المساعد الشخصي الرقمي

مشاهدة النسخة كاملة : ..مصطفى محمود مدرب فرقة شباب نادي العيساوية تحت الأضواء..

kArEeN
15-12-2008, 01:56 PM
http://www.esawiah.com/up/upnew/wh_24853095.gif

http://i6.glitter-graphics.org/pub/1823/1823296twk3rmlxey.gif



السلام عليكم ورحمة الله وبركاته
إخواني أعضاء منتديات العيساويه الكرام
يسرنا اليوم أن نستضيف معنا

http://sl.glitter-graphics.net/pub/474/474167l68h9nknqq.gifhttp://sl.glitter-graphics.net/pub/474/474167l68h9nknqq.gif

عضو نتمنى أن نزيل الستار عنه
لنعرفه أكثر ونتعرف من خلاله
عن فرقة شباب نادي العيساويه


اليوم سنستضيف معنا
الشاب المبدع


الذي أحيا تراثنا الذي نفتخر ونعتز به
وهي الدبكة الشعبية
فهي جزء لا يتجزأ من تراثنا الفلسطيني

http://i4.glitter-graphics.org/pub/898/898424e2iwh0f3xo.gifhttp://i4.glitter-graphics.org/pub/898/898424e2iwh0f3xo.gifhttp://i4.glitter-graphics.org/pub/898/898424e2iwh0f3xo.gif


من دواعي سروري أن نستضيف

مصطفى محمود

صاحب الإبداع المشهود
شخصيه غنية عن التعريف قدمت الكثير والكثير

http://www.al-wed.com/pic-vb/102.gif
فلا تحلو سهرات شبابنا إلا بوجودهم
ولا ننسى تواجدهم في المهرجانات
التي تجعلنا نفخر بهم وبأعمالهم
كيف لا وهم يحملون اسم قريتنا

http://sl.glitter-graphics.net/pub/474/474167l68h9nknqq.gifhttp://sl.glitter-graphics.net/pub/474/474167l68h9nknqq.gif
والآن أترككم أعضائنا الكرام
لتطرحوا أسألتكم على مصطفى
لنتعرفة أكثر
ونستمتع بقرأت إجاباته
وألان أخي مصطفى
اذكر لنا بطاقة الشخصية
أتمنى لك أسبوع ممتع برفقتنا^_^
http://i7.glitter-graphics.org/pub/33/33697mrk4cdthv5.gif
احترامي للجميع
كارين

http://sl.glitter-graphics.net/pub/474/474167l68h9nknqq.gifhttp://sl.glitter-graphics.net/pub/474/474167l68h9nknqq.gif
mustafa
15-12-2008, 10:20 PM
والآن أترككم أعضائنا الكرام
لتطرحوا أسألتكم على مصطفى
لنتعرفة أكثر
ونستمتع بقرأت إجاباته
وألان أخي مصطفى
اذكر لنا بطاقة الشخصية
أتمنى لك أسبوع ممتع برفقتنا^_^


السلام عليكم ورحمة الله وبركاته


في البدايه حابب اشكر الاخت كارين على الاسضافة الجمليه والمفاجأه ...


وان شاء الله اكون قادر على الرد عن جميع الاساله والاستفسارات التي تطرح من اعضاء المنتدى الكرام ...

؛؛
؛؛
؛؛

" البطاقه الشخصيه "


الاسم : مصطفى

العمر : 20 ربيعاً


تاريخ الولاده : 16\ 12\ 1988


الهوايه : الدبكه - الرسم


الجنسيه : فلسطيني


الاقامه : القدس - العيسويه


المهنه : مدرب دبكه


التحصيل العلمي : طالب جامعي


............................................
.............................
..................


واكيد ح يكون اسبوع ممتع خيتي كارين ...


