الشاب الجامعي (اتفضلو يا صبايااااا)

[ليل الهجر]

السلام عليكم ورحمة اللـــــه وبركاته....

الي كل صبايا المنتدى هذا السؤال ... وارجو الاجابه عنه بكل صدق وموضوعيه...

ان كنتِ في سن الزواج (حين تصبحين في سن الزواج)..هل سوف تفكرين بزوج متعلم ام لا....؟؟؟
اتحدث عن التعليم الجامعي...
هل سوف تبحثين عن طالب جامعي؟؟
ام انك سوف تفكرين ب...

.1- بما ان الشاب طالب جامعي... فمن المؤكد انه الي حد ما متحرر فكريا ولا يوجد عنده ايي مشكله بفتح مواضيع للنقاش مع اي صبيه ...

.2- بماانه طالب جامعي فمن الممكن ان له تجارب سابقه مع الجنس الاخر في حياته الجامعيه...

3-بما انه طالب جامعي ف من الممكن انو يشوف حالو عليكي ويحسسك انك دايما اقل منو خصوصا بالنقاش...

4-بما انو طالب جامعي يبقى يادوب صارلو سنه او تنتين متخرج ومش مكون نفسو منيح ويادوب بلش شغل وشغلو مش مضمون لانو الشهادات ع الحيط هالايام...

5- انو طالب جامعي وبياخد مصروفو من البابا...وابن الماما والو شلتو واصحابو والعلاقه معو مش مضمونه لانو ممكن يتركك بالبيت ويطلع مع شلتو متلا...


هل سوف تتجاهلين ما سبق وتبحث عن شاب متعلم (تعليم عالي)؟؟؟ ام انك ستكتفين بشاب حامل للشهاده الثانويه؟؟(وتقولين انه فاهم الحياه صح وفاهم الشغل وتجاربو كتير منيحه وح يقدر يحميكي بعلمو المتوسط وخبرتو الكبيره),,,؟؟ام انك ستبحثين عن شاب لم يكمل تعليمه اصلا وتقولين المهم بشتغل وخبرتو كبيره بالحياه؟؟؟

تفاعل الشباب بموضوع الفتاه الجامعيه كان تفاعل كبير وبناء ....
اتمنى ان ارى التفاعل ذاته وان يكون التفاعل موضوعي...

ليل الهجر

[ثائر ابو لبدة]

نبدأ النقاش للأسبوع القادم من اليوم الخميس ..

الموضوع الجزء الثاني من ( الشاب الجامعي , الفتاة الجامعية ) ..

ملاحظة : الموضوع - للصبايا - ..

كتابة وفكرة الموضوع : ليل الهجر ..

نبدأ الآن ..

[SaMoOoH]

مسالخير....

شكرا كتير على طرح هالمواضيع يلي بتتعلق بالشاب الجامعي والفتاة الجامعية

عندما اصبح بسن الزواج سوف ارتبط بشاب معه شهادة جامعية لكي يكون توافق فكري بين الطرفين
لان لا يوجد رجل يحب ان تكون المرأة اعلى منه بأي شيء ولذلك بالنسبة لي افضل ان اخذ شخص معه شهادة جامعية لكي يكون توافق فكري بيني وبين الشخص...

وقبل شهادة الدكتوراة... قبل ان ارتبط بشخص يجب ان يكون لديه اخلاق ودين قبل العلم لان الشهادة ليست مقياس ان يكون الشخص فوق القمة بالعكس في كثير من الاشخاص معهم شهادات وهم لا يفقهون شيء من الشهادة التي لديهم

وايضا لا يوجد فتاة جامعية تأخد واحد ليس من نفس مستواها العلمي الا القليل ومع ذلك يوجد من هذه الفئة ولديهم اولاد ويعيشون حياة هنيئة.. حتى لو فتاة اخذت شخص لا يوجد معه شهادة عن قصة حب مثلا او قسمة ونصيب الا يكون في بينهم مشاكل سنة اولى سنتين ثلاثة حب بعدين في اولويات في اطفال في حياة الشخص يجب ان يعاصرها

ولكن لكل مقام مقال اذا الفتاة متعلمة واخذت شخص متعلم كل شيء يسكون مختلف في التربية في التعليم في مستوى العمل.... ويجب ان يكون لديه شهادة الشخص الذي انوي الارتباط به لان العمل في هذه الايام مفقود (( بشتغل يوم وبقعد عشرة)) فإذا كان يحمل شهادة فأكيد الالاف الفرص سوف تأتي اذا ليس بهذه السنة السنين القادمة سوف يكون له فرص عمل ويكون بين شخصين متعلمين توافق بالتفكير وبتعليم اطفالهم بإستقبال اصدقائهم كل شيء يكون مختلف بين شخصين متعلمين

