مسابقة اجمل حارة في العيســاوية

[فادي]

بسم الله الرحمن الرحيم
السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


بما أن الشهــر الكريم قادم عليــنا خطرت لي فكــرة ان نعمــل مســابقة لاجمل حــارة في العيســـاوية خلال الشهــر الكريم والحــارة الاجمل في هذا الشهــر تحصل على جــائزة تخص الحــارة ..

للعلم حارات دار عبـيد أنهوا تزيين الحاارات فمن من منــــافس لهذه الحارات ؟!
ومن لديه القدرة والمنــافسة فليأتي الى هنــا ويسجــل اسم حــارته ويعلن نفسه مسجلاً في المســـابقة



وانــا اطلــب من ادارة المنتدى العزيزة ان تســاعدنا في نشــر هذه المســابقة ...


وقريباً ان شاء الله سأنشــر صور الحــارات المزينــة
وسأعرضها لكــم بإذن الله


تحيـــــــــــــاتي .~~

[رقيب]

السلام عليكم ورحمة الله وبركاته
مشكور يا فادي على الموضوع الجمل
وفعلا وان شاء الله تاخد الجائزة في المرتبة الاولى
شـكــ وبارك الله فيك ـــرا لك ... لك مني أجمل تحية .

[سفير الأقصى]

مشكووور اخي فادي الموضوع كتير كتير كتير حلووووووووووووووووووووو عنجد بس بدنا يكون في حكم منيح ههههههههههههه

لا العيساوية كلها حلوة يا عالم

[فادي]

بسم الله الرحمن الرحيم
السلام عليكم ورحمة الله وبركاته


مشكوورين شباب عالمرور
بإنتظــار التفاعـل المستمر من بقية الاعضــاء

ولحد الان ما حدا اشتركــ بالمســايقة لهالدرجة مش قادرين تتحدونــا ؟!

تحيتيــ .~~

[همسة الاحساس]

والله فكرة ولا أروع
وأنا متأكدة انها حارتنا راح تفوز ان شاء الله
ولا لاء يا فادي؟؟

مشكور فادي
واستمر بهذا التميز والإبداع
تحياتي
همسة الاحساس

[عاشقة البحر الحزينة]

فكرة كتير حلوة .............


لنشوف مين يلي بدو يفوز من بين الحارات


ميرسي فادي

دايما مفاجأنا بمفآجأتك الروعة

تحياتي


بانتظار الصور ......

ما طول علينا.........

[سفير الأقصى]

معقول يعني ما حد بيقدر يتحدا فادي والله احنا حارتنا ما فيها ولا هلال ههههههههههه يعني ما راح ادخل بالمسابقة

[خضر أبورميلة]

خيي فادي مشكور على المسايقة


ولكن على شان تكون مسابقة رسمية و تحت رعاية منتديات العيساوية


يجب منقشتها مع الادارة ( و الادارة طارحة الفكرة من زمان و انت هييك بلشتها و جزاك الله خير )

المهم

لازم تناقش الادارة فيها

على شان يكون الموضوع رسمي ( مش زي ما انت عامل الموضوع )

انت عامل المسابقة هاي على شكل متحدي ( و اشوف اني حارة بدها تطلع معنا راس ) مش على شكل منظم مشابقة رسمية


يا ريت تتفق مع الادارة على نص معيين للمسابقة و جوائز و شروط و قوانين على شان يكون كل شي تمام وتكون مسابقة عنجد


شكرا كمان مرة

[العيساوي]

السلام عليكم ورحمة الله وبركاته

حلوة الفكرة يا فادي

ومثل ما قال خضر صحيح انا طرحت الفكرة بالقسم الاداري واظن انها تسربت من هناك

بس ما دام المفاجأة طلعت مش مشكلة امشي بالموضوع والله يوفقك

تحياتي وان شاء الله نشوف مسابقة حلوة

[فادي]

بسم الله الرحمن الرحيم
السلام عليكم ورحمة الله وبركاته

مشكووورين شباب عالردود الطيبــة
وعلى فكــرة انا ما بعرف انو بدكم تسووا مسابقة لاجمل حارة في البلد
لو كنت عــارف كان بعتلك رسالة يا دكتوور وانت بتعرف

بس بما انكــ مسوي هيك من زمــان هينا والحمد لله بدينا فيهــا
وادا بدك بنبدا وعلى بركــة الله ..

