الـعـيـسـاوي مـفـطـر فـي رمـضـان !!

[ثائر ابو لبدة]

ابو وديع من الناس اللي ما بتنسا .. :36_1_3:
وكل ما يتذكر ابو وديع شو سوت معه ليل الهجر يوم افطار المشرفين هه بعصب كثير .. :5e565bcb:
وكل ما يطلع على ايديه بتذكر هديك الليلة !!

ابو وديع من هداك اليوم ( الله لا يعيده ) وهو محضر مقلب لليل الهجر ..

يعني بالعربي او على بلاطة مثل ما بقلوها حابب ينكش عليها راس ..
بدا ابو وديع يفكر ويفكر ويقلبها شمال ويقلبها يمين لحتى خطرت على باله فكرة .. :36_1_12:



دخل ابو وديع عالمنتدى الكل صايم ومش شايف الفضا .. ( الله يعينهم مش متعودين يصوموا )

شاف ليل الهجر من بعيد .. ( بتلعب الزقطة مع المشرفات .. قال شو هي الكبيرة !! )

نادي عليها وقلها تلحقوا على مكتبه ..


ابو وديع : بدي اياكي بكلمتين الحقيني على مكتبي يا ليل الهجر ..

( ابصر بتعرف وين مكتبي بلاش اضيع )

ليل الهجر : يلا ابو وديع هيني جاي .. ( مصدق حاله )

دخلت ليل الهجر على مكتب ابو وديع .

ليل الهجر : اه ابو وديع في شي ؟! ( بس ما يقلي اداينه دايما ً مفلس هدا )

أبو وديع : اسمعتي اخر خبرية .. ( هلا بتقلي اه وهي مش عارفة عن شو بحكي )

ليل الهجر : لا .. شو اخر خبرية ؟؟ ( ابصر شو بدو يخرط )

أبو وديع : بس يمكن تنصدمي .. ( مع اني عارفها ضد الصدمات )

ليل الهجر : قول ابو وديع وغوشتني .. ( ما بيجي من وراه غير المصايب )

أبو وديع : ( بصوت منخفض ) شو هاي وغوشتني .. ( قال جامعة قال )

ليل الهجر : شو قلت .. ( خايف يعلي صوته بتمتم تمتمة )

أبو وديع : لا بقول ما في شي بس !!! ( مسكينة بتصدق بسرعة شايفها بترج )

ليل الهجر : بس شو احكي .. ( شكله بده يستقيل واخيرا ً )

أبو وديع : انا شفت العيساوي مفطر برمضان !! ( هلا كل المنتدى بصير يعرف )

ليل الهجر : لا .. لا .. مش معقول .. العيساوي مفطر برمضان .. ما بصدق انتا اكيد بتمزح ..

أبو وديع : والله اني شفته مفطر .. ( قال يعني عاملة حالها مش مصدقة )

( صدقت انه سوينا فطور وجلي والله وعبد الله ومش مصدقة انه العيساوي مفطر )

ليل الهجر : متأكد انتا .. ( شكله مش نايم وبخربط او واقع على راسه الصبح )

أبو وديع : متأكد كل الناس شافوه إسألي مين بدك .. ( صدقت ههه )

ليل الهجر : يييي له يا عيساوي ..

أبو وديع : والله ما بزل عليك ِ كل الناس شافته .. حتى الناس رايحة عالصلاة وهو بياكل !!

ليل الهجر : والله ما هي خبرية !!!


ليل الهجر ما صدقت وهي تسمع هالخبر .. وبلشت توزع مناشير في المنتدى ..

العيساوي مفطر في رمضان !!

وتترك فلان وتمسك علان تقلهم القصة من طق طق لـ السلام عليكم ..

العيساوي مفطر برمضان !! العيساوي مفطر برمضان !! وهيك حتى الكل عرف ..

وأبو وديع قاعد بمكتبه ولا سائل عن الدنيا كلها ..

ليل الهجر ما خلت حد الا وقالتله القصة .. ولما يسألوها تقلهم انا شفتوا بعيني ..

بتعرفوا ليل الهجر الا اضيف كم من علبة بهار واكم من بكيت ملح عالطبخة !!

المهم .. كل هالعالم سمعوا بالخبر وكل المشرفين صاروا يحكوا بالسيرة ..


وبعد كم من يوم بعد ما انتشر الخبر والكل صار يعرف فيه وما ضل كبير وصغير الا عرف بالقصة ..

طبعا ً مع زيادات البهار والملح من ليل الهجر ..


الا ليل الهجر على باب مكتب أبو وديع .

طق طق طق طق ..

أبو وديع : اتفضلي .. ( يالله ما اثقل ايدها كسرت الباب )

ليل الهجر : مرحبا ابو وديع ..

أبو وديع : مراحب .. ( خلصيني احكي مش فاضيلك )

ليل الهجر : والله هالعيساوي !!! ..

أبو وديع : اه الله يسامحوا .. ( بس شاطرة تستغيبي بالعالم )

ليل الهجر : صحيح بدي اسألك ..

أبو وديع : اسألي .. ( انو ماسكها هاي ما تسأل )

ليل الهجر : انتا امتى شفته مفطر ؟؟

أبو وديع : اول امبارح ..

ليل الهجر : طيب امتى هادا الحكي ؟!

أبو وديع : بعد اذان المغرب امتى يعني !!! ههه

ليل الهجر : :5e565bcb: :36_1_4::36_1_2::36_11_1:

[ليل الهجر]

مره طباخه ومره نقالة حكي؟
يا ريت ع هيك وبس بلعب مع المشرفات زقطه... لسه فوق كل هادا حتى العيساوي ما سلم من شرك ..
طيب يا ابو وديع
ح اردلك اياها بس اتركني اتكتك مزبوط للموضوع
:20f27c58:

[ثائر ابو لبدة]

ههه المسامح كريم ..

