هام جدا جدا للبلد [الأرشيف] - منتديات العيساوية

النائب ابو محمد

20-09-2009, 05:59 AM

السلام عليكم وكل عام وانتم بخير وعيد سعيد

تحية طيبة وبعد ...انا اخوكم وهيب عليان ابو محمد عندي اقتراح وفكره تخدم القرية واهل القريه وتقوم هذه الفكرة على تشكيل رابطة للشباب العيساوي الخلوق.....وهدف هذه الرابطةمساعدة الناس ةاهل هذه القرية الطيبة نلاحظ في الفتره الاخيره ان بعض العائلات قد قامت بتشكيل روابط فلماذا لا تكون هناك رابطة واحدة تجمع كل العائلات في هذه القرية ةيكول طابع هذه الرابطة اجتماعي بحت وهو مشاركة الناس افرحهم واحزانهم وفي كافة المناسبات والشيئ الاكيد ان هذه الرابطة لا ن تتبع او تايد تنظيم على اخر ستكون للعيساوية واهل العيساوية فقط فانا ارجو من الشباب والصبايا التي تحب تراب هذه القرية الصامد ان يساعدوني في الافكار والطروحات لتاسيس هذه الرابطة التي ان شاء الله سيكون عملها خالص لوجه الله تعالى................ وقد خطر ببالي اسم وهو..(

(رابطة الشباب العيساوي) ارجو الرد على هذا الموضوع لانه مهم جدا وشكرا لكم جميعا اخوكم ابن القرية الحبيبة وهيب عليان ابو محمد...........وسيكون ان شاء الله الاجتماع الاول قريب

النائب ابو محمد

21-09-2009, 12:27 AM

السلام عليكم
شيئ بحير 19 شخص شاهدوا هذا الاقتراح ولم يردوا ما السبب يا ترى لو اني كتبت لعبة او اي شي تافه كان لقيت مئات الردود بنقلكم شيئ للبلد بدنا ردود يا بشر مش شوف وطنش.............مع احترامي ابو محمد

خيّال البلد

21-09-2009, 01:18 AM

السلام عليكم ورحمة الله وبكراته

ابو محمد اسمحلي احييك واهنيك على انتماءك لبلدك واهلك وخوفك على المصلحة العامة

بصراحة فكرتك بناءة كثير ..ومفيدة ..
ونحن بحاجة الها ... من ممان بصراحة
لانه اهل البلد صارو قليل تيوقفو مع بعض ..

وبصراحة اكثر المشروع هذا مش سهل وبحاجة لتعاون كبير من الجميع ..
فبندعو كل واحد بخاف على البلد واهلها يشتغل من جهته ..

وان شاء الله ما بصصير الا كل خير ..

ونحن بانتظار اراء الشباب والصبايا ..

كل الاحترام

النائب ابو محمد

21-09-2009, 10:53 AM

لسلام عليكم انا بحييك اخوي خيال البلد على فكرة يا شباب عن جد هذا الموضوع بحاجة لجهد وانا بتمنى المساعدة وانا حكيت مع اخوي العيساوي بهل موضوع وحب الفكرة وقلي انو من زمان بفكر فيها.....فيالله يا شباب نخدم هل بلد وقبل ما نقول شو قدمتلنا البلد خلينا نفكر احنا شو قدمنلها وشكرا للجميع

هدايه

21-09-2009, 11:18 AM

بسم الله الرحمن الرحيم

السلام عليكم ورحمة الله وبركاته

أخي العقرب الاسود

مشكور علموضوع وصدقني انو كلامك ميه بالميه

وانا مبسوطه كتير لحبك لبلدك وخوفك على اهلها وان صار هلشي كلهم بصيرو رابطه وحده وان صار شي

بوقفو مع بعض مش ضد بعض وهلشي بعني الكتير انو نكون ايد وحده

ان شاء الله لي رجعه

تحياتي

العيساوي

21-09-2009, 12:02 PM

السلام عليكم ورحمة الله وبركاته

صحيح تكلمنا بالموضوع

كل عمل يخدم البلد ولا يحتسب كمحسوب على خط سياسي معين وانما المشروع مستقل من ابناء البلد لبلدهم بغض النظر عن افكارهم وانتمائاتهم هو عمل سينجح