لحد الان مش شايــف ناس بدها اتسجل بالمســابقة


تحيـــاتي ..~~

[سفير الأقصى]

معلش يا العيساوي انتا طرحت الفكرة والله عنجد انها فكرة حلوة بس شو بدك تساوي يالله ما في شي عند الله بيضيع

[أبوالنون]

بسم الله الرحمن الرحيم
السلام عليكم و رحمة الله و بركاته

تحياتي و فائق احترامي
على هذا العطاء الجميل
الحقيقة الموضوع كان ببالي
آسف على التأخر بالرد لكنك تعرف المشاغل كثيرة و خاصة بما يتعلق بالإشراف على هذه الخيمة الجميلة
سأحاول أن لا تكون مشاركتي و ردّي مجرد شكر
و إنما سأحاول طرح الفكرة على شباب حارتنا
دعواتكم بالتوفيق

و جزاكم الله كل خير

اللهم صل ِ و سلم و بارك على الحبيب سيدنا محمد
و على آله و أصحابه أجمعين

[فادي]

بسم الله الرحمن الرحيم
السلام عليكم ورحمة الله وبركاته

جزاك الله خيراً يا ابو النون
وشو بصيير معك احكي ..

[رماح]

انا اهنئ جميع الحارات وخاصة حارات عبيد

واقول لهم رمضان سعيد علينا وعليهم انشاءالله

[رماح]

بسم الله الرحمن الرحيم

انا برأيي اجمل حارة هي حارة عبيد لانها هي المميزه بنظري
واهنئ شباب الحارة لانهم ساهموا في تزيين الحارة

السلام عليكم ورحمة الله وبركاته

[فادي]

بسم الله الرحمن الرحيم
السلام عليكم ورحمة الله وبركاته

شكراً يا رمووحة على ردك الطيــب
وعالعموم رمضـــــــــــان مبااارك علبنا وعليكــم

[صهيب]

يا اخ فادي لازم يكون الموضوع مسابقة اجمل بيت بالعيساويه من كتر ما في غمزات ع الشبابيك

[فادي]

بسم الله الرحمن الرحيم
السلام عليكم ورحمة الله وبركاته

هههههههههه وانت الصادق مسابقة اجمل شبـاك بالعيســــــاوية
احنا منحكي على اجمل حـــــارة يا ابو شريــك

[زمـن العجايب]

فكرة حلوة وفش بعد العيسويه كلها حلوة ما شاء الله عليها
بس يلا انا بقول دار عبيد لانها اكتر حاره مزينه هه

سلامات فادي

[الفتاة الحرة]

اكيد حارتنا اكيد اكيد صح يا فادي لانه فش حارة مزينة متلنا يلا شدو حيلكم علشان نشوف ازا في حد بيقدر يتفق ولا يعمل زي ما احنا عملنا في حارته
شكرا الك كل الشكر الك يا فادي

[خضر أبورميلة]

احنا حارتنا بلشت بجمع من كل بيت شوي مصاري

بالاتفاق مع الاخ عصام عبيد المختار

وان شاء الله مع بداية رمضان راح نكون جاهزين للمسابقة

[مسعف العيساوية]

بسم الله الرحمن الرحيم والسلام عليكم ورحمة الله وبركاته الله يوفق الجميع على عمل الخير واسمحو لي بالمداخله في هذا الموضوع لقد قمنا بتزيين باب الحاره ( حارة عبيد) لعدة اسباب ...1) لزرع البهجه في قلوب الناس.....2) لكي تخرج الناس الى الصلاه تحت الانوار لا في العتمه..3) الفكره وليس اكيد انو يكون هذا الشيء في هذه السنه من رمضان وهي فكرة احياء امسيه رمضانيه في قلب باب الحاره مع استضافة تلفزيون فلسطين برامج طلاة فلسطينيه وتلفزيون العربيه والهدف من ذالك تقارب الجيران ومحبة بعضهم البعض مع قرائة القرأن وبعض التواشيح لكن حتى الان لم نحصل على الدعم المطلوب لفعل ذالك وانشاء الله الايام المقبله وكل عام وانتم بخير والسلام عليكم ورحمة الله وبركاته

[فادي]

بسم الله الرحمن الرحيم
السلام عليكم ورحمة الله وبركاته

منيح ما عملتوا يا خضر
شكراً الكــ

بكر .. كلامك سليم 100%
وان شاء الله يكوون هالشهر شهر خيــر ونعمة

[المعاقب]

ان شاء الله حارة عبيد وبس الي تفوز صح يا فادي ولا لا والله اتعبنا بالتنظيف والتعليق .....؟
المهم كل عام وانتم بالف خير لكل الاعضاء ............؟

[فادي]

بسم الله الرحمن الرحيم
السلام عليكم ورحمة الله وبركاته

صح كلامك مية المية بس بردوا
اللي عندو استعداد يتحدى احنا جاهزين

[فتى الغرام]

مشكوررررر يا فادي على الموضوع ولله انو كتير حلو

بس انا متاكد انو حارتنا يلي رايحه اتفوز

لائنها حارت دار عبيد الي هي باب الحاره لانها احله حاره

[المعاقب]

