انتشار الطلاق من المسؤول؟

[عقاب]

بسم الله الرحمن الرحيم

قال عليه الصلاة والسلام"ان ابغض الحلال عند الله الطلاق"


يعاني مجتمعنا في الآونة الأخيرة من تفشي ظاهرة الطلاق بصورة كبيرة

.من المسؤول عن اننشار هذه الظاهره ؟
الاهل ام الازواج

ما هي الاسباب التي أدت الى ارتفاع نسبة الطلاق؟

هل ارتفاع نسية الزواج المبكر بين الشباب والشابات ؟

الجهل لدى الطرفين باهمية استقرار الحياة الزوجية ؟

.-النزاع على السيطرة ولمن الكلمة الاولى والاخيرة؟
ام انه يوجد اسباب اخرى

ويؤدي انتشار هذه الظاهرة الى انعكسات خطيرة على المجتمع
:انتشار الفساد الى حد كبير في المجتمع-

ظلم الاولاد وحرمانهم العيش مع احد الوالدين.وغيرها
كما ان هناك عدد كبير من حالات الطلاق قبل اتمام الزواج مما يؤدي الى زيادة عدد المطلقات صغار السن
ما هي الحلول الممكنة للحد او منع انتشار هذه الظاهرة ؟
هذه تساؤلات مطروحةللنقاش نرجوا منكم التفاعل والافادة

[ابو قصي]

السلام عليكم ورحمة الله وبركاته
موضوعنا لهذا الاسبوع ظاهرة منتشرة وهي ظاهرة الطلاق بين الازواج الشابة
قضية مطروحة للنقاش
نرجوا التفاعل مع الموضوع

[ربيع البلد]

بسم الله الرحمن الرحيم

أول اشي انا بشكرك على الموضوع الي في غاية الأهميه



اخوي نسبة الطلاق كثيره جداً
بعرفش بجوز عشان الأهل ولا في حاله من السيطره
يعني كل وأحد بدا يفرض شخصيته على الثاني

والشكوك اللي بينهم يعني في كثير مشاكل بتصير بين المتزوجين

بس انا بحكي ليش تزوج مدام عارف حالك بدك أطلق ومش مرتاح مع زوجتك

يا عمي في عندك فترة خطبه والخطبه للتعارف على بعض برأيي
وأقل اشي تكون فترة الخطبه بين 6 أشهر لسنه يعني بكون عندي أيجابياتها وسلبياتها للبنت ونفس الحكي لشب

بعدين في مشكله ثانيه طبعاً بتصير مشاكل بين الزوجين انا بدي أعرف ليش بدخلو الشرطه بيناتهم وهاي عاده سيئه
وفضيحه الهم


وان شاء الله انو ما نسمع غير كل خير بين الزوجين


وتحياتي لكم

ربيــــــــــــــ البلد ــــــــــــــــع

[دمعة الفراق]

السلام عليكم ورحمة الله وبركاته

خيو ابو قصي انا بشكرك على موضوعك الهادف
وحابه اعطي راي...المشكله مو انهم اتزوجو وطلقو
المشكله في اي عمر اتزوجو لانه زي محنه شايفين صار الشب يتزوج في عمر 18
والبنت في عمر 14 طيب مو حرام والله اني احضرت عرس في بلدنا وكانو العرسان في الاعمار التي ذكرتها
وكل الموجودين بيضحكو عليهم وبعد سنه اطلقو اي تفاهم بدو يصير بين اتنين مراهقين وكيف بدهم يتفقو
وكيف بدهم يتحملو المسؤليه و هما بدهم مين يتحمل مسؤليتهم وانا ما بحط الحق على المتزوجين في سن المراهقه
وانما بحط الحق على الاباء و الامهات كيف بيقبلوعلى حالهم ايزوجو اولادهم بهادي الاعمار .شو بيصير عليهم اذا اتزوج الشب على الاقل بسن 24
على الاقل بيكون فهمان واعي وين الله حاطو والبنت اتزوجت في عمر 18 بديش احط عمر اكبر بلاش اتقولوا عنست وراحت عليها .هههههههه
وهيك بتكون البنت واعيه اشوي علي بسير حواليها وبتقدر تفهم عليك وتأسس عيله انتى وياها......وهذا رأيي الشخصي مع احترامي للأرئكم..........

