غلاء المهور والاسراف في مصاريف الزواج فرحة العمر ام نكسة اقتصادية للاسرة الشابة

[ابو قصي]

السلام عليكم ورحمة الله
سنناقش هذا الاسبوع قضية اجتماعية وهي غلاء المهور والاسراف في مصاريف الزواج
المهر مرتبط في اغلب الحيان بالذهب والذهب سعره في ارتفاع مستمر بالاضافة الى الاسراف الذي في غيرمحله في اغلب الاحيان
ايهما افضل للاسرة الشابة الجديدة الاختصار بالمهر والمصاريف وتجنيب الاسرة الشابة الغرق بالديون في اغلب الاحيان
ام انه لايهم غلاء المهر والتكاليف فالزواج مرة في العمر وفرحة العمر ولا عبرة للمال
لماذا لايتفق الشاب والفتاة على الاختصار واقناع الاهل بذلك ؟

نرجوا التفاعل وابداء الاراء ووجة نظركم للموضوع

[محمد نخال]

غلاء المعيشة والذهب خصوصاً يزيد من تكاليف الفرح وبالتالي إنتكاس الأسرة الشابة بهذه التكاليف الباهظة والتي لها دور أيضاً بالعنوسة (ناقشناها سابقاً) ، أيضاً الإسراف (وخصوصاً في فترة الخطوبة) بلا داعي من هدايا وغيرها ، وكذلك المصاريف الزائدة في الفرح لها تأثير كبير ...
شيْء آخر ، أصبحت الأفراح بشكلها ومضمونها منافسة بين العرسان !! ، (والشاطر اللي بكون فرحه أحلى وبالتأكيد المصاريف رح تزيد) ، بتعبير آخر (الغيرة) ، وبذلك تغرق هذه الأسر بالديون في أغلب الأحيان .
كما أن الإتفاق بين العرسان وأهلهما بالإقتصاد وعدم الإسراف يقلل من هذه النكسة ..

المشكلة الإقتصادية بشكلٍ عام تعود لوضع الدولة من إحتلال وغيره ، فالدولة المستقلة سياسياً وإقتصادياً بكل تأكيد ستقلل من هذه المشاكل ، والتمسك بالتعاليم الإسلامية سيغنينا عن التقاليد والعادات الني من شانها أن تزيد من تلك التكاليف ، ولا أقصد التخلي عن العادات إنّما البعض منها والتي بالأغلب تكون غير مهمة ومجرد تكاليف زائدة ..

أشكرك أخ سعد
إحترامي

[العيساوي]

مشكورين على الموضوع الروعه

بكل صراحه انا قليل ما بروح اعراس
والسبب واضح لاني بحس حالي بصراحه بشارك بجريمه بقبول من الطرفين للاسف طرف راضي مجبورا حتى يتزوج



حتى رسولنا الكريم قال بكل صراحه
قال صلى الله عليه وسلم : "أقلكن مهرا أكثركن بركه".


وبكل صراحه لما كنت ادخل عرس واشوف التلبيش ذهب كنت افكر حالي بسوق ويالله ورينا شطارتك بيع ومشترى والوحده وكأنها بشتروها شريه بالذهب

يا عمي جد بكفي مسخره
امشوا على السنه بموضوع الزواج

شوفوا العريس المناسب والي بيرضى ربنا وساعدوه علشان يستر حاله

وبلاش التشبيط بالعلالي والمهر وكل التوابع الثانيه
بدنا تخافوا ربنا شوي وترحموا هالجيل

والله الشباب صارت تترك دراستها وتروح تشتغل بس ليش قال علشان يلحق يكون مهر

والعرس صحيح عاداتنا وتقاليدنا بتمشوا عليهن بس برأيي الاصح تمشوا على ديننا


والشغله للاسف صارت شطاره بنت فلان بتسوا وبنتنا بتسوا اكثر وللاسف واقعين بهالشغله الاغلب الاهل ومرات كثيرة العروس نفسها الي برضو بدهاش تكون اقل من غيرها ....
وقليل ما بيتم الاتفاق بين العريس والعروس ولكن الاهل بيتدخلوا ما شاء الله وبيفرضوا شروطه على العريس ...
وكثير ما سمعنا جواب حلو للعريس الي ما عندوا الله لا يردوا والباب.... بفوت جمل ....

بكفي والله حرام

خافوا ربنا شوي ....

[ثائر ابو لبدة]

هناك نظرة خاطئة لدى بعض العائلات ..

فهناك عائلات لا تزوج بناتها بمهور قليلة ويبررون ذلك بأنه انتقاص من حق الفتاة ..

ويضيفون على ذلك بأنه هدر لحقوقها وترخيص لها ..

وكأن الزواج أصبح في زمننا تجارة - بيع و شراء ..

والرابح من يأخذ أكثر ..



و في ظل الوضع الإقتصادي الصعب الذي يرافقه غلاء في كل شئ ..

ونحن هنا بصدد التكلم عن الذهب الذي يرتفع سعره يوما ً بعد يوم وانخفاض سعر صرف الدينار ..

أصبح الزواج كارثة وهذا ما يأخر زواج الكثير من الشباب ..

وهنا لنا من سنة نبينا المصطفى صلى الله عليه وسلم اهتداء ..

