصنع البيت من :

الطين .. يضاف الى الطين بعض الكميات من ما يعرف ب " التبن " و التبن هو ما بقي من قش و بقايا حشائش يابسه تؤخذ من الارض بعد انتاج القمح و الشعير حتى يزداد البيت صلابه .

" الحطب " .. و هو اخشاب كبيره عريضه طويله توضع بين واجهات البيت و جدرانه و اسقفه لتزيده قوه ...

كان يحوي فقط ما يحتاج اليه الناس من اساسيات ان " وجدت " ...

كان اليوم كله عمل لكل افراد البيت و لا يستثنى احد حتى المرأه الحامل و الشيخ الطفل الصغير .

اما ما يميز البيت حقيقة هو : الحب و الحنان و الاحترام لمن هو أكبر و أهيب في العائله ...

كان امر الكبير مطاع و الكبير هذا ليس له هم الا سعادة العائله و احترم الجيران و صلة الاقارب ..

روز

17-10-2009, 08:24 PM

س _ جدتنا الكريمه ضعينا في صورة البيت اكثر و اخبرينا عن كل زاويه فيه ...

ج _ اولا نأتي الى زاوية الطعام التي تعرف اليوم بالمطبخ :

هذه الزاويه جزء من الغرفه المذكوره التي هي بيت العائله .. يوجد فيها كل ما يخزن من طعام لان الطعام في تلك الايام كان فقط في الموسم و لا توجد سوق للخضار و لا توجد محال تبيع اللبن بل كل الطعام يؤكل في موسمه و حسب و كل عائله تزرع ما تريد من خضار و تصنع ما تريد من اطعمه و ما هو رائع فعلا عدم استخدم اي مواد كيميائيه او مبيدات عشاب او حشرات بل كل ما هو موجود طبيعي ..

تخزن العائله اللبنه التي تحفظ بالزيت

و الزيتون الاسود و الابيض

و الزعتر و " المقدوس " و هو باذنجان محشو باللوز ...

هذه امثله لبعض المواد و يوجد غيره ايضا ...

و الروعه ان كل من يحتاج الى انواع طعام تجد جاره يقول له " تعال في عنا .. خلص انا ببعتلك الي بدك ياه .. جبنا كذا تعال خد منه ... " ...

يتبع ان شاء الله ...

روز

17-10-2009, 08:26 PM

[/URL]
[URL=http://www.esawiah.com/hosting/]http://www.esawiah.com/hosting/files/g52eoovbh90ix8gupu5y.jpg (http://www.ahbabullah.com/vb)

هذا بيت فلسطيني قديم و نوعا ما قد تدمر بفعل الزمن ..

أتعلمون شيئا :

قالت لي جدتي ان : الناس كانوا يصعدون على هذا الدرج المبين في الصوره و كان هذا الدرج يصل الى مكان صغير مخصص للنوم .... اما المساحه التي نراها و يصعد اليها المرء بمرتفع بسيط فكانت هي مكان للمعيشه من طعام و بعض الاعمال و غيرها ..

و المعلومه الاخرى المهمه هي ان هذا البيت يعتبر لاغنى الناس في القريه و يسكنه " شيخ " البلد أما باقي البيوت فهي صغيره و لا يوجد بها درج و لا ما شابه ..

كلما تقدمنا في القصة تزداد جمالا وبعدها تزداد ..... ألما وحزنا

روز

20-10-2009, 03:04 PM

س _ أخبرينا يا جدتنا الغاليه عن بيوت الفقراء و من هم الاغلب الاعم في تلك الايام ...

ج _ كانت هذه البيوت تتصف ببساطه شديده لا تحتوي الا على اقل اللازم للحياة ... ربما تحتوي على صحن واحد و ملعقه واحده و كأس واحد لكل فرد ... و كان يوجد صندوق خشبي واحد كبير يحوي ملابس العائله ...بساطه لا مثيل لها ...

روز

20-10-2009, 03:05 PM

س _ اخبرينا يا جدتنا عن الالفه و المحبه التي كانت تسود الحياة في تلك الايام ....