لانني ساكون برفقتكم واجيب عن الاساله المطروحه من ابناء قريتي واولاد بلدي واعضاء منتدانا ...
ई فـُـنـون فَـلسطيـنـيةई
15-12-2008, 10:22 PM
بسم الله الرحمن الرحيم

السلام عليكم ورحمه الله وبركاته

اولا اشكرك اختي كارين على موضوعك على اختيارك المميز والرائع للمدرب الاصيل والفنوني مصطفى محمود

مصطفى محمود ارحب بكـ معنا بكرسي الاعتراف اود ان اطرح عليك اكم سؤال ولا اريد ان اطيل عليك
^_^

1- ما هـيـ الافـكار والمشاريع التي تود ان تطرحها في الايام القادمه للفرقه ؟

2- تحدث لنا قليلا عن تأسيـس فرقه نادي شباب العيسويه ؟ متى تاسست ..اكم عضو تحتوي الفرقه ؟ ؟ وما هي ايجابيات وسلبيات الفرقه ؟ ..الخ

3 - ما هي هـوياـتـك المفضله كثيرا ؟

بكفي لحد هون وان شاء الله الي رجعه

مشكورة اختي كارين
صمت الناي
16-12-2008, 02:18 PM
السلام عليكم

بين ثناية صفحات المنتدى
نتشرف بأن يكون مصطفى الاخ تحت الاضواء

اسألتي كثيرة ولكن سأكتبها بمجوعات

1_ ما هي الامال التي تحلم بها

2_ ما ايجابيات تواجد فرقة البنات

3_ كيف تواجه خسارتك

4_ ماذا يعني لك النجاح

تحياتي

راما
المعاتب
16-12-2008, 03:53 PM
السلام عليكم ورحمة الله وبركاته
1)ما هو شعورك اتجاه فرقة الاصايل
2)هل كنت معهم قبل فرقة النادي وكان مدربهم مدربك ؟؟
...........................
3)متى بدئ عملك في هذا المجال ؟؟؟
4)ما معنى التراث الفلسطينة بختصار ؟؟

مع تحيات الك
ДŁ-мoĐąмЄR
16-12-2008, 08:29 PM
كااارين

مبدعة من يوم يومك..بحكيش اكتر من هيك *!*

مصطفى اهلا وسهلا فيك منور طول عمرك
بنستكبلك بأغنيه صف العسكر يا احلى مدرب

راح اسألك سؤال كمقدمه..

شو طموحاتك المستقبلة لفرق الدبكة بشكل عام ..ولمستقبلك انت بالدبكة بشكل خاص..؟؟

لي عودة ان شاء الله
mustafa
16-12-2008, 10:14 PM
ई فـُـنـون فَـلسطيـنـيةई

1- ما هـيـ الافـكار والمشاريع التي تود ان تطرحها في الايام القادمه للفرقه ؟

2- تحدث لنا قليلا عن تأسيـس فرقه نادي شباب العيسويه ؟ متى تاسست ..اكم عضو تحتوي الفرقه ؟ ؟ وما هي ايجابيات وسلبيات الفرقه ؟ ..الخ

3 - ما هي هـوياـتـك المفضله كثيرا ؟

بكفي لحد هون وان شاء الله الي رجعه

..
..
1- بالنسبه للافكار والمشاريع التي تخص الدبكه فهي كثيره جدا ...
في الوقت الحالي نقوم بتصوير فيديو كليب خاص للفرقه وسيتم عرضه في القريب العاجل ...
واعمل على تكثيف التدريب والتحضير لمهرجان القدس عاصمة الثقافه ... بهدف المشاركه وترك معالم متميزه من قريتنا في هذا المهرجان ...

2- تأسست الفرقه في اواسط عام 2006 بجهود شباب من القريه ومدير الفرقه عماد محمود ... وبدعم اهل القريه المادي والمعنوي ...
عدد اعضاء الفرقه اليوم ما يقارب 30 شاب و20 من البراعم و10 بنات

3- هواياتي المفضله ( الدبكه ... الرسم )

تحياتي الك ई فـُـنـون فَـلسطيـنـيةई واهلا فيك في اي وقت بتنور الصفحه ...
mustafa
16-12-2008, 11:06 PM
Ŗậmậ