شهادة الثانوية الان اصبحت مثل محو امية اي شخص يحصل عليها ولكن شهادة الجامعة تعطي الشخص ثقة بشخصيته وازع علمي وثقافي حتى لو كان ذلك فيه اختلاط واختلاط ادب واحترام

والشيء الاهم في كل ذلك انا الشهادة التي يحصل عليها كل شخص هي سلاح له وخصوصا في وضعنا نحن الفلسطينين الذين نعيش في ضل الاحتلال والاحتلال لا يحب ان يكون اي فتاة او شاب فلسطيني متعلم يردون الشعب ان يكون جاهل لا يفقه اي شيء من المخططات والتدابير التي يخططون لها وعندما يكون شاب الفلسطيني لديه شهادة يقف امام الاحتلال فهذا يدفعنا بأن كل شاب وفتاة فلسطيني ان يحصل على اعلى الشهادات لكي يرفع اسم بلده امام الاحتلال وامام العالم كله

لي عودة انشالله...

[مغرمة القمر]

شــــكرا كتير على طرح الموضوع المهم والحلو للنقاش

بالنسبة اللي انا بفضل يكون مكمل جامعة ومخلص تعليمو يعني متعلم عشان يكون متفهم وبيعرف يتعامل مع الناس

بس انا بحكي بفضل يعني مش اشي اساسي عندي لانو في شباب مخلصين جامعات بنسألهم عن الحياة ولا اشي بيعرفو بس عن الدراسات عشان هيك لازم يكون متعلم و بنفس الوقت عارف الحياة وقوي وبيعرف كيف يعيشها مش يدرس ويخلص جامعة للرياء (ازا بنجي للشكل العام بفضل يكون متعلم)

تحياتي للجميع : مغرمة القمر

[خضر أبورميلة]

انا اعلم اني ساخرق القانون

و اشارك في موضوع مخصص للصبايا

ولكن يجب الانتباه الى نقطة صغيرة

5- انو طالب جامعي وبياخد مصروفو من البابا...وابن الماما


اختي ليل الهجر

الطالب الجامعي لا يعني انه طالب مثل ما في المرحلة الاعدادية او الثانوية حتى


و انه بياخذ مصرووف من البابا

مثال على ذلك

ابوي و عمامي

الي خلصو جامعات ولكن بعرق جبينهم

و ما كانو ياخذو من سيدي اي شي

و كانو يشتغلو و يدفعو قسط الجامعه و يضل معهم مصروف

و هذا يعني انه الواحد ما يستنى تيخلص جامعه على شان يشتغل

بل انه يشتغل في اي شغلة على شان يحوش شوي مصاري و بعد ما يخلص جامعه بيشتغل في الشغلة الي تخصص فيها بالجامعه

[ليل الهجر]

اخي بلاك في البداييه ساسامحك على اختراقك لهذا القانون وذلك لاهميه مداخلتك...
هههههههههههههه بمزح طبعا اهلا وسهلا فيك باي وقت
انا معك انو في طلاب بيشتغلو وبدرسو من جيبهم الخاص...
يعني انا بنت مش شب... وبشتغل... ما بدي اقول اني بقدر اطلع كل مصروفي بس ع الاقل بساهم فيه...واكيد في شباب بساهمو بمصروفهم ويمكن بطلعوه كلو....
بس مش كل هالشباب هيك...
والاهم من هيك انو في تخصصات صصعبه متل الطب متلا بدها تفرغ كامل... وممكن الشب يكون عم يدرس خارج البلد وبالتالي الشغل ح يكون صعب عليه لانو ببلد غريب وولغه غريبه وتخصصو صعب...
يعني متلا اخوي بيدرس طب بالخارج ومن الصعب جدا انو يشتغل...حتى نفس الجامعه مانعه هالشي...وعندهم قانون بقول انو الطالب للدراسه وبس...
طبعا مش كل التخصات ولا كل الجامعات هيك...
واكيد مش كل الشباب اتكاليين... بس للاسف نسبه كبيره منهم هيك...
يعني انا بجامعه وبشوف الشباب اللي عنا...
ما بقدر انكر انو في شباب بيشتغلو بالليل والجامعه بتكون عندهم بالنهار لدرجه انهم مرات بقضصرو بدروسهم او بطلبو من حد تاني يعملهم عنهم ( يااااااااااااااااما عملتها)...
بس لكل قاعدة شواذ...وةللاسف الطالب اللي بيشتغل هوه الشواذ للقاعده ومش العكس...