ج _ لا توجد كلمات تصف هذا الوضع ... ( بقت الناس ناس يا ستي .. بقى لما كبير العيله و البلد يفوت ع مشكله كل الحاضرين يسكتوا و لا حدا يحكي كلمه و شو ما حكم هالكبير الناس تسكت و تقول عال ... في الميراث و الزواج و الطلاق و كل خلاف ينحل و بدون ما حد يقول اشي ... و يا ستي هلي بدو يبني دار يروح ينادي كبير البلد و الي بدو يجوز ابنو يخلي كبير البلد يطلب ايدها من اهلها و هلي بدو يروح ع الحج تلاقي كل البلد عنده بتودع بيه و بتعيط ع فراقه ...و آخ لما يسشتهد شب من هالبلد ع ادين الانجليز تلاقي كل الناس الشهيد ابنها و كل هالناس تروح تواسي اهلو و تصبرهم ... بقى البيت فيه كل العيله و كل مشكله محلوله لانه الناس يا ستي بقوا يقدروا بعض ... و لما الاب يفوت ع الدار تلاقي كل العيله تحترم جيته ... و كل لقمه نوكلها نشوفها ما في احلى منها لانا بقينا نوكلها من تعبنا و شغلنا و كل لقمه نوكلها مع بعض يا ستي مش مثل هاليوم ما واحد بشوف الثاني ... )

وتتابع جدتنا حديثا عن المحبة والألفة فتقول :

( يا ستي لما يموت حد كل هالبلد اتأجل العرس اشهر عشان هلي مات نقول مشان اهله مساكين و حالتهم بالويل و عيب حتى لو انو بقى ما بقرب للعيله بس انو من البلد ... و ان نمرض حدا تلاقي الناس تجمع كل ما عندها من مال مشان تعالجه ... ان حكت العمه الكلمه مسموعه مش مثل جيل هاليوم ... و ان حكت الست الكلمه مسموعه ... و الاخو الكبير بمون ع الكل و هو بدوش الا مصلحة الكل ... و كل البيت بشتغل في الارض و كل البيت بتعبوا و بروحوا تعبانين ... و والله يا ستي ما حدا بقدر قيمة الارض غير الي بشتغل بيها و بتعب مشانها و الله لو يقتلوا ابني و لو يقلعوا زيتونه الحال و احد ... )

ريّانه

29-10-2009, 10:52 PM

وها أنا أنتظر ..
لم أكتفي .. أود المزيد ..

تابعي ،،

\\

زمـن العجايب

29-10-2009, 11:42 PM

مـا اجمل قصص الجده وما اجمل قصص الماضي
روز اكتفي بصمتي لروعه موضوعك وكلام جدتك الله يحفظها ويخليها
ويديمها بصحه والف عافيه بأذن الله

تابعي

ومع احترامي وودي لكِ

روز

30-10-2009, 12:18 PM

الف شكر على مروركم ودعمكم متواصله معكم :--)

الصبــــــــــــــــــــــر

س _ نريد من جدتنا الكريمه ان تعطينا بعض الصور عن صبر الناس و تحملهم في تلك الايام ....

ج _ ( والله يا ستي بقت الدنيا غير هالدنيا .. بقى ما في غير الصبر للحياة بس مع هيك بقت العيشه احلى ..بقينا نصلي الصبح و بعدها ع طول على الارض و كل موسم و الو شغلوا ايام نحصد قمح و شعير و ايام نلقط تين و صبر و ايام نجد الزيتونات و ايام نعشب الارض " زالة العشب الغير نافع "

و ما في واحد من العيله يقد كل هالعيله تشتغل حتى ولاد كثير اندولوا في الارض لان امهم بقت تشتغل و ترزع ... بقت الوحده تروح على الارض حامله على راسها الخبز و المي و ابنها بحضنها و تطلع على الجبل و تزرع و تشتغل في الارض ... ))

ام زيد

31-10-2009, 08:51 AM

روز سئمنا مما نعانيه اليوم من فُرقة وتشتت ..

نهرب للماضي لننعم بلحظات من الفرح والأمان ..

والجدة وحكاياتها تمثل دائما ذلك الملجأ ..

استمري ونحن من متابعيكِ

يعطيكِ العافية ودمتِ بخير .

