|| عـنـدما تـ ح ـب الفتـاة , , هـل يـ ع ـتبـر خيـانهـ لأهـلها ؟ ||

[صمت العيون]

الســـــلام عليكم ورحمة الله وبركاته

اخواني وأخواتي ..

عندمـــا يـ ح ـب الشاب ويصرح بذلك الحب لأهله او أصدقائه فلا أحد يستطيع ان يعيبه او يقول له خطأ ..

وبالمقابل ..

عندما تحب الفتاه لا تسطيع الافصااح عن حبها الا لفتاة مثلها اذا كانت لديها الـ ج ـرأه للإفصاح عن ذلك الـ ح ـب ..!

سؤالي لن يكون اعتيادي ولماذا التفرقه في مجتماعتنا ...

ولكن ...

مايدور بـ خ ـاطري../.. هل يعتبر الـ ح ـب للبنت جريمه بحق الاهل او نوع من الـ خ ـيانه ..؟

وهل الـ ح ـب الشريف في مجتمعنا العربي عيب ..؟

انتظر ردودكم واذا كنت تعتبر حب الفتاه خيانه لأهلها

ارجو توضيح وجهة نـظـرك

تـ ح ـيآتي لكــم
صمت العيون

[ثائر ابو لبدة]

هذا موضوع الاسبوع ..

اتمنى لكم نقاش هادئ ومفيد ..

بسم الله نبدأ ..

[صمت العيون]

شـــــو ويــــــــن التــــــــفاعل يا حلـــــوين ولا بدكم تزعلوني؟؟

[العيساوي]

موضوع من المواضيع التي نحاول جميعا تجاهلها وخصوصا الاهل للاسف

الحب شعور والمشاعر هي اشياء من الصعب ان يتحكم بها الانسان
ولكن ما يمكن ان يتحكم به الانسان هو التصرفات فاما ان نكبحها وما ان تدوسنا

ونقاش الموضوع صعب فمن طريقة طرح الموضوع لم افهم الكثير فلكل شئ حدود
ولكي اخوض في النقاش يجب ان افهم

وهل الـ ح ـب الشريف في مجتمعنا العربي عيب ..؟
ما المقصود بالحب الشريف في مجتمعنا العربي؟ ...

[صمت العيون]

الســـــــــلام عليـــــــــكم

المقصود بالحب الشريف هو انو مثلاً بنت بتحب شب

وعلاقة الحب الي بينهم محترمه ومبنيه على التفاهم والأخلاق العاليه

يعني مو الحب الكاذب او الكلام المعسول والحكي الفاضي

هادا الحب الشريف الي بقصده اخي العيساوي

مع فائق احترامي لكم جميعاً

صمت العيون

[مغرمة القمر]

موضوع حلو كتير للنقاش
بالنسبة اللي ازا البنت حبت شاب بينها وبين حالها ما بتكون خانة أهلها لأنو الحب من الله وهاي مش بأيد الواحد
مشاعر وأحاسيس مش احنا بنتحكم فيها والحب مش حرام ... بس خيانة البنت لأهلها هي علاقة الحب اللي
بتعملها مع الشاب يعني الأهل واثقين فيها وهيك وهي بتخون الثقة اللي معطينها اياها وهاي برضو محرمة
عشان هيك الوحدة تحب بس بينها وبين حالها ولا حتى تصارحو لأنو أكترهم بيستغلو هالشلغة للتسلية .....

تحياتي الك : مغرمة القمر

[SaNdRa]

فعلا متل ما قال اخي العيساوي هاد موضوع من المواضيع الي مجتمعنا دائما بيتجاهلها وبيتجنب مناقشتها

وما بظن انه لما البنت تحب فـ هي خانت اهلها او خانت الثقة الي بينهم لانها اصلا ما بتتحكم بهاد الحب بالعكس

بس بتكون خاينة بجد لما تستغل هاي الثقة و تتمادى وتخلي قلبها الي يتحكم فيها يعني انتي فاهمة طبعا شو بقصد

وما بظن انه الحب الشريف عيب في مجتمعنا بالعكس الانسان بطبيعته انخلق عشان يحب

هاد رأيي ولي عوده للاطلاع على باقي الاراء

ويعطيكي الف عافية

[حنظله]

انا الحب كلو مش معترف فيه

لاحب صادق ولا حب كذاب الجوز حرام

[جرح الزمن]

