طلاب التوجيهي ..ارجو منكم الاجابة على الاسئلة التالية

[ام زيد]

السلام عليكم ورحمة الله ...

انطلاقا من فكرة ان يستفيد الطلاب اللذين سيتقدمون لامتحانات
التوجيهي لعام 2008-2009 ..
ارجو منكم التفاعل مع هذا الموضوع

خبرنا مالذي ستدرسه ؟؟
اين سجلت ؟؟
ما هي الصعوبات التي واجهتها عند التسجيل للجامعات؟؟

ما هي النصيحة التي تتمنى انك تلقيتها حتى تتفادى مأزق
وقعت به ..؟
ما هي النصيحة التي تحب ان تقدمها للطلاب الجدد ؟؟


واتمنى من الاعضاء ان يذكروا اسئلة تساعد في اكتمال الموضوع ...

ارجو من الجميع التفاعل مع الموضوع حتى تعم الفائدة ..

ممكن مشاركة طلاب السنوات السابقة ..

بارك الله فيكم وشاكرة تعاونكم .

[حماده عطية]

خبرنا مالذي ستدرسه ؟؟

صحافة واعلام



اين سجلت ؟؟

جامعة أبو ديس



ما هي الصعوبات التي واجهتها ؟؟

الصعوبات في شو التوجيهي ولا شي ؟؟ اذا التوجيهي الصعوبة هي انو الواحد
لازم يتابع الماده أول بأول وينتبه على شرح الأساتذه ...



ما هي النصيحة التي تتمنى انك تلقيتها حتى تتفادى مأزق
وقعت به ..؟

المأزق انو كنت بدي أطلع من المدرسة أبطل منها يعني بسبب أمور شخصيه ولكن أستاذي نصحني اني أكمل دراستي وهيني نجحت والحمد لله .




ما هي النصيحة التي تحب ان تقدمها للطلاب الجدد ؟؟

بحب أحكيلهم يشدوا حيلهم وانهم يدرسوا أول بأول ويحفظوا الماده أول بأول
وينتبهوا على شرح الأساتذة وأي اشي مش فاهمينوا يحكوا للأساتذة وما يستحوا لأنو ما فيها اشي يعني أقل اشي الواحد لازم يدرس أربع ساعات ...





وأنا بحب أحكي لطلاب السنة الجاية التوجيهي يعني انكم اتشدوا حيلكم لأنو أحلى فرحة والله فرحة النجاح وراح تنبسطوا كتييير وانشاء الله بترفعوا روسنا
ومشكوووره على تنزيلك على هاد الموضوع الحلو ......




مــ،،،،ــع تــ،،،ــحـ،،،ـيـ،،،ـات

حـــــــ,,,,ـــــــمـــــــ,,,,ـــــــاده

[نسائم الايمان]

خبرنا مالذي ستدرسه ؟؟

تغذية وحمية

اين سجلت ؟؟

في جامعة بير زيت

ما هي الصعوبات التي واجهتها ؟؟

اممممم الصعوبات التي واجهتها كانت في مادة الرياضيات لانه معلمتنا كانت تجيبلنا اسئلة صعبة كتييييير بس الحمد لله بالوزاري نجحت فيه وجبت علامة منيحة.. وكمان مشكلة الوقت لانه الطالب بمرحلة التوجيهي بحس حاله مضغوط وفش وقت


ما هي النصيحة التي تتمنى انك تلقيتها حتى تتفادى مأزق
وقعت به ..؟

النصيحة هي اني انتبه على المعلمات لما يشرحوا واذا ما فهمت اشي اقولهم يعيدوا الشرح بس انا كنت استحي اقولهم مش فاهمة فلو عملت بهاي النصيحة كان جبت معدل اعلى من هيك بس مش مشكلة الحمد لله على كل حال .

ما هي النصيحة التي تحب ان تقدمها للطلاب الجدد ؟؟

بنصحهم انه ينتبهوا على الاساتذة والمعلمات واذا ما فهموا اشي يسالوهم وما يستحوا . ويدرسوا اول باول وما يخافوا من التوجيهي لانه ما بخوف وبنفس الوقت ما يستهتروا بأي مادة مهما كانت سهلة او صعبة لانه ممكن توقع على راسهم (زي ما صار فينا بالادارة والاقتصاد) وكمان بنصحكم تخصصوا وقت للراحة يعني مش طول الوقت دراسة دراسة وناموا منيح وما تسهروا على التلفزيون والانترنت وان شاء الله يا رب الله يوفقكم كلكم وتجيبوا معدلات بترفع الراس .