بنت حماس

31-10-2009, 02:04 PM

روز
موضوعك رائع
اشكري ع ما كتبتيه من ابداع مميز وبارك الله فيكي
ويعطيك الف عافيه
ننتظر جديدك بأذن الله موفقه
تحياتي................
ayat

روز

03-11-2009, 10:26 PM

يا هلا في طلتكم البهية نورتو
نرجع لجدتنا

س _ ما هي طبيعة العمل الذي كان موجود في الارض ..
ج _ ( والله يا ستي بقينا بالشتويه نحرث الارض و نزرعها ... و بالصيف نحصد الزرع و نجد الزيتونات و اللوزات و نلقط صبر و تين و نطحن القمح و نخزن الشعير و غيره من الزرع للشتويه و هالشغل يوخذ منا كل الصيف ... )

س _ طيب ما كنتوا توخدوا اجازه ...
( شو اجازه و الشغل انو يشتغل و يحصد و يزرع و المثل بقول : اتعب على ارضك بتتعب عليك ... ) ...

عآزفه على أوتآر قلبي

04-11-2009, 02:50 PM

الله عليكي يا { روز }

طرح ولا اروع

احلى شي عيشة ايام زمان
كل شي طبيعي وقلوبهم على بعض
ومتكاتفين ومتعاونين

بس للاسف الي بروح ما برجع

كل الشكر لطرحك

وبإنتظار إكتمال الموضوع
لننتقل الى الزمن الجميل

يعطيك الف عافيه

ودي قبل ردي

روز

04-11-2009, 10:54 PM

الله على طلتك الحلوة محلاها
اهلاً

نكمل

//

س _ ما هي وسائل المواصلات التي كانت تستعمل لنقل المحصول من مكان الى آخر ... ؟[

ج _ ( اكثر اشي الجمال في فترة احتلال الانجليز و الحصان و كل دار بقى فيها خيل او حمار " اجلكم الله " ينقل كل اشي لازم ... بس الجمال بقت تنقل الغله و المحصول أكثر اشي تنقله على البيادر و البيادر منطقه وسيعه و سهله بقينا نجمع فيها كل اشي حصدناه من قمح و شعير و غله و ندرس " اي اخراج القمح من السنابل " و نقد تقريب 3 اشهر و احنا ندرس الغله ... ) .

( بقى فش يا ستي حصادات و لا آلات تشتغل بقينا كل اشي نعملوا على ادينا ... )

http://www.alittihad.ae/assets/images/Dunia/2009/06/09/240x180/13a-na-70331.jpg

يتبع الاجمل......

روز

07-11-2009, 03:28 PM

هل تحكين لنا قصة شهيد تعرفيها يا جدة من الذين استشهدوا على أيدي الإنجليز ؟

تروي جدتنا و تقول :

( شهيدنا : يا ستي كان زلمي و قد حالو و لما الناس تقول فلان الكل يحمده و يقول ما
شاء الله .. المهم اسمعنا مثل ما سمعت الناس انو والله في انجليز جايين ع حيفا و ع يافا
و احنا بقينا مرتبطين بيافا كثير و بقينا نتاجر و نبيع زيت في هذيك البلاد و نروح عليها
كثير ...

المهم قالوا هالناس لازم كل واحد عنده سلاح يطلعوا و يطلع معو شب من كل عليه يعني
كل عليه عليها سلاح و شب يجاهد الانجليز و والله يا ستي زبطنا حالنا و اعطيناه سلاح
و راح الله يرضى عليه يجاهد في البلاد الي اجوا عليها الانجليز و طلع هو و كثير شباب
من البلد كل عيله اطلعت شب اشي رجع منهم و اشي استشهد و بقى شهيدنا من الناس
الي استشهدوا ...

بقى يا ستي يتيم و امو متوفيه و الو خوات حزنن عليه كثير بس والله مش خساره بالبلد
و الارض ... وصلنا الخبر بعد فتره طويله انو استشهد لليوم صورته معلقه والله اني قديش
بفتخر فيه الله يرضى عليه لما طلع من البلد طلع و عارف انه مش راجع و قديش بقى مبسوط
الحمد لله رب العالمين )

FreE*SUn

08-11-2009, 12:36 PM

مرحبـــــ،ــــــا ...!

جميل هو استرجاع ذكريات الماضي ...

و الأجمل استرجاعها مع من عاصر ذلك الماضي ..

المتعلق بأرضنا و هويتنا ..!

رائعٌ موضوعكِ و الأروع أنــتـــِ

استمري أيتها المبدعهــْ ..

