..المشرفة super nanny تحت الأضواء.. [الأرشيف]

مشاهدة النسخة كاملة : ..المشرفة super nanny تحت الأضواء..

kArEeN

17-11-2008, 08:56 PM

http://www.al-wed.com/pic-vb/16.gif

السلام عليكم ورحمة الله وبركاته
اخواني اعضاء منتديات العيسوية
عدنا من جديد وضيف جديد لنضعه تحت الاضواء

http://www.al-wed.com/pic-vb/501.gif

ضيفه كلي ثقه انه تستحق ان تكون ضيفه معنا
وان نغوص معها في عالمها الرائع
لـ نتعرف على تلك الشخصيه التي سحرتنا بـ أخلاقها أولاً
وحسن تعاملها مع جميع المتواجدين

http://www.al-wed.com/pic-vb/501.gif

مشرفه تميزت بمواضيعها وردودها الرائعه
فكانت تتواجد في جميع أقسام المنتدى
انسانه تستحق كل الشكر والتقدير على ما قدمته وتقدمه لنا
أثبتت جدارتها واحترامها للجميع

ضيفتنا اليوم هي المشرفه الرائعه

Super Nanny

لن أطيل عليكم وسأترككم تستمتعون بقرأت
اجابتها وكلي ثقه انها ستكون اكثر من رائعه
سأترككم تطرحوا عليها أسألتكم
لنتعرفها اكثر

والان اختي سوبر ناني

أذكري لنا بطاقتك الشخصية

أتمنى لكِ اسبوع ممتع برفقتنا ^_^

ملاحظه:ينتهي دوري في قسم عضو تحت الاضواء بعودة اخي ‏ДŁ-мoĐąмЄR
وذلك بعد ان ينهي الثانوية العامة هو ومن معه بنجاح ان شاء الله

مع تحياتي

كارين

http://www.al-wed.com/pic-vb/16.gif

ام زيد

17-11-2008, 09:03 PM

7amdaneya

18-11-2008, 09:57 AM

ahla w sahla be o5ty w 7abeebty suppernanny :D

5aleeni as2lek kam su2al w barki hareetek bel as2ela :D

awal eshi keef 7alek ??

shu by3nolek el a6faal ??

shu aklatek el mofadalla??

laween bdek towasly fel denya...y3ni shu hadafek ??

hadool bekafoo bs ele raj3a akeed

:D:D salam

YâŖâ

18-11-2008, 02:19 PM

السلام عليكم

اولاً أشكر اختنا الغالية كارين على الاستضافة المميزة وخاصة انها مع ضيفة مبدعة ^!^
وأتمنى التوفيق لـ اخونا المدمر ..

\
\

Super nanny
مبروك الاستضافة يا بطة

نشالله تكوني مبسوطة ومرتاحة

مش رح اطول عليكي

كم سؤال بس *_* ..

_ شو سبب تسميتك بـ لقب Super nanny ؟

_ شو أكثر شغلة بتحبيها بحالك .. واكثر شغلة بتحسيها سلبية عليكي وحابة تغيريها ؟

_ شو حابة تدرسي للمستقبل ؟

\
\

هادا هوه

بتمنالك التوفيق

اختك
يارا

just fofo

18-11-2008, 03:10 PM

اول شي يعطيكي العافيه كارين وبتوفيق للمدمر بدراستو

وياميت اهلا وسهلا بصديقتي الغالية سوبر ناني

ممممم راح اسألك اكم من سؤال خلينا نبلش

1_ من وين اجتك فكرة مشروع القراءة ؟

2_كيف بتقضي وقت فراغك؟

3_ كيف بتقدري تركزي بين دراستك بالتوجيهي ونفس الوقت بالمشروع وبشغلك بالبرلمان ؟

4_ راح تكملي دراسة تربية اطفال (حضانة) ولا حابة تكملي بشي تاني ؟

5_شو رايك بالاعضاء والمشرفين المطروحه اسمائهم وشو سلبيات والايجابيات الي فيهم من ناحية معرفتك فيهم بالمنتدى او خارج المنتدى؟

العيساوي _ المدمر _ محمد نخال _ روعة الاحساس _ ماما رويدة _ كارين _ ابو وديع _ برنسيسة الدلع _ نتالي _ راما وبالنهايه just fofo

6_ اكتر قسم بتحسي محتاج لا نشاط واهتمام ؟

7_ اكتر قسم بتحبي تشاركي في ؟

8_ شو هوايتك؟

9_ لونك المفضل ؟

10_ مم شو رايك بالبرلمان ؟

انشالله ماكون تقلت عليكي حبيبتي بس يكون بمعلومك راح تكونلي رجعه خلال هل فترة بس تجاوبي على هدول
( بتوفيق الك بدراستك وشدي حالك)

super nanny

18-11-2008, 03:47 PM

السلام عليكم ورحمة الله وبركاته

عزيزتي كارين لا أعرف من اين سأبدأ حقا لقد اخجلتي تواضعي بهذه الكلمات المذهبة اشكرك غاليتي دمتي عنوان العطاء ,,,وأشكر الاخ المدمرعلى افكاره الرائعة واتمنى له النجاح في التوجيهي.