السلام عليكم

بين ثناية صفحات المنتدى
نتشرف بأن يكون مصطفى الاخ تحت الاضواء

اسألتي كثيرة ولكن سأكتبها بمجوعات

1_ ما هي الامال التي تحلم بها

2_ ما ايجابيات تواجد فرقة البنات

3_ كيف تواجه خسارتك

4_ ماذا يعني لك النجاح

تحياتي

راما

..
..
وعليكم السلام ورحمت الله وبركاته

1- امالي كثيره .. واحلم بالكثير .. واسعى لتطبيقها على ارض الواقع اذكر لك بعضا منها ..
انهاء تعلمي الجامعي ... نشر الوعي التربوي والتعليمي في داخل قريتي والكثير الكثير
* ارجوا منك تخصيص السؤال

2- البنات هن نصف المجتمع ولهن الحق في المشاركه في جميع نواحي الحياه المتاحه لهن ...
اهمية الفتاه في الفرقه مثلها مثل اهمية الشاب لان لها الحق في التعبير والمشاركه في تراثنا العريق ...
وان تراثنا لا يكتمل دون الفتاه التي تلبس الثوب الفلسطيني المطرز وتعبر عن روح التراث برسم اجمل اللوحات الفنيه على المسرح التي لا يستطيع ان يقوم بها الشاب لوحده ...
( اتخيلي انلُبس شاب ثوب ونجعله يقوم بحركات الدبكه التي تخص الفتاه ) (-:

3- لا احب الخساره ابدا ...
عندما اخسر ... اعيد ترتيب افكاري من جديد واقوم بالمحاوله مره اخرى ... لكن لا اقرص من نفس المكان مرتين
* وقليلا ما اخسر ... لانني بفكر في الاشياء الي بواجها 10 مرات لن هدفي هو الربح

4- النجاح ... انك عايش مبسوط ومحبوب من المجتمع الي بتعيش فيه وطبعا التعليم

يسلمو على الاسئله الجميله خيتي Ŗậmậ
mustafa
16-12-2008, 11:54 PM
المعاتب

السلام عليكم ورحمة الله وبركاته
1)ما هو شعورك اتجاه فرقة الاصايل
2)هل كنت معهم قبل فرقة النادي وكان مدربهم مدربك ؟؟
...........................
3)متى بدئ عملك في هذا المجال ؟؟؟
4)ما معنى التراث الفلسطينة بختصار ؟؟

مع تحيات الك

وعليكم السلام ورحمت الله وبركاته

1- شعور حب واحترام واخويه لمن يبادلني بها من فرقة الاصايل ....
. بتمنالهم التوفيق

2- لا!!! لم اكن مع فرقة الاصايل !!!... بل كنت مع عدد من اعضاء الفرقه قبل 7 سنوات في المركز الجماهيري في العيسويه وكان المدرب اسمه : يوسف عليان من بيت صفافا
تدبرنا 4 سنوات على رقصه واحده !!! (-:
وبعدها تشتتنا ... وانا اكلمت في اكثر من فرقة دبكه على مستوى فلسطين

3- بدات اتعلم الدبكه عندما كان عمري 8 سنوات ... في كثير من الفرق التي كانت تحي التراث و منها فرقة العيسويه القديمه قبل حاولي 12 سنه التي كانت تحي حفلات القريه وفرقة قطر الندى وفرقة اووف وفرقة الفنون الشبيعه الفلسطينيه وفرقة صدى العاشقين والكثير من الفرق في فلسطين ...

اما في مجال التدريب قبل حاولي 4 سنوات

4- كل شي يدل على اني فلسطيني ...(الفلكلور الفلسطيني ) اكان من ثقافه او بناء او تاريخ او لباس او فن او حضاره

تحياتي
kArEeN
17-12-2008, 09:19 AM
الابداع هو تواجدكم خيي المدمر*!*

انشالله تكون مرتاح معنا اخي مصطفى ^_^
عندي اكم من سؤال
1-تأسست الفرقه في اواسط عام 2006 هل انت راضي على ما قدمته الفرقه حتى الان ؟؟
2-بدأت تعلم الدبكه عندما كان عمرك 8 سنوات كيف طورت هذه الموهبه ؟؟
3-هل لتشجيع الاهل دور في تنميت مثل هذه المواهب ؟؟
4-الرضى عن النفس غايه لا تدرك هل انت راضي عن نفسك ؟؟
5-عند حصولكم على المراتب الاولى في المهرجانات ما شعورك اتجاه ذلك عندما تجد انا تعبك قد اثمر ولم يذهب سُداً؟؟
لي رجعه ان شاء الله
mustafa
17-12-2008, 02:42 PM
‏ДŁ-мoĐąмЄR