بـــانتظار ِ بريقـْ ِ قلمكِ المبدعْ ..!

روز

09-11-2009, 02:49 PM

يا هلا بالحلوين نورتي بطلتك
الاجمل هو ردك :rolleyes:

س _ كيف كانت الحياة بالنسبه للمرأه و كيف كانت طبيعة الاعمال التي تقوم بها ...
ج _ ( بقى كل اشي نعلموا على ادينا و بدون اي مساعده و المراه وليها الدار و الولاد و شغلهم و ويلها الارض و الزراعه و المي ...
بقت الام تصحى تصلي الصبح و تروح تنقل مي من العين على الدار و بعدها تروح على الارض و بعدها تروح تشوف شغل الدار و ما بيجي وقت صلاة العشا الا تبقى ماتت من التعب و ع هالحال ) ...
طيب شغل الدار كيف كان ؟ يعني ما في فرن و لا غاز و لا غسله و غيره ...
كل الشغل على الحطب بقينا نجيب الحطب و الارض و الجبل و نطبخ و ننفخ على النار و كل اشي نشتغله على نار الحطب ...
نطحن العدس على الجاروشه ...

http://www.palestineremembered.com/GeoPoints/Zayta_6716/Zayta-38267.jpg

و نجيب المي للدار نحملها على روسنا من العين و نجيبها على الدار ...
و طول الصيف نخزن للشتويه بقول المثل : في كانون كن ببيتك و كثر ملحك وزيتك .. و وقتها في الشتويه و المطر نقعد نعمل صواني قش و نشتغل شغل الدار الي ما بنشتغلوا في المطر ...

http://esyria.sy/sites/images/tartus/community/076406_2008_08_30_11_32_01.image1.jpg

و كل الشغل بقى على الطابون لا في فرن و لا غيره ... " الطابون : هو عباره عن وعاء كبير نوعا ما مصنوع من الطين يغطى بروث الحيوانات و عجم الزيتون المطحون و كل هذا مع النار يغطى ذاك الوعاء و يتكون عليه الرماد و يصبح من الداخل حامي يشوى و يخبز به ما كل انواع الطعام و الخبز " ... )

http://elreem.el.funpic.de/vb/uploaded/3_1191031199jpg

روز

17-11-2009, 02:14 PM

سنخصص قسم من موضوعنا ان شاء الله عن الجهاد و المقاومه و الصبر في وجه المحتل اما الان اريد منكِ يا جدتنا ان تجيبي على بعض الاسئله التاليه عن الصبر في الحياة العمليه اليوميه و مكابدة العيش :
أولا : لا أدري كيف كان عطشكم يرتوي في عز الصيف و كثره الحر و مع انه لا يوجد ثلاجه و لا تكييف ؟
ج _ ( والله يا ستي و لا ثلاجه و لاغيرها بقينا مع الفجر نروح على العين نجيب ميه و نحطها بجرات الفخار و بقى فش اشي نحمل بيه الميه الا الفخار نعبي اكثر من عشرين مره الصبح و الظهر هيك و المغرب هيك و المصيبه يوم بدنا نغسل و لا نعمل اشي بدو ميه كثير بقينا كل اليوم نجيب ميه من العين ....
بس بقت ميه غير هالميه ... بارده و نشوفلها طعم غير اليوم ... بقينا نحط المي بجرة فخار كبيره في الدار و بالفخار الميه على طول بارده ...)

http://www.palestineremembered.com/Jerusalem/Bayt-%27Itab/Picture20343.jpg

روز

21-11-2009, 10:24 PM

ما هي الجاروشه ؟

و ما هو المثمن الذي نسمع عنه في الزجل الشعبي ؟

و ما هو هو المصحان ؟

( الجاروشه : هي حجرين كبار من حجر بنسميه الصوان و هاد حجر قوي كثير بقينا نطحن بيها العدس و الرز و كل اشي بدو طحن .. بقى في وحده لكل عليه و تقعد ميات السنين و تتوارث من جيل لي بعده )

http://www.jalili48.com/Data/PG/P-745-B.jpg

روز

21-11-2009, 10:29 PM

المثمن : هو زي كأنه صحن كبير و مصنوع من الصخر و شكله ثماني يعني الو ثمن جدران و بقينا نطحن بيه اللحمه اللي اليوم بطحنوها على الآله ... صحيح بقت الدنيا بدها صبر و تعب بس بقت اهنى و اكثر هداة بال )