بشكرك على مداخلتك... وطبعا كل التقدير لطلاب الجامعات اللي بيشتغلو

[BENT ALQUDS]

يا جماعه اني من راي
انه مش شرط انه يكون مخلص جامعه
لانه في اشخاص بيخلصوا جامعه وبيكون الهم علاقات غريبه شويه؟
وبتكون كمان سمعتهم مش كل هلاد
تعالوا نشوف ؟
اوقات بتبجي تحكي مع شب متعلم بتلاقيه مش عارف الخمس من الطمس ...بس اسمه متعلم
اوقات بتيجي تحكي مع شب مش متعلم بتلاقيه بيحكي احسن من المتعلم الف مره....بس اسمه بتم مش متعلم
لذلك يا صبااااايا
لا تختاري زوجك لسبب من الاسباب:التعلم و الشهاده
عندما تختارين الزوج المناسب لك:
1-يجب ان تشعري انه يوجد تفاهم بينك وبينه00مش شرط انه بس المتعلم هو الي بيفهم
2-شعورك اتجاه:ماذا تشعرين عندما تشاهدينه
...........
..........
لا اعرف كيف سوف اوصل لكم رسالتي بطريقه مفصله
ولكن ارجوا تمشي وراء قلبك في هذه المواقف


وشكرا
bent alquds

[ابو قصي]

السلام عليكم ورحمة الله
النقاش مفتوح للشباب والفتيات ويستطيع كل منهم ابداء رايه بالموضوع
وان كان التساؤل موجه للفتيات استكمالا لنقاش الاسبوع الماضي حيث التساؤل كان موجه للشباب
التمويل الذاتي للطالب الجامعي من خلال العمل ليس بالامر الهين وخصوصا -كما نوهت ليل الهجر اذا كان يدرس بالخارج او التخصصات التطبيقية كالطب او الهندسة او الدراسات العليا الماجستير والدكتوراة
وان استطاع ان يجمع بين الدراسة والعمل فهو بالكاد يمول دراسته ومصروفه
بعدها يبدا رحلة تكوين وبناء الاسرة الخاصة به حيث يستغرق من الوقت الكثير من بناء البيت وتجهيزه والمهر وتكاليف الزواج الباهظة الثمن سواء جامعية او غير جامعية الا اذا تلقى مساعدة من اهله

[ثائر ابو لبدة]

شاب متقدم لك ِ للزواج : شرط حاصل على شهادة جامعية ام لا :




samoooh >>

شرط شهادة جامعية <<

السبب : التكافؤ بين الطرفين .

مغرمة القمر >>

شرط شهادة جامعية <<

السبب : يعرف يتعامل مع الناس ويكون متفهم .





مداخلات :

ballack >>

الطالب الجامعي يعتمد على نفسه و لا يعني انه طالب اتكاله على والديه <<





آراء :

بنت القدس >>

لا تختاري زوجك على اساس الشهادة والتعليم بل على اساس التفاهم والحب

المتبادل <<


سعد >>

مهمة الشاب الجامعي ليست سهلة خصوصا ً الدراسة والعمل ومصروف


الجامعة .. الخ <<

[العيساوي]

كنت اريد ان اشارك من البداية ولكن لاحظتان الموضوع كان موجه للصبايا والحمدلله انه مفتوح ةيمكن المشاركة للجميع


خلوني اقولكم احساسي بالعامية

والله الحمدلله خلصنا تعليم جامعي ويا سلام

للاسف لما نظر حولي واشوف شباب جيلي الي ما كملوا دراسه !!!
واشوف الي فيهم راكب جيب والي مبني 4 طوابق والي .... الله يعطيهم بزياده والله ما بحسد حسد والله شاهد ... لكن كثير بقول بنفسي ...شو كسبت انا لما طلعت !!! شو كسب لما كملت تعليمي ؟ مش لو عملت مثلهم كان هالحين حاطط اجري بمي بارده والمصاري بتنزل علي من هان وهناك !!!
كان ما عايش كل هالحياه الصعبة والمعاش لموظف عادي !!!

حتى قبل اكم من يوم صديقي بيشتغل معي ومعاش الحمدلله ومبني بيت وبيكمل دراسات عليا ...راح يخطب بنت ...اول جواب كان من ابوها عمو خلص دراستك وبنشوفك بعدين اذا ما جوزناش البنت !!!
يعني عند الاهل بيهمهم المصاري والاكتفاء الذاتي وبصراحه بلومهمش ....لكن ...