[نسمة بحر]

السلام عليكم ورحمة الله وبركاته
شكرا اخوي ابو قصي على الموضوع المهم اللي انت طارحو وانا شخصيا قبل فترة كنت حابة اعمل موضوع عن الزواج المبكر والطلاق اللي بيتعقبو من قبل المتزوجين الصغار في العمر والناتج اكيد عن عدم وجود تفاهم بينهم وغيرة زائدة من قبل الطرفين وفرض القوانين على بعضهم البعض الغير مناسبة للطرفين وانا بتمنى انو الناس يبطلو جهل وامية لانه عن طريق جهلهم وعدم معرفتهم وفهمهم بالاساليب اللي بيتخذوها جراء تبطيل اولادهم وبناتهم من المدارس وعلى اساس قاننن اخرة البنت لبيت زوجها هادة مفهوم غلط وبتمنى انه الناس يبطلو هدا التفكير ويتحرروا من العقد والدقات القديمة اللي عايشة في عقولهم ولازم يشجعوا عملية التعليم في بيوتهم وبهيك بتختفي ظاهرة الزواج المبكر وبتقل نسبة الطلاق بين الازواج وبيكون الزواج بين الافراد المتعلمين زواج ناضج واختيار ناجح في حياتهم وبيكون التفاهم موجود بينهم وحياتهم منظمة وبتكون عائلة سعيدة بكل معنى الكلمة .
واخيرا بتمنى من كل الناس تاخد بنصيحتي لانو من خلالها بيسود نضج عقلي وفهم بين الافراد
وبيعملو على التقليل من المساوء والظواهر السيئة والغير ملائمة للمجتمع وبتحقيق هادي المطالب انا متاكدة انو احنا رايحين نعيش في بيئة خالية من العادات والمعتقدات السيئة اللي بتعمل على دمار المجتمع .


وشكرا

مع تحياتي نسمة بحر

[قائد الكشافة]

بسم الله الرحمن الرحيم

المسؤول الأول في هذا الموضوع هم الأهل

الانه البنت لا تأخد حاجتها من الأهل او من الحياة

مثل الطفولة وفجأة

تنظر الى نفسها انها متزوجة قبل ان

تتدخل دور المراهقة

وهذا الشي ينعد من الجهل !!!

وهو جهل الاهل وهذا الشي يتطابق ايضاً على الشاب

ويحدث عدم الاتفاق بين الطرفين وهذا الشي يسبب الطلاق وايضاً الأهل

لا يتفاهمون في هذا الموضوع

والحماه تريد ان تسيطر على الطفلة التي لا تتجاوز العمر 14

وفي هذا السن ماذا تعرف في حياتها؟؟

وهكذا يقع الظلم على المرهقين ومن هنا

يحدث الطلاق وعدم التفاهم بين الطرفين

تحياتي

[abo adam]

بسم الله الرحمن الرحيم يشكرك ابو قصي على هيك موضوع مهم جدا انا برائي انو اسبابو بتعود غالبا على الزوجين لانو في معضم الاحيان بتكون فترة الخطوبه فترة مزيفه يعني بتكون الفتاه باحسن صوره والشب بكون باحسن ما يكون ولما بيتزوجو بعد بأكم من شهر بتبلش المشاكل والاهل بيزيدوها ام البنت من جه وام الشب من جه وبيزيدوها يعني الام بتكون تحكي خلي متل الخاتم باصبعك وام الشب بتقولو ولك انتا ست ستها بتتمناك والشب ما بيصدق بقول كولو متاخر اكمن من دينار وبجيب احلا منها لا بيفكر بالايام الحلوه ولا بمستقبل البنت ولا بفكر بمستقبل اذا بيكون عندو اولاد وبشتت اسره بكامله علشان يرضي امو او امها ...... واجمل التحيات ملاحظهّ: وبقول لشباب او البنات لازم انو الرجل انخلق ليكون رجل والمراه لازم يكون قلبها بيسع الكل ومش مهم اذا المره اتنازلت لزوجها والله يوفق الجميع ولازم تكون اخر الاسباب هي الطلاق ويفكر منيح وشكرا

