الحق ابو وديـع ببيع قطايف !!

[ليل الهجر]

السلام عليكم ورحمة الله وبركاته

اليوم حبيت انقللكم موقف صار مع ليل الهجر وابو وديع بأحد ايام الشهر الفضيل ...

طبعا الكل بيعرف انو بهالشهر كانت ليل الهجر (اللي ما بتعرف تقلي بيضه) طباخة المنتدى ...
وتماشيا مع الصفه الجديده كانت ليل الهجر رايحه ع السوق منشان تشتري الاشياء اللي ح تستعملهم بالطبخه بهداك اليوم...
وهيه ماشيه اتفاجأت لما شافت ...........احزرو ميييييييييييين؟؟؟؟؟



معكم حق ابو وديع ..

ابو وديع: قطايف...قطايف...قرب وجرب...قطايف...من الفرن....قطايف قرب وجرب (والله حلوه قرب وجرب يا محلاهم وهمه مجربين...منيح انو ببيعهم قبل الفطره ولا كان ما حدا اشترا)

ليلل الهجر: ابو وديع؟؟!!! السلام عليكم...هيَك هون

ابو وديع :(مصدوم...يا الله شو جابها هاي هلأ ؟؟) يي اهلين ليل الهجر وعليكم السلام

ليل الهجر : شو شايفتك عم بتبيع قطايف...يللا منيح بهالشهر ولا القعده بالبيت (واخيرا لقي شغل ينضب فيه)

ابو وديع : اه اه طبعا الواحد بتسلى (اطلع هاي هلأ بتنقلي فيها)

ليل الهجر : اه طبعا مش غلط الواحد بقضي وقت (ابصر اديش بطلع باليوم)

ابو وديع : شو ع وين رايحه؟؟(روحه بلا رجعه)

ليل الهجر : والله رايحه اشتري خضره منشان طبخة اليوم...شو نسيت انو العزيمه عندي اليوم؟(قال ينسى قال تلاقيه من امبارح ما افطر بيستنى يفطر عندي مهوه اللي ببلاش كتر منو )

ابو وديع : اه اه صحيح اتزكرت ...منيح انك قلتيلي كنت ناسي (قال ناسي قال..انا اللي متزكر)

ليل الهجر : بس يللا منيح اني شفتك هيك بتوفر علي القطايف

ابو وديع : شو؟؟؟ اه اه طبعا ( شو بتحكي هاي ليكون مفكره اعطيها اياهم ببلاش)

ليل الهجر : يعني انا قلت انا بعمل الفطور وانت لما تيجي بتجيب القطايف معك (ايوه هيك بكفيك بخل ..الا اطلع القطايف من عيونك)

ابو وديع : انا؟ قطايف؟ اه طبعا.... ببس هو انتي عارفه يا ليل الهجر يعني انا ما بدي اغشك قطايف اليوم بايته مش حابب اغشك فيهم وتروحي تقولي ابو وديع ...(حللي عني بلا قطايف بلا هم ...بدي استرزق)

ليل الهجر : لا مش مشكله ابو وديع ..اللي منك خير وبركه اطمن مش ح احكي عليك ( هه مفكر انو ح يهرب منها ...بس على مين)

ابو وديع : اه ..اه ... لحظه شكلو صاحبي بناي علي ...
محمد ...محمد...شو يا محمد مش شايفني ؟ ما بدك تسلم علي؟شو وينك وين ايامك؟؟

الشب : اسف شكلك مخربط ..انا مش محمد

ابو وديع : ييي اسف اسف بالله ما تواخزني (يعني ضروري تكون مش محمد ..زاي مشيها يا زلمه )

ليل الهجر : شو؟ شو صار معك ابو وديع.؟؟؟

ابو وديع : لا ولا شي ...صاحبي بسلم عليكي.(هلأ وقتك ؟؟؟خلص حلي عني)

ليل الهجر : نعم؟ بسلم علي انا؟؟؟؟

ابو وديع : لا لا بمزح معك هههه

ليل الهجر : اه ...فكرت ....طيب ع العموم يعني استناك الليله؟بالقطايف هه مش تنساهم...(طبعا بدو ينساهم هوه هادا بطلع من تحت ايدو شي ببلاش؟)

ابو وديع : اه اه ان شاء الله ما بنساهم مع انو هاليومين معي زهايمر ... بس بحاول كل جهدي اني انساهم... قصدي اني ما انساهم..

