مدارس البلد

[ام الفدا]

السلام عليكم ورحمة الله وبركاته

بدي اسال ليش بنات وشباب البلد بيعانوا كثير لما بيطلعوا الى مدارس اللي بره وانا بنفسي عانيت هالمشكله مش بس انا كل الاهل في هالبلد مع احترامي الشديد لكل معلمين اللي بيعلموا في مدارس بلدي بس للاسف عن جد اللي بيكون معدلوا هون في 90 وبره بيجيب 70 او 60 بدي عن جد اعرف وين المشكله في مدارسنا ولا في بناتنا وشبابنا يا ريت كل واحد بدو يجاوب يكون صريح لانه هذا الشي لصالح البلد واولاد البلد

وتحياتي

[wolf]

المشكلة فيكم يا طلاب


لانه انتو دايرين ورى البنات



كلامي مزبوط ولا لا


مع تحياتي الك

wolf

[المارد]

هههههههه خليكم ورى البنات بعطيكم معدلات منيح

ياااا شباب

[رهان الحب]

اناا بحكيلك الك يا ام الغدا ويا ولف ويا اهل البلد هوو بكل صراحة المعلمين والمعلمات بغشوو الطالب الطالب بسحق 40 بحطوولة 50 عشان يرتاحوو منو وما يرسب في المدرسة و حينما يحين الامتحان يعطوون الطلاب ورقة يوجد فيها اسئلة ويقوولوون لكم ادرسوو هاده الورقة تنجحوون ونحن نفرح كثيرا وهده هي القصة يا اختي ام الغدا

[ღஜ¸¸MUNTASER¸¸ஜღ]

wala klamek mzboo6
ana kont beltase3 94 whala2 srt 75 bs msh 3aref lesh ??
mashkora kteer

[نرمين]

اولا اختي بشكرك جزيل الشكر لهذا الطرح

متل ما انتي عانيتي كمان انا عانيت بهاي السنه
والي هي اول سنه الي في مدارس خارج البلد
احباط يليه احباط ..
اسلوب تعليم جديد
انظمة وقوانين جديدة ..تسليم ورقة الامتحان بعد 15 دقيقة من التسليم

عدد وظائف هائل..
تحضيرات...
4 و5 اختبارات باليوم (راح تقولو اني بالغت بس هاد والله الي بيصير )
معظم بنات العيساوية بكونو مذهولين بمستوى بنات شعفاط
وبجد مستواى طالباتها بجنن .. وانا سمعت من كتير بنات انهم معظم معلماتهم حضروهم لصف عاشر ..
العلوم والي بعتبرها اصعب مادة لهاي السنه تحضرو الها الطالبات من العام الماضي
كما عودهم على اسلوب المدارس الثانوية ابحاث... والى اخره

بعتقد السبب في هبوط التحصيل العلمي هون انو الطالب\ة
لشهرين او لتلات مش راح يقدر يقسم وقته ويضبطة مزبوط
بعد ما كان ما يفتح الشنته الا الساعة 8 بالليل



ما راح انكر شو قدمتلنا مدرسة العيساوية بس مش بالقدر الكافي الي المدارس الاخرى معطيته لطلابها
احيانا كانو يتساهلو معانا المعلمات
يمكن مراعاتهم لنفسياتنا بس النتيجة طلعت علينا...
هبوط مستوانا لا يعود على انو المدرسة الي جايين منها تأسيسها غلط او المعلمات\معلمين كانو ما يأدو واجبهم
اولا اول صفوف المرحلة الثانوية هو صف العاشر
وايشي اكيد ينزل معدل الطالب\ة
والسبب يعود الى ان صف يجمع جميع المواد الي بتقرر الطالب لاي فرع يتفرغ
علمي\ادبي \ تجاري
يعني الضغط مكثف على الطالب من جميع المواد


بالنسبة لالي عشان الحق بمستوى الطالبات الي في صفي ..
المساعدات شريتها قبل الكتب

والحمد الله المعدل الي جبته بهدول الشهرين بعتبرو انجاز عظيم الي


بالنهاية بتأسف على الردود الي استهانت باكثر موضوع
بمس واقعنا اكتر من ايشي تاني


لك احترامي


نرمين

[ام الفدا]