وأتمنى ان اكون ضيفة خفيفة الظل عليكم ,,

وابدأ الان باسئلة البطاقة الشخصية

الاسم المستعار:Super nanny
اللقب: nanny

المواليد باليوم والشهر والسنة:12_6_1991

الجنس:انثى

مكان الولادة: القدس

الجنسية :فلسطينية

مكان الاقامة حاليا: العيساوية

الديانة: الاسلام

التحصيل الدراسي: طالبة توجيهي.

super nanny

18-11-2008, 04:13 PM

يعطيكِ العافية كارين ..وكل الشكر لكِ ..ونتمنى النجاح والتوفيق للمدمر ولكل طلاب الثانوية العامة .

وبرحب بالاخت سوبر ناني وبحكيلها ان شاء تكون ضيافة حلوة ومميزة .

سؤالي لكِ ..اين وصلتم بمشروع القراءة للجميع ؟؟

وكنتم قد اعلنتم ان فتيات سيقمن بجمع الكتب ممن يود التبرع ..هل قمن بذلك فعلا او ان هناك عوائق ؟؟

وشكرا لكِ ويعطيكِ العافية

سعدت جدا بتواجدك خالتي رويدة لتكوني اول من يطرح الاسئلة وكم يشرفني ان اجيب عليها :

س 1_مشروع القراءة للجميع متواجد كل يوم احد في مقر جمعية العيساوية نلتقى مجموعة من الفتيات ونتناقش حول كتب متنوعة نقرأها اسبوعيا وخلال هذا الاسبوع كان الحوار حول الرواية العالمية "البؤساء " وتتم الفائدة بحمد الله ,لكن المعضلة التي واجهتنا هي قلة عدد الفتيات ومع ذلك فنحن مستمرون حتى يزيد العدد وتعم الفائدة على الجميع ..

س2_بالنسبة لجمع الكتب ففعلا واجهتنا بعض التحديات التي نحاول التغلب عليها ,اما بالنسبة لمن يريد التبرع بكتب فالباب مفتوح في جامع الاربعين (دار القران الكريم) ونحن نقوم بوضعهم في المشروع وتتم الاستفادة منهم بإذن الله ...

شكرا ماما رويدة سعدت بحضوركِ,,

super nanny

18-11-2008, 04:28 PM

ahla w sahla be o5ty w 7abeebty suppernanny

ياهلا فيكِ نورتي المنطقة والله ,,

5aleeni as2lek kam su2al w barki hareetek bel as2ela :D

تفضلي كل شي منك حلو

awal eshi keef 7alek ??

نشكر الله

shu by3nolek el a6faal ??

بحبهم كتيييير ,,,

shu aklatek el mofadalla??

كلو نعمة وفضل بس بحب المقلوبة وورق الدوالي ,,

laween bdek towasly fel denya...y3ni shu hadafek ??

من اهم الاهداف التي اسعى اليها هو رضا الله عني في جميع الاعمال التي اقوم بها ومن الاهداف التي اود ان اقدمها من خلال مشروعي هي القراءة,,

hadool bekafoo bs ele raj3a akeed

يا اهلا وسهلا فيكِ بتشرفينا في أي وقت

:D:D salam

super nanny

18-11-2008, 04:53 PM

Super nanny
مبروك الاستضافة يا بطة

الله يبارك فيكِ تسلميلي يارب

نشالله تكوني مبسوطة ومرتاحة
الحمد لله

مش رح اطول عليكي
:--)

كم سؤال بس *_* ..

_ شو سبب تسميتك بـ لقب Super nanny ؟

لانه يناسب شخصيتي

_ شو أكثر شغلة بتحبيها بحالك .. واكثر شغلة بتحسيها سلبية عليكي وحابة تغيريها ؟
من الطبيعي ان يكون للانسان سلبيات وايجابيات اما بالنسبة للسلبيات التي اراها في نفسي انني لا اتحمل وجود الخطأ في بيئتي القريبة خصوصا .
واما الايجابيات فلا اذكرها فنفسي لا أزكيها على احد..

_ شو حابة تدرسي للمستقبل ؟

بالثانوية بدرس تربية الطفل
اما بالجامعة علم نفس وخدمة اجتماعية

بتمنالك التوفيق

اختك

يارا
عزيزتي يارا اشكرك على هذا الحضور المميز استمعت في الاجابة على أسئلتكِ ,,
أتمنى عودتكِ مرة اخرى,,

super nanny

18-11-2008, 05:51 PM

راح اسألك اكم من سؤال خلينا نبلش

1_ من وين اجتك فكرة مشروع القراءة ؟

من موقع الداعية احمد الشقيرات

2_كيف بتقضي وقت فراغك؟

بين الدراسة والبيت ومشروع القراءة والبرلمان والنت وللاسف ما في وقت فراغ كتير ..