بشكرك خيتي على الموضوع الحلو كتير انا من جهة نظري بحترم اللي حكتي



اول شي : انو لازم يكون بين البنت واهلها تفكير بين بعض يعني يفهمو تفكيرك والمرحله اللي عم بتمرفيها وطبعاا لام يكون في تفاهم



تاني شي : انو لو البنت تحكي لاهلها خاصه لامها تحكيلها وتعبرها بطريقه احسااس ومشاعر وبتفااهم بس اذا كان ما في تفاهم ما في اي كلام



تالت شي :انو هاي الشغله بترجع للاهل اذا اهلها عرفو راح يحكولها مين هاد اللي بتحبي ومن هالحكي ويمكن بفركوا انو يخلصو عليه ،وفي اهل بتحس ببنتهم وبتحس بمشاعرها ......



وفي اشساااء كتير سبب كبير للحب في مجتمعنا لانو مجتمعنا مو مجتمع اوروبي مجتمع حضاري اسلامي مبني على الاسلام والاشي العيب



بس من جهت نظري انو الحب مو حرام تفريغ مشاعر واحسااس تجاه شخص بتحبو وهاد شي بسعدك بس ازا كان الحب هو طريق يوصل الى شي حراام فهو من نظري كتيير كتير قبيح



بس نصيحه لكل اللي بيحب وبصدق انو كل حبه يحطو بكفه وانك تخاف على مصلحة اللي بتحبه بكفه

او بالعكس حبك بكفه وحياتك بكفه ........ وراح الكل يفهمها بعدين





مع تحياتــــــــــــــي



ارجو من الجميع احتراام رأيي



أمير الحــــــــب

[ابو قصي]

الحب بين الفتاة والشاب لا بد وان تتطور الى علاقة بين الطرفين ويجب ان تتجسد هذه العلاقة بخطوبة وان طالت فترة الخطوبة او زواج
وغير ذلك من وجهة نظري يعتبر مجرد التسلية واستغلال للمشاعروالمتضرر من العلاقة
الفتاة وليس الشاب فهو يملك زمام المبادرة بالنسبة للخطوبة او الزواج

[أبو عريبي]

والله شكرا عاهلموضوع الجاد والمفيد في ايامنا العربية
والله انا شايف يا اختي انو الى بدو يحب ما بكون فارقة عندو سواء كان/ت شب او فتاة
الحب حب ما بيتغير من وجهت نظر اي حد بس الناس فاضية اشغال وببلشو
وشكرا

[ندين]

الحب من الله بس هاد ما بيعني انو نستغلو بالطريقه الخطأ
كل بنت بتحب وكل بنت عندها مشاعر وانا مع أنو البنت تحب
بس تفكر لوين راح توصل شو نهايه الحب هاد
والشب الي تنازلت عن مبادئها عشانو هل هو بيستحق انها تتنازل عن مبدئها عشانو
بعدين الحب بحدود لو البنت أتخطت الحدود عمرها ما بترجع للصح وما بيكون اسمو حب بكون مسخره
بزمان هاد ما في ثقه وما في حب حقيقي وناس قليله عندها الحب
وبالنسبه لألي ما في حب بنت ولا حب شب التنين ملامين والتنين خطأ
بس شو بدنا نعمل بمجتمع برفض انو تكون للمرأه مكانه
وصعب تتعامل معهم ومع نفكيرهم
حتى اني أتفاجأت قبل يومين انو بالقضيه الفلسطينيه برفضو كمان تدخل المرأه فيها

\
\
\
بتمنى التفاعل

[صمت العيون]

مشكورين على النقاش الواعي والمثقف

وعلى الأراء المختـــلفه والحلوه والناضجــه

ودمتم بــود
صمت العيون

[أسيره في قلب دامع]

مرحبا صمت العيون هذا الموضوع جد روعه والناقش اروع
في هذا الزمن ما في حب صادق كله كلام فاضي مجرد البنت او الشب يسمعو كلمه بحبك بنسو العالم وهذا مجرد كلمه وما في حب صادقه كله بس استغلال وقت او يمكن تسليه وبعدين البنت او الشب بحبو بحبو وبالاخر بنتهي الحب بدمعه لو كانو يحبو بعض بجد وبأمانه بنتهي الحب بالموت يعني بيتجوزو وهيك ايشي ... وبعدين اهل بجوز بيعرفو انه هذا السن بيكونو كل البنات بحبو سواء بنت او شب وهذا مش خيانه هو ممكن حب شريف الي بكون عندنا وبعدين اليوم اهل برفضو اي حب اذا كان شريف مش شريف ما في حب يعني ما في حب ما بحبو يتفاهمو ؟؟؟؟؟؟
اانا من وجهة نظري الحب لا هو حرام ولا هو محرم ع الاسلام الرسول حب ؟؟؟؟؟؟ولا كلامي غلط
بس زي ما حكيت ما في حب صادق
تحيااااااااتي
الوردة الحمراء الجورية f.b.i

