:: ضعف التعليم في العيساوية ::

[ثائر ابو لبدة]

نحن فريق منتدى العيساوية من ادراة و مشرفين ومعنيين نقدم في كل اسبوعين تقريبا ً في هذا القسم قضايا

نقاش تخص قرية العيساوية ونكون حريصين على اختيار القضية المطروحة للنقاش بعناية .

ونسعى دائما ً لأن يكون موضوع النقاش الخاص بقرية العيساوية يتضمن مشكلة ً لنصل معا ً

الى حل لها وليس ضروريا ً ان تكون المشكلة كبيرة ولكن يكفي ان تتواجد بوادرها .


ومما رأيناه مناسبا ً للطرح في هذا الاسبوع :: مشكلة ضعف التعليم في العيساوية ::



http://epsgirls.net/Portals/0/school.bmp



فالتعليم في العيساوية يعاني من الضعف وهذا شئ لا يخفى على أحد .

ولكن ما أسباب هذا الضعف ومن المسؤول عنه .


الأهل

أم

الطلاب

أم

المدرسة

أم

جميعهم معا ً




و في تبعية التعليم في قرية العيساوية لبلدية القدس سبب رئيسي في ضعف التعليم .

ونقص عدد المعلمين في مدارس القرية .


اليوم وفي هذا النقاش وفي هذه الصفحة سنناقش اسباب ضعف التعليم في العيساوية .

وكل منكم سوف يبدي رأيه في سبب هذا الضعف .

وما الطريقة لرفع مستوى التعليم في العيساوية والتقليل من هذا الضعف .

فيا رواد هذا المنتدى منكم قسم كبير من طلاب مدارس داخل القرية .

شاركونا هنا بوضع اسباب ضعف التعليم في العيساوية وطرق علاجه .

شاركونا باقتراحاتكم وارائكم فهناك من يهتم ...


أترككم هنا وأتمنى لكم أسبوع نقاش موفق .

^
^
^


كتابة : ابو وديع .

فكرة : محمد نخال .

[ثائر ابو لبدة]

سنبدأ بموضوع النقاش لهذا الأسبوع ..

وهو كما رأيتم اعلاه ..

اتمنى لكم اسبوع نقاش موفق ..

باسم الله نبدأ

^
^

[خضر أبورميلة]

بسم الله الرحمن الرحيم

اخي ابو وديع و اخي محمد نخال

شكرا على طرحكم لهذا الموضوع
الواقعي الي بجد العيسوية بتعاني منه

---------------------------------------------------------

من وجهة نظري الشخصية

ارى ضعف التعليم في البلد
يعدو على عدة عوامل

الاهل
المعلمين
الطلاب
كلها مربتطة ببعض
---------------

الاهل :
بكون ما ناحية انه الاهل مرات ما بكون متعليمن
فملا الولد يجي يسال امه او ابوه عن شغلة في الكتاب
ما بيلاقي مين يساعدة
يعني عنا ما شاء الله
الزلمة بيطلع ابنه من المدرسة هو في صف تاسع و على الشغل
و بعد سنه زمان بيتجوز

و هكذا
و تعال اسأل (بقلك مهو ابني مش فالح )
لا ابنك فالح بس مو ملاقي حدا يساعدة و يوقف جنبه

و هذا لي انا شايفة حتى عنا بالحارة

-----------------------------------

من ناحية المدرسة
المشلكة مش قصة بلدية و مش بلدية

مدرسة البلدية قوية
ولكن
في بعض المعلين الي بعوا ضمريهم بالعربي
و خاصة الجداد الي من برا

اول يوم بدخل وبكون بده يعطي كل الي عنده
ولكن لما يزهل و يشوف الطلاب مشاغبين

بيقعد وشو بقلك ( انا معاشي واصل واصل ليه اغلب حالي )

و على الرغم من ذالك
في المعلين و الله شاهد عليهم

انهم ما بيقعدو على الكرسي بالمرة وطول الحصة و هم واقفين يشرحوا
والمعلومات الخارجية لتوسيع للافاق

ولكن مرات الطلاب ما بكونوا بدهم يتعلموا
و الي خلى كتير ناس يقولو و خاصة المعلمين الي عملوا و تركوا
انه
الي بيجي يعمل في العيساوية
يعتبر جهاد في سبيل الله

----------------------------------------

بالنسبه للطلاب
هم ضحية الاهل و ضحية المعلمين

ولكن هذا لا يكفي
لأنه الطالب الي بجد جاي يتعلم
مهما صار بده يتعلم

مش زي طلابنا ( ما تآخذوني )

طلابنا
بقضو طولل الحصص و حتى هو صفوف متقدمة في الاعدادية

( استاذ اخذلي قلمي )

( استاذ سب امي )
( استاذ اخذ محايتي )

و الله عيب
انت طالب علم
و في صوف تاسع او ثامن
و بقعد تتهبل في هيك حكي

زمان الي الي يخلص صف سادس و بكون اشي كبير و يعتر مثقف على زامنهم




ولي عوة

[حنظله]

السلام عليكم ورحمة الله
مشكور اخ ابو وديع ونخال على الموضوع المهم في قريتنا

الاهل
في كتير من الاهل ما بتبعو ا اولادهم
واهالي للاسف مش متتعلمين ما
بيقدرو يساعدو الطلاب ف الطالب بييأس من التعليم
__________________
الطلاب
الطلاب انواع
الي بدو يتعلم بيتعلم
الي دو يلعب بلعب
والي بدو يضيع وقتو
يعني الشغله بتعتمد على العقل لازم الطالب عندو مساعد
_______________

المدرسه
المشكله مش من المدرسه المدسه هدفها تثقف الطلاب
بس في بعض الاستاذه بعطو الطلاب اكثر من حقهم بزيادة العلامات
علشان هيك لما يطلع ع مدرسه تانيه بكون معدلو بالعيساويه 88 بسير 65
_________________


بتمنا التقدم والرقي والازدهار للقريه والنجاح من كافة المجالات



تحياتي

[نرمين]

*التعليم في العيساوية يعاني من الضعف

برأي ضعف التعليم في العيساوية يعود لسبب رئيسي واضح
تعاطف المعلمين\ المعلمات الي زيادة عن اللزوم مع الطلاب اذ كانو بعض المعلمات من شدة حزنهم على مستوانا .. امتحانات الفصل الاول والتاني يلخصوا المادة بورقة عمل واحدة او تنين .. ويقولولنا ادرسوهم وبتنجحو ا..
في الي ما كانو يدرسوهم كمان ..
تعاطفهم كان يخلينا فرحانين ..بس لما طلعنا على مدارس تانية وكان امتحان الفصل الاول بالكتاب كله .. صدمة لا توصف للطالب\ة
بعد ما تعود\ت تفتح الشنته بعد الساعة 8 .. هلحين ازا بلشت الدراسة الساعة 8 اي ساعة هيخلص الطالب دراسة..

موضوع اقرب من القرب لواقعنا..
بتمنى يكون فيه تفاعل كبير.. ردود و وجهات نظر عديدة..
تحياتي للمشرفين المتميزين ابو وديع & محمد نخال


نرمين
\
\
لي عودة

[ღஜ¸¸MUNTASER¸¸ஜღ]

ابو ودبع .. محمد نخال .. موضوع في غايه الاهميه
... بالمرحله الابتدائيه وهي بسببها ببدا الضعف للطلاب وهي من الصف الاول وحتي التالت اللي بكون فيها الاستاذ هو اللي بعلم جميع المواد وانو بهاي المرحله الولد ببدا الطالب يتعلم فيها الامور الرئيسيه اللي لازم تكون راسخه بمخو متل جدول الضرب وبهاي الفتره ولاستاذ يمكن ما بكون مهتم لهاي الاشياء . وبعد هاي الصفوف من المرحله الابتدائيه ببدا الطالب ياخد مواد ولغات جديده بتكون اساس للمراحل الجايه وازا الطالب اهملها راح يلاقي صعوبه كبيره بالسنين الجايه واما ازا الاستاز بفشقلو وحده وحدتين عشان يخلص الكتاب قبل نهايه السنه بردو هاي احد الاسباب اللي بتادي انو يلاقي صعوبات لما يكبر


والي كمان عوده

[shoush]

اولا شكرا ابو وديع على طرح الموضوع لانه مهم جدا ودائما كنت اتسائل اذا كان هناك من يلاحظ هذه المعضلة .
هذه المشكلة هي امتداد لسلوكيات قديمة تتمثل باخراج البنات من المدرسة وتزويجهن , او بعد سن معينة - احيانا السادس - يتم اخراج الولد من المدرسة واخذه للعمل مما اثر سلبا على الجيل اللاحق الذي يحتاج لمن يتابعه ويساعده في دراسته لكن ممن يطلبها اذا كان والداه لم يكملا تعليمهما وليس بيدهما حيله لمساعدته بدراسته .
انا من جهتي تعلمت في مدرسة العيسوية والصراحة ومن خبرتي الشخصية لم يكن المعلمين يقوموا بواجبهم كما هو مطلوب ولم نكن نغطي حتى ثلث المادة المطلوبة , وهنا برايي ياتي دور الاهل بالرقابة على اداء المعلمين - لجنة اولياء الامور - التي من حقها متابعة اداء المعلمين وايضا معرفة الصعوبات التي تواجههم مع بعض الطلاب الذين يحاولون التاثير سلبا على سير الحصة , وهنا اقترح ان يتم عقد جلسة للجنة اولياء الامور ووضع خطة عمل وبرنامج محدد لمهامهم في رفع المستوى التعليمي لابنائهم وكذلك طرح فكرة عقد دورات تقوية للطلاب .
وايضا عمل ورشات عمل داخل الصفوف من قبل ابناء البلد الجامعيين لاعطاء نظرة اخرى للطلاب عن اهمية التعليم فمع احترامي للجميع فان الطالب عندما يذهب للمدرسة يقول " ليش اتعب حالي مانا بعد التاسع بدي اروح اشتغل مع ابوي او مع اخوي او بعد التاسع بدي اتجوز " وهذه الجملة سمعتها كثيرا من الطلاب والطالبات وربما يعود هذا الى عدم وجود قدوة اخرى لدى هذا الطالب وعالمه محصور فقط بالعمل او الزواج بعد الصف التاسع ولا يعلم بوجود فرص عمل اخرى بعد انهائه تعليمه او كم ان انهاء تعليم الفتاة مهم حتى تستطيع مساعدة اولادها بالمستقبل في دراستهم وهذا ايضا جزء من المشكلة ان الام التي تقضي معظم وقتها مع اولادها لم تنهي تعليمها واحيانا " ما بتعرف تفك الخط " فكيف لها ان تساعد ابنائها بدراستهم ومن هنا تاتي اهمية ورشات العمل من قبل الجامعيين من ابناء العيسوية وليتحدثوا ايضا عن الصعوبات التي واجهتهم اثناء دراستهم وربما هي نفس ما يواجهه الطلاب اليوم وربما نفتح لهم افاقا جديدة للتفكير بها .
واما الطلاب ربما فرحوا انني لم احملهم جزء من المسؤولية لكنهم يتحلمون هذا الجزء فكما ذكرت انني تعلمت في مدرسة العيسوية وكان اداء المعلمين ضعيفا ومع ذلك اكملت تعليمي ونحجت لان ارادتي كانت قوية وحلمي كان ان انهي تعليمي وكنت اقرا المادة التي لم يشرحها المعلم احيانا كنت لا افهمها لكن المهم انني حاولت .
اخيرا يقع على عاتقنا مساعدة هؤلاء الطلاب بكل وسيلة ممكنة لان ما يميز الشعب الفلسطيني عن كافة الشعوب العربية هو ارتفاع نسبة المتعلمين والمثقفين فيه ويجب ان نحافظ على هذا التميز الذي هو سلاح في وجه الاحتلال

[خضر أبورميلة]

تعاطف المعلمين\ المعلمات الي زيادة عن اللزوم مع الطلاب اذ كانو بعض المعلمات من شدة حزنهم على مستوانا .. امتحانات الفصل الاول والتاني يلخصوا المادة بورقة عمل واحدة او تنين .. ويقولولنا ادرسوهم وبتنجحو ا..
في الي ما كانو يدرسوهم كمان ..
تعاطفهم كان يخلينا فرحانين ..بس لما طلعنا على مدارس تانية وكان امتحان الفصل الاول بالكتاب كله .. صدمة لا توصف للطالب\ة


و, هذا نفس الشي الي صار معنا احنا الشباب الي طلعنا برا

الاستاذ بيعطيني وقة فيها 10 اسئلة و بقول ( 7 منهم داخلة في الامتحان)

[خضر أبورميلة]

موضوع اقرب من القرب لواقعنا..