ليل الهجر : بكل الاحوال ما بدنا كتير بكفي 3

ابو وديع ::--) 3 حبات؟؟؟:--)

ليل الهجر : شو يا ابو وديع شكلو الصيام مأثر عليك 3 كيلو ....(قال 3 حبات قال ..منشان ياكلهم هوه ونقعد نتفرج عليه)

ابو وديع : صدقتي؟ بمزح هههههه (ومالهم ال3 حبات؟ هلأ بدكم تشبعوا قطايف ع حسابي؟؟؟)

ليل الهجر : طيب ان شاء الله بنشوفك بعد الفطور ... يللا مع السلامه

ابو وديع :مع القل....السلامه السلامه (شو هالنهار الزفت..كان لازم اطلع اشتغل اليوم؟)



موعد الافطار ....

ليل الهجر : اتفضلوا يا جماعه ....امانه البيت بيتكم ...ما بدي اعزم على حدا كل واحد بيتصرف وكأنوا ببيتو (( وينو هادا ابو وديع لهلأ ما شرف ... طبعا الشغله فيها قطايف)

ابو وديع : انا جيت ... بس ما تكوني بلشتو الاكل بدوني (بكفي جايبلكم قطايف معي )

ليل الهجر : ابو وديع هادا افطار ما في حد بستنى .زالله يسامحك لشو كل هالتأخير (شكلها القطايف بالكيس اللي حاملو)

ابو وديع :اه اتأخرت وانا بعمللكم القطايف على ايدي ...(ريتو ما ينفعكم ممش لو بعتهم احسن؟؟؟)

ليل الهجر: يسلمو هالديات ليش مغلب حالك (منيح انو ما اتناساهم بحجة الزهايمر خلينا نطلع منو بشغله )

ابو وديع : اتركونا من الحكي بدنا ناكل هلأ ( ح يخلصو الأكل والاخت قاعده بتلقيلي مواعظها)

ليل الهجر : اه اه وسعو لابو وديع يا جماعه (يا دوب بدو يلحق يخلص ع الاكلات)

ابو وديع : (بعد ساعه ونص اكل ).... يسلمو ايديكي ليل الهجر ... بتعرفي هوه اكلك زاكي بس انا ما كترت اكل منشان القطايف

ليل الهجر : اه منيح هلأ بعملهم (قال ما كتر قال ...شو ضل ع الطاوله ؟منيح انو تركلي الصحون ..)

ابو وديع : شو يا عمي ؟ وين القطايف؟ لسه ما جهزت؟( ح انام وانا لسه مش ماكل القطايف)

ليل الهجر : لا لا هيني رايحه اعملهم..(هلأ صار بدو قطايف ...ما شاف كيف صار لون وجهو ازرق لما قلتلو جيب القطايف معك)

ابو وديع : اما شو يا جماعه جبتلكم قطايف الا تدعولي عليهم (يا محلاهم وهمه مش داعيينلي ...شاطرين ياكلو )

ليل الهجر : القطايف جهزت ... اتفضلوا ...صحه وهنا

المشرفين : يسلمو ايديكي ليل الهجر والله زاكيات ... غلبناكي احنا اليوم فطور وحلو ان شا الله عمار

ليل الهجر: ولو صحتين

ابو وديع : اه صحتيييييييييييييييين (انا اللي جبت القطااااااااااااااااااااااااااااااااايف مش هييييييييييييييييييييييييي)

المشرفين: احنا بنستأزن يا دوب نلحق التراويح

ليل الهجر : الله معكم

ابو وديع : انا مش رايح معهم ( لسه ما خلصت القطايف)

المشرفين : ولو يا ابو وديع انت اولنا يللا قدامنا ... يللا مع السلامه

ليل الهجر :مع السلامه

ابو وديع : مع السلااااااااااااااامه (القطااااااااااااااااااااااااااااااايف)