يبقى ان اقول ان طالب العلم ستعيش معه الفتاه بحياه صعبه ماديا ولكن صدقوني مريحه نفسيا
فلكي ان تختاري عزيزي الفتاه

كيلو ذهب معلق برقبتك ويداكي ام راحه البال مع انسان فهمان ....
قال الله تعالى (( قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ)) (الزمر:9)

(( يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ)) (المجادلة:11)


افكاري بجوز متشتته هالمره لكن الحياه مش سهله ....

[ليل الهجر]

اخي العيساوي...شو بدي اقلك؟؟؟ يعني متل ما بقولو بالعاميه يسلم تمك....
الشهاده معلقه ع الحيط والمتعلم اذا معو اجا البيت ما معو يعفشو واذا عفشو مش ح ياكل...
الحياه صعبه خصوصا بهالوقت..
الكل بهالوقت بهمو المظاهر البنت والاهل...كل واحد بفكر بالاشيا اللي هوه بدو اياها...
الاهل شو بدهم من زواج بنتهم والبنت شو بدها من زواجها هادا...(طبعا كلو بغض النظر عن حقيقة هاي المطالب او اهميتها)...

الاهل بدورو على رضا العالم والناس وانو الكل يحكو عن اللي عملوه لبنتهم....والبنت بدها عرس اسطوري...
وطبعا هالشي كلو مطلوب من المجني عليه (العريس)...
اذا حظو منيح ...بقدر يوفر هالطلبات...واذا لأ...بدور على صفقة تانيه تكون خياراتها متلائمه مع امكانياتو...(بعتذر على اللفظ بس بجد هاي صفقه ع الاقل بنظري)..

شب بعمر 25 سنه حاليا مستحيل يتزوج...الا بحاله من 2...اما وارث او الو اكتر من 10 سنين بيشتغل..
للأسف هادا واقعنا...

[خضر أبورميلة]

و الله يا عيساوي جبتها في محلها

العالم اليوم بتدور على وين في قرش لبنتها


بجوز معهم حق لأنهم بدهم بنتهم تعيش حياة منيحة

ولكن برايي هذا مش كل شي

الاهم هو راحة البال كما تفضلت

و مرات و كما ذكرنا في موضوع سابق

اهل العروس ما بيرحمو ( اعتذر على اللفظ )
يعني الواحد بطل يعرف اذا يتعلم و يستصعب في الجوازة

ولا يطلع من المدرسة و يبلش تحضير للعرس على اساس يكون كل شي جاهز لوقته

ولكن شطارة اهل العروس الي بتدور على راحة بال بنتها و بتعرف لمين تعطي

[عقاب]

نعم نحن نعيش في عصر المادة وهي الشغل الشاغل للكثير منا ولكن يبقى نجاح الانسان في حياته هو بتوفيق من الله والحظ يلعب دور كبير جدا في حياته.

وطبعا يبقى العلم زاد الحياة وسلاح قوي للجميع لأن العلم يبني بيوتا لا عماد لها والجهل يهدم بيوت العز والكرم.







عقاب

[ليل الهجر]

وطبعا يبقى العلم زاد الحياة وسلاح قوي للجميع لأن العلم يبني بيوتا لا عماد لها والجهل يهدم بيوت العز والكرم.

يسلم هالتم اخي عقاب...
يعني اعطيتني شوية امل بالمستقبل

[البرنسيسا]

السلام عليكم ورحمة الله وبركاته

بالنسبة لي فانا لا احصر التفكير بأن اشترط ان يكون طالبا جامعيا او حتى طالبا لم يكمل تعليمه ,فلأهم من ذلك كله

هو ان في العلاقه الزوجيه التي تكون ملمة بزوجين متفاهمين وذو اخلاق حميده ستنجح بلا شك, لان الاخلاق الحميده

هي الجانب التطبيقي للمسلم في علاقته الزوجيه وغيرها ,لذلك فان الاخلاق قد تتقدم

على العلم لكنها جزء لايتجزؤ منها واذا كان العلم نهر فالايمان بحر..


وللأسف في عصرنا الحالي اختل توازن الفضيله حيث غادرتنا القيم والمعايير الروحيه والاخلاقيه وانخرط الناس كثيرا في الماديه .