ليس مجرد قريب للواقع

بل هو الواقع بحد ذاته

.................................

[alm5loq.alarde.almzdahr]

ابو وديع ,,محمد نخال

مشكورين ع الموضوع الرائع

ضعف التعليم بالعيساوية\\\

انا راي متل نرمين لانو لما اطلعنا بره البلد كانت صدمة ..يعني بنات المدراس التانية متل شعفاط

شاطرت وبيعرفو اشياء كتتير وكل شي ماخدينو احنا مش ماخدين شي ,,وازا وحدة مش شاطرة

وما بتتدرس بيحكوا هاي بنت العيسوية معلشي التعليم عندهم زفت يعني بيوخدنا ع قد عقولنا

يعني لازم ندرس الف مرة عند دراستهم للبنات الي بصفنا عشان نيجب علامات عالية ,,والله

الله يكون بعونا كل يوم 3 اختبارات واكتر والله يستر من امتحانات نص السنة كل الكتاب علينا

يعني براي السبب المدرسة

[نرمين]

ليس مجرد قريب للواقع

بل هو الواقع بحد ذاته

.................................


شكرا للتصحيح

[ثائر ابو لبدة]

تعقيب على رد نرمين


تعاطف المعلمين !!

شو بقول المثل : الله يخلي مين بكاني وبكا الناس علي والله

لا يخلي مين ضحكني وضحك الناس علي ..

والمقصود من المثل ان المعلم الذي يقسو عليك ويضغط عليك فهو يعمل لمصلحتك فهو الذي

سوف يخرجك للناس التي ستبكيك بعد عمر اذا مت ..

والعكس في الصورة الاخرى التي تمثل المعلم الذي يضحكك ويلهو معك وينسى امور العلم او

بطريقة اخرى يعمل لكي يقبض معاشه في اخر الشهر فقط فهذا المعلم هو الذي سيوصلك الى

مجتمع سوف يضحك عليك بالمستقبل ولن يحسب لك حساب ..


انا لا اسميه تعاطف ..

فمن يقوم بمثل هذه الاعمال من المعلمين طبعا لا يتعاطف مع الطلاب ..

فليست مهمة المعلم ان يقوم بتعويد الطلاب على الكسل والاهمال ..

بل مهتمته تتبلور في تنمية قدرة الطالب على الدراسة وفحصه بالامتحانات ..

[صمت الناي]

ضعف التعليم بالعيساوية
اهم اسبابة الطلاب الي ما بحترموا لا معلمين ولا منهاج ولا على بالهم
وتاني سبب الاهل الي ما بسألو عن ولادهم لا بالبيت ولا بالمدرسة
وكمان الدور كبير على الطلاب صفة (معظم البنات بعد تاسع قاعدين بالبيت يستنو نصيبهن )

والشباب مهما بقولك في صنعة وفي مش عارف شو

يعني كلو بكمل بعضومن الاستاذة والطلاب والاهل
بنقدرش نحصر الاشي لانو كلو تابع لبعضو وبكمل بعضو

\
\
\

لي المتابعة

[ثائر ابو لبدة]

تعقيب على رد راما


ضعف التعليم بالعيساوية

اهم اسبابه الطلاب الي ما بحترموا لا معلمين ولا منهاج !!

يعود عدم احترام الطلاب لمعلميهم ومدرستهم ..

الى خلل في التربية ..

وهذا ان دل على شئ يدل على تقصير من الاهل اولا ً وتقصير من المدرسة ثانيا ً ..

فالاسرة هي اساس التربية ..

ويأتي من بعدها دور المدرسة ولهذا جاء مسمى التربية والتعليم ..

فالتربية سبقت التعليم اعلاه لأن التربية اهم من التعليم ..

والتعليم يتحقق في ضوء التربية والعكس غير صحيح ..

تحياتي الكم والله يوفق الجميع .

[ثائر ابو لبدة]

تعقيب على رد خضر


الطلاب هم ضحية الاهل و ضحية المعلمين !!




شو بقول المثل : من جد وجد ومن صار على الدرب وصل ..

على الطالب الابتعاد على الاستهتار في الدراسة ..

فإن استهتر الانسان بالعلم فلن يذوق طعم النجاح في حياته ..


ويقول احمد شوقي : وما نيل المطالب بالتمني ولكن تؤخذ الدنيا غلابا ..

فعلى الطلاب الجد في الدراسة ..

فالطالب حياته ومستقبله متوقفٌ على نجاحه في المدرسة وانتقاله للجامعة ..

[YâŖâ]

مرحبا
\

\

اول اشي اسباب ضعف الطلاب بالمدرسة كل ما ذكر لانو من ناحية الطلاب بهملو اشي اسمو دراسة وماخدين استهتار هالايام هاي والاهل ما بسألو بولادهم بقلك انو اشي عادي يسقط ينجح كلو واحد .. وكمان بنفس الوقت المدرسين مرات نفسهم ما عندهم طريقة للتفهيم .. !

يعني ما في سبب معيّن
.. وفي كمان ضعف بعض الطلاب من الاضرابات اللي صارت وهادا اشي اكيد أدى ل ضعفهم واستهتارهم بالمادة

هادا رأيي

لي عودة انشالله
.

..

[العيساوي]

السلام عليكم ورحمة الله وبركاته

مداخلة سريعه

طبعا انا صوتت على ان المدرسة يقع عليها اللوم

طبعا انا لا انفي دور الاهل والطالب نفسه فطبعا كل هذا مجتمعا يقدم لنا جيل المستقبل

ولكن انا اخترت المدرسة
لان المدرسة هي المكان الذي يقضي فيه الطالب وقته كما يقضيه في البيت ساعتا طويلة
المدارس على اختلافها تقدم للطالب طاقم مختلف من المدرسين والمدرسات

وكلنا نعرف ان كل والد حريص على مصلحة ابنه او ابنته يبحث لها عن المدرسة الافضل
يعني بتلاقيه بيلف وبدور ويدور واسطات علشان بس يقبلوا ابنه في المدرسة الفلانية ؟؟؟
ليش؟؟؟

الكل عارف
المدرسة الفلانية تقدم خدماتها بكل روح وتجد تجاوب من الطالب معها

فلهاذا انا اخترت المدرسة
لان المدرسة هي الاساس
وباقي الادوار ثانوية

[ثائر ابو لبدة]

تعقيب على رد العيساوي

طبعا انا صوتت على ان المدرسة يقع عليها اللوم !!



طبعا احترم رأيك ..

ولكن اتعارض معك اخي العيساوي في القاء اللوم على المدرسة ..

فكما اسلفت الاسرة هي الاساس وهي من ينشأ الطالب قبل ان يخرج الى بيئة المدرسة ..


وكم من الطلبة في مدارس تصنف بالجيدة جدا ً ولها اسمها ولكنهم تعيسين اخلاقيا ً واكاديميا ً ..

فلا نستطيع القاء اللوم دائما على المدرسة ..



ولنتحدث عن العيساوية ..

المدرسة هي مشاركة في الوصول لهذا الضعف ولكنها لا تتحمل كامل المسؤولية .

تحياتي الكم والله يوفق الجميع .

[ندين]

اللوم يقع على الاهل والمدرسه
\
\

بالنسبه لألنا الطلاب الي اتخرجو من مدارس العيسويه
بنعاني بشكل واضح ما في وراق عمل تساعد في الامتحانات
مع انو متعودين على اوراق العمل
بس طلعت برا بصراحه عرفت مستواي الحقيقي
لأنو برا كل علامه بتجبيها بتكون من جهدك وما بتكون علامات زياده (لدفش)
ومستوانا واضح عن مستوايات شعفاط او القدس
حتى انو بالعلوم ممكن أطلب استاذ خصوصي
ل\انو الماده مش واضحه
لانو احنا ما كنا متعودين على نمط التعليم
والمصيبه أنو المعلمه بترتب المعلومات فوق بعضها
يعني اذا مرقنا عن معلومه عتيقه بتحكي
هاي اخدتها بسابع وخلص مع أنو انا ببصم على ال10 انو ما مرقت علي
ومطره أرجع لسابع لحتى توصلي المعلومه

كمان الاهل ألهم دور فاعل
لما الطالب بشوف أهلو سألين عنو وعن علامتو
وبشجعو لما ياخد علامات عاليه
وبواسو لما ياخد علامات قليله
وكمان لازم يكون تواصل بين الاهل والمدرسه


لكما كل الاحترام
موضوع مقتبس من حياتنا
أرجو ان اكون أوصلت جزء من المعانه الحقيقه

[نرمين]

..



انا لا اسميه تعاطف ..



وانا اتوفق معك بالرأيي

[العيساوي]

اشكر اخوي ابو وديع على التعقيب

طبعا اخوي انت تابعت مشاركتي
وانا اوضحت ان لكل دوره وذنبه في المشكلة
رأيك الاسرة رقم واح
ورأيي المدرسة رقم واحد
شايف المشكلة واحدة والاراء مختلفة
وهذا لا يشكل مشكلة بالعكس انما كل ينظر للمشكلة بطريقته الخاصة

شخصيا عانيت كثيرا من هالمشكلة

دراستى الاعدادية كانت في مدرسة المعهد العربي ابوديس وكن من افضل الطلاب على مستوى المدرسة
لتأتي الانتفاضة وتغلق مدرسة المعهد العربي اكثر مما تفتح ابوابها بسبب اغلاقها من قبل الاحتلال
اضطر للانتقال الى مدرسة الرشيدية التي حتى اليوم احاول ان امحيها من ذاكرتي كمدرسة للاسف فالفرق بينها وبين المعهد شي لا يوصف

فلهذا ابقى اصمم على رأيي حتى الان

المدرسة الاول
الطالب الثاني
العائلة الثالث

[ثائر ابو لبدة]

العيساوي احترم رأيك .

ورأيي ..

أن المدرسة تلعب دور الثلث تقريبا ً في دائرة الضعف بالاشتراك مع باقي العوامل المؤثرة .


وطبعا شتان ما بين المعهد العربي في ابو ديس ومدرسة الراشيدية ..

فالمعهد العربي من المدارس الممتازة طبعا .

وطبعا المدرسة الراشيدية كان لها وزنها وخرجت اجيال ولكنها اليوم تراجعت وانخفض مستوى التعليم فيها .

تحياتي الكم والله يوفق الجميع .