والله يا فادي انا مش شايف متحديين وينهم ......؟
انا شايف ما حدة مبين ...........؟

[نيلي]

حارتنا احلى حاره وهي اول البلد لانو كلها زينه لرمضان بتمنى انو تعجبكم

[lara]

السلام عليكم ورحمة الله وبركاته
بسم الله الرحمن الرحيم
يا عمي يا عمي دائما دار عبيد ع القائمه احم احم
مشكووور فادي وان شاء الله حارتكم الي اتفووز
ويعطيكم العافيه ورمضان مبارك علينا و عليكم
مع تحياتي

[سحر العيون]

حااااارة دار عبيد حلوة بس بالصراحة وبدون زعل كتير كتير عجئة بس يلا حلو مش غلط
مع تحياتي ..

[&حلا&]

السلام عليكم ورحمة الله وبركاته
والله فكره حلوة
بس انا مش شايفه غير حارتنا مزينه بلبد يعني حارات دار عبيد
بس حرام والله تعبو الشباب بتزينها وتنظيفها
يعطيكم الف عافيه فيدو

[خضر أبورميلة]

له يا خيتي

احنا حارتنا كمان مزينه و اليوم خلصنا النص و بكرا راح نكمل

و اسم حارتنا

حارة الضبع


وان شاء الله بنوافيكم بالصور فور الانتهاء من التزيين

[&حلا&]

طيب صبابا اصلا لازم كل حاره بلبلد تتزين مشان يكون لرمضان جو
كمان انا بقترح انو يكون في تصويت اكيد لما نقرر مين الي بدو يتنافس
كمان بدنا صور للحارات
انا مني وعلي رح اصور حارتنا وانشالله باقرب وقت رح بنزل الصور وفيديو كمان

[فادي]

بسم الله الرحمن الرحيم
السلام عليكم ورحمة الله وبركاته

والله فيكي الخيــر يا احلى حلا بالدنيا
وانت يا خضر منسمع منك بس كلاام فرجينا فعــل حبيبي

[سفير الحزان]

مشكووووووور فادي بس انا بتوقع حارة دااار عليااااااااااااااااااااااااااان وبس ههههههههههههههه
مشكووووووووووووووووووووووووووووووووووووووووووووووو ووووووور

[ابو كايد]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته


دمتم بو د ومحبة

من تنحنح وقال إحِم إحِم نقـــــــــــــــــول له:
رز ولحـــــــــــــــــــــــــــــــــــــــــــــــ ــــــــــــــــــــــــــــم

أكيد لو لبسنا البوصة حتصير عروسة

كل الحارات حلوة ومزيونة
ويا ريت ننظف قلوبنا ونزينها مثل حاراتنا

وحارتنا ما شاء الله تبارك الله مزيونة وأحلى حارة بدون هالزينة
وأدخل وشوف بعينك من خلال هذا الرابط

http://www.blogger.com/post-edit.g?blogID=500068100230689736&postID=906854841501973915

ها ااااااااااااا كيف حتكون مع الزينة يا شباب الرينـــــة

نابع اللقاءات التسع السابقة لعلك تتبنى الجملة
منكم وإليكم والسلام عليكم

موفقين بإذن الله
و لكم مني أجمل تحية .
وإ‘ن شاء الله تدوم هذه الزينة بعد رمضان

[خضر أبورميلة]

فادي انا ما بحكي حكي

و قريبا بتشوف الصور

انا مزبوط تأخرنا و المشكلة كانت من الزلمة الي بيلم المصاري بنقله لميت بقول اه و هو لسا مش لامم

ان شاء الله بكرا او بعده بالكثير بتكون الصورة عندكم لأنه بكرا رايحين نجيب كمان ضواو لأنه الي عنا مش مكفييين او بالاحرى مش معبين عييينا





انتظرونا

[فادي]

بسم الله الرحمن الرحيم
السلام عليكم ورحمة الله وبركاته

ماشي الله كريــم
بإنتظار الصور

[medoooo]

السلام عليكم ورحمة الله وبركاته

اول ايشي بحب احكي انو الموضوع مش متناسق
لا مرتب وولا في قوانين مثل باقي المسابقات
بس فيه ((انو بده يطلع معنا براس _ وتحدي_ من الكلام الهبل هاد ))
عمرها المسابقات ما بتكون هيك
وبعدين في كمان غلط انو فادي بطلب
من مستر كمبيوتر الصور ... خلينا اول شي
نشوفك صور حارتك المبسوط عليها والي
طاير عقلك فيها ...ولو كان الموضوع متناسق
ومترتب متل باقي المسابقات كان صار فيها
مشاركات اكتررر... بس الواحد المهم يحط موضوع
ويلا مين بده يطلع معنا براس ...
وبعدين متل ما حكى عمي ابو كايد
انو انظف قلوبنا قبل ما انظف حارتنا
هلأ بعد العيد شوفو ما احلى حارة
دار عبيد وبعض حارات راح تكون المجاري على الارض وكمان
والزبايل انا بحكي الصراحه مع احترامي
هيك راح يكون الحال ..وكمان صار
نفسي اشوف الصور لدار اعبيد وحارة مستر
بس هدول المشتركين فيها لحمدالله
وبعدين انا مش شايف كتير مشاركات من
متلا مشرفين - رئيس قسم- ادارة
ليشجعوو الاكتر لنـــــــــــج

