مصطلحات فلسطينية أصيلة || من التراث الاصيل

[روز]

السسسلآم عليييييييكم


ما عندي مقدمات حلوة او بتجذب :no1p:
عشان هيك خلينا نفوت بالموضوع على طول:tooth0000:

بدي أعرض شوية كلمات وبدي تعرفوا معانيهن
وهادي الكلمات طبعا باللهجة الفلسطينية القح
وبدي تعرفوا هادي الكلمات في اي منطقة من مناطق فلسطين بتستخدم

1 بقلوش
2 كركوم
3 بروة
4 تبشة
5 طورة
6 مجيدي
7 غربال
8 منخل
9 شربة

كل مره بجيب مجموعه
يلا اشوف همتكم :yess:

[YâŖâ]

يسلمووو رزروززتتي على الموضوع كتيررر روعة روعة :>
شوفي انا عرفت بس اكم كلمة
الغربال لتنقية القمح,, والمنخل بستعملو لتنخيل الطحين قبل عجنه
والشربة هو الفخار اللي كانو يشربو منو المي...

\\

[ام زيد]

السلام عليكم ورحمة الله وبركاته

المجيدي هو الليرة الذهب ..او العملة اللي كانوا يتعاملوا فيها


وبشكرك روز عالموضوع الحلو

[روز]

مزبوطة اجوبتكم
مجيدي وهذه عبارة عن مقدار من النقود تساوي 20 قرش
غربال هذا وعاء مخرم كان يتسعمل لتنقية القمح من الشوائب وهو كبير يصنع من أمعاء الخراف وهو على شكل دائري
المنخل ما يستعمل لتنخيل الطحين قبل عجنه
شربة وهي اناء من الفخار يوضع فيه الماء لكي يبرد في الصيف ويستعمل ماؤه للشرب
واهلاً وسهلا فيكم بالموضوع نورتو
بنستنى الاجوبه التانيه




من فات قديمه تاه

[روز]

البقلوش وهادا يا جماعة مصنوع من الفخار وكانت ستي وستك تستعملة لتخزين الزيتون وبيتسع لحدود 3كيلو جرام زيتون
الكركوم وهو هادا ابريق المية لما تنكسر ذنية ورقبته كانو ستاتنا يسمو كركوم
بروة وهي الصابونة لما نستعملها وتصير صغيرة بسموها بروة
تبشة أو كبشة وهي ما تحملة اليد من شيء وتغلق عليه يدك اليوم بحكيها كمشة
طورة هذه تستعمل للعد والطورة للدلالة على عدد أصابع اليد اي اعطيني طورة أي في حدود 5 من اي شيء

[روز]

كلمات جديدة

إزعق
خركة
كحوش
رصيص
طرمبيل
كسر الهاء وعقد الميم

هذه بعض العبارات التي استخدمها سيدك وستك وليس بالضرورة في كل انحاء فلسطين ولكنها استخدمت في بعض مناطقها
ولكي نتعرف على لهجتنا يجب أن ننعش ذاكرتنا بتذكرها

[همسة الاحساس]

امممم خلينا انجرب حظنا !! ما أزكى هالكلمات ههههههههه

اتطلعي يمااا ...

إزعق يمكن معناها : صيح أو اصرخ

خركة: اممم معناها قطعة قماش ؟؟؟

كحوش : يعني دور أو ابحث (بالفصحى :d )


بسسسس هدول اللي اعرفتهم ومش عارفة اذا صح :p :p

وموضوك روعة

[سفير الأقصى]

ازعق : بيصيح يعني اظن
خركة: شريطة او فوطة لمسح الغبرة
رصيص : اشكال وتحف مزينة



تحياتي

[ام زيد]

السلام عليكم ورحمة الله وبركاته

رصيص ...اللي هو الزيتون الاسود الذي يتم رصه حيث يوضع بكيس ويُرص بحجر حتى تنزل العصارة المرّة
طرمبيل ...سيارة

[سفير الأقصى]

يلا وين الاجوبة يا روووووووووووووووووووووووووووز هههههههههههههههههههه


بنستنا على احر من الجمر

[روز]

إجاباتكم بالنسبه لـ إزعق و كحوش وطرمبيل مزبوطه:victory:
ورصيص مزبوطه اللي هو الزيتون الاسود مش الزينة
أما خركة تجاوزاً مزبوطه هي قطعة القماش بس الي بتحطها على راسها
مش الي بنمسح فيها الغبره :haha1:
بضل كسر الهاء وعقد الميم ما عرفتوها ؟سهله:--)

[همسة الاحساس]

ههههههههههه صبابا
طيب منيح مو مشكلة ههه

بس يلا حطيلنا الكمشة التانية ههه

[DaRk Boy]

ههههههههههههههههههههههه

Thank You Very Much

DarK BoY

~~~~~~~~~~~~~~~~~~~~

[روز]

كسر الهاء وعقد الميم : معناها والله العظيم

اخر مجموعه

الهودة
تعربش
قرطلة
مِصلحة بكسر الميم
الشداد
مسطبة