مشكورين على ردودكم بس بحب احكيلك يا مستر wolf انه مش كل الشباب والبنات بلفوووو ورا البنات والشباب في منهم بدهم يتعلموا وزي ما حكت رهان الحب انه المعلم بيوفر الاسئله تبعت الامتحانات للاسف مع احترامي لكل المعلمين انهم هيك بيضحكو على طلابهم

بس عن جد بدي اسال اي استاذ يحط حالو محل كل واحد بيعاني من هالمشكله
وبحب احكي انه منتصر كان ضحيه من الاففففففففففففف الضحايا

وتحياتي للجميع

[ام الفدا]

مشكورة نرمين بس بتمنا من اهل البلد انهم يصحو لهذا الاشى علشان يكون عندهم جيل متعلم ومثقف انا اللي بكتب ما كملت تعليمي بس عن جد نفسي يكونوا اهل بلدي متعلمين وبحب اسال اي استاذ او معلمه انه لو هما محل اهل البلد بيرضوا انه يكون معدل ابنهم 90 او80 وينزل ل70 او60 يحكو دينهم وضميرهم شو رايهم اكيد ما بقبلوا مع احترامي لكل معلم بس بحب احكي الله يسهل عليكي يا ست نهى هرماس يا ريت يكونا كل المعلمين مثلك مع الاحترام الشديدددددد لكل المعلمين

[محمد نخال]

السلام عليكم ورحمة الله وبركاته

أختي ام الفدا ، موضوعك في غاية الأهمية وأشكرك عليه ..
وسيتم تخصيص موضوع بعنوان " التعليم في البلد " في قسم النقاشات الجادة قريباً ..
حتى يتم التوسع في النقاش وسيلقى إهتماماً أكثر إن شاء الله من قبل الأعضاء ..

أشكرك مرة أخرة ، وأشكر جميع من شارك بالموضوع وناقش بطريقة هادئة وبناءة

تحياتي

[Natalle]

بجد ام الفدا موضوعك في غايه الاهميه وياريت نلحق حالنا
ونلحق الطلاب قبل ما يضيعو زي ما ضعنا بالعلامات الي كنا منغرين فيها


ويلا مدام بدو يصير بهذا الموضوع بقاش بناقش في وانا جاهزة للنقاش عشان
نصحح خطانا



تحياتي الك
نتالي

[SaMoOoH]

اممم...
هاي مشكلة كل الي بطلع من مدارس العيساوية لصف عاشر
بصير معو المشكلة هاي
وهادا مش تقصير من المعلمات او المعلمين بالمدارس
بس ما كانوا يعطوا الجهد الكافي للطلاب
وكانوا يعطوا العلامات ببلاش المهم يلا انجحوا وامشوا
مش مهم شو مستوى الطالب المهم ياخد هالعلامات والله معو
وبطلع برة وبشوف عالم عندها علم وثقافة اكتر منو وهمة بكونوا بعمروا وهادا كلوا بسبب عدم اعطاء الجهد الكافي من المدرسين
وعاشر متل الصف الاول تأسيس كامل... بدو شدة همة اكتر من التوجيهي لانو بحددلك الفرع الي راح تدخل في ان كان علمي او تجاري او ادبي

انا عانيت نفس المشكلة وبتطلع روحوا الواحد وهو بيدرس بس علشان يأدر يلحق بنات الصف الي معو
لانو كلهم كانوا من مدارس مستواها بكتير اعلى من مستوى مدارس العيساوية

وبتمنى او هالحال يتغير ويكون احسن
لانو حرام كل جيل هيك يصير
وبتمنى التوفيق للجميع
وخصوصا طلاب التوجيهي هالسنة موفقين شدو الهمة

ومشكورة كتير ام الفدا عالموضوع المهم

[shark]

مزبوط يا ولف لانو طول اليوم الولاد دايرين في الشوارع ورى البنات

[ندين]