واذا كان العمل محسوب على جهة معينه فسينجح لدى الجهة المحسوب عليها فقط

تقبل مروري

شهد الحياة

21-09-2009, 03:01 PM

والله يا وهيب فكره ميه الميه و ان شاء الله كل اهل البلد يتعونه مع بعض البعض ونكون يد واحدة مع بعض

صهيب

21-09-2009, 06:24 PM

السلام عليكم ورحمة الله وبركاته

اول شي بحب اشكرك ع هالموضوع اخ وهيب بس ان شاء الله انها تنجح وما يكون هناك اي احزاب بهالموضوع؟؟؟؟ لانوووووووووو اذا كان هناك اي احزاب ما راح تنجح هالفكره ارجووو انوووو يكون بس لمصلحة البلد مو لمصالح شخصيه كنت طرحت الفكره مره قبل فتره لاحد الا عضاء اللي بالمنتدى انووووووو يكون في صندوق لدعم كل واحد محتاج طبعا" لكل واحد بالبلد بس للاسف ما اخد بالفكره والله حلووووووووو انو يكونووو اهل هالبلد متعاونين بكل شي يلاااااااااااااا ان شاء الله بالتوفيق والنجاح مع انووووو من وجهة نظري انا بطل حدا يحب حدااااااااا كلوووووووو يلااااااااااااا نفسي وبس

مسعف العيساوية

21-09-2009, 07:35 PM

بسم الله الرحمن الرحيم ,والسلام عليكم ورحمة الله وبركاته والله يااخ وهيب مش غلط هذه الفكرة انها تطرح في اجتماع اهل البلد واخبارهم في ذالك الامر ومش غلط لو اخذ من كل عيله (3) شباب عندهم النخوه والمرجله بس بدناش في المستقبل يطلعلنا واحد ملخبط من هون والا هون وتدبك البلد ببعضها ........عفوا لهذه الكلمات و شـكــ وبارك الله فيك ـــرا لك ... لك مني أجمل تحية .

النائب ابو محمد

21-09-2009, 08:00 PM

السلام عليكم.. يا جماعة انا بشكركم جميعا وانا حابب اوضح شي هذه الرابطة هي للعيساوية ومن اجل العيساوية......
لن ولن ولن والف لن يكون هناك صلة لاي تنظيم ولن نخدم الا اهل البلد ومرجعيتنا هو الشرف والاخلاص والاخلاق والانتماء لتراب هذه القرية...ولن نعمل لصالح احد طبعا.........وما حد يسئلني هل سؤال مرة تانية لانو بتسير الشغلة بس تعويق............ مع احترامي للجميع وادعولنا

ضياء المجد

22-09-2009, 12:01 AM

السلام عليكم ورحمة الله وبركاته

أخي وهيب، بارك الله فيك على هذا الطرح المميز، في الحقيقة كنا نتكلم في الموضوع من قبل أنا وبعض الشباب، وناويين ان شاء الله، فيا ريت تتابع معي في الرسائل الخاصة

ويعطيكم العافية، وكل عام وانتم بخير

ابو كايد

22-09-2009, 01:10 AM

.....................................
طابع هذه الرابطة اجتماعي بحت وهو مشاركة الناس افرحهم واحزانهم وفي كافة المناسبات والشيئ الاكيد ان هذه الرابطة لا ن تتبع او تايد تنظيم على اخر ستكون للعيساوية واهل العيساوية فقط فانا ارجو من الشباب والصبايا التي تحب تراب هذه القرية الصامد ان يساعدوني في الافكار والطروحات لتاسيس هذه الرابطة التي ان شاء الله سيكون عملها خالص لوجه الله تعالى................ وقد خطر ببالي اسم وهو..(

(رابطة الشباب العيساوي) ارجو الرد على هذا الموضوع

...........وسيكون ان شاء الله الاجتماع الاول قريب
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
بوركتم
الفكؤة قدسمة ومتجدد وإن طرحت بعدة أساليب وفي فترات متعددة
ولكن الأمور بخواتيمها
أعتقد أن عملها قد بدأ بإحضار ونش من متطوع لرفع سيارتين خًرِبَتَتين قبالة بيتكم
قري محلقة الساهر وتم نقلهما خارج القرية بعد تحذير أصحابها عدة مرات