وانا مني وعليه بشجع حارة دار محيسن
.......................

محيسن وبــــــــــــــــــــس

تحياتي
محمد

[خضر أبورميلة]

^
^
^
^
^

خيي كلامك انا حكيته باول الموضوع و ما حدا رد علي

و على كلن

شكرا على كلامك خيي

و انتظر الصور



و نحن بانتظار باقي المشتركين

[عاشقة فتح]

شكرا كيتر على الاقتراح الحلو بس اكيد حارة العيساية احلا حارة

[بنت الاسلام]

بسم الله الرحمن الرحيم
قال تعالى: {وَأَصْحَابُ الشِّمَالِ مَا أَصْحَابُ الشِّمَالِ * فِي سَمُومٍ وَحَمِيمٍ * وَظِلٍّ مِنْ يَحْمُومٍ * لا بَارِدٍ وَلا كَرِيمٍ * إِنَّهُمْ كَانُوا قَبْلَ ذَلِكَ مُتْرَفِينَ}.

السلام عليكم ورحمة الله وبركاته
ما جاع فقير الا ببخـل غني
سيسألنا الله عن أموالنا فيما انفقناها فهل من مدكر لما اقصده
لا حول ولا قوة الا بالله العظيم
يقول تعالى: {إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا}.

ناس تبذر بنعمه الاضاءة والكهرباء

وناس محرومة هالنعمةالغاليه و بتضوى شمعة
وبتموت من الفقر ومن انقطاع الكهرباء على الاجهزة فى المستشفبات فى غزة
غزة بتغرق فى ظلام دامس ونحن نغرق فى الاضواء وعجبى
والناس يشتكون من غلاء الاسعار وهذا اسرافهم بالنعمه!!!!!!!وذالك بما كسبت ايديهم
هل تدفعون تكاليف الكهرباء
ولا الكهرباء ..............
عندما رجعنا فى الصباح من الحرم
كان الصباح وضاحا والكهرباء بتلعلع ولا الكهرباء ببلاش
أليس هذا اسراف والله حرام

اللهم إني أعوذ بك أن أفتري أو يُفترى عليّ
وارنا الحق حقا وارزقنا اتباعه وارنا الباطل باطلا وارزقنا اجتنابه

أسأل الله في هذه الساعة المباركة ان يهدينا للطريق المستقيم
اللهم ادمها علينا من نعمة واحفظها من الزوال
http://www.aawsat.com/2008/11/18/images/news1.495390.jpg
من ناحيتى انا برشح الحارة التى يسكن فيها والد الشيخ أحمدأمين عبيد
لانها خاليه من مظاهر الترف والتبذير
اتمنى الا اكون قد اثقلت على احد
فهذه قناعتى الشخصية ومبدئى

اختكم الفقيرة لعفو ربها
بنت الاسلام

[الفراشة]

بسم الله الرحمن الرحيم
بنت الاسلام كلامك صح مية بالمية
بس الناس فرحانة برمضان وبقدومه علينا
يعني ليه لأ بس انا كمان بقول انو في زينة مبالغ فيها كتيررر مش اشوي
هون بيحكو عن حارة مو بيت يعني حارة بتلم عدة بيوت مو بيت واحد هذا كيف لو اجيتو على الحارة الي انا فيها
في بيت في حارتنا تقولي انو مزين القدس كلها مو بس بيتو تعالو وشوفو شو عامل ببيتو كأنو .............
تعالو واتفرجو ازا بتعرفو بقالة ابراهيم الكهربجي فوتو للحارة لجوى باشوي بس بالليل وراح تكون قدامكم اول ما تفوتو الحارة لانو البيت الوحيد الي مبالغ فيه بالشكل هذا واحكمو انتو لحالكم
ان شاء الله ما اكون طولت عليكم وما تقلت دم كمان
اختكم الفراشة

[ابو كايد]

>>>>>>>>>>>>>>>>>>>>>>
ويلا مين بده يطلع معنا براس ...
وبعدين متل ما حكى عمي ابو كايد
انو انظف قلوبنا قبل ما انظف حارتنا
هلأ بعد العيد شوفو ما احلى حارة
دار عبيد وبعض حارات راح تكون
المجاري على الارض وكمان والزبايل

انا بحكي الصراحه مع احترامي
هيك راح يكون الحال ...........................