بصراحه ام الفدا موضوعك أجا بوقتو
لأنو بجد طلعنا براا مستوانا ولا شي
يعني بحس حالي مش بالصف
متل ما حكت نرمين مستوى شعفاط رائع
لأنو المعلمات كانو يأسسهم لعاشر وما كان يتساهلو معهم أبداً
اما نحنا لما كنا بالعيسويه
كانو يتساهلو معنا كتير بس أمتحان باليوم كانو يعطونا و اذا كان في أمتحان ما بيعطونا واجبات
مستوانا ولا شي ونحنا بنات العيسويه بنحاول نوصل للمستوى الرائع
بس في كتيير عواقب بطريقنا وأولها التأسيس
ومتل نرمين قبل ما أشتري الكتب شريت المساعدات
وما بلوم بس الاستاذه لانو عاشر بدو دراسه كتييييير

\\
\

[rame]

هاي المشكله بتواجه جميع الطلاب بشكل عام في العيسويه وخارجها والسبب هبوط مستوى الطلاب ونسبه لا باس بها من المعلمين وعدم متابعة الاهل لاولادهم ""كما ان طلاب العيساويه بيستسلمو بسرعه لان شخصياتهم ضعيفه بدهم كل شي سهل مش مربيين على مبدا من طلب العلى سهر اليالي
احب اهل الهمم ومن يستلذ ركوب الخطر فمن لا يحب صعود الجبال يعش ابد الدهر بين الحفر
اسف ان كان كلامي حاد شوي

[Ṁǎĵđ]

تعرفي شو المشكله الاساسيه
انو الاستاذ بكون
يعطي الطالب
علامات بغير مستواه
والولاد متعودين عالدلع اما ليطلعو بره
بشوف كلشي عالمكشوف

[ام الفدا]

ردك مش حاد يا rame بالعكس حلو لازم الواحد يتعب علشان يلا قي تعبه ومشكورين كثير على ردودكم الصريحه وعن جد انه الموضوع اهميته كبيره كثير لانه لصالح طلابنا

وتحياتي ام الفدااااااااااااا

[мešħαł]

مشكووووورة اخت ام الفدا على الموضوع المميز والرائع والمفيد
تقبلي مروري اختي
تحياتيـ" الك
RoRoOo

[غزاوي في البلد]

مشكورة ام الفدا على هالموضوع الرائع
وطالما ان الكثير من الطلاب والطالبات يعانون من هذه الظاهرة عند خروجهم لمدارس اخرى.
لماذا لا يتم عمل ورشة عمل يشارك فيها الطلاب الذي يتعلمون الان بمدارس خارجية مع الطلاب الحالين في المدارس المحلية ويشارك في هذه الورشة مدراء ومدرسين من البلد.
قد نستطيع معرفة الاخطاء او نقاط الضعف، لماذا طالبات شعفاط اقوى من بنات البلد؟
او دعونا نرسل مجموعة للاستفادة من التجربة الشعفاطية وربما لنشرها بالبلد، اذا كان هذا من مصلحة الطالبات وتجربة دعيس اذا كان هذا من مصلحة الطلاب بالبلد!!

[ام زكي]

السلام عليكم

اول اشي بس لونهم يفتحوا كنتينا في المدرسة الابتدائية فهذا الاشي بسهل على الطلاب

تاني اشي بس لونا الاساتذا ما ابيضربوا الي بيشتري

ثالث اشي على شان هيك اغلبية الاولاد بدهم يهربوا من المدرسة على شان يروحوا يشتروا من برى المدرسة

رابع اشي افطرد انو الولاد جاعوا وما كفاهم الاكل ايش بدهم يغملو ما في واحد داخ امبارح في المدرسة

فبعدها ما حداش بيتحمل المسؤولية

خامس اشي الجنزيرمع القفل ليش انتوا بتحطوا حطوا في الدوام وبعد ما يروحوا بتقيموا لانو هديكا المرة نسا الاذن

مدرسة البنات القفل امسكر ام واحد راح جاب مأص كبير واصوا


وشكرا

[جرح الزمن]

تعليق صغير اانووو في اساتذه بدرسوا بدينهم وضميرهم وفي بس يقعدوا يكتبوا ولا يفهموا انا بصراحه مسي حالي بمواد كتير منيحه لانو في اساتذه علموني كيف الماده تعيتهم تفهمها ..........

مشكوورة للموضوع خيتي


تحياتي

أمير الحب (http://www.esawiah.com/vb/أمير الحب)