والنقاش مستمر يا اخوان

^
^
^

[عماد بوجه]

السلام عليكم ورحمة الله وبركاته
شكرا لاتاحة الفرصه لنا للتعبير عن رأينا في هذا الموضوع الهام جدا
أنا صوتت أنو المدرسه هي السبب وأأكد ذالك من خلال تجربتي الخاصه
فأنا درست في مدرسة العيسويه في المرحله الابتدائيه ومنت من الأوائل
ومعدلي في الصف السادس كان 87 ولهذا السبب وافق مدير مدرسة شعفاط الثانويه
على أن أتسجل في المدرسه عندما بدأت التعليم في المدرسه
فوجئت بمواد لم تمر علي من قبل فأدركت حينها فقصير المعلمين اللذين
لم يقوموا بواجبهم تجاهنا من ناحية التعليم
ولم أستطيع التأقلم مع الطلاب لأنني أنا الوحيد اللذي كنت أعاني من هذه المشكله
ولغاية اليوم بدعي عليهم الله لايباركلهم خطيتي وخطيت الطلاب
وعلى فكره عندي الأن بنتين وحده سجلتها بمدرسه خاصه وبدفع كل سنه 6000 شيكل
بس مشان البنت ما تقع في نفس المشكله ولا أفكر بادخالها بمدرسة البلد
المدرسه مقصره أولا وأخيرا وشكرا

[خضر أبورميلة]

شو بقول المثل : من جد وجد ومن صار على الدرب وصل ..

على الطالب الابتعاد على الاستهتار في الدراسة ..

فإن استهتر الانسان بالعلم فلن يذوق طعم النجاح في حياته ..


ويقول احمد شوقي : وما نيل المطالب بالتمني ولكن تؤخذ الدنيا غلابا ..

فعلى الطلاب الجد في الدراسة ..

فالطالب حياته ومستقبله متوقفٌ على نجاحه في المدرسة وانتقاله للجامعة ..





كلامك مزبوط ميه في الميه
و الطالب مش كل مرة بكون الضحية مرات بكون ضحية اصحابه الي حواليه
الي بيخربوا الحصة و ما بيخلوا حتى يفهم
ولكن اذا الاهل ما فهموا ابنهم انه مستقلبه على التعليم
و بتكون مش فارقة معهم اذا تعلم ولا لأ

[خضر أبورميلة]

شو بقول المثل : من جد وجد ومن صار على الدرب وصل ..

على الطالب الابتعاد على الاستهتار في الدراسة ..

فإن استهتر الانسان بالعلم فلن يذوق طعم النجاح في حياته ..


ويقول احمد شوقي : وما نيل المطالب بالتمني ولكن تؤخذ الدنيا غلابا ..

فعلى الطلاب الجد في الدراسة ..

فالطالب حياته ومستقبله متوقفٌ على نجاحه في المدرسة وانتقاله للجامعة ..





و انا معاك يا معلم

عفوا

انا اوافقك الاري اخوي العيساوي

[ثائر ابو لبدة]

بالاك

اشكرك على التفاعل بالنقاش ..

^
^
^
النقاش مستمر

[ثائر ابو لبدة]

لا اعتقد ان هذه ارائكم فقط لضعف التعليم في القرية .

هناك الكثير الكثير .

شاركونا النقاش هنا وضعوا ارائكم .



اسباب ضعف التعليم في العيساوية .


والنقاش مستمر

^
^
^

[ثائر ابو لبدة]

اشكرك عماد على نقل تجربتك لنا .




وكما أسلفت فالمعلم الذي لا يضع مخافة الله بين عينيه قبل كل شئ ..

فهو غير مؤهل لأن يكون معلما ً .

[UnTi | LoSeRs]

اخي ابو وديع

اخي محمد نخال

في البدايه
احب ان اوجه جزيل الشكر لكم على طرح هذه الموضوع
الرائع ويعطيكم العافيه على مجهودكم المناسب
للمنتدى المتميز .

ثانياا انا صوتت متل ما صوت العيساوي

ضعف التعليم في العيسويه من المـدرسه نفسهاا
لانو لاحظ يا اخوي ابو وديع مدرسة شعفاط
عند عزيز فش احسن منها لانو المدير هو الي شادد الطلاب مش الاهل
ولا الطلاب لا المدرسه والمدير هي الي ماسكه الطلاب
يعني ازا المدرسه مش نافعه الطلاب نفس الاشي

وياريت تتصلح الامور وترجع زي زمان واحسن

شكرا لكم اخوتي
ابو وديع

محمد نخال

[خضر أبورميلة]

^
^
^
^
^

مزبوووط اخي انتي لوزر

و مدرسة شعفاط هي المدرسة التربعة على عرش المرادس في شرقي القدس
من ناحية الذكر

و مدرسة الايمان ( شعفاط ) ايضا هي المدرسة الاقوى من ناحية الاناث


ولكن شو سبب قوة تلك المدرسة ( ما دبي اشت كتير عن الموضوع الاصلي ولكن يجب اضرب امثله )

انساك من حزم المدير و الهيئة التدريسية

الطلاب نفسهم بدهم يتعلموا

و انا ومن ترجبة شخصيا

رحت اسجل في شعفاط
و معدلي هون 95

رحت اسجل غاد

لما شافو المدرسة الي انا جاي منها العيساوية

طردوني طرد ( على عينك يا تاجر )

لأنهم ماخذين صورة غلط عن الاجيال الي قبلنا

هناك الطالب ما بحكي ولا كلمة بالحصة مش لنو بخاف من المعلم او من المدير او أو أو أو


هو ما بيحكي لنه خايف بهي اللحظة الي حكا فيها
بكون المعلم حاكي قانون
او معلومة مهمة داخلة بالامتحان

شوفو الفرق الشاسع

حرام يعني لو كان زييهم

و هذا الي لازم تنشتغل عليه

لنو نفهم الطلاب و من هم صغار

انهم لازمو يتعلموا

و ذهه مهمة الاهل

و انا الحمد لله الي ساعدني في تخطي بعض العقبات

اني عايش بين ناس متعلمين
و كان المعلمين الي بالمدرسة يشجعوني خاصة استاذ خضر
و استاذ محمد دعيس

وكانو يحكوا للطلاب انهم لازم يتعملوا

ولكن بعد فوات الاوان للطلاب الي انختم على قولبهم




ولي عوة اكيييييد

[ابو كايد]

بسم الله الرحمن الرحيم
بداية السلام عليكم ورحمة الله وبركاته
إسمحوا لي أن أختار أهم المداخلات ومن ثم أبين لكم وجهة نظري المبدئية
ومن خلال تجربتي الإجتماعية وإدارتي لروضة أحد في سنواتها الأولى العجاف
في مرحلة التأسيس منذ 1/9/1992 وحتى 9/9/1999

ومن خلال تجربة عملية خضتها لطلبة المرحلة الإعداديةا
كتوجيه وإرشاد حيث كنت على مدار خمسة أشهر فبل عامين
أتواجد بين الطلبة في الصفوف وموقع أجهزة الحاسوب مع المعلمين والمعلمات
والتواجد معهم في الساحات وفي معظم الفعاليات والنشاطات المنهجية واللامنهجية
وحول قولكم: من المسؤول عن ضعف التعليم في العيسوية :
بل أقول: ضعف التعليم في مدارس البلدية لمنطقة القدس عامة *
وليس في العيسوية بشكل خاص حيث أن الظاهرة عامة

فمن المؤسف أن يكون إبن الصف العاشر لا يعرف للساعة ولا يعرف المائة كم صفر
ولا يعرف كتابة ومعاني مفردات بسيط في اللغة الإنجليزية وهذه حقائق واجهتها

بنظري يتحمل عبء كل ذلك أولياء الأمور ولا أحد غير ذلك على الإطلاق
1-قدييما المعلم كان يبجل واليوم ينكّل به وحدث ولا حرج
2- قديماً كان ولي الأمر يحضر إبنه لمدير المدرسة وللمعلم فيقول لهم
هذا ولدي لحم وعظم أريد تعليمه وجرد لحمه عن عظمه
وأملي أن لا يفسر أحدكم ذلك في أولويات تفكيره
بل لذلك الكلام واقع على نفس الطالب والمعلم
أما اليوم : يتمنى ولى الأمر أن يعتدي أحد المعلمين على ولده من أجل أن يشتكي عليه ليحصل على المال
ومن الآباء يقول لا تضربوا ولدي خليه يدخك أنا سامحلو
وهذا والله حصل معي في المدرسة الإعدادية
وأذكر بعض الأمهات جاءت رادحة هي وزوجها حيث كان ولدهم شاذ
من حميع النواحي وتم فصله من المدرسة
وأعادوه بأمر الوزارة للمدرسة قسراً...!!؟؟

3- قديماً كانت للمدير وللمعلم هيبتهما ومكانتهما حتى في المجتمع والمحيط
الذي يتواجدون فيه وكان يحسب لهم ألف حساب حتى من أولياء الأمور
فاليوم يضرب الطالب المدير والأستاذ وينتقم منهم بصورة أم أخرى

هذا عدا المباطحات والمشاغبات داخل الصف وعدم إستغلال الوقت الضائع
ناهيك عن الألفاظ السوقية وسب الذات الإلهية
وقد يكون بعض المعلمين والمعلمات غير كفوئين ومن ذوي السلوكيات
التي لم ولن تتناسب مع الخلق الإسلامي
والأساليب التربوية وهذا الأمر سمعته ولم أشاهدة والحق يقال

4- المعلمين والمعلمات الذين عاصرتهم عند خضر عبيد أبا معن
حقاً منهم من هو تحصيله العلمي من ذوي الكفاءات العالية وجلّهم مخلصين وكفوئين
5- المعلم يعطي المعلومة بإخلاص ومن الطبيعي أن يتلقى المعلم المعلومة الراجعة من الطالب سواء أن يلمس بأن الطالب مستوعب أم لا ليعالج الأمر
وهذا يعطي الدعم المعنوي للمعلم ليزيد في العطاء

يعني هنا المعلومة من المعلم هي إرسال للطالب والطالب هو المستقبل للمعلومة
وكما وأن المعلم يود أن يكون المستقبل للمعلومة الراجعة
التي من المفروض أن يكون الطالب قد إستوعبها سلباً أم إيجاباً
فبهذا يقوم الطالب بدور المرسل والمعلم بدور المستقبل
وعليه تكون النتائج إيجابية

ولكن للأسف تمضي معظم الحصص مشاغبة ومباطحة وعينك تشوف الخير
خروج للحمام من الصف ودخول طالب من صف آخر للصف بدون إذن
نهاهيكم عن عدم عمل البعض للوظيفة المدرسية وقد يكون لم يحضر حتى حقيبته المدرسية

أما بخصوص من يتحمل المسؤولية ممن هم مذكورين أدناه
الاهل
100%
المدرسة
لها دور وتتحمل مسؤولياتها بنسبة قد تزيد أو تقل عمّا حدده البعض وقد لا تذكر
ولكن كون الطالب محمي من النظام حتى من سيطرة والديهّّّ عليه
وكلنا يعرف ذلك والشمس ما بتتغطى بغربال.. فهنا ما هو دور المدير والمعلمين؟
سوى التسليم حتى لا يتم فصلهم من العمل
وهناك من الأهل من يشجع ولده على الإهمال بصورة مباشرة أم غير مباشرة
بشكل أم بآخر
الطلاب
لو أن ولي الأمر والقيّم على الولد والبنت متابعاّ وقدوة لولده وابنته
وضابط لسلوكهما هنا يحسب الطالب والطالبة ألف حساب