**
**
طموحاتي اكتيره ... بس الانسان بطلع السلم درجه درجه ...
راح اشتغل على تجيميع فرقه موسيقي خاصه لفرق الدبكه في القريه ... وكمان من طموحاتي الي بشتغل عليها الان ... انه تكبر الفرقه ونعلم كل القريه تراثنا والفن الي بفتخر فيه ... الدبكه ( يعني الكل بعرف يدبك )
اما الطموح الكبير ... هو اني اظهر لكل العلم مين احنا الفلسطينيه وشو هو تراثنا وكيف بنقدر انعبر عن الفن الفلكلور الفلسطيني الي بنعتز فيه .. عن طريق الدبكه ...

تحياتي الك وبتنور الصفحه ايمتا ما ترجع ..
SoFt G!rL
18-12-2008, 04:10 PM
أول اشي طبعا بدي ارحب فيك اهلا وسهلا وطبعا الله يعطيك العافية على جهودك الرائعة
هلأ دور السؤال ‏
زي ما حكيت انك انت طالب جامعي وصارلك عمر بالدبكة بس لو خيروك بين الجامعة او الدبكة شو بتختار؟؟؟
ودمت بكل خير لخدمة بلدك
تحيتي،،
YâŖâ
18-12-2008, 08:08 PM
اهلا وسهلا بالاخ مصطفى مدرب الدبكة

منور*!*

حابة اسألك سؤال واحد بكفي ما بدنا نغلبك

من خلال قرآئتي ل اجابتك للاسئلة لاحظت انو الدبكة هوايتك يا ترى في شغلات تانية بتتقنها غير الدبكة ؟ ولوين طريقك بالدبكة بدك يوصل ؟

يعطيك العافية

موفق
mustafa
18-12-2008, 10:53 PM
SoFt G!rL



أول اشي طبعا بدي ارحب فيك اهلا وسهلا وطبعا الله يعطيك العافية على جهودك الرائعة
هلأ دور السؤال ‏
زي ما حكيت انك انت طالب جامعي وصارلك عمر بالدبكة بس لو خيروك بين الجامعة او الدبكة شو بتختار؟؟؟
ودمت بكل خير لخدمة بلدك
تحيتي،،


1- طبعاً ... الجامعه لانها هي مستقبلي ... وما في احلى من العلم
"العلم نور "
بس الدبكه هوايه وهي اشي فرعي في حياتي ما بتاثر على التعليم
(وفي سلم الاولويات الدبكه ترتيبها تحت التعليم )

تحياتي الك...
mustafa
19-12-2008, 12:23 AM
yâŖâ

حابة اسألك سؤال واحد بكفي ما بدنا نغلبك

من خلال قرآئتي ل اجابتك للاسئلة لاحظت انو الدبكة هوايتك يا ترى في شغلات تانية بتتقنها غير الدبكة ؟ ولوين طريقك بالدبكة بدك يوصل ؟

يعطيك العافية
..
..

**اها الدبكه هوايه من هواياتي ... وكمان الرسم ... والتمثيل

** بدي يوصل ... لكل العالم !!!
يعني كل الكره الارضيه تشوفني ... وتشوف تراثي انا الفلسطيني بقدر اعبر عن الفن باجمل اللوحات الفلكلوريه والكنعانيه ...
واتميز في كل مكان وينال عرضي اعجاب الجميع ...