[نيرفانا]

تحياتي الك هالمناقشه هاي صارت شيء مهم لانها كثرت كتير وبشكل مش طبيعي ما بسمع الا واحد و واحده اتزوجوا وبعد بفتره قصيره يييييييييي بدنا "نطلق" هذا كلوا بسبب الاثنان "الرجل والمراه"لو انهم بيفكروا وما بيردوا على حدا كان بيعيشوا لو انهم ما بيعقدوا مشاكلهم وما بيدخلوا حدا بينهم ما بتكبر مشاكلهم شيء اكيد انو يصير مشاكل بين الزواجين وطبيعي بس الي مش طبيعي القرار والي بيعتبروا حل لمشاكلهم "الطلاق "وانا حاسه انو صار موديل كل واحد بيتزوج من اول مشكله بيصير بدوا يطلق
وبتمنى من جميع الصبايا والشباب انهم ما يتسرعوا في اخد هذا القرار ويجعلوا اخر حل .
مع تحياتييييييييييييييييييي
نير فانا

[وئام العمر]

يسلمو على طرح الموضوع
اما اسباب الطلاق فهي كثيرة اول اشي الزواج المبكر يعني بتكون لسا صغيرة وما بتعرف شو يعني بيت واسرة ومسؤولية وبجوزوها وتدخل الاهل بين الزوجين وهدم الاتفاق بين الزوجين نفسهم كمان

[SoFt G!rL]

اول اشي شكرا على الموضوع الحلو

انا بحكي انه الحق على الاهل
حتى لو كان الشب والبنت بحبو بعض مداما هما صغار بصيرش الاهل يجوزوهم يعني مرات الحب بخلي التنين يطلقو بعض هادا من جهة يعني الشب بتجوز هالبنت الي بحبها والبنت بتتجوزه وبكونو مفكرين حالهم رح يعيشو احلى حياة مش حاسبين حساب المسؤولية والبيت والاهل والولاد والمشاركة والمصاريف.....الخ
يعني بفكرو الحياة بس حب وخصوصا ازا كانو صغار ومش متعلمين والبنت لسه مش واعية للمسؤولية هادا من جهة
ومن جهة تانية ممن انه الشب او البنت مش مقتنعين ببعض يعني خلص جيزة وبدها تصير يعني مرات البنت ما بتصدق ويجي هالشب يوخدها من دار اهلها ومرات الاهل ما بسالو عن الشب هو منيح او مش منيح
وفي كمان نقطة الشب والصبية بمرحلة الخطوبة بكونو التنين ملايكة بس يتجوزو ببدو يطلعو على حقيقتهم يعني بكونوش صيحي من وقت الخطوبة كل واحد بكون ملاك وما في منو وبعدين بكتشوف بعض ....

وطبعا لو بدي احكي لبكرة الصبح بخلصش لانه في كتير عوامل بتأدي للطلاق

تحياتي

[shando]

قد يكون احد اسباب الخلاف هو عدم فهم كلا من الزوجين الاخر,فمثلا مرحلة الخطوبة مرحلة مهمه لكلا الطرفين لانه من خلالها يفهم كلاهما الاخر, وفي هذه المرحلة قد يكتشف كلاهما الاخر,ومن الاسباب التى تؤدي الى الطلاق اجبار اهل الفتاة بالزواج وبطريقة غير شرعية وهذا الشيء خطر جداااا
مع حبي واخلاصي

[shadie]

