بـتـتـمـسـكـن حـتـى تـتـمـكـن !!

[ثائر ابو لبدة]

بثت اذاعات الراديو المحلية واذاعات التلفزة المحلية هذا البيان :

إضراب مشرفي منتديات العيساوية عن الطعام وذلك ابتداءا ً من يوم غد الجمعة 12- 9 - 2008 ..

ويأتي هذا الإضراب احتجاجا ً على تولي العضوة ليل الهجر منصب إدارة المنتدى ..

وسيكون الإضراب من آذان الفجر وحتى آذان المغرب هه وسيستمر الإضراب أسبوعين إبتداءا ً

من يوم غد الجمعة ..



إضراب عن الطعام في رمضان !!! ههه ( مشوها ) !!



نقلا ً عن قناة الجزيرة !! ( الشغلة وصلت الجزيرة فضحتنا ليل الهجر )

بدأ المشرفين في منتديات العيساوية إضرابا ً عن الطعام يبدأ وآذان الفجر وينتهي وآذان المغرب

احتجاجا ً على تعيين ليل الهجر مديرة للمنتدى ويستمر الإضراب لمدة أسبوعين كاملين !!


وهذه صورة بثتها قناة الجزيرة للعضوة ليل الهجر وهي منهمكة في ممارسة عملها !!


http://www.s7r.net/up/uploads/b8661a1e9f.jpg


بتنفع الصورة غلاف لمجلة " جمالك سيدتي " !!

انتوا لاحظوا فستان ليل الهجر وذوقها الرفيع في انتقاء الملابس !!



وقد نُشر في منتدى العيساوية هذا التقرير بقلم الكاتب الواعد : ابو وديع ..

وهو قائد الحملة ضد ليل الهجر والمحرض على الإضراب ..

عنوان التقرير : بـتـتـمـسـكـن حـتـى تـتـمـكـن !!


أكيد عرفتوا من العنوان عن مين بدي احكي .. عرفتوا .. ما عرفتوا ؟!

اه هي مزبوط ليل الهجر .. ما في غيرها ( ياما تحت السواهي دواهي ) !!

من بعد استلام ليل الهجر ادارة منتديات العيساوية جميعكم لاحظ انه ليل الهجر مش شايفة حدا ..

( عندها ضعف نظر ) !!

و " يا أرض اشتدي ما في حد قدي " ( اشي مش غريب عنها ) !!

حتى انه في اليوم التالي لتعيينها كمديرة لمنتديات العيساوية تم توسيع باب المنتدى لانه ليل

الهجر كبر راسها كثير !!

المشرفين في المنتدى غير راضيين عن تعيين ليل الهجر كمديرة فتم الإتفاق بينهم بقيادة العضو

المخلص أبو وديع على إضراب عن الطعام احتجاجا ً على تعيينها مديرة للمنتدى وهي لا تصلح

الا ان تكون في مكانها المناسب كطباخة !! ( خبرة بالطبيخ مالنا ومال الحكي ) !!


والكل عارف انه ليل الهجر ما تعينت كمديرة للمنتدى لانها تستحق ذلك .. ( لو قلنا مشرفة المواضيع

المكررة اه بتستحق مش غلط ) !!

او لانه عندها الكفاءة في ادارة المنتدى .. ( عندها كفاءة بالطبخ والقيل والقال ببصم بالعشرة ) !!

ولكن ليل الهجر قامت بمهاجمة العضو أبو وديع بحجة انها بدها تاخذ تار العيساوي منه بسبب

كتابته لموضوع : العيساوي مفطر في رمضان !! .. ( مـصـلـحـجـيـة ) !!

وبهذه الطريقة ضغطت ليل الهجر على العيساوي لتعيينها كمديرة للمنتدى ..

ومن كثر ما ألحت عليه ( الها سنتين بتطلب الإدارة وهو مطنشها ) شفق عليها وعينها كمديرة

للمنتدى .. ( قلبه كبير العيساوي شفق عليها ما بعرف انها مخبية بتيابها ) !!


ليل الهجر محسوبتكم صدقت حالها .. ( سوت من البحر طحينة ) !!