3_ كيف بتقدري تركزي بين دراستك بالتوجيهي ونفس الوقت بالمشروع وبشغلك بالبرلمان ؟

السر في تنظيم الوقت يوجد وقت لكل شئ تود ان تقوم به فقط اذا قمت بالتنظيم..وما توفيقي الا بالله

4_ راح تكملي دراسة تربية اطفال (حضانة) ولا حابة تكملي بشي تاني ؟

ان شاء الله علم نفس وخدمة اجتماعية

5_شو رايك بالاعضاء والمشرفين المطروحه اسمائهم وشو سلبيات والايجابيات الي فيهم من ناحية معرفتك فيهم بالمنتدى او خارج المنتدى؟

العيساوي: قائد متعاون ,حازم, حكيم.

المدمر: في البداية ظننتها شخصية غامضة ,لكن الوقت اثبت لي عكس ذلك فهي شخصية مرحة ومستقلة ..

محمد نخال: شخصية ذكية متفهمة ذات اخلاق عالية تحمل ثقة ومسؤلية كبيرة ,,

روعة الاحساس شخصية لها رونق خاص ,,كتاباتها تلفت انتباهي دائما,,

ماما رويدة شخصية واعية جدا ,دائما ما احببت ان استمع الى ارائها,,

كارين شخصية رائعة اكثر ما يعجبني بها هدوئها الراقي ويعجبني اسلوبها ,,

ابو وديع شخصية ذات رونق خاص واعية وتتصرف بعقلانية,,

_ نتالي : من اجمل الشخصيات التي قابلتها واعطتني دفعة كبيرة (هنالك امل في جيل المستقبل).

_ راما : شخصية ذات طابع خاص ومميز احب التعامل معها دائما ..

just fofo شخصية جديه ومرحه قلبها طيب تصرفاتها انسانية ومسالمة طموحه تحب المساعدة ومد يد العون للجميع ,,

6_ اكتر قسم بتحسي محتاج لا نشاط واهتمام ؟

بها الفترة يشهد المنتدى ركود بشكل عام بسبب ان الاغلبية من الاعضاء هم طلاب وبالتالي فهم منهمكون في المشاغل الدراسية,,,(كال يعني)

7_ اكتر قسم بتحبي تشاركي في ؟

لا يوجد قسم معين الموضوع الذي يعجبني واملك الوقت للرد عليه اشارك فيه.

8_ شو هوايتك؟

القراءة

9_ لونك المفضل ؟

الارجواني

10_ مم شو رايك بالبرلمان ؟
هو عبارة عن منبر طلابي يجمع بين جميع مدارس العاصمة يعبر عن صوت الشباب ويفتح الافاق الكبيرة لخوض مجالات عديدة ..وسأتكلم عنه مفصلا في المرات القادمة

انشالله ماكون تقلت عليكي حبيبتي بس يكون بمعلومك راح تكونلي رجعه خلال هل فترة بس تجاوبي على هدول

اهلا وسهلا فيكِ بتشرفينا

( بتوفيق الك بدراستك وشدي حالك)

تسلمي يارب

ثائر ابو لبدة

18-11-2008, 07:01 PM

اسمحي لي أختي ~ super nanny ~ ..

بمداخلة صغيرة ..

أشكرك على رأيك بي ..

وربنا يوفقك بدراستك و تتحقق جميع أمانيك ِ ..

وإلى الأمام دوما ً ..

واستمري في مثل هذه المشاريع ..

لعلها تكون بوابة ً لك ِ لتحقيق شئ مختلف ..

تحياتي الك والله يوفق الجميع .

super nanny

18-11-2008, 07:11 PM

السلام عليكم

اشكرك اخي ابو وديع على هذا الدعم واتمنى ان اكون عند حسن ظنٍ الجميع بي دائماً,,

دمتَ في امان الله

ДŁ-мoĐąмЄR

19-11-2008, 03:34 PM

سلّ دياتك خيتي كارين عالموضوع
وشكرا الك من كل قلبي لانك قبلتي تحلي محلي بهالمهمة وابدعتي بصراحة

اختي سوبر نانا اهلا بكي على كرسي الاعتراف

اسمحيلي بأكم سؤال عالسريع

شو طموحاتك بعد 10 سنين؟؟

شو بتحبي اسماء بنات واسماء شباب؟؟

ذكرى حلوة حابة تحكيلها؟؟

اشي خطر ببالك هلكيت عن المنتدى احكيه!!

مرتاحة عالكرسي وشو شعورك لحد الان؟؟

لي عودة انشالله

سلامات

kArEeN

19-11-2008, 03:54 PM

العفو خيي المدمر ^_*

انشالله تكوني مرتاحه خيتي سوبر ناني بالاسئله
وحابه اسئلك كمان اكم من سؤال

اذكري لنا عضو يمتلك صفه من هذه الصفات
متميز:
طموح:
خفيف دم:
قلبه طيب:
تحبِ ان يتواجد بشكل دائم:
تعجبك مواضيعه:
تتابعي مواضيعه وردوده:
عضو تتمني ان تتعرفي عليه اكثر:

اعطينا صفه وحده لكل من:-

يارا:
راما:
حمدانيه:
ماما رويدة:
العيساوي:
محمد نخال:
جست فوفو:
نتالي:
ندين:
ذات النطاقين:
البرنسيسا:
المدمر:

بكفي لهون والي رجعه اكيد ^_^

الوردة البيضاء

19-11-2008, 08:14 PM

بالبداية بشكر كارين على استضافة المشرفة المتميزة super nanny

واتمنى لكِ قضااء وقت ممتع على كرسي الاعتراااف

اسمحي لي اسألك كم سؤال
وارجو ان تكون أسئلتي خفيفة عليكِ

1 )ماذا أعطتك الحياة وماذا أخذت منك..؟؟

2 ) من هو قدوتك بالحياة ؟؟؟

3 ) حلم تتمني انه يتحقق من زماان وماقدرتِ تحققية ؟؟
4 ) ما هو الموقف الذي تتمنى ان يتكرر مرة اخرى معك؟

5 ) ما الموقف الذي تتمنى لو انه لم يحدث؟

واخيرا أتمنى لكِ كل التوفيق في حياتك

دمتِ بحفظ الله ورعايتة

الوردة البيضاء

نسائم الايمان

19-11-2008, 11:28 PM

يا هلا والله بسوبر ناني .. كيف مرتاحة بالقعدة عالكرسي ههههه؟
يلا نبدا بالاسئلة
الصراحة مش عارفة شو اسئلك

1_شو هي امنية حياتك؟
2_ بتحبي المكياج؟
3_ ايش اكتر اشي بتكرهيه
4_ شو هي البلد اللي نفسك تزوريها؟
5_ موقف مهم صار بحياتك؟
6_ شو حابة تشتغلي لما تخلصي دراستك ان شاء الله ؟

وهادا هو.... بتمنالك قعدة حلوة ههههه

super nanny

20-11-2008, 06:26 AM

السلام عليكم

ДŁ-мoĐąмЄR]

اختي سوبر نانا اهلا بكي على كرسي الاعتراف
اسمحيلي بأكم سؤال عالسريع

شو طموحاتك بعد 10 سنين؟؟

,,طموحاتي كثيرة وكبيرة تحقيق الجزء الاكبر منها يشعرني بالانجاز البعض يتكلم عن الطموحات والاماني ولكن لايحقق لكني لن اتكلم وسأعمل على التحقيق,,

شو بتحبي اسماء بنات واسماء شباب؟؟
اسماء بنات: بيسان,ميسان
وكتير في اسماء حلوة

ذكرى حلوة حابة تحكيلها؟؟

بأيام الطفولة كنت كتير احب الحلويات والشكولاته ممم وكنت دايما اعمل مشاكل عشانهم والي ذكريات كتيرحلوة معاهم

اشي خطر ببالك هلكيت عن المنتدى احكيه

خطير كتير ما في بس بتمنى ارجعلو بنشاط كبير بعد التوجيهي

مرتاحة عالكرسي وشو شعورك لحد الان؟؟
,,الحمد لله الامن مستتب

لي عودة انشالله

اهلا وسهلا البيت بيتك

super nanny

20-11-2008, 06:40 AM

السلام عليكم

انشالله تكوني مرتاحه خيتي سوبر ناني بالاسئله

الحمد لله

وحابه اسئلك كمان اكم من سؤال
اذكري لنا عضو يمتلك صفه من هذه الصفات

طموح:حمدانية

متميز: محمد نخال

خفيف دم: بنوتة البلد

قلبه طيب:البرنسيسا

تحبِ ان يتواجد بشكل دائم: العيساوي

تعجبك مواضيعه:الوردة البيضاء,نتالي,بنت الاسلام ,ووو

تتابعي مواضيعه وردوده: ما في احد معين

عضو تتمني ان تتعرفي عليه اكثر:كتير اعضاء

اعطينا صفه وحده لكل من:-

في بعض الاسماء ذكرت
يارا:طيبة القلب

ندين:مميزة

ذات النطاقين:مثقفة

البرنسيسا: صديقة وفية

بكفي لهون والي رجعه اكيد ^_^

شكرا كتير الك واهلا وسهلا فيكِ اول ذا تايم:--)

super nanny

20-11-2008, 05:38 PM

بالبداية بشكر كارين على استضافة المشرفة المتميزة super nanny

واتمنى لكِ قضااء وقت ممتع على كرسي الاعتراااف
تسميلي يارب :--)

اسمحي لي اسألك كم سؤال
وارجو ان تكون أسئلتي خفيفة عليكِ

1 )ماذا أعطتك الحياة وماذا أخذت منك..؟؟
حتى استطيع ان اخذ من الحياة عليَّ ان اعطيها كل وقتي فإن اعطيتها جزء منه فلن احصل على نتيجة ترضيني فلذلك لا أعطيها لانها فانية بل اخذ منها لدار البقاء ,,,

2 ) من هو قدوتك بالحياة ؟؟؟

القدوة الوحيدة في كل مجالات الحياة (النبي محمد صلى الله عليه وسلم )

3 ) حلم تتمني انه يتحقق من زماان وماقدرتِ تحققية ؟؟
ان أحفظ القران الكريم ولي أمل بتحقيقه,,