وانا مني وعليه بشجع حارة دار محيسن
.......................

محيسن وبــــــــــــــــــــس
تحياتي
محمد
بسم الله الرحمن الرحيم
السلام عليكم ورحمة الله وبركاته

اللهم صلّي على سيدنا محمد ...عزيزي medoooo " محمد"
نعم أفهمك جيد لازم كل واحد يقول حارتي وبس
على أن يتابع نظافة وزينة حارته
وبهيك بيكون التحفيز لتصبح كل العيسوية مزيونة ونظيفة

وهذا يدل على نظافة القلوب والله أعلم
على كل حال الخير موجود عند الشباب والصبايا

والأمل والخير في أمة محمد عليه الصلاة والسلام
معقود ومعهود إلى يوم الدين
وأنا لازم أشوف كل حارات البلد أجمل من حارتنا
وهذا فخر لي ويسعدني إذا كانت حارتي جميلة

المهم الإستمرارية بعد رمضان وبهيك بنتخلص من الروتين القاتل
إللي ما له طعم إذا بستمر هذا المنوال كل سنة

وقلنا لكم لَبسوا البوصة بتصير عروسة

والجائزة الكبرى لمن يتق الله ويفوز بالآخرة عند رب العزة
فجائزة الحياة الدنيا جميلة للتحفيز ولكنها زائلة
اللهم نظف قلوبنا......آميــــــــــــــــــــــــــــــ ـن

[ابو كايد]

بسم الله الرحمن الرحيم
قال تعالى: {وَأَصْحَابُالشِّمَالِ مَا أَصْحَابُ الشِّمَالِ * فِي سَمُومٍ وَحَمِيمٍ * وَظِلٍّمِنْ يَحْمُومٍ * لا بَارِدٍ وَلا كَرِيمٍ * إِنَّهُمْ كَانُوا قَبْلَذَلِكَ مُتْرَفِينَ}.

..........................
لا حول ولا قوة الا بالله العظيم
يقول تعالى: {إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا}.

........................

هل تدفعون تكاليف الكهرباء
ولا الكهرباء ..............
.................................

أسأل الله في هذه الساعة المباركة ان يهدينا للطريق المستقيم
اللهم ادمها علينا من نعمة واحفظها من الزوال
.................................................. ........
من ناحيتى انا برشح الحارة التى يسكن فيها والد الشيخ أحمدأمين عبيد
لانها خاليه من مظاهر الترف والتبذير
...........................
اختكم الفقيرة لعفو ربها
بنت الاسلام

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

اللهم أغن كل فقير
واكس كل عار
وأطعم كل جائع
واشف كل مريض وهد كل ضالٍ وزالٍ عن الحق
وفرج كرب المساكين والمحتاجين
وسد ديون المديونين " المدينين "
واهد الضالين من أمة محمد عليه الصلاة والسلام
اللهم أغننا بحلالك عن حرامك وبفضلك عمن سواك
آميــــــــــــــــــــــــــــــــــــــن
================
الدنيا جيفة وطلابها كلاب
أعذرري يابنت الإسلام
أنت محقة في كل ما تقولينه


وأستميحك عذراً على هذه المداخـــــــلات
إن الله عز وجل جميل يحب الجمال

إن كانت هذه الزينة طاعة لوجهه الكريم سيتقبلها عنده
على أن لا تكون إسرافاً وتبذيراً فلنا الظاهر والله يتولى السرائر
طالما هي جهود مجتمعة لجميع سكان الحارة

أنت محقة في كل ما ترمين إليه ولكن للناس قناعات وعقول
ومستويات في الفهم والثقافات المهم أن تكون نظافة القلوب
مقرون بطاعة الله لا أن تكون تصرفات طائشة ولعب ......د


كون هناك حارة مبالغة في زينتها عن الحارات الباقية
وأخرى غير مزينة هذه مسألة تحددها الإمكانيات


فالحارة غير المزينة بالكهرباء التي أشرت لها
أعانهم الله وهذا أمر طبيعي أن يكون
بحكم وجود فلذة كبدهم الشخ أحمد عبيد في السجن
فرج الله كربه هو ومن معه وجميع الأسرى


الله يعينهم وإحنا مرينا في هذ المرحلة
رغم أن حارتنا زينتها مقتصرة على كل بيت وبسيطة بطلب من الصغار
وبيتي بشك خاص عندي نص حبل من سنتين وما شريت جديد
الله يديم الناس على طاعة ربها مع هذه الزينة وتبقى فرحانة
مع عدم الإسراف والتبذير وأهل مكة أدرى بشعابها
نعم هكذا يا بنيتي هي الدنيا ساعة وساعة
المهم الطاعة والقناعة وديننا دين وسط
فشعرة معاوية مطلوبة