وبارك الله فيكِ اختي ليل الهجر لطرح هذا الموضوع

[ابو قصي]

ليكن قدوتنا السلف الصالح سعيد بن المسيب العالم الجليل الذي رفض تزويج بنته لابن الخليفة عبدالملك
بن مروان هشام بن عبد الملك الذي تولى الخلافة فيما بعد صاحب المال والجاه والسلطان وفضل عليه احد طلابه وزفها الى بيته المتواضع في ذلك الز مان وليس المتواضع في هذا الزمان
فاعتبر هذا العالم ان الثروة الحقيقية هي ثروة العلم والادب
قال عليه الصلاة والسلام " العلماء ورثة الانبياء " وثروة الانبياء العلم والاخلاق
وقال ايضا " من جاءكم من ترضون له دينه وخلقه فزوجوه "

[Esawi G]

بسم الله الرحمن الرحيم

شكرا لكم جميعا على الأدلئ بئقترحاتكم.

انا شاب من هذه البلاد وبعرف الى حد معين كيف الناس يفقرون بخصوص الشهادة الجامعية.
بنسبة لي انا درسة بأ حدى الجامعات في بريطانيا وخالطة عرب ومسلمين بس بعد 8 سنين تجربة اقول الدين والأخلاق اولأ

والسلام عليكم ورحمة الله

[ليل الهجر]

اكيد الاخلاق والدين قبل كل شي....
بس يعني...
بنقدر نقول انو ترتيب الشهاده ب الاولويه رقم 3؟؟؟ولا اقل؟؟؟؟وليش؟

[ابو قصي]

شاب يحمل الشهادة الجامعية العليا ومن احسن الجامعات في اوروبا ونمط تفكيره اوروبي من حيث النظرة للدين حيث الدين بالنسبة له عبادة في المسجد واخلاق حميدة
وشاب يحمل الثانوية العامة ونظرته للدين شاملة لكل نواحي الحياة السياسية والاقتصادية والاجتماعية
ايهما الشاب الانسب للزواج ؟

[ليل الهجر]

بالنسبه الي؟ اكيد التاني...
الدين اسلوب حياه ومش عباده بس...
وبصراحه اكبر ح افكر بحالي قبل كل شي...
واحد شايف الدين بالعباده والمساجد بس يبقى على اي اساس ح يعاملني؟؟

[ابو كايد]

بسم الله الرحمن الرحيم

بوركتم أحبتي

حول مداخلة ليل الهجر
السلام عليكم ورحمة اللـــــه وبركاته....
الي كل صبايا المنتدى هذا السؤال ... وارجو الاجابه عنه بكل صدق وموضوعيه...

أحبتي أبنائي الكرام
بعد أن إطلعت على وجهات نظركم حول هذا الطرح
رغبت لآن أقول كلمتي
بعد أن تأذن لي ليل الهجر
حفظها الله ورعاها وإياكم

أقول :.........
للســــــــــادة
سعد, ابو وديع, محمد نخال

بغض النظر كونكم مشرفي القسم ولطالما ليل الهجر طرحت الموضوع فقط للصبايا
وتجاوز البعض خرق ذلك ورغم أن ليل الهجر قامت برد على رد مخالف
ههههههههههههههههههههه

وقالت له :
اخي بلاك في البداييه ساسامحك على اختراقك لهذا القانون وذلك لاهميه مداخلتك...
هههههههههههههه بمزح طبعا اهلا وسهلا فيك باي وقت

هل أشرت يا سعد لليل الهجر بأن تقر لك ذلك
أم مجرد كونك مشرف ما بتكون مخالف
ههههههههههههههههه

وهيك شجعت العيساوى وشارك

لكل قاعدة شواذ وكل واحد حظة ومن يعقل فليتوكل على الله
يالله سيرة وإنفتحـــــــــت يااجماعة

وأكيد من واحد ختيار زيّيي يمكن ما بناسبكم رأيــه!!!!!!!

الرسول عليه الصلاة والسلام بيّن بأن من الأفضل
أن يختار الرجل شريكة حياتة دون مستواه المعيشي
وفي ذلك تفصيل

إذا سمحتولي أكتبلكم وجهة نظري سأكتب
بعد موافقة لـــــــــــــــــــيل الهجـــــــــــــــر
هههههههههههههههههههههههههههههههههه
هااااا شو قلتم
أنتظر ردكم

خادمكـــــــــــــــــــــــم

[العيساوي]