والذي يضحك ويبكي بأنك ترى المدرسة تضع صور المتفوقين من الطلبة أو الطالبات
على لوحة الإعلانات وطبعا معدلاتهم فوق الثمانينات والتسعينات
فوالله سألت مرة طالب منهم سؤال يستطيع إبن صف التنهيدي الإجابة عليه
فقلت له شو معنى مفتاخ بالإنجليزي صدقوني لم يعرف وبيقول لي ما أخذناها
ومعدله في الإنجليزي في الثمانينات..حسبنا الله ونعم الوكيل

يا أحبائي كفانا بكاء ونواح الحق علينا يا أولياء الأمور
وإللي ما بيصدق يروح ويقعد مع المعلم والمعلمة في الصفوف
أو يضع كاميرة خفية ليرى تصرفات الطلبة والعطاء السخي للمعلمين والمعلمات

كل ذلك لا يكفي فسألوا أهل الذكر إن كنتم لا تعلمون
نعم إسألوا لجنة أولياء الأمور بل تابعوا بأنفسكم لتروا العجب العجاب
طبعاً هناك طلبة كفوئين وجديرين باتلقدير مع كل إحترام

أعذرونـــــــــــي الصفة العامة في العيسوية وعبدالله والرشيدية والأيتام وغيرها من المدارس سيّان أقول ذلك لأنني زرت معظمها
وأسمع كما تسمعون ولا أستثني مدارس البنات لأن الأمر قد يكون مماثل أو أقل سوء

جميع ما ذكر

قطعاً لا

اسباب اخرى

حدث ولا حرج فالبيوت مستورة قد يكون فساد البيت و قد يكون حرمان
أو جهل مفقع أو عدم إعطاء مجال للولد للدراسة وأخذه ليبيع خضار أ
و يقعد بالدكان أو في الورشه وقد يتسول أو يروح يجمع حديد وتوتيا وألمنيوم
وقد يسرق حاجات الناس من شان شواقل معدودة فالأم مدرسة إذا أعددتها أعددت

أحبائي مع إحترامي وتقديري لوجهات نظركم التي قمت بالتبحر بها

فقولكم كل ينظر للمشكلة بطريقته الخاصة

هذا صحيح كما وأن البعض يغني بليلاه

وقولكم : مدرسة الرشيدية التي حتى اليوم احاول ان امحيها من ذاكرتي كمدرسة للاسف

حقا جميع مدارس البلدية الرشيدية وعبدالله بن الحسين وغيرهما حتى مدارس السلطة في منطقة القدس حدث ولا حرج وأستثني منها مدرسة شعفاط والحق يقال

والقائل : أن المدرسة تلعب دور الثلث تقريبا ً في دائرة الضعف بالاشتراك مع باقي العوامل المؤثرة

أما من قال

.......ولغاية اليوم بدعي عليهم الله لايباركلهم خطيتي وخطيت الطلاب
أطلب من الله أن لاتستجاب ...لأنه أمر غير مستوعب وإن كنت محق
فأهل السماح منا ح يا رجل فعليك أن تشفق علييهم
نعم شفيق يا راجل........ شفيق يا راجل,,,,,,, وألف شفيق يا راجل!!هههههههه

صحيج العلم نور...والمتعلمين أنور....... فسروها زي ما بدكم ......ههههه
وعلى سبيل المزاح وهذه المقولة حصلت كان في السجن عندنا رجل كبير في الس
بس راجل وقبضاي كان يقول هذه المقولة العلم نور...........
ومرة قالها لشاب من غزة كان يتعلم الطب ولم يكمل تعليمه
فسجن ولم يحصل على شهادة الطب
المهم حصل بينه وبين هالختيار سوء فهم وقال له الختيار مقولته العلم نور....
وهنا قال له الشاب عشان هيك ياحاج
أنا تعلمت دكــ ... وما رضيت لحالي أكمل ....تور
وما بدي الدكاترة يزعلوا وحقكم علينا وإللي بيزعل بنسميه طبيب
هههههههه
نعم يا أحبتي بالعلم نرقى وبالعلم ننتصر
نعم العلم نور ونور الله لا يهدى لعاص
والعلم يبني بيوتا لا عماد لها والجهل يهدم بيوت العز والكرم


[SIZE="5"]أعذروني على الإطالة فواجب الحال وأهمية طرح الموضوع تستحق ذلك
إستدراك هام: قلت وما زلت أقول كفانا نواح وبكاء وتحسّر حول ضعف التعليم وسرقة رمل المركز الجماهيري وشوارع العيسوية قذرة وفلان أبيض وذاك أسمر وهذا صحيح أو خطأ
الذي أناشكم فيه أن نخطوا معاً خطوات عملية .. خطوة خطوة ..ونبحث على حلول عملية وعلمية مدروسة حيث عندكم الكفاءات والكل مطالب ذكوراً وإناثاً لعمل حركة وفي الحركة بركة ......لنشكل منكم يا شباب ويا صبايا لجان توعية وننظم برنامج متابعة للمتأخرين دراسياً ولنتواجد في الصفوف مع المعلم والمعلمة ولنفعل عدة نشاطات لمنهجية ولا منهجية تربويه وترفيهية على حد سواء
ونستطيع زيارة البيوت تطوعاً ولوجه الله فمسألة طرح موضوع والنقاش حوله
ثم يتم غلقه لم ولن يجدي نفعاً
فمن يبتغي فليتفضل وكما يقولون أول الرقص حنجلة
فنحتاج إلى مبادرات وتضحيات ومن يعلق الجرس
أول خادم متطوع لتفعيل كل ما ذكرته
ونلتمس عذراً لمن ليست لديه الإمكانيات للتطوع
وسلامتكم
خادمكم محمد أبو داود
10/12/07

[جرح الزمن]

مرحباا
اول شي حابب احكي انو كل اللي حكتو مزبوت انو عوامل اللي هي المدرسه والطالب والأهل هما اللي سبب ضعف الطالب

اما من وجهة نطري هناك اسباااب اخرى تدعو الى اهماال هذا الطالب
اولها : صاحب سيئ بلهي عن دراستو وعن اهلو وعن مدرستو
_ وفي كمان انو ما حداش حكاها انو يمكن اتعرف على بنت وهادي البنت هي سبب اخر في تلهايتو عن مدرستو وعن اهلو بس ممكن تجاهلو بمصالح زاتيه ... ارجو الكل فاهمني

ومشكوور للموضوع

مع تحياتي
أمير الحب

[خيّال البلد]

السلام عليكم ورحمة الله وبركاته ..

اخواني اننا نعاني من مشكلة كبيرة وخطيرة جدا ..

ملاحظة بسيطة قبل ان ادخل النقاش ..
لكنني رايت الجميع يلق باللوم على الاطراف المعنية .. لكنني لم اجد اي شخص قام باقتراح حل واحد ..

لذلك اتمنى من الجميع عند مناقشة مشكلة ما .. فمن الافضل ان نضع الحلول حسب تصورنا ..

اما بالنسبة للنقاش ..

انا وبحسب رايي فان السبب يتقاسمه الاهل والمدرسة مع اغلبية قليلة للمدرسة ..
فان غالبية الاهل لا يهتمون بابنائهم فلا يتابعون اخبارهم التعليمية ولا يزورون المدارس ويظنون انه كاف ان يدفعو المصاريف لابنائهم وفقط .. وهذا الخطا من الاهل ..
وكذلك عدم مراقبتهم لابنائهم بعد المدرسة .. في اي ساعة يرجعون الى البيت ..
انا ارى الكثير من الطلاب يبقون في الملاعب وفي الشوارع بعد انتهاء الدوام ساعتين وثلال . ولا يسال عنهم احد ..
كذلك لا يعرفون مع من يمشون ؟؟ من هم اصدقاؤهم ؟؟ بماذا يقضون وقت الفراغ في الملاعب ؟؟ وغيرها الكثير من الاخطاء ..

اما بالنسبة للمدرسة .. فدائما اول ما يقولون لك .. الاهل مش سائلين عن اولادهم .. الاهل ما بتابعو اولادهم .. الاهل والاهل ..
طيب سؤال . . . .
هل المناهج تشترط وجود الاهل من اجل تعليمها .. هل سيقوم الاهل بحمل المعلومة من الاستاذ ونقلها لوضعها في اذن ابنهم ؟؟

اين السيطرة على الطلاب واين صلاحيات المدرسة واين ارادتها اين سمعتها من هذا الموقف ؟؟

المدرسة بامكانها استكمال المسيرة التعليمية وتخريج اجيال بغض النظر عن تسيب بعض الاهل

الا يملكون السلطة على الطلاب لايقاف المتمادين من الطلاب عن تماديهم وتعطيل مسية زملائهم ؟؟؟ الا يملكون السلطة ليقولو للطلاب اصمت ليصمت ؟؟
اذا لماذا هم ادارة وهيئة تدريسية ؟؟

يشكون من عدم متابعة الاهل .. الا يعلمون انهم هم الاهل للطلاب طالما هم داخل المدرسة وحتى خارجها .. ؟؟!!!!

عند غياب الاب الحقيقي للطالب فالمعلم هو الاب الروحي وهو الاب الذي يجب عليه ما يجب على الاب الحقيقي...

يقولون ان الطلاب لا يحترمون المعلمين ولا يحبونهم ..
سؤال ..
قبل دخول الطالب للمدرسة اي من عمر 5 سنوات تقريبا .. هل هنالك من حرض الطلاب على المعلمين في هذا السن ؟؟

اكيد لا .. ولكن هنالك معلمون تنقصهم الخبرة والمعرفة في كيفية كسب الطالب لصفهم ..

والدليل على ذلك .. لا يوجد هنالك طالب واحد يكره او لا يحترم كل المعلمين .. بل يكره معلمين ويحب اخريين ...

اذا المشكلة هنا بالمعلمين ..

وكذلك الطلاب فهم ليسو خارج الدائرة .. بل هم مركزها ..

نصيحة اخوية مني لكم جميعا ..

لا يوجد هنالك استاذ واحد لا يحب النجاح لطلابه .. بل نجاح المعلم من نجاح طلابه ..

لذلك ساعدوه في هدفه السامي وحاولو ايجاد حلول للمشاكل معه
وتقربوا منهم .. فهم اهل لكم واكثر والله ..

واعلمو اضا ان المعلم مهما قسى عليكم ومهما حاول ان يجرحكم
صدقا .. انه لمصلحتكم
اقول لكم هذا بعد ما انهيت التعلم في المدارس وبعد ان رايت الكثير من المعلمين
وتاكدو وثقو تماما انكم ستندمون على كل اعمالكم السيئة وعلى كل ما تقومون به ..
فانا الان بعد 13 سنة تعليمة ارى اصدقائي وارى احوالهم .. ووالله انهم جميعا يتمنون ان تعود ايام المدرسة . حتى يعيشو مع معليميهم اجمل لحظات عمرهم ..
وكل من اخطا ندم الندم الكبير على افعاله وصدقوني اني راي دموعهم على ذلك .. وشعرت بها ..

فلا تقعو في هذا الخطا ..

اما بالنسبة لاطراف النقاش . الا وهم الاهل والطلاب والمدرسة .
رايت ردود بعض الطلاب وكذلك القليل من ردود الهال .. لكن لم ارى ردود من يمثلون المدرسة .. من مدراء ومعلمون وبالذات وهم مسجلون في هذا المنتدى ..


اما بالنسبة للحل .. وهو ما اطلبه من الجميع ..