[صمت العيون]

خيتي االوردة كتير عجبني رأيك ومعك حق احنا في زمن الحب صار كزب وللتسليه فقط

وان شاء الله بيتحسن الحال وبيرجع للحب قيمته التي ضاعت لانه كلمة بحبك صارت رخيصه جداً

مع احترامي
صمـــــــت العيـــــــون

[alm5loq.alarde.almzdahr]

صحبتي صمت العيوون

موضوعك كتير رائع

بس انا مش عارفة ليش الكل بيحكي ما في حب

في هالدنيا لسه في ناس مناح وناس بتعرف الحب

بس انتو عايشين ع انو ما في حب\\ بس لسه الدنيا بخير متل ما حكى جورج

بس جد دور ع الحب يمكن يكون الي بيحبك حب حقيقي يكون حدك بس انت مش عم تشوفو

"خلينا في موضوعك يا صمت
,,,

ومن وجهت نظري:

أن الحب ما هو إلا مشاعر تحركت وتوجهت لها قلوب عدة وباتت في الليالي تسهر على نار اشواقها ، ولن تجد هذه المشاعر عن الشباب فقط بل عند الفتيات أيضا، وقد خلقها لنا الله لتكتمل عندنا المشاعر والإحساس والشعور بالآخرين، وعلى الأهل تقدير أن البنت في مرحلة عمرية معينة ستحب وتتحب وأنه هناك أنواعها من الحب وخيرها من رأيي الحب الطاهر الذي لا يهين الكرامة ولا يغضب الله سبحانه وتعالى.

[غزاوي في البلد]

بسم الله الرحمن الرحيم
السلام عليكم ورحمة الله وبركاته
موضوع جدير بالنقاش، وبالفعل يجب ان تكون لنا الجرأة لمناقشة مثل هذه المواضيع، بغض النظر عن موافقنا المؤيدة او المعارضة. انا اوافق اخي سعد على مداخلته حين قال " الحب بين الفتاة والشاب لا بد وان تتطور الى علاقة بين الطرفين ويجب ان تتجسد هذه العلاقة بخطوبة وان طالت فترة الخطوبة او زواج " ، ومن ناحية اخرى تطرق اخي العيساوي الى جوهر الموضوع بالجملة التي قال بها " موضوع من المواضيع التي نحاول جميعا تجاهلها وخصوصا الاهل للاسف"، بل واضيف الاهل يقفون مع الابن اذا احب، ويعترضون على البنت اذا احبت، ربما ان ذلك نتاج التراكمات والترسبات الاجتماعية، حيث ان مجتمعنا العربي هو مجتمع رجولي، ومسموح للذكر كل شيء حتى الوقوع بالخطأ، بينما تحرم الانثى من التعبير حتى عن مشاعرها.
وفي الوقت الذي وصلنا فيه الى عصر الانترنت والبلفون وغيره، اصبحت الظوابط الاجتماعية اقل فاعلية.
واصبح لكل صبي وصبية بلفون، وفي كل بيت انترنت، وبهذا حتى الحب اصبح في عصر السرعة، بمعنى اصبح الحبيب (ذكر او انثى) يغير ويبدل حبيبه كل اثنين وخميس، او تجد له او لها اكثر من حبيب/ة في نفس الوقت.
لا اعلم ماذا اقول ولكن للاسف هذا ما اجده اليوم في مجتمعنا المقدسي.
في زماننا كنا نخجل عندما نتحدث الى صبية، ولكن في عصر الديجتال "الحالي" بقولو عنك معقد!!
يجب ان نميز بين التطور والتقدم والحضارة وبين التخلف والرجعية
يا اخوتي واخواتي، اعتقد ان هناك عادات وتقاليد جيدة في مجتمعنا وعلينا الحفاظ عليها، والا ذابت هويتنا واصبحنا بلا اخلاق ... ولا ننسى ان لكل منا اخت او ابنة وكذلك لنا اخ او ابن
قال الشاعر: انما الاممُ الاخلاق ما بقيت ... فأن همُ ذهبت اخلاقهم ذهبُ
وعيه ان كانت نهاية قصة الحب الزواج حسب الاصول فمبروك للحبيبين
ولكن ان كانت لغرضٍ في نفس يعقوب! فالاجدر بنا ان نبقى متخلفين ونحافظ على اعراضناّّ!!
لذلك للحب اصول واهمها الوفاء والاخلاص للحبيب/ ة .... فهل انت مُخلص/ة في حبك؟؟؟!!!