الله يعافيكي وشكرا على السؤال الحلو
kArEeN
19-12-2008, 03:34 PM
انشالله تكون مرتاح معنا اخي مصطفى ^_^
عندي اكم من سؤال
1-تأسست الفرقه في اواسط عام 2006 هل انت راضي على ما قدمته الفرقه حتى الان ؟؟
2-بدأت تعلم الدبكه عندما كان عمرك 8 سنوات كيف طورت هذه الموهبه ؟؟
3-هل لتشجيع الاهل دور في تنميت مثل هذه المواهب ؟؟
4-الرضى عن النفس غايه لا تدرك هل انت راضي عن نفسك ؟؟
5-عند حصولكم على المراتب الاولى في المهرجانات ما شعورك اتجاه ذلك عندما تجد انا تعبك قد اثمر ولم يذهب سُداً؟؟
الي رجعه ان شاء الله
نسمه
19-12-2008, 03:52 PM
مرحباااااااااا
سؤالي للأخ مصطفى سهل كتير وهو
رح بتكمل لباقي حياتك بالعمل كمدرب للفنون الشعبيه
او بتشوف مشاريعك الشخصيه؟
وشكرا
Nsma Rqeqa
mustafa
20-12-2008, 11:10 PM
كارين


انشالله تكون مرتاح معنا اخي مصطفى ^_^
عندي اكم من سؤال
1-تأسست الفرقه في اواسط عام 2006 هل انت راضي على ما قدمته الفرقه حتى الان ؟؟
2-بدأت تعلم الدبكه عندما كان عمرك 8 سنوات كيف طورت هذه الموهبه ؟؟
3-هل لتشجيع الاهل دور في تنميت مثل هذه المواهب ؟؟
4-الرضى عن النفس غايه لا تدرك هل انت راضي عن نفسك ؟؟
5-عند حصولكم على المراتب الاولى في المهرجانات ما شعورك اتجاه ذلك عندما تجد انا تعبك قد اثمر ولم يذهب سُداً؟؟
الي رجعه ان شاء الله


1-تأسست الفرقه في اواسط عام 2006 هل انت راضي على ما قدمته الفرقه حتى الان ؟؟
*الحمد لله .. نعم راضي

2-بدأت تعلم الدبكه عندما كان عمرك 8 سنوات كيف طورت هذه الموهبه ؟؟
* عن طريق المدرسه والمركز الجماهيري وبعد ذلك انتقلت الى التدريب في الفرق الكبيره.... وكنت اتدرب في اكثر من فرقه في الوقت نفسه ...

3-هل لتشجيع الاهل دور في تنميت مثل هذه المواهب ؟؟
طبعاً ... الاهل هم الداعم الاساسي من اجل تعزيز هذه الموهبه
وتطويرها عند الدبيك ... بدعمهم المعنوي له

4-الرضى عن النفس غايه لا تدرك هل انت راضي عن نفسك ؟؟
بالجد والمثابره تدركين مالا يدرك لكن في الكثير من الاحيان يكون هنا بعض الاخطاء البسيطه
نعم راضي ... لكن هناك بعض التقصير

5-عند حصولكم على المراتب الاولى في المهرجانات ما شعورك اتجاه ذلك عندما تجد انا تعبك قد اثمر ولم يذهب سُداً؟؟
طبعا ... السعاده
والفخر بتحقيق انجاز يطبع في ذاكرت تاريخ الفرقه والقريه

تحياتي الك ...
واهلا واسلا فيك في اي وقت ...
mustafa
20-12-2008, 11:35 PM
Nsma Rqeqa

مرحباااااااااا
سؤالي للأخ مصطفى سهل كتير وهو
رح بتكمل لباقي حياتك بالعمل كمدرب للفنون الشعبيه
او بتشوف مشاريعك الشخصيه؟
وشكرا
..
..

** مهنتي كمدرب للفنون الشعبيه ما بتاثر على مشاريعي الخاصه ...
وطبعا كل شخص في عنده مشاريعه الخاصه...
والدبكه هي شي فرعي في حياتي ...و في اكتير اولويات تسبقها لازم اراعيها واهتم الها...
وفي الوقت الحالي لازم ابني الجيل القادم ويكون في اشخاص تستطيع ان تقف مكاني في المستقبل وانحافظ على تراثنا جيل بعد جيل ...

تحياتي الك ..
ДŁ-мoĐąмЄR
23-12-2008, 12:12 PM
احم

رجعت

مصطفى كيف شايف تفاعل الاعضاء معك؟؟

شو السؤال الي حابب حدا ينسألك ومن مين حابب يكون هالسؤال؟؟

معك وركة بيضا وكلم حبر اسود شو بتكتب عالوركة وليش؟؟

بتنظم حياتك يعني بتمشي عبرنامج لتمشي حياتك..ولا بتمشيها هيك زي ما بدك!!