روز

21-11-2009, 10:30 PM

( المصحان : هو الي بقينا نطحن بيه اللوز و كل اشي بدو طحن بقى ثقيل و قوي و كل عيله عندها واحد و تتوارثه و كل واحد ما عنده منو يوخد من جاره او قرابته )
http://www.palestineremembered.com/GeoPoints/Zayta_6716/Zayta-39904.jpg

روز

23-11-2009, 02:18 PM

تروي احدى جداتنا عن الصبر و التفاني في العمل و تقول :

( مره بقيت هامل الهم و بدي نروح نحصد القمحات بسرعه و شفت الولاد و ابوهم نايمين قلت هي مطوله صحيتهم و قلتلهم قوموا بسرعه بدنا نروح نشتغل فش وقت هم فكروا الصبح مأذن قاموا صلوا الصبح و رحنا على الارض و بلشنا نشتغل و نشتغل و الصبح بعدو مش طالع و انا عارف انو مش طالع بس بديش اقول
و بعد مضى وقت طويل كثير ما اسمعنا الا الفجر بأذن وقتها انجنوا مني و ما ضل معهم عقل قالولي الدنيا بعدها مش صايره الفجر و احنا صرنا بدنا نخلص كل القمحات قلتلهم الشغل ع البراد احسن)

http://esyria.sy/sites/images/raqqa/todayimg/093608_2009_05_18_14_23_14.image1.jpg

روز

23-11-2009, 02:22 PM

لا زال في جعبة جدتنا العديد من الامور قادمه ان شاء الله و اهمها :
التعاون و الايثار
الهجره و الاحتلال و المقاومه
الاعراس و الافراح التي تقام و ما يتم فيها من زجل و عادات ...

روز

28-11-2009, 08:51 PM

الايثــــــــــار و التعـــــــــــاون

س _ نعلم يا جدتنا ان الوضع كان فيه الكثير من الصعوبه سواء بسبب الاحتلال او بسبب الظروف العامه التي تحتاج الى جهد و تعب لكن كيف كان التعاون و الايثار في تلك الحياة بين الناس http://www.alrakami.com/vb/images/ehdaa_smilies/eh_s(10).gif

ج _ ( عارفه كيف بقى الحال اذا الولد احتاج اشي بتلاقي عمه و جاره بساعده قبل ابوه ... في ناس بقوا جيرانه يوم الولاد بهدم اشي يروحوا عند عمهم كل اشي بين العيلتين واحد و فش فرق ... ان قتل واحد غيره تلاقي اهل بالغلط و بدون قصد تلاقي اهل المقتول يسكتوا و يعفوا ... و يقولو فداك ..
لو واحد احتاج من الثاني تلاقي الثاني يدين و يعطيه اللي لازمه ... بقى كبير العيله و البلد ان مرض واحد تلاقيه يجمع حالو ومالو و يوقف كأنه ابنه و أكثر ... )

روز

28-11-2009, 08:51 PM

روز

28-11-2009, 08:52 PM

( في كل المناسبات تلاقي هالناس مع بعض يوم في فرح كل الجيران و القرايب يجعوا ما عندهم من صحون و كل ما هو لازم مشان اكل الفرح ....

و في الحزن تلاقي كل البلد و القرايب مع العيله اللي اتوفالها حدا .. و كل الناس تعزمهم على الاكل و تجيب الاكل على الدور للنسوان في دورهم و كل البلد تحد على الميت و تقعد اشهر و هو ممنوع اي عرس او فرح و يقولوا مشان اهل الميت ...