سيكون إجتماع لعدد من شباب القرية في الديوانية
لمتابعة كل هذه الأموربما فيها التسيب والتخلف الدراسي
والسلوكيات الشائنة للشباب والصبايا
في الباصات والمدارس بما في ذلك الأفراح والأتراح
كي نرقى بقريتنا للمستوى المنشود
وزراعة الشوارع بالأشجار لتزيين مدخل القرية وشوارعها والمقبرة
وما يخطر على بال الجميع من عمل الخير العام
ودعم لجنة أولياء أمور الطلبة ومتابعة نشاطاتها
دون النظر لمنصب مديرأو رئيس وغير ذلك من الإصطلاحات التي يحرص عليها البعض
سيتم عمل مظلات مرتبة في مواقف الباصات ومتابعة تنظيف القرية
متابعة مؤسسات القرية من جمعيات ومراكز ومدارس وما إلى ذلك
إطمئن الصرخة هذه تعتمد على عامل القدوة الحسنة
والخطوات حثيثة حسب ما علمت من المصدر وقريباً سنرى قريتنا النور

مكحلهـ عينيها بدم خاين

22-09-2009, 01:15 AM

كلشي خيروبركه بس كويس كويس انكن قلقانين لدرجه بلبلد وانشاء لله بدوملكم
وعليكم السلام ورحمة الله وبركاته

النائب ابو محمد

22-09-2009, 01:23 AM

السلام عليكم اخي ابو كايد الاخ والعم والحبيب ابو داود اتم الله عليك الصحه والعافية انا في الحقيقه لم اعلم من قبل عن مثل هذه الخطوة ويشرفني ان اضم يدي بيد كل الاخوة الشرفاء والمخلصين امثالك لرفع اسم قرينتا الحبيبة التي تربينا بين اغصان زيتونها وتينها ...........وباذن الله الى الامام لقرية بهواء وماء واشجار وازدهار ومستقبل مزدهر لاولادنا وفقنا الله واياكم الى عمل الخير وخير العمل.......... ومش مهم مين سبق بلفكر او مين قدم قبل المهم انو نعمل ونكون يد وحده وليس من اجل اي منصب والله الشاهد.....اخوكم ابو محمد وهيب

ابو كايد

22-09-2009, 01:34 AM

بسم الله الرحمن الرحيم
السلام عليكم ورحمة الله وبركاته
أاااااااااااااااااااااااااااااااااااه
سبق وأن قمت شخصياً بالتكلم حول ذلك مراراً
وهذا ما يأمله الجميع أن يتحقق

النائب ابو محمد

22-09-2009, 01:42 AM

يا سيدي حقق علينا بجوز انا ناسي بس قصدي عن موضوع الرابطة انو ما حد طرحو مش عن عمل الخير انا اعلم جيدا انك الاول دائم في عمل الخير والتطوع ولسباق الى مثل هذه الامور واحلى عمي ابو داود

ابن فلسطين

22-09-2009, 02:47 AM

مسا الخير
السلام عليكم ورحمة الله وبركاتو

مشكور خيي ابو محمد على جهدك وحرصك على مصلحة البلد

وبضم صوتي لصوتك
واحنا ان شا الله معك من اجل تطوير هاي البلد

بس اذا بدك اياها تنجح بدكش اتطب في العجيكا(شوفوني يا عالم)

تحياتي

ابن فلسطين

ابو كايد

22-09-2009, 02:52 AM

يا سيدي حقق علينا بجوز انا ناسي بس قصدي عن موضوع الرابطة انو ما حد طرحو مش عن عمل الخير انا اعلم جيدا انك الاول دائم في عمل الخير والتطوع ولسباق الى مثل هذه الامور واحلى عمي ابو داود
بسم الله الرحمن الرحيم
السلام عليكم ورحمة الله وبركاته