شو امنيتك بهاللحظة؟؟

شو سلبياتك وايجابياتك..؟؟

كلمة بتحب تحكيها للبلد بشكل عام؟؟

بس
BNT EL2ODS
28-12-2008, 12:10 PM
بدي ارحب في الاخ مصطفى محمود اهلا وسهلا فيك ........ ما بدي اطول عليك بدي ابلش في الاسئلة :
1- زي ما انت حكيت انك طالب جامعي ايش بتدرس وفي اي جامعة ؟؟
2- لما تخلص تعليمك الجامعي ايش حاابب تعمل ؟
3- ايش تقيمك لفرقة الدبكة وليش ما بتزيدوا عدد البنات معكم ؟
4- ايش تعريفك لكل من: الحياة,الحب,الخيانة,الاسرة
5- مين اقرب شخص لالك ؟
6-ايش اكتر شي بتحبو في حالك واشي بتكرهو في حالك؟
7-من خلال معرفتي لالك طبعا ما بعرفك منيح بس بعرف انو البنات بلقبوك حمادة هلال ايش تفسيرك لهادا الشي؟
مممممممممممممممم لازم اكمل للعشرة حالفة يمين ايش في كمان اسئلة.........
8-كيف بتشوف قريتك العيسوية وايش بتحب تغير فيها
9- لو بايدك العصا السحرية وبتقدر تغير كلشي مش عاجبك شو بتغير؟؟؟؟
10 -شؤال محرج شوي اكم بنت بتعرف واكم بنت حبيت"طبعا انت حلو" مش ضروري نضحك على بعض وتحكي ما بعرف حد طبعا ازا بدك ما تجاوب هادا السؤال

وشكرا لالك سامحني طولت عليك وكترت الاسئلة
مع تحياتي :bnt el2ods
mustafa
30-12-2008, 08:39 PM
‏ДŁ-мoĐąмЄR


& مصطفى كيف شايف تفاعل الاعضاء معك؟؟

* تفاعل جيد ( ماشي الوضع ومرتاح في الاساله )

.......................
& شو السؤال الي حابب حدا ينسألك ومن مين حابب يكون هالسؤال؟؟

* كنت حابب اشوف هاد السؤال ( كيف بنقدر ندعم التراث والفن الفلسطيني وبشكل خاص في القريه...؟)
الي حابب يسالني اياه كل اعضاء المنتدى او كل واحد بحب بلده
.......................
& معك وركة بيضا وكلم حبر اسود شو بتكتب عالوركة وليش؟؟

* لا اله الا الله
محمد رسول الله

لانها افضل واجمل جمله في الدنيا
......................
& بتنظم حياتك يعني بتمشي عبرنامج لتمشي حياتك..ولا بتمشيها هيك زي ما بدك!!

* طبعا بنضم حياتي ... وبعمل تخطيط لكل يوم بعيشه ...يعني انا بعمل حياتي كيف بدي... وبمشيها متل ما بدي ....انا
.....................
& شو امنيتك بهاللحظة؟؟

* اللحظه هاي فش اماني... :--) قبل دقيقه كان في امنيه
الامنيه ( اتكون الجمله الي كتبتها على الورقه البيضه الي اعطيتني اياها هي خاتمتي واخر كلامي في الدنيا )
....................
& شو سلبياتك وايجابياتك.. ؟

* اسف ... ما بقدر اجاوب على السؤال
العالم بتحكم علي... انا ما بقدر احكم في هاد السؤال
(واصف ومادح نفسه كذاب )...
.....................
& كلمة بتحب تحكيها للبلد بشكل عام؟؟

* بحب احكي لكل البلد ...
الي بدي احكيه انو ... القريه الي عايشن فيها وهي العيسويه ... قريه متميزه ... وفيها الكثير من الطاقات والابداعات والشباب المفعم بالحيويه ولكن هذه الطاقه غير مستغل ... اومستغله بشكل خاطىء
يا ريت كلنا انحاول انصلح في البلد ... ونفكر قبل ما نعمل اي شي بسبب ضرر القريه... لانو الضرر برجع على الكل
وياريت ... ننتبه!!! على التعليم في القريه الي بواجه ازمه مخيفه .. لانو نسبة الجهل عم بتزيد بدل ما تقل ...
كلنا بدنا انعلم اولادنا بس يا هل ترى هل احنا مراقبينهم وبنعرف شو مستواهم العلمي والاخلاقي .......!