السلام عليكم ورحمة الله

اخي ابو كايد
وهيك شجعت العيساوى وشارك


قرأت الموضوع وتابعته من بدايته وكان لي تعليق وفضلت ان لا اعلق على الموضوع احتراما لما جاء في مشاركة احد المشرفين على القاعة ( ابو وديع ) ولكن عندما اتيح المجال بعدها للشباب للنقاش على يد المشرف ( سعد ) جاء مشاركتي بعد ذلك ...واعلم علم اليقين ان القرارات تتخذ بالمشاورة بين مشرفي القاعه فالسماح للشباب بالمشاركة يعني متفق عليه

السلام عليكم ورحمة الله
النقاش مفتوح للشباب والفتيات ويستطيع كل منهم ابداء رايه بالموضوع

يعني بيطلع اني ما خالفت لسه القوانين :36_1_7:

[ابو قصي]

السلام عليكم ورحمة الله
اخي ابو كايد انا فتحت باب النقاش للشباب والصبايا على غرار نقاش الاسبوع الماضي حيث كان السؤال للشباب عن شريكة الحياة و تم فسح المجال للصبايا للمشاركة في ابداء الراي
وكذلك عندما وجه السؤال للصبايا فتح المجال للشباب لابداء الراي ايضا وذلك لاثراء النقاش باكبر قدر من الافادة
ولم يمانع في ذلك اختنا ليل الهجر صاحبة الموضوع بدليل ردها على بالاك ولا ابو وديع ونخال مشرفي القاعة
وبصفتي مشرف لهذا القسم اتخذت الاجراء المناسب الذي يثري النقاش بماهو مفيد بفتح باب النقاش للشباب والصبايا
وبالنسبة لي انتظر رايك بالموضوع
واذا رات ليل الهجر ان الموضوع بحاجة للتمديد لاسبوع اخر لاعطاء الصبايا وقت اكبر للرد فليس لدي
شخصيا اي مانع
اخوكم سعد

[7amdaneya]

بسم الله الرحمن الرحيم

في البدايه بحب اوجه الشكر لليل الهجر في طرحها لهذا الموضوع البالغ في الاهميه و بحب اني اعطي رايي فيه

نعم و بصراحه لهذا السؤال اجابات كتيرو و سابدا باجابتي الشخصيه وبالنسبه للمستقبل البعيد ان شاء الله بفكر اني ارتبط مع انسان حاصل على شهاده جامعيه لانه ضروري جدا ...الانسان المتعلم لديه خبره اكتر في الحياه و مستفبل افضل للعمل و متفهم اكتر حسب رايي اضافه الى و و الحمد لله انا في المرحله الجامعيه و ضروري عشان اتفاهم مع شخص يكون محصل نفس التحصيل العلمي اللي عندي او اعلى شوي .... و بقارن دايما بين طلاب الجامعه و طلاب المش جامعه و ع الجهتين في العاطل و في المنيح ولي عوده ان شاء الله

[محمد نخال]

بسم الله الرحمن الرحيم

بدايةً أشكرك ليل الهجر لإكمال ما بدأتِ به ..
كما وأثني على شكري لمن وضع بصمته وأحيي الفتيات على صراحتهن ..

على غرار الإختلاف في وجهات النظر والإلتباس بخصوص الشاب سواء جامعي أو غيره ، فإن الفتاة تبحث عن الشاب الذي تجد معه السعادة والحياة المستقبلية الهنيئة ، هذا بالنسبة للفتاة بشكل عام ، بالإضافة الى الفتاة الجامعية فمن المنطق أن تبحث عن شاب بمثل مستواها أو اعلى بغض النظر عن المستوى المادي ، وأخريات من يبحثن عن التعليم والمستوى المادي كذلك ، وغيرهن ما يفضلن الشاب الوسيم ذو الشهادة الجامعية والدخل العالي (وهذا الأكثر طلباً ههههههههه) ، ومنهن من يكتفي بالشاب المتدين بمعنى الكلمة حيث التعليم والتعامل والأخلاق الإسلامية بشكل عام ، وهذا كله تحت إطار الشاب الجامعي .

صراحةً موضوع يحتاج الى تفصيل دقيق جداً والخيارات واسعة تكاد لا تنتهي ، فالشاب يختلف من حيث التعامل المظهر الأخلاق الدين التعليم ..... الخ ، وكذلك الفتياة لكلِ منهن نظرتهن الخاصة وتفكيرهن المستقبلي المختلف ، ولكن على حسب التصويت المطروح وآراء الفتياة فإن الغالبية العظمى منهن يفضلن الشاب الجامعي ، وأحياناً ما يجبرون سواء من - أهلهم أو الواقع (الفلسطيني بشكل خاص) وغيره من الأمور القاهرة - على قبول شاب ليس كشاب أحلامهم .! ، وهذا ما يؤدي الى عدم التوافق والمناوشات المستمرة والطلاق وهذا ما نسمعه في هذه الأيّام ..وأحياناً العكس ، قال تعالى :- (كتب عليكم القتال وهو كره لكم وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون)