[doctor.baby]

مممم انا مش طالب توجيهي بس اذا بتسمحلي ماما رويدة حابب اعلق على الموضوع

انو الطلاب بعد ما يخلصوا توجيهي بتواجهم مشكلة تصديق الشهادات كتير متعب خاصة اذا كانو رايحين على جامعة اسرائيلية

مع تحيتي doctor.baby

[ام زيد]

خبرنا مالذي ستدرسه ؟؟


صحافة واعلام



اين سجلت ؟؟

جامعة أبو ديس



ما هي الصعوبات التي واجهتها ؟؟

الصعوبات في شو التوجيهي ولا شي ؟؟ اذا التوجيهي الصعوبة هي انو الواحد
لازم يتابع الماده أول بأول وينتبه على شرح الأساتذه ...



ما هي النصيحة التي تتمنى انك تلقيتها حتى تتفادى مأزق
وقعت به ..؟

المأزق انو كنت بدي أطلع من المدرسة أبطل منها يعني بسبب أمور شخصيه ولكن أستاذي نصحني اني أكمل دراستي وهيني نجحت والحمد لله .




ما هي النصيحة التي تحب ان تقدمها للطلاب الجدد ؟؟

بحب أحكيلهم يشدوا حيلهم وانهم يدرسوا أول بأول ويحفظوا الماده أول بأول
وينتبهوا على شرح الأساتذة وأي اشي مش فاهمينوا يحكوا للأساتذة وما يستحوا لأنو ما فيها اشي يعني أقل اشي الواحد لازم يدرس أربع ساعات ...





وأنا بحب أحكي لطلاب السنة الجاية التوجيهي يعني انكم اتشدوا حيلكم لأنو أحلى فرحة والله فرحة النجاح وراح تنبسطوا كتييير وانشاء الله بترفعوا روسنا
ومشكوووره على تنزيلك على هاد الموضوع الحلو ......




مــ،،،،ــع تــ،،،ــحـ،،،ـيـ،،،ـات


حـــــــ,,,,ـــــــمـــــــ,,,,ـــــــاده


حياك الله حمادة عطية ..والف مبروك نجاحك ..

اختيار موفق ان شاء الله ..

ونصائحك قيمة فعلا ..على الطالب ان يدرس المادة جيدا وما يلجأ للتراكم ..
وهذه النصيحة اللي الكل بيقدمها ولكن القليل من يعمل بها ..

والسعيد من اتعظ بغيره والشقي من اتعظ بنفسه .

الصعوبات اللي قصدتها ..وقمت بتعديلها في موضوعي هي الصعوبات عند التسجيل ..
هل واجهت صعوبة عند التسجيل او كانت امامك اي عراقيل ..؟؟

وشاكرة مشاركتك وحياك الله

[أبن الخروبة]

مرحبا
انا ما بدي اجاوب على الاسالة بدي احكي بشكل عام وباختصار

بنصح الكل قبل ما تبلش السنة يكونو حاطين النية بأنهم راح ينجحو وما تعرفو اليأس والدراسة هي الي بتفيدك اخر السنة الي بدرس بنجح
وبنصحكم كمان قبل ما تبلش السنة تكونو مخطتين ايش بدكم تدرسو وبأي جامعة ناوين تدرسو لانو والله الاختيار بالمرحلة هذه صعب ادا ما كان مخطتلو من قبل ويمكن تضيع السنة عليكم ولسه ما اخترتو
وكتيير ناس بضيع عليهم سنين لأنهم بدخلو شغلة وبحولو

وحاول تنظم وقتك وترسم اهدافك اثناء التوجيهي وبعد التوجيهي
هيك بترتاح و ما بتنضغط لا بوقت التوجيهي وحتى بعدو


وبتمنى اكون افدتكم


:11_12_13[1]:

[حماده عطية]

اها ما في صعوبات ولا شي بس الواحد

لازم يروح يصدق الشهادات من الرام يعني

هادي السنة صدقناها من مدرسة الإناث الثانوية في الرام وهديك السنة كان

تصديق الشهادات في وزارة التربية والتعليم في الرام ويعني بدك بحدود خمس

صور للشخص وورقة حسن سلوك من المدرسة ويدفع الواحد التكاليف وهادا

هو ما في صعوبه ولا شي ومشكوره على الموضوع الحلو .....