....................
مشكور على الاساله الجميله ...
وارجع متل ما بدك ... بتنور الصفحه في اي وقت
BNT EL2ODS
31-12-2008, 08:38 PM
احم احم شو مش شايف الاسئلة ولا مش عاجبينك ............


......
mustafa
01-01-2009, 06:54 PM
Bnt el2ods

>>
>>

1- زي ما انت حكيت انك طالب جامعي ايش بتدرس وفي اي جامعة ؟؟

* بدرس في الجامعه العبريه ...
وعم بحضر لابلش في التخصص.... ( مختبرات )

........................

2- لما تخلص تعليمك الجامعي ايش حاابب تعمل ؟

* بعد التعليم ... الرحله بتبدا في تكوين حياتي الخاصه وطبعا في مشاريع اكتيره ... مثل ( وضيفه مريحه . الم اشوية مصاري . اتعرف اشوي اكتر على العالم عن طريق السياحه )

.......................

3- ايش تقيمك لفرقة الدبكة وليش ما بتزيدوا عدد البنات معكم ؟

* حكمي وتقيمي على فرقة الدبكه بنبع من حكم اهل البلد ومدى دعمهم للفرقه ...اهل البلد دائما كانوا هم الداعم الاساسي للفرقه مادياً ومعنوياً لكن بشكل بسيط ومتواضع ...

والحمد لله وين ما تروح الفرقه بترفع اسم البلد ...والجمهور بحكم على الفرقه بالتميز في عروضها الشعبيه ....اوفي رسم لوحاتها الفنية على المسارح والمسابقات على مستوى فلسطين ...

اما بالنسبه للبنات في الفرقه ...فان باب التدريب مفتوح لاي فتاه عندها حب للتراث الفلسطيني و( الالتزام ) ...من داخل القريه او خارجها...

.....................

4- ايش تعريفك لكل من: الحياة,الحب,الخيانة,الاسرة

بشكل عام

*الحياه : حلم قصير نعيشه ... ونستفيق منه عند الموت

* الحب : احساس وغريزه داخل الانسان لا يستطيع العيش بدونه ...

*الخيانه: عادة متوارثه جيل بعد جيل ... تختلف وتتطور اوجهها بختلاف الزمن ... تجلب التعاسه وعدم الثقه بالناس ...

*الاسره : اشخاص يستحقون مني ... الحب والاحترام والاهتمام بهم و
بشؤونهم لكونهم هم اقرب الناس الي ...

.............................

6-ايش اكتر شي بتحبو في حالك واشي بتكرهو في حالك؟

* للاسف ما بحب احكي شي عن حالي وبكتفي ..بـ
(مادح نفسه كذاب )


7-من خلال معرفتي لالك طبعا ما بعرفك منيح بس بعرف انو البنات بلقبوك حمادة هلال ايش تفسيرك لهادا الشي؟

* كل واحد عنده وجهة نظره ...
وانا اسمعتها اكتر من مره , و من اكترمن حد ...
وكان بدي افسر كل شي بسمعه... بخلصش
يمكن حماده هلال بشبهني ... يخلق من الشبه 40 :d
وان كان بشبهني او انا بشبهو (( شو يعني ..!! انا مصطفى والي شخصيتي وهو حماده.... وبغني ))
.......................

8-كيف بتشوف قريتك العيسوية وايش بتحب تغير فيها

* قريه متميزه وفيها الكثير لتعطيه ... وفي نفس الوقت ينقصها الكثير من الامور المهمه ...
فيها ناس بحبوها ... بس ما بقدمولها
وفيها ناس بكرهوها ... وكل يوم بضروها

1 ازا بحب اغير شي في البلد ... بهدها كلها وبرجع ببنيها لكن بشكل حضاري لكي نستطيع الحياه براحه فيها ...وهاد شي صعب ومستحيل

2 ارفع مستوى التعليم في القريه ... وهاد اهم شي...
على شان الجيل القادم ... يقدر يعيش حياه كريمه

........................