ولله في خلقه شؤون وصدقيني هذا كله تنفيس وبهرجة
قد يكون مبالغ فيه فأحياناً غض الطرف أمرمُقَر به
على أن نوجه أنفسنا وعامة الناس وخاصتها
ونذكر بعضنا البعض كما فعلتيه بردك المسؤول
لما هو صح ويجزيك الله عنا كل خير


وحول تساؤلاتك حول الدفع لـ,,,,أمر معروف وكل واحد بيعرف الصح والغلط


المشكلة هنا كثير من الأطفال يصرون أن يعمل أهاليهم هكذا
وأكيد في ناس فاضية البال وفايقة ورايقة
وبتلاحق وبتجاري بعضها البعض


الأمر مستوعب إلى حد ما
المهم أن ننظف قلوبنا وننظف حاراتنا من الزبايل
وعدم رمي الخبز في الحاويات وهذا ما نصبوا إليه


وأكيد بنحتاج لتوعية ومتابعة وتطبيق
وكلمةاالحق التي أجاءت بردك المسؤول أحييك عليها

اللهم يجعل كلمةالخير التي جاءت بردك هذا
في ميزان حسناتك عند الله
مأجورة إن شاء الله

واعذريني على هذه المداخلة ثانيةً
==============

[بنت حماس]

اخي فادي بشكرك ع فكرتك الروعه
حارة عبيد راح تكون ان شاء الله الفائزه بهاي المسابقه
بإذن الله ..

تحياتي.................................

ayat

[بنت حماس]

اختي بنت الاسلام بأيدك بالنقاط المذكوره
تحياتي.......
Ayat

[نسمة الأقصى]

السلام عليكم

مشكور على هالفكرة المميز..
والله حارة عبيد أكيد هي راح تفوز..
والله حارتي رافعة راسي بتألقها..
وان شاء الله المزيد من التقدم..
ويسعدني إنني من أهل هذه الحارة..

تحــــياتي
أمـــــــــــيرة الحـــــــــــب

[فادي]

بسم الله الرحمن الرحيم
السلام عليكم ورحمة الله وبركاته



انا ما بدي احكي شي .. بدي احكي بدل ما نكوون ايد وحدة بهالبلد
قاعدين منكره بعض يوم بعد يووم ادا احنا العرب ( الفلسطينية) منكره بعض كيف بدها تتحرر فلسطين ههه
وما منحب الخير لبعض من مرة واللي ما بحب الخير لاخو المسلم عمروا الله ما بباركلو بالخير ولا بجيب الخير عندو

وبعدين هادا الموضوع لاجمل حارة في العيساوية مش عاجبك الموضوع ما ترد الله يخليك ..
وكل واحد بحب ينتقد الحارة .. يجي ويواجهني ويحكي كلمة حق

وبعدين ادا بدك تحكي اي شي لو كلامك غلط او صح يا ريت تحكي بأسمك مش بأسمــاء مزيفــة

[سحر العيون]

وين الصور بدنا الصور وبعدين منحكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[&حلا&]

والله مزبوط بتحكي يا فادي
انو ما عاجبك الموضوع مش انو ما ترد رد بس بطريقه حلوة
مش بهلهجوم الهمجي هاد
مش حلو عنجد
وكمان بنت الاسلام انا بحترم وجهة نظرك يا اختي بس كلو شهر بهسنه
كمان كل حياتنا اسراف بلاسرف وقفت على هلكهربا وبعدين مش كل هلكهربا يعني
وابو كايد يعني بدك تتفرج عحاره دار عبيد بعد رمضان انا بحكيلك
مش مشكلة ترجع الزبالة وترجع المجاري علارض المهم انو كان اشي منيح
وكانت في فتره الحاره نظيفه فيها وحسينا برمضان وبجو رمضان
المهم انو كان اشي حلو واشي منيح
وتتنظف الحاره شهر بسنه احسن من انو ما تتنظف من مره
هاد رائيي بكل بساطه

[فادي]

بسم الله الرحمن الرحيم
السلام عليكم ورحمة الله وبركاته

حلا كلامك مية الميــة ..
كل الاحتراام الك يا احلى حلا بالدنيــا

[ابن الفتح]

أحلى حارة دار المختار المحل:قرب محل ماهر عبيد لتصليح التلفزيونات موفق بإذن الله ... لك مني أجمل تحية .