[ابو كايد]

بسم الله الرحمن الرحيم
السلام عليكم ورحمة الله وبركاته
أحبكم جميعاً في الله
لمن يريد أن يستفيد فليتمعن في هذه المشاركة
حبث تطرقت لهذا الجانب في شهر رمضان المبارك
من خلال خمسة مواضيع متواصلة ومترابطة نوعاً ما
وإن تخللها بعض المداخلات كما عودتكم
حقاً لفت نظري بعض المشاركات المسؤوله
وعلى رأسها رد العيساوي وندين وسعد وغزاوي في البلد وغيرهم
فمن يقول لك أحبك فقل له أحبك الله لما أحببتني إليه...وبنتهي الإشكال
فحب غالبية الشباب والصبايا حب فاضح عاطفة وهوى وهبـل ومزاج
وقد يكون من طرف واحد والطرف الآخر قد يقول..:
على بال نين يا إللي بترقص في العتمة
لأن الحب هو الحب فالمسلم كيس فطن وليس بكيس قطن
نعم أحبب حبيبك هوناً ما عسى أن يكون عدوّك يوما ما
وأبغض عدوك هوناً ما عسى أن يكون حبيبك يوماً ما
عفواً الكل بسمع أغنية
الحب بلى والعشق سم قاتل هههههههههههههه ولكن
فالحب = المصيبة
يعني قد يتبعها مصائب وعض على الأنامل
والسم القاتل = نبلغ الشيخ عارف يقول في الجامع
إنتقل إلى رحمة الله فلان أو فلانة والناس حتسأل ليش مات وهون المصيبة
فإن مات لحبه لله ولوالدية ولوطنه أو لصاحبته وبنيه ..‘لخ فهذا خير ويحسد عليه
وإذا ممات من هذا السم سم الحب القاتل هون المصيبه والباقي عندكم
فيا جماعة لكل واحد حريته فلا داعي للمساواة في كل شيء بين الرجل والمرأة
فللرجل رجولته وللمرأة أنوثتها وأكيد في نساء بتتحدى الواقع
وفي رجال ما تسوا شيء
ومن يبتلى بالحب الشعنون وحب الهوى وغيرها من المسميات
أقول له بالله عليك لو رأيت أختك أو بنتك بتحب واحد .. فما هو موقفك...
فتأكدوا يا شباب ويا صبايا لم ولن يصح إلا الصحيح فمن يبتلى
عليه أن يستتر ويتقي الله في نفسه وأهله
ولا يعني ننطالبك بأن لا تحبوا
فيا أخي حبة تحبك وإنشاء الله بتيجي وحدة بتظبك
وما بدنا وحدة تسبك
وأكيد عليك أن تجيء من الباب لا من الشباك
عن ابن عباس رضي الله عنهما أن رجلا قال:
يا رسول الله في حجري يتيمه قد خطبها رجل موسر"ورجل "معدم"،
فنحن نحب الموسر وهي تحب المعدم !
فقال رسول الله عليه واله وسلم : ((لم ير للمتحابين مثل النكاح )....
ليس المراد بالحب حب الشهوة العارمة والرغبة الجنسية العابرة ،
واللذة القوية فانه حب كاذب سرعان ما يزول، تاركا بعده أسوأ النتائج
وأ فدح الماسي ...الحب الذي تصوره لنا القصص ماهو إلا نسيج الأحلام
الإنسان عليه أن يرى فيمن يحب :
صورة للرجل المثالي أو المرأة المثالية
ومن اجل ذلك لا نريد بأن يكون هذا الحب أعمى
انك عندما تفكر في الزواج ، عليك أن تميز بين ماهو خيالي في الحب ،
وما هو حقيقي... المهم أن لا تقع في المعاصي وتتحرى رضى الله
مع عدم الخروج عن العادات والتقاليد التي لا تتنافى مع شرع الإسلام
فقد بنمو الحب الحقيقي بين الزوجين على مرّ الأيام وتدعمه العشرة والصحبة
اويحل تدريجيا محل الحب الخيالي كلما ازدادت العشرة والصحبة
وليس معنى ذلك انه لا يصح الزواج بين غير المتحابين
فان الحب غالبا يتولد بعد الزواج نتيجة تبادل المودة وحسن التفاهم والمعاملة الطيبة
خادمكم محمد أبو داوود درويش
25/11/07