[عماد بوجه]

ههههههههههههههههههههههههههههههههههههههههه
والله يعمي صحتين عزايم وقطايف مش ريحه إلا علينا!!!!!!!!!!!!!!!!
والله يأخت ليل الهجر دراما ولا أحلا بجد أنت مبدعه كل إحترام
ويا أبو وديع تنسناش من القطايف ...........بحقها طبعاً:4_12_12[1]:
وبنستنى نكشات جداد على باقي المشرفين

[جوهرة القدس]

http://sms555.jeeran.com/z6.gif

http://www.althkra.net/pic/ep/Z6.gif

[عقاب]

السلام عليكم ورحمة الله وبركاته

الله يعطيك العافية يا ليل الهجر على نقل الخبر الحلو

بس يا ريت ذكرتي لنا وين بالضبط ابو وديع ببيع قطايف علشان نشتري منه

وجد مشكورة جدا على الخيال الواسع والكبير جدا ونحن في انتظار المزيد من ابداعك الجميل

وبس ياريت المرة الجاية تحسبوا حسابنا في القطايف وغيرها يا جماعة.

[ليل الهجر]

ههههههههه
والله بجد بعتذر لانو ما ضللكم قطايف...بس شو بدنا نعمل الله يسامحو ابو وديع قضى عليهم هههه
وعلفكره خلص بدلكم ع المحل اللي ببيع فيه القطايف ... خليكم تاخدوه منو ببلاش ... من هون لاخر الشهر بكون راح فيها مسكين

يللا شوفو ما احسني بعملو دعاية لمحلو... والله لازم يدفعلي فلوس ههههه

بشكركم على المرور..
وطبعا البادي اظلم ...طلعني طباخه ونقاله حكي ...اجا دورو يكون بخيل ههههههههه

[العيساوي]

السلام عليكم ورحمة الله وبركاته

هههههههههههههههههه
كوميديا ولا اروع
بصراحه بتنفع مسرحيه ن شاء الله لقدام وان عملنا نشاط ثقافي لازم نعملها مسرحيه
تسلمي خيتي ليل الهجر والله يعينك يا ابو وديع :)

هيها ردتلك الفلم بفلم لا يقل روعه وتعيش وتوكل قطايف هههههههههه

[ليل الهجر]

ولو يا عيساوي.. يعني معقول اترك تاري؟
انا بهيك بكون خلصت تاري وتارك

[ثائر ابو لبدة]

هيك يعني .. هاي أخرتها ,, أبيع قطايف !!

بس انا مش بخيل الله يسامحك ههه ..

ماشي يا ليل الهجر استني مني مقلب مرتب ..

حسابك راح يكون عسير ههه ..

وبعدين كلكم صفيتوا مع ليل الهجر هلا ,, صار أبو وديع كخة ..

صرتوا بدكم تشتروا قطايف اااه ههه ..

ما تخافوا كل واحد راح يوصلوا الدور ..

وأعيش وأكل قطايف على قول العيساوي ..

انتظروا المقلب القادم !!

ما بدي أقلك شكرا عالموضوع يا ليل لانه احنا هلا بحالة حرب !! ههه ..

يا أبو وديـــــــع ,, يا ليـــــــل الهجر ..

تحياتي الكم والله يوفق الجميع .

[ثائر ابو لبدة]

صحيح ما عرفت القطايف بجوز ولا بجبنة !!

هه على فكرة انا ما بحب القطايف ..

هه ترقبوا >>

( ابو وديع vs ليل الهجر ) ..

على الجمهور الإنقسام الى قسمين :

أنصار أبو وديع , أنصار ليل الهجر ..

هههه ..

تحياتي الكم والله يوفق الجميع .

[أسيره في قلب دامع]

هههههههههه

لاجد روعه ...

يســـــــــــــــمنو ليل الهجر على الدراما

كتير حلووه رمضان كريم ب س عند ابو وديع

لا هههههههههههه ..