4 ) ما هو الموقف الذي تتمنى ان يتكرر مرة اخرى معك؟
مواقف النجاح وجناية الاثمار لحصاد السنين الماضية,,,

5 ) ما الموقف الذي تتمنى لو انه لم يحدث؟
موقف حصل بيني وبين صديقتي قديما,,

واخيرا أتمنى لكِ كل التوفيق في حياتك

اشكرك عزيزتي الوردة البيضاء أسعدني وجودكِ هنا وأمتعتني أسئلتكِ,,

امبراطور الاحزان

20-11-2008, 06:09 PM

السلام عليكم ورحمة الله وبركاته شكرا لك اختي على هذا الموضوع الشيق وبتمنى ان تكونوا بالصحة والعافية

super nanny

20-11-2008, 06:29 PM

يا هلا والله بسوبر ناني .. كيف مرتاحة بالقعدة عالكرسي ههههه؟

هلا فيكِ نورتينا

يلا نبدا بالاسئلة

بسم الله

1_شو هي امنية حياتك؟

ان انشئ جيل قيادي امين

2_ بتحبي المكياج؟

احيانا وبدون مبالغة

3_ ايش اكتر اشي بتكرهيه ؟

ان اشعر بتأنيب الضمير

4_ شو هي البلد اللي نفسك تزوريها؟

مكة المكرمة ,ماليزيا,تشيكوسلوفاكيا,,’’’

5_ موقف مهم صار بحياتك؟

مرحلة انتقالي من مرحلة الاعدادية للثانوية

6_ شو حابة تشتغلي لما تخلصي دراستك ان شاء الله ؟

مرشدة اجتماعية و مربية اطفال

وهادا هو.... بتمنالك قعدة حلوة ههههه

تسلميلي يارب مع امنياتي لكِ بالتوفيق

سررت لوجودكِ,,

محمد نخال

20-11-2008, 11:08 PM

super nanny

21-11-2008, 10:39 AM

السلام عليكم ورحمة الله وبركاته

اولاً ارحب بعودة النشاط لقسم "كرسي الإعتراف"
وأحيي الأخت "كارين" على استعدادها لتحمل مسؤوليته
كما أشكرها على اختيارها الموفق للضيفة الأخت

super nanny
استطاعت من خلال تلك الأسطر العدة ان تعكس صورة لشخصية قيادية واعية ومثقفة ، تعرف كيف تنظم وقتها وتستغله الإستغلال الأمثل ، ولتفكيرها تطلعٌ لمستقبلٍ يُبشَّرُ بجيلٍ قيادي أمين ، وبناءً على ذلك لي بعض التساؤلات :-

*ما النصيحة التي تقدمينها للفتيات من هم بمثل سنك ؟

اصنعي الفرص ,ولكل شئ اوان والسبب الوحيد الذي اراه يسبب لهن المشاكل في هذه المرحلة هو استباقهن للاحداث,,

*برأيك ، كيف تتكون الشخصية القيادية ؟ وهل للبيئة المحيطة أثرٌ في تكوينها ؟

الشخصية القيادية تعتمد بالاساس الى عاملين وهما : الاستعداد الوراثي و ثأثير البيئة
اذا كان للانسان استعداد وراثي وبيئة مشجعة تنمي جانب الشخصية فتظهر هذه الشخصية ويكون لها دروها الفعال
واذا لم تقم البيئة وهم العائلة والمحيطين بالفرد بدور التشجيع فتقل فرص وجود شخصية قيادية واذا كانت البيئة تدعم الفرد دون وجود استعداد وراثي فذلك يؤدي الي ظهور شخصيات قيادية سلبية,,
نستتنج ان كلا هذان العاملان يؤثران بشكل كبير وبنفس النسبة ,,,الىى ظهور شخصية قيادية,,

*للمستقبل نصيبٌ من تفكيرك .. هل تبشرين بمستقبل مغاير لواقعنا ، وكيف يكون ذلك ؟

لابد من وجود امل بالتغير حتى لو كان ضئيلاًُ , برأي اننا نستطيع تغير المستقبل بزرع البذور السليمة في مكانها الصحيح اليوم لنجني ثمرتها في المستقبل ونحصل على النتيجة التي زرعناها,,فنحن جنينا هذا الحاضر المر لان من سبقونا زرعوا بلا تخطيطٍ سليم,,

*ما سبب اختيارك لتخصصك"مرشدة اجتماعية و مربية اطفال" ، وهل لهذا التخصص نصيبٌ من تطلعك المستقبلي؟

لشخصيتي الاثر الكبير في اختياري هذه التخصصات فهي تمثل جانباً لابأس به من طبيعتي ,,
وبالتأكيد لها النصيب الاكبر من تطلعاتي المستقبلية,,

في سياقٍ آخر بما يتعلق بأجوبتك

*الاحظ ان إجاباتك جديّة ، تكاد تفتقر الى روح الدعابة ..
فهل لروح الدعابة نصيبٌ من شخصيتك ؟ :4_12_12[1]:

انا فعلا استغرب من هذا فشخصيتي الطبيعية تختلف اختلافا جذرياُ من هذه الناحية ربما لاستخدامي الفصحى,,