من وجهة نظري بأن التعليم هو أحد أهم أسس الحياة الزوجية الناجحة ، فالمتعلم يدرك حقيقة دينه ويمشي وفق منهج الله ورسوله ، ونجاح الحياة الزوجية مرتبط بتقدم المجتمع حيث يساهم في التربية الإسلامية الصحيحة وإنشاء مجتمع متعلم واعي يمشي وفق دينه الإسلامي ويبقى قريباً منه ، حيث البعد عنه يوصلنا الى ما نحن عليه الآن ..!

أحترم جميع آرائكم
وعذراً على مخالفة القانون :5e565bcb:
(وننتظر رأيك عم أبو كايد بحكم خبرتك في هذه الحياة :--))


تحياتي
محمد نخال ^_^

[ليل الهجر]

اخي او عم او اب.....
ابو كايد...
اولا مرورك ومشاركتك بالموضوع شرف لنا...
ف خبرتك في الحياه لها ان تفيد الكثيرين...
اما بخصوص فكرة الموضوع والنقاش وان كان مفتوحا للشباب ام الصبايا ف للصراحه ان كلا الموضوعين كانا في البدايه محددين في اتجاهاتهم...
ف موضوع الشباب للشباب والصبايا للصبايا...
لكن ومن بعض المداخلات التي تمت من قبل الصبايا لموضوع الشباب وكانت مداخلات فعاله لا تقتصر على الشكر وحسب....وكذلك مداخلات الشباب في هذا الموضوع والتي ايضا هي مشاركات مهمه...
لا يسعني الا ان اقبلها بكل صدر رحب واشجع عليها ايضا...
ف الهدف من الموضوع فتح باب النقاش وتبادل الاراء والافكار وليس حكر الموضوع على فئه او جنس معين...

ومره تانيه احنا بانتظار مشاركتك..

[ليل الهجر]

اخي نخال بشكرك على مدخلتك الفعاله...

****
وأخريات من يبحثن عن التعليم والمستوى المادي كذلك ، وغيرهن ما يفضلن الشاب الوسيم ذو الشهادة الجامعية والدخل العالي (وهذا الأكثر طلباً ههههههههه) ،
****

في ناس هيك؟؟؟همه فين بس ههههههههههههههه

طبعا الكمال لله...ودايما في اولويات واولويات الانسان بتختلف من شخص لشخص...
برأيي الاولويه الاولى يجب ان تكون للدين...وبعدها لا ضرر من ان تختلف الاولويات بين المال والتعليم والاصل والنسب وغيرها...فلكل معتقداته...

[محمد نخال]

بكل تأكيد الأولوية للدين ، لكن برأيك هل هذا ما يبحث عنه معظم فتياة اليوم .!!!
أرى بأن النظرة الأولى تتجه لجيْبه ووسامته قبل دينه وتعليمه ...

في ناس هيك؟؟؟همه فين بس ههههههههههههههه

ههههههههههههههههه ، يوجد ولما لا ! ، تلك الصفات لم أكتبها من خيال ، فهي منبثقة عن الواقع ، ولكن اولئك هم القلة ، والطلب عليهم أكثر من عددهم هههههههه

[ابو قصي]

يانخال خربتلنا النقاش بطل لا نقاش جاد ولا يحزنون هههههههههههههههههههههههههههههههههه

[shams]

الطالب الجامعي لاانو بفهم امور الحياة اكثر وبكون منفتح على الحياة اكثر وبيقدر يدير امور الحياة وبكون عندو سيطرة وقد المسوؤليه اكثر

شكرا لطرحكم لهذا الموضوع المهم

تحياتي

شمـــس

[الجرح النازف]

اختي الغاليه اشكرك لما تقدمتي في طرحه من قضيه تهمنا

بالنسبه لي افضل الشاب الجامعي الذي يمكن ان يفهمني ويفهم عقليتي

خاصه باني فتاه جامعيه وادرس صحافه واعلام وفي المجتمع الفلسطيني هناك الف علامه استفهام

امام طالبات الصحافه بسبب المفهوم الخاطيء الذي انطبع لديهم

ولكن اذا تقدم لي شاب ولديه مؤهل علمي جامعي وليس لديه اخلاق ولادين

وفي نفس الوقت تقدم شاب ملتزم ومحترم وذو خلق ولم يكمل تعليمه الجامعي ولديه افق وعقل واسع