بشكرك ليل الهجر

تحيتي

^&^

[محمد نخال]

:) :) هههههههههههههه :) :)

دراما كوميدية رااااااائعة الهدف منها التسلية والترفيه عن القارئ.. اما من وجهة نظر كتّابها فالهدف التحدي ..
ننتظر جديد إبداعكم الكوميدي الهادف هذه المرة

ليل الهجر وأبو وديع انتم زينة المنتدى في هذا الشهر المبارك ..

احترامي

[ليل الهجر]

بشكركم يا جماعه على مروركم وردكم الاكتر من رائع...
بفهم منو انكم بصفي ضد ابو وديع؟؟؟؟هههههههههههههه
محمد نخال ...اكيد المنتدى ما بيحلى الا بوجودك

دمتم لنا بكل ود
ليل الهجر

[قصر المحبة]

ههههههههههههههههه

حلو كتير ما قدمتي اختي

بس يا أبو وديع لازم نوضع حد للصراع

يعني ما تخليه حرب حرب

او بنعمل اتفاقيه وبنسمي المشكله ( أبو الهجر )

ههههههههههههههه

الله يقدرك وتنتقم بس بشويش ما تعمل ضجه

تحياتي لكم وببنتظار مزيدكم

[ليل الهجر]

له له ..انا لا اقبل ... ليديز فيرست
يعني(ليل وديع) بالله ما هوه اسم حلو وبنفع قصيده؟هههه

بشكرك على المرور واطمن اول ما تحمى الطوشه بندخلك فيها تحلها

ليل الهجر

[قصر المحبة]

اه نسيت هاد انتي ماشيه على النظام الأمريكي

ههههههههههههههههههههههههه

لانه بالنظام الأمريكي النساء اولا

بس يلا مش راح ازعلك ( ليل وديع ) حلو كتير (^_^)

اهم شي الهدوء يعني طاوشو متل ما بدكم بس الهدوء

هههههههههه

تحياتي

[خضر أبورميلة]

هههههههههههههههههههههههههههههه

و الله نكشة

( نقطة عتب ) ...

يعني بتصير عزيمة عندك و ما عزمتيني يا جارتنا ( و انا بقول شو هالصوت الي طالع من عنكم و الضواو و العالم )

بسيطة ( يعني اذا ما عندي نت حلص راحت علي ؟؟؟؟ واااااااااااااااع ( قطايييييييييييييف ههههههه )


المهم

احلا ابو وديع و الله

قطايف مرة وحدة ؟؟؟؟؟ ( برضوا مش غلط )


المرة الجاي بنشوف شغيل عند جعفر خخخخخخخخخ و ليل الهجر نازله تشتري اواعي العيد ( اقتراح لقصة جديدة ) و ليل الهجر ميلت عند جعفر خخخخخخخخخ



احوتي ليل الهجر و ابو وديع ( مشكورين على الفقرة الكوميدية )

و يا ريت يتم تنظيم مثلها بشكل يومي ( يوميات المشرفين في رمضان ) و كل يوم تكون القصة عن مشرفين المنتدى و مغامراتهم الرمضانية

[صمت الناي]

السلام عليكم

والله صبابا

اسمع واستمتع مع ليل الهجر وابو وديع اشي بجد مسلي

بس انا ما كنت

راحو عليا الاكلات والقطايف

يا خسارة
بس اسمتعت انكم ناس كرمة وحتعيدوها

لا تنسوني

^_^

[Anas-3baid]

له يا ابو وديع، زعلان ليش كلنا مع ليل الهجر وهي الي عازمتنا وانت محملنا ميت جميلة على هالقطايف الي أكلته لحالك..
أنا كنت اوكل في حبة ما لحقتش اخلص نصها ولا ابو وديع كان مخلص كل الصدر الثلاثة كيلو ولا لقيته خاطفها من ايدي بس ما حبيت احكي معه بلاش افضحه قدام المشرفين الي مدروخين من الجوع وما انتبهوا على الي صار

تحياتي
أبو وديع بده ايانا نوقف معه قال...ههه

[ابو الموت]

هههههههههههههههههه
جد اشي رهييييييييب
يسلمو اديكي على الموضوع الحلو
تحياتي
اخوكي ميدو