الحل برايي يبدا من المدرسة ..
وساكون معهم ان المشكلة في عدم سؤال الاهل عن اولادهم ..
والحل لذلك يكون بان تقوم المدرسة بعقد اجتماع للاهل .. والتكلم مع ولي امر كل طالب على حدا حيث يتكلم كل ولي امر طالب مع كل المعلمين .. ويناقشون المشاكل واساليب حلولها .. ودعوتهم للصراحة من كلا الطرفين ..

وكما عهدنا الاهل .. هنالك في المدرسة مثلا 1000 طالب .. لا ياتي الاجتماع الا 100 ولي امر .. من هنا يبدا عمل المدرسة حيث انها ترسل انذار خطي للاهل في حال عدم قدومهم خلال مدة لا تتجاوز ال 3 ايام فان المدرسة ستضطر لطرد الطالب حتى يعود مع اهله .. وفي حال تجاهلو الانذار فان على المدرسة طرد الطالب وفي نفس الوقت الاتصال على ولي الامر واخباره بالطرد حتى تضمن المدرسة ان الاهل علمو بحالة الطرد والاسباب ...
عندها انا متاكد ان الاهل سيرجعون في اليوم التالي فورا مع ابنهم للمدرسة .. وعندها على المدرسة استغلال هذه الفرصة لالزام ولي الامر بالدوم كل فترة وفترة وتعاونه مع المدرسة ..
وفي الاجتماع اللذي بعده لن يتاخرو اهل ذلك الطالب ..

وفي الختام احمد الله الله اللذي اعطاني اهلا هم من خيرة الاهل .. وسجلوني في احسن مدرسة
والحمد لله جنيت ثمار هذه النعمة لكن ليس كما يجب لانه كان هنالك تقصيرا مني ..

اتعظو يا ايها الطلاب ..
والسعيد من اتعظ بغيره والحزين من اتعظ بنفسه


اسف للاطالة ..
لكن في القلب غصة !

تقبلو احترام
اخوكم المحب
خيّال البلد

[ابو قصي]

التحصيل العلمي في المرحلة الابتدائية يعتمد بشكل اساسى على الاهل في متابعة تحصيل ابناءهم مع العلم ان استيعاب الطلاب يختلف منطالب لاخر من خلال متابعة يومية للوظائف والواجبات فهذه المرحلة تاسيسية للطالب وبحاجة لتواصل مستمر بين الاهل والمدرسة لرعاية
الطالب وتنشئته نشاة تربوية وعلمية
المرحلة الاعدادية تعتمد بصورة اكبر على مستوى الضبط والربط في المدرسة وعلى مستوى
المعلمين في المدرسة وتعتمد بصفة اساسية في رغبة الطالب في مواصلة التعليم
المرحلة الثانوية تعتمدعلى استبعاد الذين لايرغبون فى مواصلة التعليم عن المدرسة وقررواان ينضموا الى سوق العمل وما يمنعهم من ذلك هورغبةالاهل في بقاءهم بالمدرسة وهؤلاء هم من يضعفون مستوى التعليم فى اي مدرسة ويضيعون الضبط والربط فيها
اقتصار المدارس الثانوية على الطلاب الذين لديهم رغبة صادقة وحقيقية في التعليم يرفع من مستوى اي مدرسة

[خيّال البلد]

عذرا ..

نسيت ان انوه في ردي
ان ما قلته بالنسبة للمعلمون . لا اقصد به كل المعلمين ..

وبالطبع فان المعلمين وهدفهم السامي وتعبهم وجهدهم لا يمكن ان نصفه ..

لذلك فان كل كلمات الشكر والتقدير والاحترام التي يمكن ان نقولها لن توفيهم حقهم ابدا ..


واعذروني لهذه الهفوة
وجل من لا يسهو

مع الاحترام والتقدير

[ام الفدا]

السلام عليكم ورحمة الله وبركاته
الاهل00000
الاهل الهم دور كبيرمع الاولاد في اهل بتبدا السنه وبتخلص وما بعرف في اي صف ابنه او بنته
الطلاب 000000000
الطالب في المدرسه وخاصه في العيسويه وانا شوفت امام عيني كيف انه الطالب بيواقح المعلم وبيجابوا تعده هالولد جاي من الشارع انا بقول انه مش كل الطلاب عنجد في طلاب بدهم يتعلموا بس بيضيعوا بسبب هالطلاب اللي المستوى البيئي معدوم من الاخلاق
وكيف بدنا نحسن هالمستوى لازم يكون هناك حصص ايضافيه او انه المركز اللي تابع للعيسويه يطالب هذا الاشي ويوم ما انا طرحت موضوع مدارس البلد عنجد لانه الامر عم بيزيد سوء بالنسبه للتعليم والواحد نفسه يشوف اولاد وبنات بلده من احسن ما يكون ////////////// موضوع كتير مهم وجزاكم الله خيرا" يا ابا وديع ومحمدنخال

[FADOOSH]

شكرا كتير على النقاش الاكثر من روعة.........

انا بنسبة الي الحق على المدرسة , الاهل , الطالب
المدرسة : المكان الي بتواجد فيه الطالب اكبر وقت .. بصراحة انا لحسن حظي ما درست بمدارس البلدية الموجودة بالقرية غير سنة واحد وشفت الفرق الكبير تعلمت كتير شغلات الاهمال وطولة اللسان وشغلات كتيرة .......
السنة الي درستها في مدرسة اناث العيساوية اول شهرين انصدمت كتير بكل شي حتى بتدني علماتي معلمين القرية ومعلماتها البؤة الكبيرة في هذا الموضوع التنجيح التلقائي .. رفع علمات الطلاب دون اي سبب مقنع .... هون متل الحسبة اقعد عاقل بتنجح حتى لو كان الطالب عدد زائد بصف والمدرسة يا حرام مسكين ما عندهم وقت يعملوا اجتماع لاولياء الامور غير بسنة مرة مش فضين ....؟.؟
الطلاب : ابناء قريتي سؤاء كانوا ذكور او اناث لو كانوا بدهم يتعلموا 100% كان ما في تدني بس كل واحد بهرب من بيته عشان يتخلص من همه الي بدهم يروحوا يشوفوا اصحابهم والي ريحين عشان ينكشوا راس والي والي والي ......... 5% الي بروحوا عشان يتعلموا وللاسف هم الي بنظلموا ولما يخلصوا اخر سنة في القرية وهي لصف 9 بكيفوا الشاطر الي بده يورح على الراشيدية والبنات على المأمونية الي بكون معدله ب 90 مرة وحدة بقدرة قادر بتصير 60 ويمكن اكم من درس مزوق بالاحمر.... هاد الشي نتيجت مين يا ترى؟؟؟؟

الاهالي : مع احترامي للجميع الي اخت في مدرسة الاعدادية كل اسبوع متل الفرض الرئيسي لازم روح واسال عنها والصراحة المعلامات زهقوا عمرهم ليش بعمل كل ثلاثاء هيك ووصلنا هينا ل نص السنة وللاسف الشديد الاباء والامهات ما في حد بسال عن ابه الا اذا دعي بدعوة رسمية من قبل المدرسة او كان في استلام شهدات وبرضه للاسف في مجموعة منهم ما بتروح بيحكوي ليش نروح نسود وجهنا اي روحوا عشان يحس ابنكم او بنتكم بانه في حد براعي وبراقبة وبسال عنه بهتم في خلي يحس انه ازا عمل غلط في مين يسال عنه مش تاركين الشغلة سابية بنجاوب الاساتزة والمعلمين ويالله ما في حد يسال وزا استاز او معلمة طبوا في طالب يااااااااااا وييله ويا ظلام ليله بياكل هوا مرتب وبنزت كل الغلط عليه وبنعمل ابنا ملك ما بغلط حضرت جنابه منزه عن الغلط وبنعبي روؤس اولادنا البنت على الفاضي لو درستي او ما درستي شهاتك للمطبخ اي مزبوط للمطبخ يعني لو صارت شو مصارت اكيد رح تعرف تطبخ شو بدهاش تاكل اي خلوهم يتعلموا شو بتنقصو في حديث لرسول عليه الصلاة والسلام : (من كانت له ابنه علمها واحسن تعليمها وادبها واحسن تاديبها كانت له سترا من النار ساله صحابي حتى لوكان اله ابنتان قال الارسول حتى لو اثنتان ) ما حكا زوجها حكاااااا علمها ولما بنت تتجوز وعمرها 16 و 15 مسكينة لسا ما عاشت طفلتها وحد يحكيله حرام بنط وبنحكي لا شو حرام اليوم وفي زمنا هاد الواحد يستر على بنته احسن شي ليش شو شيفين بنتكم صايعة ضايعة ما في وراها زلام بعدين شهادتها بتفيدها بالمستقبل لما تتجوز بتساعد جوزها لسمح الله صار في جوزها شي اطلقت اترملت وعندها اولاد مين بده يصرف عليها مهو الواحد يالله يالله يطعمي حاله ......
اما الاولاد يالله مين بده يساعد ابوك ويصرف علينا وبكرا بدنا نجوزك بطلع هل الولد يشتغل مسكين يا في الورشات يا بسوق الخضرة تنوفا يا منظف بأي اوتيل او او او .... اسبوعين بشغل واسبوع بالبيت وغير النصب والمشاكل وتدني الاجرة و و و و و و .... لو مش تعلم شي يفيدة كان بحياته ما بصير في هيك بكفي انه اله معاش شهري بدخل عليه ومامن ولو طلع عن المعاش بضل يدخله راتب شهري غير الترقيات والمركز بكفي بكرا لما تكبر بتكون قيمة لاولادك مش كل الي بتعلموا معهم مصاري في ناس بتعلما وما معهم حق رغيف خبز بس لما وصولا الي وصلوا رفعوا راسهم وراس اهلهم بشهداتهم شهدته اغنته وعيشته بالي كان يحلم في ........ يطلع يساعد ابوي مش غلط بس بقدر يدرس ويشتغل عادي فش فيها شي بس احنا لا حول ولا قوة الا بالله العلي العظيم ...
اسفين لو طولنا عليكم بس في حكي كتير لو بدنا نحكي ما رح نخلص
يعطيكم لعافية وياريت كل الي ذكروا في هاد الموضوع يكونوا شيفين الموضوع ........
مع تحياتي
اختكم فدوش
دمتم بخير

[دمار]

الاهل اليهم دورررررر كبير جدا جدا في ابناءهم بس برضوا المدرسه والطلاب لازم يجتهدوا


تحياتي دمار

[ثائر ابو لبدة]

اشكركم جميعا على المشاركة في هذا الموضوع .

تنوعت ارائكم كما رأينا ..

وسأضيف ان البناء الثقافي والتعليمي لشخصية الفرد ( الطالب ) .

هي مسؤولية مشتركة بين الاسرة والمدرسة والمجتمع .

النقاش مستمر يا اخوان .


^
^
^

[ابو كايد]

بسم الله الرحمن الرحيم
تحية عطرة للجميع
السلام عليكم ورحمة الله وبركاته
أود التعقيب ووضع النقاط على الحروف حول
بعض وجهات نظركم المبينة أدناه

ابو وديع
عزيزي

.........ونسعى دائما ً لأن يكون موضوع النقاش الخاص بقرية العيساوية
يتضمن مشكلة ................
قولكم: .............. لنصل معا الى حل لها قولكم

أقول: هذا ما نبتغيه لا أن نطرح موضوعاً للنقاش ثم نغلقه
أو نجد حلاً كلامياً دون تطبيقه على أرض الواقع
قولكم.............
و في تبعية التعليم في قرية العيساوية لبلدية القدس سبب رئيسي في ضعف التعليم .