[mhmoud.jaber]

اجمل حاره حاره مخيم دار درباس كسارات العيساويه قرب كنيون ابو مهنى و سوبر ماركت الامانه

[ابو كايد]

والله مزبوط بتحكي يا فادي
انو ما عاجبك الموضوع مش انو ما ترد رد بس بطريقه حلوة
مش بهلهجوم الهمجي هاد
مش حلو عنجد
وكمان بنت الاسلام انا بحترم وجهة نظرك يا اختي بس كلو شهر بهسنه
كمان كل حياتنا اسراف بلاسرف وقفت على هلكهربا وبعدين مش كل هلكهربا يعني
وابو كايد يعني بدك تتفرج عحاره دار عبيد بعد رمضان

انا بحكيلك مش مشكلة ترجع الزبالة

وترجع المجاري علارض المهم انو كان اشي منيح
وكانت في فتره الحاره نظيفه فيها وحسينا برمضان وبجو رمضان
المهم انو كان اشي حلو واشي منيح
وتتنظف الحاره شهر بسنه احسن من انو ما تتنظف من مره
هاد رائيي بكل بساطه

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته


والله هلا يا حلا يا ريم الفلا
إحنا مش عايشين في الخلا

ما شاء الله تبارك الله

كيف مش مشكلة؟!!!!!!!!!!!!!!!!!!!!!!!!!!!!!!!!!
حسبنا الله ونعم الوكيل
الموضوع عمي أنا شايف عندك رد فعل عليه
النظافة كل يوم وكل ساعة
مش بس مشمشية في رمضان ويالله!!

هذا كلامك عريب وعجيب وما بعرف
النظافة من الإيمان عمو
وما بدنا نجادل ونعمل رد فعل
والله يا عمو بنظف حارتنا تقريباً كل أسبوه مرتين بالماء
ومش ملحقين نقيم زبايل شو هالحكي
ننظفها شهر بالسنة أحسن من انو ما تنظفها بالمره


عجباً واللــــــــــــــــــــــــــــــــــــــــــــــ ـــــــه
وين همة الشباب والصبايا والعمل التطوعي


أوااااه عمو على أيام زمان أيام سيدك وستك
كانت جميع حارات البلد تعمل حملة تنظيف أسبوعياً
لجميع حاراتها كل يوم خميس

وكان حينها في كل دار في هالبلد غنم وبقر وحمير
وبغال وأرانب ودجاج وحمام
وجدران من الحجارة "سناسل " وتراب حُوَر "
فوالله كانت البلد أنظف من أيامنا هذه

كان مدير المدرسة الإبتدائية أبو عصام "أبو طربوش "
وما أدراكم من هو أبو طربوش"
كام مدير مدرسة إبتدائية عند دار الأطرم وسط البلد

خلف دار العم داود عيسى أبو موسى
بجوار دار العم درويش أبو معمر

كان يأخذ أولاد وبنات المدرسة في حصص الصباح
ينظفوا الشوارع الرئيسية
في القرية وكل واحد كان معه تنكة "كيلة صغيرة "
يجمع فيها الزبالة ونحرقها

وكان المدير أبو عصام يعمل جولة على الحارات
فوالله كانت نساء البلد تحسب له ألف حساب
وكان يراقب النظافة في الطوابين وما أدراكم
ما هي طوابين زمان زبل وسكن وسخام الطين عمو

فوالله عمو كان إذا شاف غسيل على الحبل مش نظيف
كان يتكلم مع صاحبة العسيل ويسمعها كلام مرتب

أكيد هذا الكلام ما بيعجبكم ؟؟ !!!!!!!!!!
فعلى ما أذكر هناك نساء كن لا يغسلن يوم الخميس
خوفاً من أبو عصام مدير المدرسة
واليوم بعض الناس مش منظفة دورها حتى ننظف حاراتها
وبيجوز عمو البعض مش منظف جسدة وقلبه كمان


أنا عمو بحب تكون كل حارات البلد أنظف من حارتنا
وما تفهميني غلط يا حلا
ومش لازم يكون ردك قاسٍ........... الله يسامحك


الله يهديك يا حلا ويصلح حالك

وشكراً

[الجرح النازف]

مشكورين لطرح المسابقه
بس بتمنى توضعو صور لحارات العيساويه ولاي مكان او مظر بالقدس بتقدروا تصوروا

يعني بصراحه انا فتت الموضوع لاشوف صور الحارات بس مالقيت

ياريت تضعوهم لانه بصراحه اجواء رمضان بالقدس من اجمل الاجواء

الله يكتب النا ونزورها

ويفك الحصار علينا

لانه بغزة في اجواء بس اجواء قطعه الكهربا اجواء الحصار اجواء التجويع والحمدلله

اجواء بكاء الطلاب لعدم توفر دفاتر للمدارس والحمدلله على كل شيء

مشكورين مره اخرى

[&حلا&]