[ام زيد]

خبرنا مالذي ستدرسه ؟؟

تغذية وحمية

اين سجلت ؟؟

في جامعة بير زيت

ما هي الصعوبات التي واجهتها ؟؟

اممممم الصعوبات التي واجهتها كانت في مادة الرياضيات لانه معلمتنا كانت تجيبلنا اسئلة صعبة كتييييير بس الحمد لله بالوزاري نجحت فيه وجبت علامة منيحة.. وكمان مشكلة الوقت لانه الطالب بمرحلة التوجيهي بحس حاله مضغوط وفش وقت


ما هي النصيحة التي تتمنى انك تلقيتها حتى تتفادى مأزق
وقعت به ..؟

النصيحة هي اني انتبه على المعلمات لما يشرحوا واذا ما فهمت اشي اقولهم يعيدوا الشرح بس انا كنت استحي اقولهم مش فاهمة فلو عملت بهاي النصيحة كان جبت معدل اعلى من هيك بس مش مشكلة الحمد لله على كل حال .

ما هي النصيحة التي تحب ان تقدمها للطلاب الجدد ؟؟

بنصحهم انه ينتبهوا على الاساتذة والمعلمات واذا ما فهموا اشي يسالوهم وما يستحوا . ويدرسوا اول باول وما يخافوا من التوجيهي لانه ما بخوف وبنفس الوقت ما يستهتروا بأي مادة مهما كانت سهلة او صعبة لانه ممكن توقع على راسهم (زي ما صار فينا بالادارة والاقتصاد) وكمان بنصحكم تخصصوا وقت للراحة يعني مش طول الوقت دراسة دراسة وناموا منيح وما تسهروا على التلفزيون والانترنت وان شاء الله يا رب الله يوفقكم كلكم وتجيبوا معدلات بترفع الراس .










اهلا فيكِ ليدي ليدي .. تحياتي لك

اختيار جميل ..وموضوع حيوي ..ونحن بحاجة لهيك تخصصات ..

اذا اهم نصيحة بتقدميها انه الطالب او الطالبة ما يخجل من الاستيضاح من المعلم اذا ما فهم ..لانه واجب المعلم ان يسعى جاهدا لتوصيل الفكرة للطلاب بكل الوسائل ..

اذا هذه نصيحة من طالبة جربت وعاشت التجربة ..
اتمنى ان الطلاب ما يترددوا ولا ببحظة في الاستفسار عن كل ما يصعب عليهم ..

بالتوفيق للجميع .

[زهرة الياسمين]

ههههههههه ع فكرة حبيت اشارك بعرفش ليش يمكن لانو مالي اسم بجريدة بس راح افيد اكتر من الي نجحو
خبرنا مالذي ستدرسه ؟؟
حاليا سيخومتري بعد ما قدمته اول مرة وجبت 496 لازم اعيدو وهيني بعيد فيه

اين سجلت ؟؟
سجلت للاكمال 14/8 وهو اكمال ادارة

ما هي الصعوبات التي واجهتها عند التسجيل للجامعات؟؟
لم اجد اي من الصعوبات ابدا لاني ما سجلتش راح اسجل بشهر 3 لحد ما تخلص دورة العبري

ما هي النصيحة التي تتمنى انك تلقيتها حتى تتفادى مأزق
وقعت به ..؟
فش بعد نصايح امي بدنيا كلها ... مافي اشي اندم عليه خسرنا اليوم بنربح بكرا
ما هي النصيحة التي تحب ان تقدمها للطلاب الجدد ؟؟
الدراسة مافي بعدها انا درست ومعدلي منيح بس لو ما صعبو ا الادارة كام ما صار هيك ما العلم اطلعت من القاعة وانا مبسوطة وكلهم بعيوطو لاني اكتر مادة درستها في الادارة ع طول سنة وكان معدلي فيها كتير منيحححححح
بتمنى ان كل طالب وطالبة يحطو عقلهم براسهم ويتجهو لطريق الصحيح .. وهو تعليم ليرفعو من مستوى حالهم ومستوى بلدهم ... وانشالله بتشوفني معكم سنة جاي لاني .. ناوية اعيدو دراسة خاصة ... واخلي امي تفرح فرحة نجاح ما بتتعوض ...