ونقص عدد المعلمين في مدارس القرية .

أقول :
قد يكون ذلك نسبياً من باب رد فعل المعلم لعدم تعاون الأهالي
وضعف تجاوب عامة الطلبة مع حصة المعلم
نخلق منه ردة فعل لأن لا يضحي
فالمعلم أكيد كفؤا ولكنه لا يستطيع التحكم في سلوكيات الطلبة
وعدم إستغلالهم للوقت الضائع
وسبق وأن بينت بعض التفاصيل في المشاركة السابقةًأقول ذلك
من خلال تحربة عملية لمدة خمسة أشهر متتالية كنت أجلس في الحصة
مع الطلبة والمعلم أو المعلمة وأحياناً
بحضور مدير المدرسة أبا معن حيث شاهدت معاناة المعلمين
وعطائهم المتفوق والذي لا يستحقة الطلبة قياساً لسلوكياتهم
ناهيكم عن سياسة التربية والتعليم وواقع الإحتلال التي يهمها التجهيل
تدعم الطالب/ة للتمرد

خيّال البلد عزيزي.....

......قولكم .....لم اجد اي شخص قام باقتراح حل واحد
أقول : ألإقتراح العملي ومن خلال تجربتي بينته في مشاركتى السابقة لمشاركتكم
فألتمس لكم العذر قد يكون تنزيل موضوعكم قبل الإطلاع على
ما ذكرته في الإستدراك
فمن الافضل ان نضع الحلول حسب تصورنا ...... قولكم
أقول : هذا صحيح:
ولا يكفي ذلك ونغلق موضوع النقاش بعد فترة ثم نختار موضوع آخر
هذا بنظري أعتبره غير مستوفى ما لم يتم تجسيده بعمل تطوعي
فعليه أقدم دعوة عاجلة لمن كلن له قلب أو ألقى السمع وهو شهيد
لأن نلتقي ونضع خطة للمتابهة
من خلال توجهنا لإدارات المدارس مشاركة المعلمين والمعلمالت
في حصصهم قدر المستطاع وزيارة المتأخرين دراسياً والمشاكين لبيوتهم
وعمل دروس إضافة للتقوية جهدنا ما نستطيع وبالتنسيق
مع المدرسة ومشاركة الطلبة بالفعاليت اللامنهجية حسب ما يتطلبه واجب الحال
ومن ثم نعمل على توجيه الطلبة والطالبات
وعندي الإستعداد لعمل الترتيبات اللازمة
المهم تلبيتكم للدعوة فإن لم يكن كذلك فاعذرني لماذا نناقش
وليكن لتا دور للمشاركة في تقوية الضعف

وبالنسبة لباقي التساؤلات التي طرحتموها تجد الإجابات عليها ضمناً
من خلال ردي السايق
وأقدر إهتماماتكم



حول نتائج التصويت تنازلياً
أولاً
جميع ما ذكر
ثانياً
المدرسة
ثالثاً
الأهل
رابعاً
الطلاب
خامساً
أسباب أخرى

أقول : كل ذلك يتحمله الأهل
ومن ثم المدرسة والطلاب
وعوامل أحرى لطروف قهرية لا أن نقول الأسباب
لأن السبب من الله فييجوز أن نقول حالات
وعليه كيف يتحمل الأهل كل ذلك؟ : أقول للتوضيح أكثر
يا جماعة الأم وإتفاق الأبوين أو القيمين على الطالب/ة مدرسة في أساس التربية
ثم المدرسة تليها في تحمل مسؤولياتها...
من خلال الضبط والربط والعقاب حسب ما يتطلب بكيفية تنفيذ أسلوب العقاب
حيث أن الأنظمة والقوانين الوضعية لصالح تجهيل الطالب
ولأن يتمرد على والديه ومجتمعه المدرسي
المتمثل في إدارة المدرسة وطلابها وموظفيها ومن ثم يصيع ويضيع
فالمدرسة لم ولن تستطيع أن تقصر في واجباتها لطالما
تم تشكيل لجنة لآباء ودورهم الفعال نسبياً حيث لم أرى أي رد تطرق لمهمة لجنة الآباء
وعليه كي لاأطيل عليكم أقول الآتي:
1- الأهل أولاً فيما يتعلق لمتابعة الولد والبنت مباشرة من خلال سلوكياته اليومية
لإنتظام بالدوام المدرسي ذهاباً وإياباً وتجهيز مستلزمات الحقيبة المدرسية
ومتى ينام ومتى يستيقظ ومتى يلعب ومن يصاخب وما لى ذلك
بعد ذلك كله نلقي اللوم على الطالب
فإلتزام الأهل بمسؤولياتهم والطالب بإنتظامه هنا تهيء الظرو ف للمدرسة
وحينها المدرسة تتحمل التبعات
وعلينا أن نأخذ بعين الأعتبار حدود صلاحيات المدرسة المعطاة لها
من قبل التربية والتعليم
كما وعلينا أن نقر الضرب لبعض الحالات وأن نقف جنباً إلى جنب
مع المدرسة ضد أي قانون يكون مساعد لتجهيل الطلبة
ولا علاقةلكون الوالدين يستطيعون تدريس الولد أم لا
**********************

وختاماً أطالب التربويين من معلمي المدارس والمثقفين وأصحاب العلم والصنعة
ذكوراً وإناثاً على حد سواء لأن لا يبخلوا علينا بخبراتهم جهدهم المستطاع
وأناشدكم ثانيةً المشاركة لتبيان وجهات نظرهم لعلنا نجد ضالتنا
والله ولي التوفيق
فبارك الله في جهودكم الخيرة لما لهذا الطرح من أهمية
والسلام
خادمك محمد أبو داوود
الثلاثاء 11/12/07

[ابن القدس_العيساوية]

والله انا بقول انو من الطلاب والمدرسة والاهل من كل شي هما الطلاب ما بدهم يتعلمو والاهل ما بحكو ايشي

[7amdaneya]

بسم الله الرحمن الرحيم
بصراحة انا حبيت اشارك في النقاش بهذا الموضوع ...و لم اقرأ الردود اللي عليه

نعم ...في ضعف في التعليم في البلد ..انا بصراحه طلعت من مدرسة البلد من صف سادس يعني بس المرحله الابتدائيه اللي درسته فيها و ما عندي فكره عن مستوى التعليم فيها في الوقت الحالي لكن اللي بصراحه اللي كان في الوقت اللي انا كنت فيه انو مدرسه البنات كانت اقوى من مدرسه الاولاد ...انا بقول انو البلديه ما بتعين اي استاذ يجي يشتغل عندها يعني الاساتذه منيحين بس المشكله في الاهل اللي بيأثرو على الطلاب و لما الاهل يأثرو على الطلاب الاستاذ ما عنده حل يعني الاستاذ بحكي (و الله اهل هذا الطالب مش سألين فبه انا بدي اسال عنه) فهذا هو الوضع اللي بيخلي التعليم عنا ضعيف....
فالاهل الهم الدور الاكبر لو كل واحد سأل عن ابنه و اهتم فيه اكيد الاستاذ راح يدير باله على الطالب و الطالب نفسه لما يحس انه اهله مهتمين فيه و الاستاذ كمان هو سعييتها راح يهتم في دراسته و يتقدم فيها .....
و الضعف في التعليم مش بيشمل فقط المراحل الاعداديه و الابتدائيه اللي عنا كمان بيشمل على المرحله الثانويه لاني بصراحه لما بركب في باص العيساويه بيكون اسمه عيساويه اسم اتفرجو على الناس اللي فيه كلهم غربيه و كليل ما نلاقي فيه عساسوه يمكن الشفير يكون عيساوي ههههه و اكم من واحد.... اللي بقصده هان مش كتر الغربيه في البلد لا كصدي انه اللي بيكونو رايحين على المدارس الثانويه قلال من العيساويه يمكن هما بيتزايدو بالوقت الحالي ...لكن لما يصير التوجيهي بتلافي نصهم اتجوزو و اللي راح يشتغل واللي زهق و قعد في الدار و من هون بيرجع كمان الدور على الاهل
للاسف قلائل اللي بيروحو عنا على الجامعات و معدودين على الاصابع....برضو هذا مرجعه على الاهل....
و كمان في شغله اللي بيتخصصو عنا علمي عددهم قليل...انا ما بعرف ايش السبب اللي بمنعهم عن العلمي مع انه صدقوني بعد تجربه اسهل من الادبي في بعض الحالات يعني بتمنى انه تنمحي فكره فيلم الرعب اللي عن العلمي
و من بعد تجربه في التعامل مع اهل بلدي انا بعتبر انهم منيحين و قلبهم طيب لكن البيئه هي اللي بتأثر عليهم و الدور كبير على الاهل كتير كتير

و صحيح اني طولت عليكم بالحكي لكن سامحوني ...بس هذا الموضوع جدا مهم ...و لازم اعبر عن رايي فيه:8f337f1c:

[خضر أبورميلة]

انا بقول انو البلديه ما بتعين اي استاذ يجي يشتغل عندها يعني الاساتذه منيحين بس المشكله في الاهل اللي بيأثرو على الطلاب و لما الاهل يأثرو على الطلاب الاستاذ ما عنده حل يعني الاستاذ بحكي (و الله اهل هذا الطالب مش سألين فبه انا بدي اسال عنه) فهذا هو الوضع اللي بيخلي التعليم عنا ضعيف....


كلام مزبوووووووووووووووووووط

و على حسب اعتقادي انه هو السبب الرئيسي لهذه المشكلة

لأنه الاستاذ جاي يعلم طلاب هم بالاصل بدهم يتعلموا

[خضر أبورميلة]

فالاهل الهم الدور الاكبر لو كل واحد سأل عن ابنه و اهتم فيه اكيد الاستاذ راح يدير باله على الطالب و الطالب نفسه لما يحس انه اهله مهتمين فيه و الاستاذ كمان هو سعييتها راح يهتم في دراسته و يتقدم فيها .....


و هذا الي احنا راح صوتنا واحنا نقوله

.................................................. .