ويتفهم طبيعه عملي سوف افضل الاخلاق والدين على العلم

*ملاحظه عندما وجدت وزاره للتعليم سميت بوزاره التربيه والتعليم اي ان التربيه والاخلاق

تتقدم على العلم ولكن لا اقلل من اهميه العلم فنحن بحاجه الي عقول مفكره ومدبره

ذو وعي وادرك


*انا ملاحظه بانه الجميع بفضل الشاب الجامعي لانه يفهم طبيعه الحياه ولكن انا اقول لكم هذا ليس

مقياس فهناك شباب ماشاء الله عليهم اخلاق وفهم ولكن ربما تكون هناك ظروف حالت بينهم وبين اكمال

دراستهم الجامعيه ويكونون افهم واقدر على فهم الحياه من الشاب الجامعي وهذا واقع ملموس

بمجتمعاتنا بتمنى من الصبايا عند التفكير باختيار الزوج المناسب النظر الى الاخلاق والدين والعقليه

قبل العلم ,رغم ان العلم شيء جميل في حياه البشر

ليل الهجر اعذريني اخيتي

ان اطلت الحديث

اختك

الجــ النازف ــرح

[محمد نخال]

يانخال خربتلنا النقاش بطل لا نقاش جاد ولا يحزنون هههههههههههههههههههههههههههههههههه

ههههههههههههههه أعتذر منكم ، والنقاش الجاد ليس جاداً بمعنى المكلة ، على الأقل في منتدى العيساوية ، وخاصةً إذا تواجدت ليل الهجر بالموضوع هههههههههه .

من بعد إذنك ليل الهجر بالتعليق على ..

أخت شمس
الطالب الجامعي لاانو بفهم امور الحياة اكثر وبكون منفتح على الحياة اكثر وبيقدر يدير امور الحياة وبكون عندو سيطرة وقد المسوؤليه اكثر

أولاً أشكر مشاركتك معنا في هذا القسم ^_^ ، وهل برأيك أن الشاب الجامعي فقط دون غيره هو كما ذكرتي ؟
أي هل من الممكن أن يكون شاب آخر بنفس فهم الطالب الجامعي ولكن بلا شهادة !؟


أخت الجرح النازف
مشاركتك من ذهب فعلاً
*ملاحظه عندما وجدت وزاره للتعليم سميت بوزاره التربيه والتعليم اي ان التربيه والاخلاق

تتقدم على العلم ولكن لا اقلل من اهميه العلم فنحن بحاجه الي عقول مفكره ومدبره

ذو وعي وادرك

بتمنى من الصبايا عند التفكير باختيار الزوج المناسب النظر الى الاخلاق والدين والعقليه

قبل العلم ,رغم ان العلم شيء جميل في حياه البشر





لي عودة إن شاء الله ^_^

[ليل الهجر]

طيب...يعني طلع الحق علي....
الله يسامحكم :36_1_4:
خلص انا موافقه الحق علي....

نرجع للمشاركات
شمس***الجرح النازف
اشـــكر لكم مشاركتكم معنا بهذا النقاش...

ولكن اريد ان اؤكد على نقطه معينه...
الشهاده الجامعيه وبكل تأكيد ليست مقياس خصوصا في وضعنا هذا وبلدنا هذه...

يعني انا طالبه جامعيه وبقلكم...الجامعات مش لازم تكون هيك...الجامعه من المفترض انها تعتمد على البحث مش ع التلقين مثلا...من المفترض انو تكون فيها نشاطات لا منهجيه مهمه تجذبنا ك طلاب....
لكن وللأسف النشاط اللا منهجي الوحيد تقريبا...هوه حركة الفصائل والمشاكل بيناتهم ...
وبخصوص الدراسه ...تقريبا متل المدرسه...المحاضر او الدكتور بشررح الماده (اذا عندو ضمير) وبقرأ العناوين اذا كان ضميرو نص كم....
والطلاب بيحفظو الكتاب....
واكيد مش هادا المقصود بالجامعه او حتى بالحياه الجامعيه الحقيقيه...
بس حبيت أأكدلكم انو الجامعات مش مقياس ولا معيار...لانو في طلاب وطالبات اكثر انغلاقا من طلاب المدارس...

الجامعه عامل مساعد لكنها ليست مقياسا...

[ثائر ابو لبدة]

اتنهى النقاش هنا ..

نشكر الأخت ليل الهجر - متابعة ممتازة ..

الموضوع مغلق ..