فلا تحرمو حالكم من هل فكرة ... انا مني وعلي درست وما بحكي اني ما درست بس ادرس اكتر واتعب اكتر اخرتك ترتاح طول العمر ....

بعمرك ما تحكي درست كفاية لهوون ... زي ما صار معي ضل ادرس وضلك متابع ساعة بساعة انا كنت يوم هيك ويوم هيك .....
تحياتي الك ماما رويدة
دايمن مواضيعك مميزة

[زهرة الياسمين]

... نصيحة اخرى ما تخلي رهبة التوجيهي مسيطرة عليك وخوف الناس مأثر عليك اعتبرو سنة عادية مع زيادة عدد ساعات دراسة وحاول تركز بكل حصة وحصة
خصوصي بالانجليزي الرياضيات الادارة ... قضايا والتاريخ والعربي اكيد طبعا مع باقي المواد بس هاي مواد لازم يكون تركيزك فيها توب

وملاحظة اكبر ازا استخفت بحصة وحكيت مني بعرف انجليزي وعندي فاتح وبحل ..وعندي مدرس خصوصي عذرا لهل كلمة بتكون اكبر غبي شرح الاستاذ او معلمة ... ما في بعدو ؟؟؟؟ خصوصي بالانجليزي .. لانو تلت ارباع البنات كانو يشوشو ع البنات غيرهم لانو كل واحد حطتيلي 10 مدرسين خصوصي ولامة كل كتب المساعدة من مكتبات فلسطين وصففتهم جمبها بالاخير ضيعت عليها وع غيرها فا انتبهو ...لانو في اشياء ما بفهمك ياه غير المعلم

وشكرا

[ام زيد]

مممم انا مش طالب توجيهي بس اذا بتسمحلي ماما رويدة حابب اعلق على الموضوع

انو الطلاب بعد ما يخلصوا توجيهي بتواجهم مشكلة تصديق الشهادات كتير متعب خاصة اذا كانو رايحين على جامعة اسرائيلية

مع تحيتي doctor.baby

اهلا فيكِ عزيزتي دكتور بيبي ..

حباكِ الله ..طبعا بامكانك الموضوع مفتوح لكل صاحب تجربة ..

فعلا ..تصديق الشهادات مشكلة انا شخصيا عانيت منها ..
وللاسف حتى المدارس ما عندها عنوان صحيح تتوجهي له ..
اتصلت على عدة مدارس لتصديق شعادة ابني ..
اشي قال انه التصديق يتم في مديرية القدس فوق مدرسة الايتام ..
اشي قال في مديرية التربية في الرام ..
اشي قال في المديرية في رام الله عند دائرة المياه ..

وبعد كل ذلك ..عرفت انه

يتم تصديق الشهادة باللغة العربية في مديرية القدس ..
اذا شهادة مترجمة ومصدقة من الرام ..ولكن ما بيعطوها بنفس اليوم
بعد يوم او اكثر ..
ولكن مدير تربية الرام تساعد معنا وتمت الترجمة والتصديق خلال ساعة ..والحمدلله .. وجزيل الشكر حقيقة له على موقفه .

وحياكِ الله

[ام زيد]

مرحبا
انا ما بدي اجاوب على الاسالة بدي احكي بشكل عام وباختصار

بنصح الكل قبل ما تبلش السنة يكونو حاطين النية بأنهم راح ينجحو وما تعرفو اليأس والدراسة هي الي بتفيدك اخر السنة الي بدرس بنجح
وبنصحكم كمان قبل ما تبلش السنة تكونو مخطتين ايش بدكم تدرسو وبأي جامعة ناوين تدرسو لانو والله الاختيار بالمرحلة هذه صعب ادا ما كان مخطتلو من قبل ويمكن تضيع السنة عليكم ولسه ما اخترتو
وكتيير ناس بضيع عليهم سنين لأنهم بدخلو شغلة وبحولو

وحاول تنظم وقتك وترسم اهدافك اثناء التوجيهي وبعد التوجيهي
هيك بترتاح و ما بتنضغط لا بوقت التوجيهي وحتى بعدو


وبتمنى اكون افدتكم


:11_12_13[1]:

ابن الخروبة حياك الله ..