[خضر أبورميلة]

و من بعد تجربه في التعامل مع اهل بلدي انا بعتبر انهم منيحين و قلبهم طيب لكن البيئه هي اللي بتأثر عليهم و الدور كبير على الاهل كتير كتير

كلام منطقي لا غبار عليه


صدقوني يا عالم

و الله عنا طلاب ذكائهم اكتر ما بتتصورو و لكن

ما حدا يدير بالو عليهم و يحاول يصقل هالاكم موهبه الي عنا بالبلد

[خضر أبورميلة]

و كمان في شغله اللي بيتخصصو عنا علمي عددهم قليل...انا ما بعرف ايش السبب اللي بمنعهم عن العلمي مع انه صدقوني بعد تجربه اسهل من الادبي في بعض الحالات يعني بتمنى انه تنمحي فكره فيلم الرعب اللي عن العلمي


اسمحيلي اختي اكمل عنك

العملي من ناحية دراسة ما بدها سوى فهم الي بينقال خلال الـ45 دقيقة

و بعديها

لو مراجعه كل يوم ساعة او ساعتين على المادة الي اخذتها

يعطيك الف عافية

و اذا فهمت المادة منيح خلال الحصة
و راجعت بالبيت

بتضمن جوالي 75 % من علامة الامتحااان دون دراسة

ولكن بتضل هاي الشغلة شغلة خوف من اشي اسمه علمي

العلمي مش قصة انه اسهل من الادبي

العلمي فيه مادة اكثر و معلومات محشية حشي بالكتاب

بس خلص
بتلاقي الفكرة الي بده يشرحها الاستاذ و الي بتلخص كل الدرس

حكاها او شرحا بلحظة لكون في الطالب ملتهي
و هذا سبب عدم فهم بعض المواد العلمية

على العكس من الادبي

و الي حتى لو ما فهمت بالصف
بتقدر تروح على الدار و تقراء المادة و تفهمها ( او بابالحرى تبصمها )


و بتلاقي الكل بيدخل ادبي

ليش

قال : انا ما بفهمت رياضيات وفيزياء

طيب ليش ما بتفهم

لأنك بتلتهي في اللحظة الي الفكرة الي بيحاول الاستاذ يوصلك اياها

يعني كل الحصة العلمية

بتكون مبيته على دقيقة وحدة و الي بتم فيها شرح القانون أو أو أو أو

و بالباقي امثلة و ما شابه

حاولو قيموا هذا لخوف من مخكم

و اتعبو شوي على شان تفهموا

[قصر المحبة]

السلام عليكم ورحمه الله وبركاته

قبل ان انطر الى الردود من الاخوه الكرام
اقول ان البلد بحاجه الى من يقوم بها من مهندسين واطباء ومعلمين
وجميع المهن الاساسه والعلماء

ولكن هنا اكيد معوقات وهم 3 - على حد سواء

1- الاهل
2- المدرسه
3- الطالب

الاهل .. كيف تتوقع من امراه ليست متلعمه ان تقوم بتدرس طفلها
المدرسه .. كيف تتوقع من ملعم لا يوجد عليه رقابه وليست لديه مخافه الله
الطالب .. ازا وجد الطالب ان الاهل ليسو مهتمين لانه لا يعلمون
وان المعلمين غير مباليين سوف لن ينجزو شيءا ولكن كلامي ليس مقياس

وانما يجب ان يكون التغير شاملا كل الاطراف
والله ولي التوفيق
والعلم هو الرفيق

واشكر صاحب الموضوع على طرحه والى الامام

[shoush]

[quote=خيّال البلد;343115]السلام عليكم ورحمة الله وبركاته ..

اخواني اننا نعاني من مشكلة كبيرة وخطيرة جدا ..

ملاحظة بسيطة قبل ان ادخل النقاش ..
لكنني رايت الجميع يلق باللوم على الاطراف المعنية .. لكنني لم اجد اي شخص قام باقتراح حل واحد ..

لذلك اتمنى من الجميع عند مناقشة مشكلة ما .. فمن الافضل ان نضع الحلول حسب تصورنا ..

الاخ خيال البلد .....
كل احترام على طرحك
وربما لم تقرا تعليقي على الموضوع حيث طرت عدة اقتراحات ووسائل لمحاولة معالجة هذه القضية .
ربما تقراها ونتناقش معا فيها .
مع الاحترام

[shoush]

الاخ خيال البلد
كل احترام لكل ما ذكرت حتى وان كان مطولا الا ان فيه الافادة .

ذكرت في تعليقك وهنا اقتبس : لكنني رايت الجميع يلق باللوم على الاطراف المعنية .. لكنني لم اجد اي شخص قام باقتراح حل واحد ..

لذلك اتمنى من الجميع عند مناقشة مشكلة ما .. فمن الافضل ان نضع الحلول حسب تصورنا .. )
لعلك لم تنتبه لما ذكرته في تعليقي حيث طرحت بعض الاقتراحات لمحاولة معالجة هذه المشكلة وادعوك لقرائتها وربما نتناقش فيها .

[العيساوي الصغير]

السلام عليكم
يعني الصراحة موضوع شيق و يمكن اتعمق فيه
ابصراحة كل الاولاد في الجيل الاول يعني من بداية دخولهم للمدرسة بيعانو من خوف او عاطفة الابتعاد عن البيت وأنا كنت اولهم ويمكن انتا عزيزي القارئ تكون صادفتك زي هاي المشكلةفيعني فكرت المعلمة في اول يوم (سراقة ولاد )اسف بس بعدين تغير الوضع فبتذكر انو الطلاب في منهم كان مهتم ومنهم لأ بس هلأ في حل هو انو الأهل يهيئو الأبن لهذه المرحلة خصوصأ بانو يخلو اخو الأكبر منو يحكي معاه و يعرفو شو المشكلة وبتنحل
في الجيل الثاني المشكلة بتتغير فبيصير الطالب يعني بدو كل اشي و هاي عادة من صف ثالث الى سادس و بيحب المغامرة فبيكون شقي و مش سهل التعامل بس في هذه المرحلة ضغط الأساتذة بيأثر على الطلاب بشكل رهيب و مع متابعة الأهل للطلاب فلما يكون الطلاب مضبوطين من اهليهم و معلميهم و المدرسة مرتبة فما بيلاقي اي اشي غلط من هذه الناحية و بيحاول يقلد كل اشي بيشوفه
في المرحلة الثالثة وهي البلوغ هي اثبات النفس و بيكون متفتح اكثر على الحياة فبيبلش يدرك كل اشي حوليه وفي هذه المرحلة بيكون اعتماد الطالب على اصدقائه فممكن انو يهمل بسبب ضغطهم عليه(دخن,اسرق,ما ترد,الحق هاي,...) و الدنيا مش خالية من هذه الناحية يعني اذا اتدخلو الاهل في اختيار الاصدقاء بيكون احسن بس من غير ضغط عليه
المرحلة اللي بعديها وهي اخر مرحلة لأني فيها وبدي احكي بكل صراحة
الأهل مشكلة بضغطهم على الشباب
المدرسة قنبلة لأحتوائها على جيل كالبارود
الطالب هو عين المشكلة بسبب ما يمكن ان يسيطر عليه من اشياء وهي:
1.الأصدقاء:التدخين,تقليد الأخرين,ضغطهم.
2.البنات:في هذه المرحلة تسيطر عليه احاسيس اتجاهم
3.المدرسة:تسيطر عليه على حسب التعليم فيها
4.الاهل:ضغطهم عليه ام متابعته
و ارجو ان اتكون معلوماتي كافية ولكني سأعود

[ثائر ابو لبدة]

اشكر لكم المشاركة في هذا النقاش .

رأينا افكارا ً وأسبابا ً وحلولا ً واقتراحات .

وانا برأيي مشكلة ضعف التعليم حلها يأتي من تعاون الاهل والمدرسة معا ً لخلق نوعية طلاب افضل .


النقاش سوف يستمر

^
^
^

[خضر أبورميلة]

وانا برأيي مشكلة ضعف التعليم حلها يأتي من تعاون الاهل والمدرسة معا ً لخلق نوعية طلاب افضل

هذا الي لازم نوصلو

الى

1- الاهل من خلال الخطبة في صلاة الجمعه و نشرات توعية أو اجتماعات
2- لأدارة المدارس

[فلسطين_عربية]

مشكور اخي على الموضوع بس لو نا المدرسة ما بتضربيش كل الطلاب بصيرو بحبوها

[SaNdRa]

مرحبا

برأيي ضعف التعليم سببه المعلم في اغلب الاحيان
يعني لما المعلم يكون اسلوبه مش قوي وما يجذب انتباه الطلاب او شخصيته ضعيفه ، كيف بيتوقعو من الطلاب يفهمو عليه او حتى يسمعوله ، بس كمان الجيل هاد جيل بيكره اشي اسمو دراسة -الاغلب وما بقصد الكل طبعا - ومع اهمال الاهل فـ على الدنيا السلام ، لا ولد يدرس ولا اهل يسألو
اما متل ما حكو عن الاوراق الي كانو يعطونا اياها قبل الامتحان عشان ندرس منها فعلا لما انتقلت ع مدارس القدس ما شفت هيك اشي ولا حتى لطلاب صف اول ، وبالصفوف المنافسة تكون بين بنتين تلاتة والباقي علاماتهم تحت ال70 ، وحسب ما كنت اسمع من البنات انه معظم الاهل ما بيعرفو يقرأو او ما بيعرفو يكتبو
بس بالرغم من هاد كلو العيساوية لسة فيها طلاب مستواهم فوق الممتاز والله يوفق الجميع


لي عودة
..

[ابو كايد]

بسم الله الرحمن الرحيم
السلام عليكم ورحمة الله وبركاته

من خلال هذا الإقتباس لـ أبو وديع
وانا برأيي مشكلة ضعف التعليم حلها يأتي من تعاون الاهل والمدرسة معا ً
لخلق نوعية طلاب افضل

أقول :
نعم هذا هو المطلوب........... مع ضرورة متابعة الطالب/ة في جميع تحركاته
قدر المستطاع
وتربيته التربية الإسلامية فحينها لا تخاف عليه ولا تخاف منه
فتكون المتابعه أسهل والنتائج المبتغاة أضمن وأنفع
حيث أن الوالدين هم الوالدين والولد هو الولد وفلذة الكبد
فمن الضرري بمكان متابعته حتى لو تزوج وأنجب الأولاد
ولا يفهم من ذلك حضراً لحريته لإعتبارات عدة .. ذلك قلت لأن أية مشكلة
أو ضيق حال تعود نتائج تحملها على الوالدين
كما وأقول والله أحياناً
الولد لا يستطيع أن يصرف على حاله فالوالدين على إستعداد تام
لأن يصرفوا على 20 ولد مع زوجاتهم وأولادهم
فعودة إلى الله فالصلاة الصلاة والطاعة الطاعة لرب العباد وللوالدين
ولإدارة المدرسة فاضبطوا سلوكياتكم في الشوارع والمواصلات
ولأن تحترموا كبيركم وتساعدوا صغيركم فلينضبط الطالب/ة
بما هو مطلوب منه مع ربه وذاته ووالديه وجيرانه ومعلميه ومجتمعه المدرسي
وما إلى ذلك هداكم الله ..فوالله يا شباب لم ولن يصح إلاّ الصحيح
فتأكدو بأن كل شاردة وواردة من تصرفاتكم ظاهرة للعيان والشمي ما بتتغطى بغربال
ومن يعتقد بأن سلوكياته لمشاكسة الجنس اآخر غير ظاهرة
فعند المولى ويوم الحساب يلقى النتائج حيث أن الجزاء من جنس العمل
فلكل منك أيها الشباب أخت وأم ولكل منكن أيتها الصبايا أخ ووالد
فالتقوى التقوى.......فاتقوا الله في أنفسكم لأنه دين عليكم
سلباً كان أم إيجاباً
وإلى أن أنتهي من كتابة موضوع شامل حول التربية والتأخر الدراسي ل
علنا نصل إلى حل عملي من خلال مداخلاتكم الشيقة لا أن سكون نقاشنا كلامياً
مضمون دون محتوى................... فاعذروني على هذا الطرح
فمن يستطيع من المتكلمين أو من لديهم فكرة للتكلم مع الطلبة والطالبات
على حد سواء ولو لخمسة دفائق وخير الكلام ما قل ودل
ومن هم يرون في ذاتهم الكفاءة لأن يشاركوا فليتفضلوا
وأنلشدكم بالله لأن يكون كل منكم مقداما وقدوة ولا تختلقوا الأعذار فجهدكم ما إستطعتم
المعلمين والمعلمات في حصصهم من خلال تواجد الطلبة فليبلغني برسالة خاصة
فساقوم بعون من الله وهمتكم بترتيب ما يلزم مع إدارة المدرسة
حيث توجد الإمكانات بالنسبة لي فها أنا سبق وأن طرحت عليكم حلاً عملياً
وأجدد طرحي لعلنا نصل إلى حل
فليبشر كل منكم بالخير ولا ينفر
فلا داعي لأن تختلق الأعذار وفي الحركة بركة وعندنا أمل فلولا الأمل سينقطع العمل
وسلامتكم
خادمك محمد أبو داوود درويش
السبت 15/12/07

[ثائر ابو لبدة]

بارك الله فيك ابو كايد .


