العيسوية بين الحاضر والماضي :::

[محمد نخال]

بسم الله الرحمن الرحيم نبدأ

موضوع الاسبوع الذي اخترناه للنقاش هو موضوع فكرة اختنا ليل الهجر

الموضوع :-

http://www.jaralqamr.com/smiles/smile_files/smile2_data/836.gif


http://www.al-wed.com/pic-vb/924.gifالعيسوية بين الحاضر والماضي http://www.al-wed.com/pic-vb/924.gif


http://www.jaralqamr.com/smiles/smile_files/smile2_data/836.gif


نحن ابناء هذه القرية (ابنائها الاصليين ام سكانها نعيش فيها جنبا الى جنب كأبنائها) عاصرنا هذه القرية فترة من الزمن,
البعض مدة اطول والاخر مدة قليله
ولكن لكل منا فكرة عن القرية يقولها لنا
يخبرنا عنها ....

http://www.al-wed.com/pic-vb/823.gif
هل هي افضل اليوم ام هي البارحة افضل بكثير ؟؟

اهي اجمل اليوم ام ان التغييرات عليها جعلتها تبدو بصورة اسوأ ؟؟

هل اهلها هم نفسهم من كانوا يوما ام انهم اختلفوا واصبحوا اناسا اخرين بصفاتهم بلهجتهم او بما تشاؤون ؟؟

او اي ملاحظة تريدون ان تعلقوا بها على الموضوع وعلى العيسوية كيف كانت وكيف اصبحت او ربما كيف ستكون او تريدونها ان تكون

http://www.al-wed.com/pic-vb/823.gif


معا نناقش هذا الموضوع ان شاء الله خلال هذا الاسبوع ومن خلال الردود سيضاف للموضوع ربما تصويت على بعض الاراء المطروحه ...

http://www.21za.com/pic/decoration005_files/93.gif

بالتوفيق لنا في هذا النقاش

[دعاء الكروان]

السلام عليكم ورحمة الله وبركاته
في بداية الامر
اشكر اخي الكريم العيساوي على فتح هذا الباب لنقاش
واشكر اختي الكريمه ليل الهجر في تقديم هذه الفكره وهي العيساويه بين الماضي والحاضر
واشكرك اخي محمد على على نتسيق هذا الموضوع وطرحه بهذه الصوره الجميله
ما اود قوله بشان هذا الموضوع من خلال معرفتي البسيطه والسطحيه
بان العيسويه هي احدى القرى التي تنضم تحت الدولة الفلسطينيه
وكما نعلم بميزات هذا الشعب الفلسطيني او كما نسمع من اجدادنا السابقون من خلال رواياتهم
بان حيات هذا الشعب كانت تعيش على البساطه والالفه والموده والاحترام وكانت الروابط بينهم اقوه م هذه الايام
التي نعيشها وهذه الصفات هي صفات شعب باكمله والعيسويه هي جزء من هذا الشعب
فكانوا يحتكموا الى الاعادات اكثر من الدين والشرع او بمعنى اخر يخذوا الدين بعتباره عاده وليش كشرع
فمرت عليهم السنوات وقامت الانتفاضه كما نعلم
رغم كل مساوئها والمور والاحداث التي مررنا بها الا اننا لا ننكر بعض من ايجابياتها ولو كانت بسيطه
فهي اعطت فرصه كبيره الى الشباب الى معرفت امور كثيره عن وطنهم ودينهم بغض النظر عن انتمائهم نحن نقول
هذا الامر بشكل عام فاصبح دافع الشباب التقدم والرقي والتغير وهذا ملحوظ في بلدةالعيسويه من خلال
النشاطات الذي يقومون بها من توعية وارشاد داخل البلد طبعا اقول هذا الكلام من خلال الامور الظاهرة لي بالفتره
الاخيره وارجو ان اكون قد اصبت بفكرتي
هذا ما لدي من معرفه حول هذه القريه وعذروني كنت اود ان افيدكم واناقشكم بهذا الامر
لكن للاسف الشديد اني اجهل الكثير الكثير عنها لعدم مكوثي بها
واني لانتظر على احر من الجمر لمعرفة المزيد عنها من خلالكم ومشاركاتكم
دمتم سباقين للتميز
اخوكم
دعاء الكروان

[العيساوي]

ان شاء الله تكون قاعه خير علينا كلنا ونشوف من وراها الافكار التي تمضي بنا الى الامام ولا تجرنا الى الخلف

اشكر كل من ساهم في انجاح القاعه وفكرتها وارجو للقاعه ان لا تكون لمن يريد ان يمر ويقول مشكور على الموضوع ومع السلامه


بالنسبة للموضوع

طبعا العيساوية اعرفها من يوم ما رأيت النور
تركتها مدة وعدت اليها لاجدها بدلة اخرى ورافقتي في طريقى احلام عن بدلتي وتشتت الاحلام حال عودتي لاصطدم بواقع صعب اخر لا بد من طريقة لتعايش معه

