غياب الانشطة الثقافية عن المؤسسات الشباب

[ابو قصي]

يوجد في العيسوية عدة مؤسسات شبابية منها
جمعية العيسوية
مركز جماهيري العيسوية
فريق مساجد العيسوية
تفتقر هذه المؤسسات الشبابية لمركز ثقافي يرعى النشاط الثقافي في هذه المؤسسات
مثل دورات تعليم لغوية كاللغة الانجليزية والعبرية
ودورات تقوية للطلبة بمختلف المواضيع والمراحل الدراسية

ما هو سبب غياب هذه الانشطة الثقافية عن هذه المؤسسات عدم اهتمام المؤسسات في هذه الانشطة
ام عدم وجود اقبال على هذه الانشطة حتى لو كانت مجانية

مسالة مطروحة للنقاش هذا الاسبوع

[محمد نخال]

قضيّة مهمة للنقاش
لاسيّما أنّي طالب في المدرسة ويلزمني كهذه المؤسسات التي من شانها أن تعمل على خلق طلاب قادرين على إكمال المسيرة التعليمية ، وخصوصاً في مجال اللغات (الإنجليزية والعبرية) والرياضيات.
لنفرض جدلاً أن مؤسسات ترعى أموراً كهذه تم إفتتاحها وبالمجان ، السؤال الذي يطرح هنا ، هل ستلقى إقبال من الطلاب ؟؟
من وجهة نظري أن الإقبال عليها لن يكون كبيراً ، بالمقابل هناك من يحتاجها فعلاً ، فلو كانت الدورات لمختلف الفئات العمرية ، وكذلك فعاليات كقراءة القصص أو دوْرات تعليمية مجانية وغيرها ، لأثّر إيجاباً بالمستوى التعليمي في البلد بالتالي الإستمرار في المسيرة التعليمية ..

برأي أن إهتمام المؤسسات المذكورة في هذه الأمور يكاد يكون معدوماً ، وأتمنى أن نشهد خطوة جريئة من هذه المؤسسات تهدف الى مصلحة أبناء وشباب هذه القرية .

شكراً أخ سعد
إحترامي

[دانيا]

نقاش هادف ومفيد اخي سعد,,

انا رئيي بما اني عايشه في البلد كنت اتمنى انو يكون في المركز الجماهيري بلاخص
فعاليات هادفه وبناءة اكتر من اللي بتصير حتى بجد ينمو هالبلد بس للاسف ما في دعم في البلد عنا بلاخص في امور التعليم يعني متلا انا كنت كتير حابه يكون في دورات للتعليم رياضيات او انجلش ,,ليش , لانو في البلد ومش خارجها بما انو اهلي هيك بفضلو وبجد احسن بس ما قدروا ع هالطلب ما بعرف ليه مع انو مش كل هاللب الصعب بلعكس احسن من غيرو ,,وفي ايد هي المؤسسات اللي عنا انها تبني اجيال مستقيمه وهدفه
لمستقبل واعد بس ما في دعم يعني الكل ساكت وبدو الشي ييجي ع الراحه لو في تعاون وفي نية انو ينمو اطفال البلد كان بجد احنا افهم من هيك واوعى بلتصرفات خصوصا,, انا ما بنكر انو هي المراكز عملت برامج وحاولت وطلع معها بس ما بتدووم ويمكن لانو نسبة اقبال الناس ع هي الامور قليل نسبيا,,بلاخص الشباب ,,

بجد نقاش هادف وواقعي جدا خصوصا ببلدنا ,,

[العيساوي]

قرية العيساوية هي بلده صغيرة الحجم

وسكانها ما شاء الله بعددهم اللهم زد وبارك


في هذه القرية نرى وجود مؤسسات مختلفه

وكل مؤسسة لها اهدافها
الطرق للوصول للهدف تحدده الادارة

ويبقى ان نحكم على نجاح او فشل هذه المؤسسات من خلال نجاح نشاطاتها
ادارة المؤسسات الاجتماعيه والجماهيرية هو علم ويحتاج الى قدرة ودراسة وخبرة ومعرفة ...
ومن خلال كل هذا يمكن ان تنجح هذه المؤسسات والاندية ايضا اذا نجحت ادارتها

والان السؤال الذي لا جدال فيه
الا وهو
المنتفعين من هذه المؤسسات هل هم مهتمون ام لا ؟؟؟
نعم الكل مهتم اذا تم ايجاد نقطه الوصل بين المؤسسة والمستفيدين من خلال النشاطات الصحيحه والموزونه والمطلوبة .. وطرق تسويق هذه النشاطات بالشكل الاوسع والاصح ...
وهذا كله يأتي من الاداراة الصحيحه ...
بالتوفيق ...

[بنت قمر راكبة همر]

اخوي سعد

شكرا على الموضوع القيم جدا وبصراحة ازا بدنا نحكي فيه لمبكرة ما بنخلص
اول اشي متل ما حكى اخونا العيساوي عدد سكان العيساوية كتار والانشطة قليله
وتبعا الشباب والشابات ما عندهم اشي يقضو وقت الفراغ يعني يا على التلفزيون الي زهكناا وزهكنا شو بيجيبو عليه يا على النت الي كمان زهكنا ما في اشي يستغل بشكل صحيح
يعني الشباب من الملل صارو يوم السبت متلا يضلو باب مدارس البنات والبنات من الطفش بنزلو على الاسواق عشان يقضو الوقت
ما في انشطة ثقافية ولا نوادي يقضو اوقاتهم فيه
وكمان ضغط المدرس يعني كل يوم امتحانين ازا مش تلات

يعني كتير عوامل

وشكرا الك

تحياتي