حقق أنت علينا وأنا أفهم قصدك وأعرفك حق المعرفة ولا أشك بنواياك الخيرة

لا تفهمني غلط أنا ما بنسى جهود والدك أبو وهيب الخيرة ....مطربنا الوطني
وهو أول من تجاوب معي وشرعنا بفعالية تنظيف شوارع القرية
وإعمار المقبرة مراراً
وكما ما بنسى جهود درويش أبو معمر في المقبرة والديولنية والباصات
وإعمار القرية وتنظيف شوارعها مع لجنة تطوير القرية
أيام أستاذنا منير عوض حسان رحمة الله عليه
وكثير من أهل الخير سبقونا والشمس ما بتتغطى بغربال يا بني

المهم يكون العمل لوجهه الكريم وليس لمنصب وهذا ما قصدته بالفعل

وبالتأكيد كل واحد يحب يكون هو صاحب الفكرة وفي الطليعة وبقدر لك هذا التوجه
وهذه ظاهرة طيبة إذا شرع صاحبها بالتطبيق لا أن يطرح أفكار فحسب
وبصدق من شرع بهذا العمل هم ليسوا ممن تواصلوا معي في البداية
وهم تواصلوا معي مرتين خلال هذا الأسبوع وأبلغوني بأنه
سبتم عمل إجتماع يوم السبت القادم في الديوانية......ولا أدري!!!
فكونك أشرت بأنه سيتم إجتماع قريباً فكرت بأنه مع نفس المجموعة
وعلى كل حال الأمور بخواتيمها وأنا مع إقتراحك
وأنا خادمكم الجميع ولازم ننظف العيسوية حارة حارة من هان لحوارة وعرعرة وعارة

أبو عجيب

22-09-2009, 03:45 AM

أبو عجيب اللي ما بيعجبه العجب أعجبو هذا الموضوع !!!!!!!!!!
تخيـّل !

النائب ابو محمد

22-09-2009, 05:14 AM

تحياتي للجميع ونعم للعمل التطوعي نعم للوحده والتكاتف نعم للتكافل الاجتماعي ونعم للعيساوية

الملوك

22-09-2009, 11:17 AM

بسم الله الرحمن الرحيم

كل التوفيق يا شباب على الموضوع وبتمنا العمل بسرعه على شان فى كثير

امور زادت عن حده فى هذه القريه وبتمنالكم التوفيق يا شباب

دلال المغربي

22-09-2009, 11:32 PM

السلام عليكم ورحمة الله وبركاتة

جزاك الله خيرا على تلك الفكره النيره والرائعه

لكن يجب علينا أن نضع لها الكثير من الجهد والخطه والتعب من أجل

ان نحقق بها ما نريد لكن أخي وهيب

هنا رابطة شباب ال موسى يجب علينا حقا ان نوحد تلك الرابطه بأن

تكون رابطه واحده وهدف واحد وانا بلنسبه لي معكم بها

ولكم مني كل ما هو يفيد بلدي وقريتي فأنا معه من أجل

أن نحقق من نريد ونسعى الى غدا مشرق

تحيتــــــــــــي

دلال المغربي

دلال المغربي

23-09-2009, 12:04 AM

السلام عليكم ورحمة الله وبركاتة

هدفي في ان توحد رابطة ال موسى ليس اله كل خير

فقط القصد انه يوجد هناك رابطه وعلينا ان تكون رابطه لكل القريه والبلد

جميعا عفوا على عدم تفسيري لتلك الكلمه

تحيتـــــــــــــــي
دلال المغربي

&حلا&

23-09-2009, 04:19 AM

عنجد اشي حلو
والله اني بنبسط من قلبي لما اشوف انو لسا في حدا حابب الخير للبلد
وبيسعى بمصلحتها لينظفها ويزبطها ويطورها من كل النواحي
بجد كل الاحترام لكل واحد بيسعى انو يعمل شي منيح للبلد
وكل الاحترام الك ابو محمد والله يكتر الشباب الي من امثالك انت وابو كايد وكل واحد بتهمتو البلد
وبتمنى يا رب همشروع ينجح
تحياتي للجميع

المظلوم

24-09-2009, 04:15 PM

بسم الله الرحمن الرحيم
والله يا ابو محمد موضوعك كتير روعة ومهم للبلد بس بدك ألي
يساعدك ويدعمك بهل مشروع وانشالله انو بسير يلي بدك أياه
وانا انشالله يلي بطلع فأيدي اسويه بساعدك فيه

مع تحياتي "abo samra'