*تشيكوسلوفاكيا ، إسمٌ مميز ، فضولٌ يستتر خلفه ...
ما هو الدافع الذي دفعك لإختيار هذا البلد لزيارته ؟

بصراحة اني سمعت اسم هذه الدولة في اغنية للاطفال عن بلاد العالم فأعجبني اسمها وبحثت عنها في الانترنت فوجدتها
شُكلت كاتحاد بين جمهورية التشيك (http://ar.wikipedia.org/wiki/%D8%A7%D9%84%D8%AA%D8%B4%D9%8A%D9%83) وجمهورية سلوفاكيا (http://ar.wikipedia.org/wiki/%D8%B3%D9%84%D9%88%D9%81%D8%A7%D9%83%D9%8A%D8%A7) من هنا يأتي اسمها.وهي ذات طبيعة ساحرة وتاريخ انساني مشوق,,

*ثمرة من هذا الحصاد ؟ اذكريها
سؤال صعب :--)

*السياسة ، كلمة عابرة في حياتك ، ام محطة تقفين عندها في بعض الأحيان؟

بصراحة لا اهتم بها كثيرا لانها ولهذا اليوم لم تنفع بشئ ولا تقم بدورها المطلوب,,,

*غزة + رام الله = فلسطين
ما رايك بهذه المعادلة ، وما حلّها ؟

لم اعرف الاجابة,,,:4_12_12[1]:

*السلامٌ الإسرائيلي الفلسطيني ، أهوَ ضربٌ من العبث ، ام جديّة من الطرفين؟ . وما رأيك بهذا النوع من السلام

برأي هو ضربٌ من العبث ولا سلام بعد هذه الحرب

وللمنتدى نصيبٌ من السؤال
*كيف تعرفتي عليه ؟

من خلال المخيم الصيفي الذي كان من اجمل التجارب التي خضتها

*هل أثَّر ولو بالشيْء البسيط فيكِ او في حياتك؟ وماذا يعني لك

طبعا اثر وبشكل كبير جداٌ وساعدني كثيرا من ناحية اجتماعية ولغويةويعني لي الكثيرلاني لم ولن استطع ان اتركه كما كان الحال بالنسبة لمنتديات اخرى,,

*منتدى العيساوية ، عنصري ، منحاز ، وجوده او عدمه سواء ،... ما ردك على هذا الكلام؟

اناقض هذا الكلام وبشكل قاطع لاني لم ارى اي شئ يدل على هذا,,

نهايةً ، اعذريني اختي الكريمة على الإطالة
أتمنى لكِ التوفيق

الاخ محمد نخال أبشرك بمستقبل أدبي وصحفي مذهل فقد صغتَ الاسئلة بطريقة رائعة شكرا لكَ لحضورك وسدد الله خطاك:--)

ДŁ-мoĐąмЄR

21-11-2008, 09:10 PM

السلام عليكم ورحمة الله وبركاته

شو اخر الاخبار خيتي سوبر ناني؟

كارين مغلبتك ولا لسا؟؟

مين حابة يسألك؟؟

سؤال حابة شخص معين من المنتدى يسألك اياه شو السؤال؟ومين الشخص؟؟

اشي بتحبي توكليه برحلة؟؟

بحكو انو العولمة تحويل العالم لسوق تجاري..مزبوط؟وشو تفسيرك لهالعبارة؟؟

العولمة والبدلوماسية شو علاقتهم ببعض ومن وين اجت تسميتهم حسب معرفتك؟؟

بكفي

،،

العيساوي

22-11-2008, 01:01 AM

السلام عليكم ورحمة الله وبركاته

اهلا وسهلا بالنشيطه super nanny (http://www.esawiah.com/vb/member.php?u=2318)

قبل ما اطرح الاسئلة بحب اقول
شكرا
على كلماتك الجميلة

العيساوي: قائد متعاون ,حازم, حكيم.تحبِ ان يتواجد بشكل دائم: العيساويوان شاء الله نظل عندحسن ظن الجميع واستطيع التواجد باكبر وقت ممكن

الشئ الثاني شكلك راح تزوري تشيكوسلوفاكيا
كدولتين منفردتين
لانهم استقلوا الواحده عن الاخرى
وصار في دوله التشيك
وسلوفاكيا
كل وحده لحال

بالنسبة للاسئله:

بما انك بنت بلدنا --- شو رأيك بالعيساوية بعد اكم من سنه؟

سوبر ناني --- هل سيكون لها دور في مستقبل البلد واهلها ؟ ام انها بعد ان تنهي دراستها ستتفرغ لعائلتها؟