9- لو بايدك العصا السحرية وبتقدر تغير كلشي مش عاجبك شو بتغير؟؟؟؟


* بغير الزمن الي احنا عايشين فيه ... لزمن اخر لا يوجد فيه احتلال!!!

........................

10 -شؤال محرج شوي اكم بنت بتعرف واكم بنت حبيت"طبعا انت حلو" مش ضروري نضحك على بعض وتحكي ما بعرف حد طبعا ازا بدك ما تجاوب هادا السؤال

* ... بعرف اكتر من بنت ... بس طبعا معرفه سطحيه ... مجرد زماله او صداقه مش اكتر!!!
ومااا في علاقات حب في حياتي ...
( ما بلاقي (انثى) تستحق المحبه والحب في هاي الدنيا سوى امي )


تحياتي
لك...
ДŁ-мoĐąмЄR
01-01-2009, 07:23 PM
السلام عليكم ورحمة الله وبركاته


مصطفى بما انو انتهت استضافتك
حابب تحكيلنا وجهة نظرك عن المقابلة..سلبيانتها وايجابياتها؟؟

اكتر سؤال احرجك؟؟

ارتحت بهالمقابلة!وشو بتحكي للاعضاء؟؟

المايك معك شو بتحب تحكي؟

يعطيك العافية
mustafa
13-01-2009, 07:29 PM
السلام عليكم ورحمة الله وبركاته


مصطفى بما انو انتهت استضافتك
حابب تحكيلنا وجهة نظرك عن المقابلة..سلبيانتها وايجابياتها؟؟

اكتر سؤال احرجك؟؟

ارتحت بهالمقابلة!وشو بتحكي للاعضاء؟؟

المايك معك شو بتحب تحكي؟

يعطيك العافية


وعليكم السلام ورحمة الله وبركاته


مصطفى بما انو انتهت استضافتك
حابب تحكيلنا وجهة نظرك عن المقابلة..سلبيانتها وايجابياتها؟؟

* في البدايه حابب اشكرك واشكر الاخت كارين على الاستضافه الحلوه ...

المقابله كانت كتير شيقه وممتعه ... وتميزة بالاساله الشيقه والمتردده...الى حد ما!!

اكتر سؤال احرجك؟؟

* بصراحه ما في ولا سؤال احرجني ...

ارتحت بهالمقابلة!وشو بتحكي للاعضاء؟؟

* المقابله كانت مريحه الى حد كبير ... وبحب اوجه تحيتي لكل الاعضاء وخصوصا لكل عضو سالني اي سؤال ... وبتمنى اني اكون جاوبت على الاساله المطروحه بصراحه ...

المايك معك شو بتحب تحكي؟

** اجتهد و تميز دائما لتكون ... المبدع

تحياتي للمشرفين القائمين على هذا القسم ... الي جمعني مع الاعضاء واعطاني لمحه عن طريقة تفكيرهم وحكمهم علي و... على الفرقه

تحياتي للجميع
ودمتم بووود

مدرب فرقة فنـــــــــون العيســــوية

مصطفى محمود
ДŁ-мoĐąмЄR
13-01-2009, 07:50 PM
السلام عليكم ورحمة الله وبركاته

اشكرك اخي الكريم المتميز المتألق (مصطفى محمود)
كنت ضيف خفيف الظل وممتع ومميز ..تعرفنا عنك بشكل مباشر
وتعرفنا على ما كنا نجهله..اشكرك جزيل الشكر على قبولك للاستضافة وتلبيتك للدعوة
سلمت اناملك وسلم عقلك وتفكيرك لما يخص البلد بشكل عام والتراث بشكل خاص
نقول لك سر ونحن معك لنصل بهذا التراث الى جميع فلسطين..بل الى جميع انحاء العالم
كل الود لك،،تحياتي@@