DaRk_AnGeL

24-09-2009, 04:33 PM

والله يا وهيب فكرتك حلوة وانا بأيدك فيها وبساعدك فيها وان شاء الله بتنجح ......... مكشورين يا هيك الشباب الي بيفكروا في مصلحة الجميع يا بلاش مش اللهم نفسي

النائب ابو محمد

24-09-2009, 05:48 PM

السلام عليكم والله يا شباب انا لوحدي ما بقدر اعمل شي انا اتكالي على الله وداخل بتحدي مع كل الي بيقول انو الشاب العيساوي لا يقدر احنا واياكم وبمساعدتكم ان شاء الله بدنا نثبت ان في ناس بتقول لا اله الا الله وبتحب بلدها وفيها خير للناس احنا عم بنرتب بعض الامور والجلسة التاسيسية الاولى قريبا باذن الله........يد بيد حتى بلوغ الهدف.............................

..............................(رابطة الشباب العيساوي)

DaRk_AnGeL

24-09-2009, 06:14 PM

واحنا معك يا وهيب جاهزين بس اعطينا طريقة نتواصل فيها معك وانا في معي مجموعة من الشباب من جيل 17 و18 19 حابين ومؤيدين لفركتك وانا حكيت معهم في الموضوع وبدهم يساعدوا

بنت فتح

25-09-2009, 05:13 PM

السلام عليكم ورحمة الله وبركاته
شكرا يا اخ وهيب ابو محمد على هل موضوع والاقتراح الحلو
لو سمحت اخ وهيب اذا بتحدد الاعمار بكون احسن مشان كل واحد اذا عمر مناسب انو اذا كان موافق يسجل

انها لدولة حتى النصر .......حتى النصر.......حتى النصر

النائب ابو محمد

25-09-2009, 08:07 PM

السلام عليكم.........اختي بنت الفتح العمر عمرو ما كان عائق قدام اي مشروع خير فكل واحد بيقدر يعطي ما بنقلو لاء على شرط تكون اخلاقو حميدة وما يكون يطمع لهدف شخصي وكل جيل الو افكارو وتتطلعاتو لبلدو وشكرا..........

ام زيد

25-09-2009, 11:24 PM

السلام عليكم ورحمة الله وبركاته

وهيب يعطيك العافية ..

الكل شكرك على الفكرة وأيدها ..ستكون اجمل واكثر فائدة اذا بدأتوا بالخطوات العملية

واول هذه الخطوات ان تتفق مع الشباب بحيث يكون شاب يمثل عائلته حتى يوصل فكرتكم وهدفكم

ويكون هناك اجتماع قريب لبدء الخطوات العملية واولها زراعة وتجميل مدخل البلد

وغيرها من الافكار التي ستثبت وجودكم

بارك الله في همتكم ويعطيكم العافية

مكحلهـ عينيها بدم خاين

26-09-2009, 12:11 AM

يسلموووووووووو ع الموضووع

وبنخلي الجواب ع الكبار

محمد نخال

26-09-2009, 01:20 AM

السلام عليكم

بحييك اخ وهيب على فكرتك اللي لاقت تأييد الكل وما بقي غير الخطوة العملية مثل ما قالت ام زيد ..

الجلسة التأسيسة بإنتظار تحديد موعدها حتى توضح الأمور أكثر وتنتقل الفكرة لحيز التنفيذ ..

انما حسب ما فهمت انه رابطة شباب العيساوية رح تكون عبارة عن مجموعة شباب بتمثل عيل البلد جميعها ؟

إستفسار بسيط لابد يتم توضيحه ، هل تقتصر هذه الرابط على عائلات البلد المعروفة ام لا مانع من مشاركة عيل اخرى من سكان البلد ؟

وبالتوفيق لكل شخص يحب لأخيه ما يحب لنفسه ويسعى الى عمل الخير

احترامي

النائب ابو محمد

26-09-2009, 09:40 AM

ام زيد

26-09-2009, 12:39 PM

السلام عليكم.......محمد نخال اهلا بيك محمد الخير لايقتصر على عيساوي او اي شخص وشاب الفكرة ما بتنص على تمثيل نسبي لكل عائلة هيك عمرنا ما بنتحد هي راح تكون باذن الله رابطة للشباب العيساوي مش تمثيل حمايل وشكرا

توضيح !