في الشتويه تلاقي الجيران تتجمع عند بعض و بدون اي رسميات لقمة الجيران وحده و شغلهم واحد و فش فرق ...و كل الشغل مع بعض و في الزيتون الناس بتساعد بعضها و بتجمعوا مشان يخلصوا بدري و مشان يحسوا بتعب بعض تلاقي اكثر من عيله بتتجمع مع عليه ثانيه مشان يساعدوهم في الارض و لما بيجي دور غيرهم بعموا نفس الاشي ... )

روز

28-11-2009, 09:00 PM

س _ قبل الخوض في موضوع الجهاد و المقاومه نريد ان نعرف صور الايثار في وقت الهجره و الاحتلال ؟

ج _ ( الناس بقت يا ستي بتفكر انها جمعة زمان و برجعوا بقينا نتجمع في مغاره في الجيل و نجيب كل اشي عنا بنقدر نحملوا و تلاقي الزلمي الموجود هو ابو الكل و اخو الكل ... الي عندوا زيت و الي عندو عسل و الي عندوا شو ما كان يجيب و اللقمه وحده ... )

روز

28-11-2009, 09:00 PM

( و بعد ما سقطت البلاد بدين اليهود صارت كل حياتنا امل انا نخلص من اليهود .. الحمد لله على هالحال و كل حال ... بقينا نجمع حالنا في كل موسم و نجيب كل الحاره و القرايب و نشتغل في الزيتون و نبيع الزيت في حيفا كل حياتنا بقت مربوطه بحيفا ... و ان مرض واحد من العيله و لا البلد نوديه مع الكبير على حيفا هناك بقى الدواء قوي " !!! " و لا نطلع على مصاري و غيرها ... الحمد لله على هالحال و كل حال ... )

روز

30-11-2009, 08:03 PM

نكمل حديثنا مع الجده الغاليه و نفتح ملف الاعراس و الافراح :
س _ نريد من جدتنا ان تلكمنا عن اولى خطوات العرس ...
ج _ ( يا ستي بقى الكبير هو الي تمشي كلمته و هو الي يقرر انه بدو يخطب بنت فلان لابنه و ابنه يقول مليح و شو ما قال ابوه او سيده يقول انا موافق و مبسوط ...
و بعدها يا ستي يحضروا للفرح و كل البلد تبقى مبسوطه كانه عرس للجميع .... و في كل دار ...
بقى اول يوم اسمه " الحنى " تروح النسوان " فارده " من دار العريس لدار العروس و الفارده هي النسوان الي بتطلع من دار العريس لدار العروس و بتحمل معها الحنى و الذهب و بتغني طول الطريق وبتقول :
هي يا حماله الفرد طخي لفوق ...
و هاد الحكي بقى في الليل بعد صلاة العشا مش بالنهار و بقى فش كهربا بقينا نوخذ معنا شمع و ضو على الكاز و يجي معنا زلمي او اكثر مشان الدنيا ليل و بخافوا لا يسير اشي على الطريق ...

روز

30-11-2009, 08:11 PM

( و نوصل يا ستي لدار اهل العروس و هناك نغني و نهني و نقول :
جيت اغني و اهني منشان امو
و احط الرايه الخضره على كمه

جيت اغني و اهني منشان اخته
و احط الرايه البيضه على تخته

جيت اغني و اهني منشان عمتو
و احط الرايه البيضه على كتفو

و بقينا نظل نغني للعريس و لاهله و للعروس لاهلها و نزغرد و نقول :

ها وي ها صلي على محمــــــــــد
ها وي ها صلاة بصلاتيـــــــــــــــــن
ها وي ها صلاة ترد العيــــــــــــــــن
ها وي و صلاة تحفظ العرساــــــــــــــــــــن

روز

30-11-2009, 08:13 PM

و بعدها يا ستي نحني العروس و نوزع باقي الحنى على الناس الي حاضرين ....
و يقولوا اهل العروس عن حالهم :
ها وي ها احنا ان اتجوزنا يا هالناــــــــــــــــــــــــــــــــس
ها وي ها احنا ان اتجوزنا نرفع الراــــــــــــــــــــــــــــــــــس
ها وي ها احنا ان اتجوزنا على صيت اهلنـــــــــــــــــــــا
ها وي ها و صيت اهلنا واصل لعماــــــــــــــــــــــــــــــــــــن

و بعدها يا ستي نروح على دار العريس و نقعد نحضر بالطبيخ لثاني يوم و نقول لابو العريس :
ها وي ها يا ابو فلان لا تندم على الي صـــــــــــــــــار
ها وي ها اذبح الذبايح و اهيل الرز بالقنطــــــــــــــار
ها وي ها اذبح ذبايح و اعزمنــــــــــــــــــــــــــــــــــــــــ ـا
ها وي ها و اذبح ذبايح لا تعدهن ذلياــــــــــــــــــــــــت

و بهذيك الايام بقى فش لا كهرباء و لا غاز و لا غيره بقينا نطبخ كل طبيخ العرس على نار الحطب و نظل طول الليل نجيب مية من العين و كل نسوان العيله و الحاره و البلد يشاركن في الطبيخ كل الليل ....