سوبر ناني--- هل تؤمنين بتحقق الاحلام ؟ ام ان الواقع اقوى من كل الاحلام؟

لما تكون سوبر ناني زعلانه شو بتعمل؟

انسان لا تحبين طلته ؟ من هو؟

شخص يسعدك ان يكتب ... من هو ؟

موضوع لا تنسيه في المنتدى؟

نظرة الاهل لنشاطك في المنتدى؟

رأيك بالمنتدى ماضي - حاضر -ومستقبل؟

حلم تريدين ان تريدينه يتحقق ؟

هل حصل وزعلتي من العيساوي او ضايقك قراره؟ اذا كان نعم ؟ متى وما هو؟

نصيحه لادارة المنتدى؟

شو طابخين اليوم ؟؟؟ :5c745924: :(

وشكرا على تعاونك خيتي

super nanny

22-11-2008, 06:28 AM

السلام عليكم ورحمة الله وبركاته

وعليكم السلام والرحمة والاكرام

شو اخر الاخبار خيتي سوبر ناني؟

والله كلو تمام الامن مستتب الى الان

كارين مغلبتك ولا لسا؟؟

لا والله متل الفلة الله يخليلي اياها,,

مين حابة يسألك؟؟

ليل الهجر

سؤال حابة شخص معين من المنتدى يسألك اياه شو السؤال؟ومين الشخص؟؟

مش عارفة والله اول ما يخطر ببالي راح اقول,,

اشي بتحبي توكليه برحلة؟؟

الذرة والبرنجلز,,:--)

بحكو انو العولمة تحويل العالم لسوق تجاري..مزبوط؟وشو تفسيرك لهالعبارة؟؟
العولمة والبدلوماسية شو علاقتهم ببعض ومن وين اجت تسميتهم حسب معرفتك؟؟

نسيت اقول يا جماعة الخير محسوبتكم ما بتعرف شي بالسياسة يادوب بعرف موقع بيتنا السياسي والجغرافي,,

دمتَ في امان الله

super nanny

22-11-2008, 06:57 AM

السلام عليكم ورحمة الله وبركاته

وعليكم السلام ورحمة الله وبركاته

اهلا وسهلا بالنشيطه super nanny (http://www.esawiah.com/vb/member.php?u=2318)

قبل ما اطرح الاسئلة بحب اقول
شكرا
على كلماتك الجميلة

وان شاء الله نظل عندحسن ظن الجميع واستطيع التواجد باكبر وقت ممكن

الشئ الثاني شكلك راح تزوري تشيكوسلوفاكيا
كدولتين منفردتين
لانهم استقلوا الواحده عن الاخرى
وصار في دوله التشيك
وسلوفاكيا
كل وحده لحال

الهيئة راح اطلع مشوارين

بالنسبة للاسئله:

بما انك بنت بلدنا --- شو رأيك بالعيساوية بعد اكم من سنه؟

ارى هذه القرية في المستقبل من ناحية جغرافية عبارة عن مخيم مكتظ لاغير اما من ناحية ثقافية ورياضية فاتمنى مستقبل زاهر فهي تستحق كل خير,,

سوبر ناني --- هل سيكون لها دور في مستقبل البلد واهلها ؟ ام انها بعد ان تنهي دراستها ستتفرغ لعائلتها؟

ان شا الله آمل ان امارس دوري الذي اتطلع اليه بالنسبة للبلد والعائلة ايضا,,

سوبر ناني--- هل تؤمنين بتحقق الاحلام ؟ ام ان الواقع اقوى من كل الاحلام؟

أومن بتحقق الاحلام لان من سبقونا امنوا بهذه التكنلوجيا الكبيرة التي نحن نستخدمها وكانت بالنسبة لوقتهم مجرد خيالات واحلام,,الواقع يمكن ان يؤثر في احلامنا اذا سمحنا له بذلك,,

لما تكون سوبر ناني زعلانه شو بتعمل؟

ما بتحكي مع حد

انسان لا تحبين طلته ؟ من هو؟

ما في حد معين

شخص يسعدك ان يكتب ... من هو ؟

البرنسيسا , دعاء الكروان,,,

موضوع لا تنسيه في المنتدى؟

دردشة المخيم الصيفي وكتير مواضيع حلوة ومفيدة ما بنساهم,,

نظرة الاهل لنشاطك في المنتدى؟

نظرة ايجابية ويشجعوني على النشاط فيه ,بعد ان انجز مهماتي الدراسية,,,

رأيك بالمنتدى ماضي - حاضر -ومستقبل؟

بالماضي هوذكرى وفي الحاضرهو فكره وفي المستقبل هو أملنا

حلم تريدين ان تريدينه يتحقق ؟

ان انشئ جيل قيادي وامين

هل حصل وزعلتي من العيساوي او ضايقك قراره؟ اذا كان نعم ؟ متى وما هو؟

لا ما حصل في الاغلب اوافقه في الرأي

نصيحه لادارة المنتدى؟

"اعملوا فسيرى الله عملكم "
شو طابخين اليوم ؟؟؟ :5c745924: :(
مقلوبة تفضلوا

وشكرا على تعاونك خيتي

العفو اهلا وسهلا شرفتنا

عقاب

22-11-2008, 09:20 AM

السلام عليكم ورحمة الله وبركاته

الأخت سوبر ناني لن أطيل عليك

كيف أنت والدراسة والتوجيهي ان شاء الله تمام

بعد الانتهاء من التوجيهي والنجاح على خير ماذا ستدرسي في الجامعة

شو رأيك باليل الهجر وأبو وديع بشكل عام

شو رأيك بقسم قضيتنا وبماذا تنصحينا وهل هو من الأقسام النشيطة في رأيك

وهل المواضيع التي تطرح في القسم تنال اعجابك

وأخيراً أتمنى لك المزيد من التقدم والنجاح في جميع المجالات

وتحياتي لك ودمت بخير وود الجميع يا سوبر ناني وشكرأ .