السلام عليكم ورحمة الله وبركاته مشكور على الموضوع المهم انى بدي اعلق في كام نقطه هي اساس الطلاق المبكر وانتشاره في مجتمعنا بكثره المثل بيقول (اسئل مجرب ولا تسئل طبيب):36_1_4:اْول الاْسباب اْكيد الزواج المبكر(2 )العادات والتقاليد القديمه المتمسكين فيها ابائنا وامهاتناالى اليوم (اي الاْهل والمشاكل بين الحما والكنىوانتم تعرفونهالاْني لا استطيع عدها وكتابتها لكم)3(عدم معرفت العريس للعروس او العكس لبعضهم البعض بشكل كاف يمكن الطرفين من اتخاذ القرار بلاْرطباط عن قناعه مطلقه وثقه الواحد للاْخر في مرحلت الخطوبه اذا كان هناك في الاْصل خطوبه( 4)لا يمكن للطرفين معرفت نقاط الضعف اْوالعله اْو الاْصح شخصية الواحد للاْخر الى عند الزواج والعشره عندما يجتمعان في عش الزوجيةوعلى اثر معرفت العريس للعروس بعد وقوع(الفاس بلراس)حينها يعرف كل واحد منهم هل اختار الفتاه المناسبه له وفتات احلامه مثلما يقولون وهل اختارات الفتا المناسب وفتا احلامها؟ ماذا يفيد هذا السؤال الاْن وقد تم الزواج والصار صار على اثر هذا يبقى الامر معلق يستمر الزواج او الطلاق؟ ولكن بلرغم من كل هذا اْريد اْن اْقول اْن الدور على العريس والعروس باْن يواجهو كل المشاكل وكل نقاط الضعف سواء في الرجل او المراْه ويقبلان بعضهم البعض بلحوار وبحل كل المشاكل يد بيد لكي ينجح زواجهم ,ودور العروس مهم اذ يجب ان تتحمل العبء الاْكبر لاْن75%هي المستهدفه في كل المشاكل للاْسف الشديد من قبل اهل العريس وهذا ينعكس على معاملة زوجها لها في حياتها فيجب اْن تطيع زوجها وتتقبل منه الاْنتقادات وتحاول ان تتفاداها سواء منه او من غيره فاْذا نجحت نجح زواجهم بدون شك . وتوجد امر اخرى استثنائيه تبطل الزواج على الفور اذكر منها استمرار الزوجه لعشق شاب قديم وخيانتها لزوجها واكتشاف الاْمر ان تكون اويكون هناك مرض مزمن لا سمح الله وغيره من الاْمور القليله التي تعرفونها ,:4_12_12[1]:وللاْسف الشديد ان بعض الاْزواج يكونون علاقات غرامية على الاْغلب بعد ما تزوجو بشاب اوبشابه وهم متزوجين........وهناك القله يقعون والعياذ بالله في الزنى. وشكرا لكم مع تحياتshadie:4e5dd44a:

[صمت الناي]

السلام عليكم

عندما نبدأ للبحث عن مسببات الطلاق في مجتمعنا

فنجد بأن ابنائنا (شباب والشبات)
يكونوا غير مؤهلين لتحمل المسؤولية التي ستكون مترتبة عليهم
فزواج هي عمر تكمله برفقة الشخص الذي تختاره ولكن يجب ان نختاره بعناية ودقة
ونأخد الوقت الكافي لهذا القرار الذي سيكون مترتب علينا وسيكون اما سعادتنا واما نكون قد جنينا على انفسنا
وجعلنا اطفالنا وانفسنا يقعون في متاهات نحن بغنى عنها

فطلاق هو ما يدفع له اذا كان الزواج مبكر

تحيتي ولي متابعة

راما

[عقاب]

السلام عليكم ورحمة الله وبركاته

ربيع البلد ودمعة الفراق ونسمة بحر والزير مشكورين جدا على المشاركة المهمة في الموضوع

هناك اتفاق ان الأهل والابناء مسؤولين وهذا صحيح

نتمنى من الله عز وجل ان يصلح ويهدي الجميع