بستنا ردك ..

تكتك ِ على مهلك هه ..

تحياتي الك والله يوفق الجميع .

[زينـــــــة]

هههههههههه
والله يا ابو وديع شكلك مش راح تترك حدا من شرك ،اتاري كنت بتخطط من زمان لهيك اشي.
على كل حال نكشة مرتبة ومتكتكة مزبوط .

تحيتي لك.
زينـــة

[همسة الاحساس]

العيساوي مفطر .... طيب منيح هههههه
ديرو بالكم أنا جاي أولعها ههه :36_1_3:
بجد الله يجيرنا من نهفاتك ونكشاتك يا أبو وديع :5e565bcb:
ليل الهجر مرة طباخة ومرة نقالة حكي أبصر شو تكون المرة الجاي ههههههههه
بس والله مسكينة يا ليل الهجر كيف بتخلي أبو وديع ينكش عليكي راس ... تكتكيله ع المضبوط بلكن طلعت على راسه ههههههههه
اللي منيح ما يصدق حاله أبو وديع بعدين بصير اللي ح يصيير:36_1_12: هههههههههه
بانتظار باقي نكشاتك ونهفاتك مع المشرفين وخاصة ليل الهجر *_*

مع تحيات
همسة الاحساس

[حكيم الحب]

يعني هدوء هلاء ليل الهجر بدها تتهاجم على ابو وديع الله يستر
الدنيا رمضان وما حد شايف الفضى

اللله يجيب العواقب سليمه يا رب هههههههههههههههههه

وابو وديع مستني على نااااااااااااار هههههههههههه الله يعينو ابو وديع اصبر عليها شوي
هههههههههههههههههههههههه

أخوكم
حكيم

[Anas-3baid]

ألف شكر الك أخي أبو وديع على الموضوع الرائع

بس والله انه عليك نكشات بتجنن

تحياتي
أخوك ابن الأقصى

[بنـــ البلد ـــوتة]

ههههههههههههههههه
يا مسكينة يا ليل الهجر
واحنا كمان ما سلمنا منك بنلعب زقطة
بس جد نكشة
هههههههههههههههه
يعطيك العافية يا ابو وديع
بانتظار المزيد

تحياتي

[ثائر ابو لبدة]

زينة ..

همسة الإحساس ..

اشكركم على المرور ..

تحياتي الكم والله يوفق الجميع .

[super nanny]

السلام عليكم ورحمة الله وبركاته

حلوة كتير والله منتي قليلة يا ليل الهجر يلا منستنا تكتيكاتك ..

شكرا ابو وديع موضوع حلو

[العيساوي]

السلام عليكم ورحمة الله وبركاته

شكرا ابو وديع على الموضوع
وهيك الي بيأمنك على سر :(
ما الي اقول غير الحمدلله انكم مسكتوني مفطر بعد الاذان الله ستر

عاد انا اول ما شفت الموضوع قلت ولعت بلش الاكشن بس الله سترنا وقلت والله ممكن نسيت وحد مسكني بد بشرب مي بلكي زبطت معنا ونسينا وشربنا تراني يومين ناسي اتسحر بس للاسف ولا قادر انسى واشربلي بق مي :(

والسر عند ليل الهجر في بير ..........
بس نص البلد اكيد في خلال اقل من سيعه راح يصل الخبر :)
مشكورين على الموضوع الحلو وبالتوفيق
ملاحظة: ردا متأخر لكن ظروفي فارجوا المعذرة

[ثائر ابو لبدة]

العيساوي ..

مشكور على ردك الحلو ..

تحياتي الك والله يوفق الجميع .

[خضر أبورميلة]

و شو يعني العيساوي مفطر ( جريمة ؟؟ ) ههههههههههه


المهم عرفنا في في 2 بالمنتدى قايمنها حرب بكل الوسائل المتاحة

و حتى العيساوي ما سلم منها ( خخخخخخخخخخخ ) الله يستر حد تاني

[قصر المحبة]

يا مسكين يا عيساوي

وقعت اداة انتقام بالحرب

هههههههههههههههههه

بس حلوه ال ايمتى
ال بعد صلاة المغرب

ههههههههههههههههه

نكشه حلوه والأحلى منها جمعتكم الحلوه

يسلمو أبو وديع ع المقالب الحلوه وننتظر مزيدك

تقبل مروري

[ثائر ابو لبدة]

ترقبوا المزيد ..

الحرب لم تنتهي !!

أبو وديع vs ليل الهجر ..

تحياتي الكم والله يوفق الجميع .

[ابو كايد]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

إقتباس من وديع:.....
أبو وديع : انا شفت العيساوي مفطر برمضان !!
يالله بدون ما أكمل طَّجتَك على العيساوي أنا صدقتك
وشوف غيرها ومش كل الطيور بتتاكل لحمها يا وديعي

هههههههههه
وقلت للعيساوي لما قرأت الطجة تبعتك على ليل الهجر
صوماً مقبولاً وإفطار هنيئـــــــــــــــــــــــــــــــــــــــــ ــاً
وهذه هدية له ولكل من صام من رب العزة
خادمكــــــم

[ثائر ابو لبدة]

هلا والله ..

هلا أبو داوود ..

حمدا ً لله على سلامتك ..

تقبل الله منك الصيام ..

تحياتي الك والله يوفق الجميع .