فكما ذكر العيساوي قال رسول الله : أقلكن مهرا أكثركن بركة ..



فيجب أن يكون هناك تيسير على الشباب المتقدمين للزواج ..

وعدم التشديد عليهم وطلب مهور معقولة تناسب الوضع العام و وضعهم الخاص ..


اشكرك سعد على طرح هذه القضية المهمة ..

و التي ترافق موجة غلاء الأسعار وانخفاض سعر صرف العملات وغلاء الذهب ..

اختيارك موفق ..

تحياتي الكم والله يوفق الجميع .

[ربيع البلد]

انا بشكرك اخي سعد على موضوعك الرائع

بجد انو الواحد صار يشتغل بس علشان مهر العروس
يعني شوف عنا بلبلد اقل مهر ثلاث الف دينار وفي بخمس الف دينار

طيب غير مصروف العروس بعدين بيجي توابع عفش البيت

يعني انا بدي أفهم شغله وحده شب ابن خلينا انقول عشرين سنه

ايش بده يجمع ليجمع ليجوز عنجد ورطه

بعدين نفس ما بتحكو انو سعر الذهب عماله بطلع

ودينار بنزل يعني صدقوني يا جماعه الله يعين

العزبيه ولخطبين

بعدين بجيك أبو العروس بحكي انا بنتي مش اقل من غيرها
وهان لمصيبه وأبو العريس مجبور يدفع ليش عشان أبنه بده العروس
فوان صفانه بديون وهات ليخلص بكون عند الواحد اربع ولاد ومش قادر يصرف عليهم

أنا بحكي أنو لازم يحكو بنسبه للموضوع بجامع بصلات الجمعه عنجد
بعدين احنا مقرب عنا أعراس كثير عنجد لازم حل

تحياتي
اخوووكم

ربيــــــ البلد ـــــــع

[الجرح النازف]

مشكور خيو على الطرح


وهاي المشكله لايعاني منها فقط شباب العيساويه بل جميع الشباب في الوطن العربي والاسلامي.

ولكن اذا نظرنا الى غلاء المهور ليس دائما بسبب الغيره وغير ذالك ولكن اقول لك بان هذا الغلاء يرجع في الاغلب الى غلاء المعيشه انا لا اعيش في القدس ولكنني اعتقد بان القدس كسائر المدن الفلسطينيه هناك غلاء بالمعيشه وبالوضع الاقتصادي وبالتالي غلاء في المهور وهذا الامر الذي يجعل الشباب لايقدمون على الزواج ولكن اقول كما قال الرسول الكريم "اقلكم مهرا اكثركم بركه"

وليس ضروري ان يكون المهر ليس الغلاء هو الاصل بل العلم والايمان والاخلاق

اتمنى من الله ان تحل هذه المشاكل جميعها والسعاده للجميع

اتمنى ان اكون استطعت ان اوصل فكرتي

[غزاوي في البلد]

والله ما ظل حكي بعد الي كتبو
زملائي في المنتدى العيساوي ونخال وسعد وابو وديع وربيع البلد والجرح النازف

[نجم فلسطين]

مشكور كتيرعلىالموضوع الروعه والاجتماعي وواقعي ميةبلمية.
يعني انا مش عارف ليش الاهالي صارو يطلبو مهر غالي كتير جد هاي مشكلة حقيقه يعني صار الشب بدو مهر تسه ولا سبع تلاف دينار وغير العفش وغير مصاريف العروس .
يعني الواحد ايتم عزابي احسلو جد والله .
الواحد بدور على ستر بنتو مش اكتر فبلاش الغلاء هاد .......................تحياتي وما تنسو انو احنا اولاد بلد يعني بنعرف ضروف بعض ...............

[عقاب]

بسم الله الرحمن الرحيم

انّ مشكلة غلاء المهور والاسراف في مصاريف الزواج هي من أهم المشاكل التي تواجه الشباب في الوقت الحالي ، حيث انّ هنالك الكثير من الشباب ليس لديهم القدرة على نفقات الزواج ، وكل هذا بسبب العادات والقليد الأعمى في مراسيم الأعراس ( والله ابن فلان جاب شفيق كبها ، وابن فلان راح على قاعة بعشرين ألف شيكل .....) الله يكون في عون الشباب اللي مش عارفين شو يغطوا .

عقاب .



انااقرأ اناافكر انااجيب.

[-M7mad-]

الســـــــــــــــــــــ عليكم ــــــــــــــــــــــــلام



والله يا جماعه الخير كل الي بتحكو فيه مزبووط بس هات الي يفهم


الكل بحكي هاي عادات وتقاليد يعني العريس بصفي عالحديده


بس من ورى المصاريف الي بطلبوهن اهل العروس خطبه بقاعه وعرس بقاعه

وصالون لكل العيله


انا من رايي انو شيخ يصدر فتوى بتقليل مهر المراه ومصاريف الزواج

ورفع الماخر ضعف ما هو عليه عشان ما يصير الزواج لعبه عند بعض الشباب

[عاشق الرياضة]

سلام عليكم
والله اخي ان كلامك 100في الميا وانا بشكرك اخي على الموضوع الجميل الرائع كتير
مع تحياتي انا محمد محمود