وما صدقت وهي تستلم الإدارة وبلشت تخبص وتقيم من هون وتحط هون وتطرد هدا وتعين هدا

وتوقف هدا .. ( بتفكر الشغلة مثل الطبيخ ) !!

وصارت ليل الهجر تلبس اواعي جديدة وفساتين جديدة .. ( بعلمي ما كانت تغير اواعيها من السنة

للسنة ) ..

بتذكر اول ما سجلت بالمنتدى اجت باواعي ما غيرتهم الا لما تعينت مديرة للمنتدى ..

وكله على حساب المنتدى .. ( صحيح انا ما قلتلكم انه ليل الهجر اختلست من المنتدى وفتحت

خزنة العيساوي وما خلت لا أخضر ولا يابس ) !!

واليوم الصبح جاي بسيارة ومروحة بسيارة ( هه بعيني كنت اشوفها بطق عالكرت ) !!


يا عمي احنا ليش برضه نظلم البنت ؟!!

لازم نقول الحق والواحد يحكي اللي اله واللي عليه ..

البنت طباخة ما في كلام .. وعندها موهبة بالطبخ وجلي الطناجر !! (موهبة فريدة ) !!

( يعني ممكن تكمل ماجستير طناجر ) !!

وعندها برضه مواهب ثانية مثل الشبك , والتبهير , والخرط , والمصلحة !!!

يعني ما شاء الله .. غلطانين اذا بتنادوها ليل الهجر !!

انا سميتها من اليوم مـواهـب ..


ههه و كل عام ومواهب المنتدى بخير !!!

[صمت الناي]

ههههههههههههه

والله رمضان السنة معكم صبابا يا جماعة

عنجد ملابسها قمة من الروعة

نعم نشد مع الاخ ابو وديع ونقوم بالاضراب

له له يا ليل حزنتيني


:)

[ام زيد]

ابو وديييييع ..الكاتب الواعد ..يعطيك العافية ..فاضي اشغال يا بنيي انت ؟؟

ليش متسلط على ليل الهجر مع انها بنوتة ما في منها ..

والله شكلك انت العضو اللي ماسكة بزمارة رقبته ..

بلا تتيجي ليل الهجر ..وبنشوف شو قولها

[همسة الاحساس]

الله يعينك يا ليل الهجر ههههههههه
مني ومنك بوقفله عضويته لحتى يعرف انك مديرة وقدها وقدود ههه 36_1_15[1]
بس ما علينا الله يثبت العقول :)
وبانتظار نهفات بياع القطايف و مواهب :o

[قصر المحبة]

ههههههههههههههه


شو وينك يا مواهب

نحنا لازن ننتظر تواجدك عشان نحكم مع مين نصف

بس للوقت الحالي

انا معك أبو وديع

ناس بتركب سيارات وناس مو لاقيه تاكل
هههههههههههههه


يسلمو أبو وديع ع نهفاتك وبسعه خلص الاضراب لانه بلاش يتأزم الوضع

هههههههههه

تحياتي

[ابو الموت]

هههههههههههههههه
يا عمي
المدير بيطلعلو يعمل شو ما بدو
ما حدا دخلو فيــه :p
يلاا مبروك الادارة ليل الهجر

تقبلو مروري :)

[ثائر ابو لبدة]

يبدو أن ليل الهجر : إما أن تكون غير قادرة على الرد ( إنـسـحـاب ) ..

رفعت الرايات البيضاء !! هه ..

أو أنها لا تريد أن ترد على الموضوع لأنها كمديرة ترى أنه للتسالي فقط !! هه ..

أو أنها تحضر لشئ ما ( معقولة !! ) ..



اشكركم جميعا ً على المرور هنا ..

وان شاء الله اتكونوا استمتعتوا ..

اوعدكم بالمزيد ان شاء الله ..

أفكار بسيطة نجعل منها وسيلة للتسلية في رمضان ..

أحسن من القيل والقال والكلام على العالم ..

رمضان كريم .. انتظرونا في مواضيع جديدة ..

تحياتي الكم والله يوفق الجميع .