الارادة والتصميم على النجاح ..يقود الى النجاح فعلا ..

والثقة بالنفس كمان من اهم عوامل النجاح ...

التخطيط ..
نقطة تستحق الوقفة ..لازم الطالب يكون عنده على الاقل فكرة عامة ايش بده يدرس ويخطط لذلك ..
اما حالة الحيرة وعدم معرفة ما نريد تجعلنا متشتتين ..
اذا خطط صح ..

النقطة الاخيرة التنظيم ..
التنظيم يسهل كثيرا على الطالب ..ويجعل فكره مرتاح وغير قلق ..
ولا يشعر وكانه يسابق الزمن ..ولا نتيجة لسباقه ..
نظم امورك ادرس بتسلسل ..زلا تراكم الواجبات ..
سيكون النجاح حتما حلفك وبتفوق ..

ابن الخروبة مشاركة قيمة اختصرت فيها اهم عوامل النجاح بارك الله فيك ..وشاكرة مشاركتك

[ام زيد]

ههههههههه ع فكرة حبيت اشارك بعرفش ليش يمكن لانو مالي اسم بجريدة بس راح افيد اكتر من الي نجحو
خبرنا مالذي ستدرسه ؟؟
حاليا سيخومتري بعد ما قدمته اول مرة وجبت 496 لازم اعيدو وهيني بعيد فيه

اين سجلت ؟؟
سجلت للاكمال 14/8 وهو اكمال ادارة

ما هي الصعوبات التي واجهتها عند التسجيل للجامعات؟؟
لم اجد اي من الصعوبات ابدا لاني ما سجلتش راح اسجل بشهر 3 لحد ما تخلص دورة العبري

ما هي النصيحة التي تتمنى انك تلقيتها حتى تتفادى مأزق
وقعت به ..؟
فش بعد نصايح امي بدنيا كلها ... مافي اشي اندم عليه خسرنا اليوم بنربح بكرا
ما هي النصيحة التي تحب ان تقدمها للطلاب الجدد ؟؟
الدراسة مافي بعدها انا درست ومعدلي منيح بس لو ما صعبو ا الادارة كام ما صار هيك ما العلم اطلعت من القاعة وانا مبسوطة وكلهم بعيوطو لاني اكتر مادة درستها في الادارة ع طول سنة وكان معدلي فيها كتير منيحححححح
بتمنى ان كل طالب وطالبة يحطو عقلهم براسهم ويتجهو لطريق الصحيح .. وهو تعليم ليرفعو من مستوى حالهم ومستوى بلدهم ... وانشالله بتشوفني معكم سنة جاي لاني .. ناوية اعيدو دراسة خاصة ... واخلي امي تفرح فرحة نجاح ما بتتعوض ...

فلا تحرمو حالكم من هل فكرة ... انا مني وعلي درست وما بحكي اني ما درست بس ادرس اكتر واتعب اكتر اخرتك ترتاح طول العمر ....

بعمرك ما تحكي درست كفاية لهوون ... زي ما صار معي ضل ادرس وضلك متابع ساعة بساعة انا كنت يوم هيك ويوم هيك .....
تحياتي الك ماما رويدة
دايمن مواضيعك مميزة

اهلا فيكِ عزيزتي ..

بيسعدني مشاركتك ..اوك ..حتى لو ما في الك اسم بالجريدة ..
مش نهاية العالم ..ومثل ما قلتي .. خسرنا اليوم ان شاء الله الربح بكرة بيكون اكبر ..
بتمنالك التوفيق والتميز ..
بعرف انك بتعملي بسخومتري من فترة ..وهذا شئ احترمته فيكِ
وقدرت لك ان تكوني واعية لما تريدين ..
البسخومتري مش من اول مرة بيحصلوا في علامات ..اهل الشمال
بيبدئوا دورات من الصف العاشر وقبل ذلك حتى ..لان خيارهم معروف وهو الاتجاه للجامعات الاسرائيلية .

وشاكرة لك نصائحك وتوجيهاتك القيمة ..

امنيات التوفيق والتألق ان شاء الله