انا اقترحت شاب عن كل عائلة لانه سيكون اعرف واعلم بعائلته
مين من شبابها اللي عنده استعداد للعمل الجماعي والمبادرة الذاتية ةالتعاون للمصلحة العامة ..

النائب ابو محمد

26-09-2009, 10:48 PM

السلام عليكم.........
اخوتي الافاضل الكرام المحترمين ارجوكم ثم ارجوكم ثم اتوسل اليكم لماذا نبحث ونفتش على بعضنا في هذه القرية هل نحن اعداء هل نحن في ساحة حرب ام في حلبة تحدي لماذا هنالك اشخاص يحاولون ان يصوروا هذا الامر على انه تحدي لبعض الشخصيات او الجماعات يا جماعة يا احبتي يا اخوتي لماذا نحفر لبعضنا في هذه القرية الموضوع وبشرح بسيط هو انني اتطلع الى لم شمل هذه القرية ةجعل قلوبهم على بعض بلتعاون والموده والمحبة...........لماذا انا اتكلم بهذه اللهجة ...السبب هو ان بعض الشباب المحترمين المخلصين الذين يفهمون الامور وبلعيساوي زي ما بدهم او زي ما تعبت افكارهم وهو ان وهيب لم ياتي بلفكرة من نفسه بل هو موجه من قبل فلان وفلان والي بيعرف وهيب بيعرف منيح انو ما بتسير مثل حجار الشطرنج الشغلي مش تحدي بقولوا ان هناك اتحاد بلبلد اتحاد ابناء البلد يا عم افهمو فكرتي اجتماعية وثقافية وخيريه ولا يوجد فيها تمثيل فصائلي.............

وبلنسبة الك يا خالتي ام زيد انا معك انو يكون من كل عيلة شخص او اكثر بس الي قصدتو انو كل الناس فيها خير وبتقدر تعطي عشان السكان الي هم مش من البلد وشكرا للجميع..........وخلينا نتوكل على الله يا جماعة..اخوكم ابو محمد

بنت فتح

27-09-2009, 01:04 PM

السلام عليكم ورحمة الله وبركاته
انا كنت بستنى هذا الرد لحتى امتحنك هل امتحان ونشوف ردك علي شكرا شكرا شكرا الك على هل موضوع الجميل واذا قدرت راح اشارك معك

ام يامن

27-09-2009, 01:22 PM

شكرا كتير على تعاونك وحبك لبلدك بس عندي ملاحضة كيف بتقول انو ما يتبع اي تنظيم ااو اي جهة وانت شعارك
"سنعيش صقوراً طائرين، وسنموت أسوداً شامخين، وكلنا للوطن، وكلنا فتحاويون، وسنموت ونحن واقفين
شو رايك انت الي بدك تقود المشروع لازم كلنا فليسطنيون

محمد50

27-09-2009, 02:46 PM

ففكرتك كتير حلوه ولزم نساعد الناس ومشكور ألك كتير علي أقتراحك الحلو
مع تحيلتي
محمد50

النائب ابو محمد

27-09-2009, 07:32 PM

السلام عليكم
اختي العزيزة ام يامن نعم انا من ابناء الفتح ابناء المشروع الوطني ابناء الوحدة ابناء فلسطين يا اختي شباب فتح مش يهود مش اجانب عن هذه البلد هم اصحاب الرصاصة الاولى........وارجو ان لا نحكم على جماعة من منطلق التخوين نعم انا معك هناك مجموعة لا يستهان فيها من الفاسدين والمدسوسين اذا شاتي في صفوف الحركة ......واريد ان اقول لكي ولا تشبيه الدين الاسلامي لا نقاش علية انهو الدين الاصح والطريق المحتم الى جوار الرحمن لاكن انظري حولك كم من العلماء والقادة فاسدين ومأجورين وهل يعني هذا ان الاسلام خطء او فاسد لا لا وماعذ الله...... وما المانع ان اكون ما اكون واسعى الى عمل الخير في غير اطار انتمائي السياسي وانا اقسم للجميع لتطمئن قلوبهم ان هذا المشروع لا يمت بصلة الى اي تيار او فصيل وشكرا.......مع فائق احترامي.اخوكم ابو محمد