just fofo

22-11-2008, 12:47 PM

مرحبا ناني ورجعنالك:--)

1_ سؤال كنتي حابه يتوجهلك وما حد سألو؟

2_ شو شعورك لما ألغوا العرض يوم الجمعه ههههه ؟ :36_1_19:

3_ كيف هل اسئله معك واكتر سؤال توجهلك لقيتي في صعوبه شو هو ؟

4_ شو رايك بالصداقه ؟

5_ شو رايك بالشات ؟

6_ اكتر موقف وجهتي لقيتي في صعوبه ؟

بكفي هل قد مع السلامه حبيبتي

super nanny

23-11-2008, 08:10 PM

السلام عليكم ورحمة الله وبركاته

وعليكم السلام

الأخت سوبر ناني لن أطيل عليك

كيف أنت والدراسة والتوجيهي ان شاء الله تمام

الحمد لله من جد وجد

بعد الانتهاء من التوجيهي والنجاح على خير ماذا ستدرسي في الجامعة

علم نفس وخدمة اجتماعية

شو رأيك باليل الهجر وأبو وديع بشكل عام

ليل الهجر انسانة واعية ومثقفة

ابووديع متأنٍ وعقلاني

شو رأيك بقسم قضيتنا وبماذا تنصحينا وهل هو من الأقسام النشيطة في رأيك
قسم قضيتنا من اهم الاقسام وجوداًَ لانه يحمل بًعد رمزي لنا كوننا ابناء هذه القضية لا يمكننا الاستغناء عنه ,,, وربما هو بحاجة الى نشاط اكبر ,,

وهل المواضيع التي تطرح في القسم تنال اعجابك

أحيانا تنال اعجابي

وأخيراً أتمنى لك المزيد من التقدم والنجاح في جميع المجالات

وتحياتي لك ودمت بخير وود الجميع يا سوبر ناني وشكرأ .

الشكر لكَ اخي الكريم على حضورك وأسئلتك ,,

super nanny

23-11-2008, 08:34 PM

مرحبا ناني ورجعنالك:--)

يا ميت اهلا وسهلا فيكِ

1_ سؤال كنتي حابه يتوجهلك وما حد سألو؟

مافي سؤال معين

2_ شو شعورك لما ألغوا العرض يوم الجمعه ؟

كان متوقع..

3_ كيف هل اسئله معك واكتر سؤال توجهلك لقيتي في صعوبه شو هو ؟

*غزة + رام الله = فلسطين
ما رايك بهذه المعادلة ، وما حلّها ؟

4_ شو رايك بالصداقه ؟

صعب ان نجدها ومستحيل ان ننساها , وأغلى صديقة على قلبي اختي البرنسيسا بوجهلها احلى تحية:--)

5_ شو رايك بالشات ؟

بإختصار حكي فاضي

6_ اكتر موقف وجهتي لقيتي في صعوبه ؟

ان يتعارض كلا من علاقتي مع صديقاتي وقيمي ومبادئي,,

بكفي هل قد مع السلامه حبيبتي

:--) احلى فوفو والله :--)

kArEeN

24-11-2008, 05:13 PM

مرحبا

اختي سوبر ناني بما انو اليوم اخر يوم بالاستضافه
حابه اسئلك اكم من سؤال

كيف كانت الاستضافه ؟؟
سؤال حبتي اكتر اشي؟؟
سؤال ازعجك؟؟
كيف كانت الاسئله بشكل عام؟؟
كلمه بتحبي توجيهها لأعضاء المنتدى؟؟

ويعطيكي العافيه

super nanny

27-11-2008, 06:34 AM

مرحبا

اختي سوبر ناني بما انو اليوم اخر يوم بالاستضافه
حابه اسئلك اكم من سؤال

تفضلي:--)

كيف كانت الاستضافه ؟؟

الحمد لله كانت حلوة

سؤال حبتي اكتر اشي؟؟

شو طابخين اليوم ؟؟؟

وفي كتير اسئلة ,,

سؤال ازعجك؟؟

ما في سؤال ازعجني

كيف كانت الاسئله بشكل عام؟؟

كانت حلوة ,مشوقة وفيها حيرة

كلمه بتحبي توجيهها لأعضاء المنتدى؟؟

"ابقوا كما عهدتكم"

ويعطيكي العافيه

الله يعافيكِ يارب وشكرا كتير على الاستضافة والمتابعة ..

اتمنى لكِ التوفيق

kArEeN

28-11-2008, 04:19 PM

اختي سوبر ناني
اشكرك على اجاباتك الصريحه والرائعه
كان اسبوع ممتع برفقتك
كما احب ان اشكر جميع من شارك في هذه الاستضافه

انتظرونا من جديد وضيف جديد

تحياتي

كارين