روز

30-11-2009, 08:16 PM

و بالنسبه للرجال :
بقوا بليلة الحنى يعملوا حفله الهم لوحدهم و يغنوا و فيها و ما شاء الله و يدبكوا و يجي كل اهل البلد ...و يعملوا عشى يعشوا الناس و طبعا بقى فش طباخين بقين النسوان يعملن الاكل كلوا ...
و ثاني يوم يحطوا العريس على الخيل و يزفوا في كل شوارع البلد و يغنوا اغاني العرس ...

روز

30-11-2009, 08:28 PM

بيوم العرس يجي كل الناس على دار العريس و بعد الظهر يتغدو الحاضرين الاكل الي طبخنوا النسوان .... و بعدها يروحوا على دار العروس يجيبوها على بيت العريس ....
و يقولن :

ها وي ها صلي على محمــد
ها وي ها على فاطمه بنتــو
ها وي ها الف الحمد لك يا ربـــي
ها وي ها لي طلبتو نلتـو
ها وي ها طليتني اقول يا جبار
ها وي ها حتى طلع القمر و الميزان
ها وي ها الف الحمد الك يا ربـي
ها وي ها الي طلبتو صار

ها وي ها صلي على محمـد
ها وي ها حتى تلين الحديده
ها وي ها فرح مبارك
ها وي ها و العين عنه بعيده
ها وي ها يا صرلي 12 سنه حزينـه
ها وي ها و بعلمكم يا جيران
ها وي ها اليوم قلبي فرح
ها وي ها من زمان ما فرح

روز

02-12-2009, 02:44 PM

( بقت النسوان لما تيجي على بيت العريس تهني اهل العريس و تقول :

ها وي ها يا دار ابو فلان السعد يواريهـــــا
ها وي ها يا خضره جواكيرها و بيض علاليهـــــــا
ها وي ها ياكل الاجوايد تصابحها و تماسيهــــا
ها وي ها كل الاجاويد تشرب من قهاويهـــــا

و بقين يا ستي يهنين ام العريس و يقلن :

ها وي ها يا ام العريس اهنيك اهينــــكِ
ها وي ها انا جاي اهنيــــــكِ
ها وي ها و الحمد لله جوزتي ابنـــــكِ
ها وي ها و ما حدا اشتفى بيِــــــــكِ

روز

02-12-2009, 02:48 PM

في آخر النهار يرحوا اهل العريس يجيبوا العروس من بيت اهلها ... و لما بقى فش سيارات بقوا يجيبوا العروس على الجمل او على الخيل ..من بلد لبلد او من بيت لبيت في نفس البلد ...

و لما يفوتن النسوان على بيت العروس و قبل ما تطلع من البيت على بيت العريس يقولن للعروس :
ها وي ها قومي على حيلك و خلي الي تموت تموت
ها و يها يا حماله شجرة المنتهى و الياقوت
ها وي ها و احنا من بيت اصلنا مثبوت
ها وي ها و اصل اهلنا بالتابوت

و لما يا ستي تيجي العروس على بيت العريس يقلن للعروس :
ها وي ها و مبروكي يا عروس يا جديده
ها وي ها مبروكي على كل العيلـه
ها وي ها مبروكي و قادامك خير
ها وي ها الارض اليابسه تخضر قدامك

و يقلن للعريس في بيته :
ها وي ها شفت صفت التتن بيدك
ها وي ها طلبت من الله ينطي و يزيده
ها وي ها يسير حاكم و كل الناس تحت ايده

روز

02-12-2009, 02:48 PM

كانت هذه لمحه عامه عن العرس الفلسطيني و كانت تلك بعض امثله من المهاهاة الفلسطينيه .....
و لدينا مزيد من حديث جدتنا ان شاء الله تعالى ......

ام زيد

02-12-2009, 05:42 PM

يعطيكِ العافية روز على هالكنز التراثي ..

احلى اغاني واحلى مهاهاة ..الاغاني التراثية الفلسطينية

والتي نتميز فيها والتي بدأت بالانثار للاسف .