[صمت العيون]

اختي وصحبتي * المخلوق الارضي المزدهر * اكيد في حب حقيقي قليل كتير وصعب الواحد يلاقيه بسهوله في هادي الايام وكمان قليل جداً تلاقي اهل تقدر وعلى كل حال نورتي صفحتي برأيك حبيبتي


اخي غزاوي يسلمو على رأيك ومزبوط كلامك مسموح للشب يحب والبنت لا بس بصراحه الحمدالله انو لا لانو البنات قلوبهم حنونه وبسرعه الواحد بقدر يسيطر عليهم هادي الايام بس برضو مو كل البنات بس الاغلبيه اه وللاسف

مع تحياتي
صمـــــــت العيــــــــون

[جرح الزمن]

انا بتشكر كتير الي اعجبني بجد رأيهم وتفكريهم متل غزاوي في البلد وصحبيت صمت العيون
وابو كايد

في في فكره في بالي انو كل واحد تفكيروا غير عن التاني ولو حد يقرأ ويتمعن راح يكتشف انو الأراء مختلفه

مع تحياتي للجميع
وبكل تواضع
أمير الحب

[Natalle]

بجد مشكورة يا صمت العيون ع هذه النقاش
بس بصراحه مش شافه كتير تفاعل مع الاعضاء بس يلا

بالنسبه الي
بالاول حابه اسألكم كم سؤال بعدين بعطيكم رايي

ليش الاهل موافقين انو ابنهم يحب امن بنتهم لاء؟؟
ليش البنت الي بتحب تعتبر *وقحه ومن هل حكي*؟؟

حابه اعرف ليش ماخليتو للحب الحقيقي مجال ليكون موجود

كل ما شب او بنت لما بيتعرفو بيجكو انا بحب وكلهم مشالله عليهم حبهم بيكون مخلص
بكل معنى الكلمه وبجد مشالله الوحدة بتمشي وبتلاقيها حابه
كل شباب وبعدين بتحكيلك بحبني وبتلاقيهم بيحكو مع واحد وبعد كم يوم عند التاني


ليش بتحكو انو حب مشان الله غيرو هل مصطلح ما خليتو للمستقبل كلمه




وبجد بتشكركم كلهم ع رايكم وكمان ان البعض منكم
متعصب من الموضوع

تحياتي الكم كلم



بنت من بنات فلسطين
أميرة العاشقيــــــــــــن

[عبد الله ابن عبد الله]

ههههههههههه
انا من ناحيتي للاسف لا املك اي فكره عن الموضوع (انا بجد اسف)
بس لما احب بحكيلكم ان شاء الله
هههههههههههههههه
وشمرا الكم على الموضوع الرائع

[punk]

مشكوووور صمت العيون على الموضوع
الحلو كتير كتير وانشالله بجوابك الاسئلة
لما اكبر ههههههههههههههههههههههههه
تحيـــــاتي الك
ŞāᆻǾ

[فادي]

بداية : بشكر صمت العيون ع طرحه للموضوع الا وهو مهم في حياننا اليوم .

انا بدي اصارحكم كل اللي قي قلبي

اولا : (ادا كانت وحدة بتحب واحد وهو كمان بحبها واهلهم عرفوا بفتحولهم سين وجيم بإختصار الحب في هاي الايام ما بدهم اياه الاهل )
(( ما بعرف ليش )) .

.. مع انو ال ح ــب ولا هو حرام ولا اجرام ..

شو يعني ادا تنين حبو بعض مش يمكن في المستقبل يتجوزوا بعض وهيك بتكون حياتهم سعيدة وهنيئة وانا متأكد انو مش راح يصيير اي خلافات بينهم بالمستقبل (( ادا صارحوا بعضهم ))

انا هيك رأيي وانا متأكد البعض بردوا هيك رايو ....
ويا ريت ادا في حد بحكي كلامي خطأ يحكي بس انا متأكد انو ما في ايشي غلط ...

تحياتي

فـــــــادي

[محمد نخال]

بدايةً أشكرك أختي صمت العيون على هذا الموضوع الذي يستحق النقاش
وكل الإحترام لمن شارك بهذا الموضوع سواء بالرد او بالقراءة

موضوع النقاش التالي بعنوان
" الى متى يا أبناء فلسطين "


بقلم المشرف : ابو وديع .


مــــوضـــــوع مـــــغـــلـــــــــق