تربية الاهل للأولاد هي الاساس قبل كل شئ .

فكما يقال ( الولد عمل ابيه ) .

فما يزرع الاهل من تربية صالحة لأولادهم يحصدونها .

فتربية الاهل لأولادهم تعكس اثارا ً ايجابية في التربية والتعليم ومختلف مجالات الحياة .

[jesy]

ضعف التعليم من كل شي مشكوووووووووووووووووووور يا ابو وديع

[ابو كايد]

و, هذا نفس الشي الي صار معنا احنا الشباب الي طلعنا برا

الاستاذ بيعطينيا ورقة فيها 10 اسئلة و بقول ( 7 منها م داخلة في الامتحان)


بسم الله الرحمن الرحيم
السلام عليكم ورحمة الله وبركاته
تجية عطرة
عزيزي
Ballack
من خلال تجربتي في مجال المشاركة للتوجيه والإرشاد ومتابعة أمور
المجتمع المدرسي مع طلبة وأولياء أمور وما يعانيه مدير المدرسة
ومعلميها ومعلماتها والعاملين الفنيين
حقاً أمر لا يطاق أعانهم الله على ذلك أقول هذا لأنني خضت هذه التجربة
على مدار خمسة شهور متتالية قبل عامين
قد يكون بعض التقصير لجهة أو جهتين أو أكثر ولكن ليس بالمستوى
الذي يطرحه البعض حيث أنني قلت بأن الأهل هم يتحملون تبعات كل شيء
بالدرجة الأولى ثم يتبعه المدرسة فالطالب وعوامل أخرى
وقد تكون مجملها ولكن للتبيين كي يكون هذا أو ذاك أمر قد فندته
بنسب تتحكم فيها معطيات وعوامل قاهرة فأكيد الكل يتحمل التبعات
وبالدرجة الأولى هم الأهل هم الأهل لأن مصدر مجيء الطالب للمدرسة هو البيت
أرجوا أن تتداسوا وجهة نظري ومن ثم تلبية مناشدتي لكم
لمن يحب أن يتطوع لعمل هجمة جديدة مركزة ومدروسة ومبرمجة
المهم من يتطوع ليوم واحد في الأسبوع


عزيزي
Ballack
حضرت مرة حصة إمتحان كاملة مع معلم ما,,,, فالذي حصل هو مايلي أدناه
تعمد معلم المادة إتباع هذا الأسلوب ليرني مدى إستيعاب الطلبة
الأسلوب هو : الأستاذ قبل الشروع بالإمتحان حل الأسئلة على اللوح
وناقش الطلبة فيها وشاركوا في حلها
وبينما أنهى المعلم شرح المادة المطلوبة مكتوبةً على اللوح
سألهم من لم يستوعب الشرح من أجل أن يتم شرحه ثانية
فالكل قال فاهمين
المهم قام المعلم بتوزيع أوراق الإمتحان وبينما قرأها عليهم
فوجئت بأنها هي التي تم شرها مكتوبة على اللوح
فقلت له هل سيتم محو الحل من على اللوح فقال لي صبرك
وقال لهم باشروا بالإجابة وهذا الحل هو على اللوح!!!!!!!!!
وبعد عشرة دقائق طلبت منه محو ما هو محلول على اللوح فاستجاب وتم محيه
والذي فاجئني كذلك في العشرة دقائق الأخيرة قال لهم يستطيع كل واحد يفتح كتابه
ففتحوا كتبهم وصدقوني جلّهم لم يستطيع حل الأسئلة على الأجوبة
كما هو مطلوب وهي مسجلة الحل أمامهم على اللوح
فالأستاذ إستعمل هذا الأسلوب أمامي ليريني كيف يتعب
رغم أن نفس معلم المادة حضرت له حصة قبل ذلك بأسبوع
شرح فيها وحل جميع الأسئلة على اللوح
بأسلوب شيق وقال لهم إنسخوا الحل فغالبيتهم لم يكلف نفسة لكتابة كلمة
ومنهم من يعتمد على غيره لينقل الحل منه
ورغم ذلك لم يقم البعض بحل التمارين التي أعطاهم إياها المعلم
كوظيفة للحصة الثانية طبعاً هنا توضحت الفكرة للجميع
حقاً طللبتنا لا يريدون الدراسة ولا يريدون أن يتعبوا أنفسهم
وغير ذلك الكثير الكثير وحدث ولا حرج وألله يجيب الفرج............آمييييييييييييييييينالسبت 15/12/07
محمد أبو داوود درويش

[غزاوي في البلد]

بسم الله الرحمن الرحيم
السلام عليكم ورحمة الله وبركاته
قد تكون جميع هذه المواضيع المطروحة سبباً في ضعف التعليم بالبلد، ولكن بالرغم من ذلك دعونا ننظر للموضوع من جانب اخر، بمعنى للنظر الى الجانب الايجابي فهناك في البلد اطباء، مهندسين، محامين، معلمين وفنيين وفي مختلف المهن والتخصصات، وهناك من يحمل شهادات اكاديمية عليا من الماجستير والدكتوراة.

اذا خلاصة القول ان الطريق مفتوحة لمن يرد ان يحصل على شهادة جامعية... ولكن هل الطريق سالكة ام صعبة لطلابنا بالبلد كي يصلو مرحلة التوجيهي بنجاح؟!
في رأي يجب ان يتعاون الجميع (الاهل، المدرسة والمعلمين والطلاب انفسهم) لايصال اكبر عدد ممكن الى بر الامان اي الى التوجيهي، حيث ان نظام التعليم بالبلاد يستند الى علامة التوجيهي، فهذه العلامة تحدد الجامعة والتخصص، ولكن المشكلة تكمن ان نسبة كبيرة من تلاميذ وتلميذات البلد لا يصلوا الى هذه المرحلة.
لذلك علينا العمل على رصد اسباب انخفاض اعداد طلاب المراحل الثانوية من بنين وبنات والعمل على حل هذه المشاكل بهدف ايصال اكبر عدد منهم الى مرحلة التوجيهي وكي يعبروها بسلام وبنجاح. وبالتالي يزداد عدد الحاصلين على الشهادات الجامعية بالبلد الامر الذي سيساعد على خلق جو ثقافي وعلمي بدرجة اعلى مما نحنُ عليه اليوم .. وتكون الامور مهئية بشكل افضل لنهضة علمية، ينكب عليها طلاب العلم من كافة الاعمار وللجنسين على حدٍ سواء

[خضر أبورميلة]

عزيزي
Ballack
حضرت مرة حصة إمتحان كاملة مع معلم ما,,,, فالذي حصل هو مايلي أدناه
تعمد معلم المادة إتباع هذا الأسلوب ليرني مدى إستيعاب الطلبة
الأسلوب هو : الأستاذ قبل الشروع بالإمتحان حل الأسئلة على اللوح
وناقش الطلبة فيها وشاركوا في حلها
وبينما أنهى المعلم شرح المادة المطلوبة مكتوبةً على اللوح
سألهم من لم يستوعب الشرح من أجل أن يتم شرحه ثانية
فالكل قال فاهمين
المهم قام المعلم بتوزيع أوراق الإمتحان وبينما قرأها عليهم
فوجئت بأنها هي التي تم شرها مكتوبة على اللوح
فقلت له هل سيتم محو الحل من على اللوح فقال لي صبرك
وقال لهم باشروا بالإجابة وهذا الحل هو على اللوح!!!!!!!!!
وبعد عشرة دقائق طلبت منه محو ما هو محلول على اللوح فاستجاب وتم محيه
والذي فاجئني كذلك في العشرة دقائق الأخيرة قال لهم يستطيع كل واحد يفتح كتابه
ففتحوا كتبهم وصدقوني جلّهم لم يستطيع حل الأسئلة على الأجوبة
كما هو مطلوب وهي مسجلة الحل أمامهم على اللوح
فالأستاذ إستعمل هذا الأسلوب أمامي ليريني كيف يتعب
رغم أن نفس معلم المادة حضرت له حصة قبل ذلك بأسبوع
شرح فيها وحل جميع الأسئلة على اللوح
بأسلوب شيق وقال لهم إنسخوا الحل فغالبيتهم لم يكلف نفسة لكتابة كلمة
ومنهم من يعتمد على غيره لينقل الحل منه
ورغم ذلك لم يقم البعض بحل التمارين التي أعطاهم إياها المعلم
كوظيفة للحصة الثانية طبعاً هنا توضحت الفكرة للجميع
حقاً طللبتنا لا يريدون الدراسة ولا يريدون أن يتعبوا أنفسهم
وغير ذلك الكثير الكثير وحدث ولا حرج وألله يجيب الفرج............آمييييييييييييييييين


وصلت فكرتك عمي ابو كايد

و انا سألت المعلم ليه سوا هيك

و جاوبني ::::


انه المستوى ضعيف
و زي ما تفضلت انت

انه حتى لو اعطيتهم وقة المتحانت نفسها
و خليتهم يقدموها تاني يوم


ما حدا راح يجيب علامة كاملة ( الا من رحم ربي )

[yaya]

انا برأيي انو ضعف التعليم يعود الى تقصير الاهل في متابعة الاولاد وتربيتهم
والاب الذي يريد من ابنه ان يكون من ابنا مثاليا دوما يختار له الافضل
فضعف التلعيم في العيساوية بتركز على تربية الاهل التي لا تقوم على تحبب الاولاد بالتعليم
فالولد الى العمل والبنت الى الزواج .....

[عاشقة فضل شاكر]

يعني فعلا موضوع هام جدا وانا اعاني من اخ صغير لي لا يقبل الذهاب الا المدرسه ولكن امي تعمل المستحيل من اجل ذهابه وهو عنيد وابي اضع عليه اللوم القليل لانو لا يشد عليه من اجل ذهابه وايضا المدرسه لها جانب في هاد الشيء

[دمار]

انا بقول انو لازم الواحد يدرس شو جاي من صحابو الا خربان البيت الواحد لازم يدرس يا جماعت الخير


تحياتي ***دمار***

[ثائر ابو لبدة]

يعطيكم الف عافية ..


سعدت بنقاشكم


^

^

^

[حاكم البحار السبعة]

أنا بأيد منتصر ومزبوط كلامو أنو من المرحلة الابتدائية هي مراحل بدأ ضعف التعليم في العيساوية.


( وشكرااااا ).

[ثائر ابو لبدة]

أرى النقاش وصل الى نهايته وبدأ يفتر .

الموضوع سيبقى في أيام العيد لإنشغال الناس بالعيد .

أعاده الله عليكم بالخير .

وقريبا ً سيكون هناك موضوع مشوق انشالله .

انتظرونا في موضوع نقاش جديد ومفيد .

تحياتي الكم والله يوفق الجميع .

[محمد محارب]

ان اخرى اسميه تعاطف اقف معك بالراي
تحياتي:confused:

[ثائر ابو لبدة]

ترقبوا موضوع الحوار الجديد قريبا ً انشالله .

موضوع حوار جديد ومفيد .

كل عام وانتم بخير بمناسبة عيد الاضحى .

^
^
^

الموضوع مغلق