نتمنى ان نحافظ عليها ونستمر في غنائها باعراسنا .

وبانتظار بقية حديثك الشيق ..

روز

05-12-2009, 12:47 PM

الله يعافي قلبك خالتي ام زيد
نورتي
نكمل
نتحدث اليوم مع الجده بإذن الله عن الهجره و الجهاد و المقاومه ...
س _ كيف كان شعور الاهالي عندما جاء الانجليز الى الارض الفلسطينيه و احتلوها

ج _ ( والله كل كلمه بتنقال ما بتوصف هذاك الشعور .. يا ستي الارض هي العرض .. فش أجمل من انو الواحد يحافظ على ارضه و يزرعها و يحصدها و يفلحها .. الارض مثل الولد ما بتفرق عنو اشي هاذ عزيز و هاي عزيزه .. الي بزرع الارض و بتعب عليها بعرف قيمتها و الي بزرع شجره و بسقيها ببقى عارف انها زي ابنو ) ..

روز

05-12-2009, 12:52 PM

س _ لماذا هاجروا ؟ ان كانت الارض هي العرض و الولد

ج _ ( الهجره بقينا نفكر انها كم يوم و بنرجع .. بقينا نقول كلها جمعة زمان و جيوش العرب بترجع الارض ... في وحده يا ستي تركت في حيفا ميتين ليره ذهب ابوها قال محنا كم يوم و بنرجع ... حفر حفره تحت التينه و حطهن فيها و بعدهن لليوم من وقت 48 لليوم و هني تحت التينه ...
و راحت هي و ابوها و عيلتها على الاردن على امل الجيش يتحرك و يرجع الارض بعد كم يوم و بعده يا ستي ما رجعها ..
تركنا مالنا و دارنا و قلنا محنا راجعين ... ما أخذنا الا المفتاح ) ....

المظلوم

05-12-2009, 12:53 PM

لا استطيع ان اقول شيء يا اخت روز فموضوعك فقط للقرائة
موضوع فعلا جميل ...

مع تحيات اخوكي المظلوم

روز

07-12-2009, 02:05 PM

س _ لكن عندما كان الانجليز في فلسطين كيف كان يعيش الناس خاصه في بداية الاحتلال

ج _ ( بقوا الناس يقعدوا و يناموا على اعصابهم و ممقوتين على البلد و الارض و كل ما في خبر يستنوه و يستنوا اي خبر عن اي اشي بخص الاحتلال ... بقى راديو بهذيك الايام كل البلد تتجمع تستنى اي خبر عن العرب و جيش العرب ... و كل يوم نقول اليوم بطلعوا و بكرا بطلعوا و لليوم بعدها الارض مع اليهود .. )

روز

15-12-2009, 01:53 PM

س _ أعطينا مثال عن شهيد استشهد في زمن الانجليز يا جدتنا الغاليه ؟

ج _ ( والله الامثله كثير ... بقى في واحد من رجال البلد ما شاء الله عنه دائما يخبي الثوار في داره ايام السته و الثلاثين و السبعه و ثلاثين و هذيك الايام ..

مره بعد المغرب بكثير اجى عنده الثوار مثل العاده و عشاهم و أكرمهم من كل اشي عنده .. و بعدها اجى واحد خاين خرب عليه كل اشي و قال للانجليز في بدار فلان ثوار أجو الانجليز على ع الدار و معهم السلاح و قتلوا الزلمي و استشهد
عليه رحمة الله بس قبل ما يقتلوا الله يرحمه خلى كل الثوار تهرب من البيت و دلهم على طرق و حارات ما فيها خطر ..

و استشهد و لليوم كل الناس بتفخر بيه .. )

روز

29-12-2009, 02:58 PM

س _ كيف كان الناس ينظرون الى المحتل و هل كان الاستعداد قائم للجهاد و التضحيه

ج _ ( بقوا الناس يا ستي كلهم نخوه و محبه للارض ... بقى يسير بينهم مشاكل و يتقاتلوا مين بدو يطلع يواجه الاحتلال و مين بدو يضل ... بقوا الناس ما عندهم سلاح كثير بس كل عيله عندها سلاح واحد يوخدوا واحد من العيله و الباقي ما يطلعلهم سلاح .. )