انت الي فهمت غلط يا ابو كايد[align=center]
انت بتحكي انو لنشوف كيف بدها ترجع الحاره بعد رمضان
فانت الي بترد بشكل عنيف انا الي بحكي انو يكون اشي منيح احسن ما يكون في شي بلعدم
والايام الي بتحكي عنها زمان وانت عارف كديش الوضع تغير فلبلد
من الايام الي بتحكي عنها لحد الوقت هاد
انا بحكيلك انو الحاره عنا ما بسير فيها تعاون الا بلمناسبات متل رمضان والاعراس وهيك
بس برضو هاد احسن من العدم
انا بتمنى انو متل ما بتحكي اسبوع اسبوع يتعاونو وينظفوها بس هاد الموجود
وان شاء الله الله بفهمهم هالشباب وبيرجع التعاون ع ايام سيدي وستي متل ما بتحكي

والله يهديك متل ما يهديني خيي

[حلا**]

انا رايي فادي انت والشباب البركه فيكم يعني تبدو تجمعو صور للحاره وان شاالله احنا بنساعدك

[فادي]

بسم الله الرحمن الرحيم
السلام عليكم ورحمة الله وبركاته

بس بدي احكي كلمة لعمنا ابو كايد .. بحب احكيلك انو مزبوط كانت الحارات انظف من هلكيت بس شو بدك تسوي يعني عشان صارت الحارات وسخة ما بدك ايانا انظف ونزووق ؟! وبعدين احنا لهلكيت تقريباَ مش كل اسبوع مرة تقريباً مرتين بالاسبوع منظف الحارة عنا ومش بس برمضان واللي بحب يجي يشوف يوم السبت شو منسوي وعشان تصدقوا تعالو بعد رمضان بلاش تحكو انو هالجماعة بس برمضان هيكـ ..

برأيي احنا ما بدنا نفتح الموضوع موضوع نقــاش اللي بحب يناقش
ناقشو بصالة النقاش مش هون الله يخليكم فتتحو الموضوع دردشة انا شايف
ما تآخذونا يا جماعة بس هيك الكل شايف مش بس انا

عالعموم والله يا حلا** بحاول قدر الامكان افضي حالي عشان اصور الحارات كلهم مش بس حارتنا بس والله بهاد الوقت مأزمة الشغلة بس بوعدك ان راح خلال الاسبوع هادا انزل الصور واكون هيك ريحتكم من القيل والقــال

تحيتي

[أبوالنون]

بسم الله الرحمن الرحيم
السلام عليكم و رحمة الله و بركاته

كما يقولون
" لو صبر القاتل على المقتول لمات وحده "

العجلة من الشيطان
و يا جماعة الخير نحن بإذن الله سنقوم بالبحث الميداني
و التصوير لهذا الموضوع
طبعا ً الأخ فادي مدعو ليكون معنا في هذا
لكن بالصبر - و هو أحد أهم عناوين رمضان -
يأتي الخير
و المسألة ليست فقط أجمل حارة
و إنما أمور كثيرة و منها
تشجيع النظفة و الترتيب
تصوير الحارات ليراها الجميع و أخصّ بالذكر أهالينا في المهجر و الغربة و إخواننا في بلدات أخرى و مناطق أخرى
و الذين يتشوقون لرؤية حارات القدس
أمثال " الجرح النازف " و كثير من إخواننا و أخواتنا الطيبين

وفـّقنا الله لما يحبه و يرضاه

اللهم صل ِ وسلم و بارك على حبيب سيدنا محمد
و على آله و أصحابه أجمعين

[فادي]

بسم الله الرحمن الرحيم
السلام عليكم ورحمة الله وبركاته

الله كريم يا ابو النون
وان شاء الله على خير والتمام ...

[a7la shosho]

شكراااااااااااااا فادي فكرتك حلوة وعجبتني
اكيد حارتنا حلوة بس حارة دار عبيد مافي منها يعني لو كانت حارتنا حلوة وبتجنن انا راح اصوت الكم ياعمي دار عبيد انتو بس شوف انا بصوت لحارتكم وانت بتصوت لحارتنا يعني بنعكس ههههههههههههه وهيك بنكون تعادل واحد بواحد منيح ههههههههههههه

تحياااااااااااااااااااااااتي

[&حلا&]

المهم في وقت من السنه وضع العيساوية في بيتحسن
ومعظم حارتها بتتنظف وبتنور بس لو الكل بفكر متلك كان بنضل محلنا

[فادي]

بسم الله الرحمن الرحيم
السلام عليكم ورحمة الله وبركاته


الله بعين

[ابن حماس]

نشاء الله حارة دار عبيد ان تفوز في الجائزة وشكران
ومع تحياتي الى (فادي )