اكيد بالنسبة العيساوية سابقا هي ما احب ان اراه
بلدة بعد محدود من البيوت والجار يعرف جاره وبصوت واحد بتلاقي كل الاحبة والاخوان بجنبك
العيساوية اليوم: لاسفي بيوت فوق بيوت والطابق العلوي لا يدري من يسكن بالطابق السفلي غير شكله

العيساوية بالزمانات وقت الحصيد والمناجل والتراكتورات والبيدر والقمح وستي وسيدي والبقرات والغنمات والجاجات احلا بمليون مره من اليوم
عيساوية حجار وصخور وقمامة ومساحه بيضاء غير مزروعه

طبعا علساوية زمان بدون تلفونات لما كنت بدك اخوك تروح تشوف ما تقله بالتلفون اخوي كيف لساتك عايش؟؟؟ ومع السلامه لا لازم تشوفه ويشوفك
عيساوية زمان لما كان الواحد يكون وطني الكل ياشر عليه واليوم الواحد لما يكون وطني بيسأل لمين تابع وبعدين يقرر كيف ينظرله ....


طبعا فيها محاسن اليوم
الناس كثرت والتخالط خلاك تتعرف ولو بشكل بسيط على ناس غريب مثل ما بيسموه بيسوى 100 قريب
هذا رأيي البسيط وعلى السريع وان شاء الله نشوف النقاشات تتطور ....
وان شاء الكريم ستكون عوده

[فلسطين_عربية]

مشكور اخي محمد نخال والله معك حق الحياة دنيا بتسحسوي في هالاق انا ميش عارف شو بدي ا

[arabe jamed]

السلام عليكم ......

اول شي بحب اشكر خي العيساوي على فتح هذا القسم للنقاش

والتاني والأهم وردي بكل صراحه وبدون زعل الخلايلى صارو اكتر من العساسوه قبل كـــانت احسن طبعا اجو الخلايلا وخربوها يعني :

العساسوه صارو يتأجرو

الخلايلا علموهم على الوقاحه وقلة الأدب

وببساطه خليلي على راسي وعيني انا ما بميز بس خليلي سعيري بدوي هما خربوا العيساويه

وطبعا الـــــماضي اكيـــد احســـن

بنظري.....


مع تحيــاتي

[ثائر ابو لبدة]

طبعا في هذه الدنيا ما في شي بضل على حالو ..

كل شئ من زمن لزمن بتغير ..

بالنسبة لقرية العيساوية التي اصبحت بلدة لاكتظاظها السكاني الكبير ..

من وجهة نظري سأحاول حصر المشكلات التي تواجهها العيساوية والتي غيرتها عن الماضي ..



اولا : الاكتظاظ السكاني كلنا يعرف ان العيساوية من القرى التي تم مصادرة قسم كبير من اراضيها من قبل الاحتلال ..

فاراضيها اصبحت تضيق باهلها الاصليين فكيف وهي تستقبل موجات من المستأجرين ..

هذه القرية الصغيرة بها 13 الف نسمة تقريبا ..


ثانيا : سكان العيساوية .. اصبحت العيساوية مزيجا من سكانها الاصليين مع خليط من الاغراب ..

وهؤلاء الاغراب هم خليط من كل ما يخطر على بالك .. خلايلة , مقادسة , ضفة غربية , حتى نور في بالعيساوية ..

فاختلط الصالح مع الطالح كما يقولون .. ومش كل اصابعك واحد ..



ثالثا : حركة البناء الكثيفة التي تشهدها العيساوية سواء على مساحات خالية ام فوق بناء ..

وهذه الحركة تستنزف الاراضي وتحول العيساوية من بلدة بلواء القدس الى مخيم لاجئين ..


محمد نخال ..

يعطيك العافية على طرح هذا الموضوع ..

تحياتي الك والله يوفق الجميع .

[ثائر ابو لبدة]

حلو ..

انا قلت اللي عندي وحصرت المشكلة بالاسباب الثلاثة اعلاه ..

ومحمد داري قال انو المشكلة بالمستأجرين ( السيئين ) من خلايلة وسعايرة والخ ..

مشكور محمد على ادلاء رأيك ..

والعيساوي عاش ايام بالعيساوية اجمل من هالايام ..


وانتو ياللي بتقرأوا الموضوع هل العيساوية اتغيرت عن الماضي وايام زمان ؟

طيب نفرض قلتو اه اتغيرت طيب احكولي ليش ؟

تحياتي الكم والله يوفق الجميع .

[abu samra]

اه
اكيد اتغيرت بكل صراحة
من وجت نظري بطل فيها الاخو يحب اخوه
صار الاخو يروح عند اخو بس مصلحة
وبعدين متل ما قولت اخوي ابو وديع صات العيساوية مخيم
مش قرية للاسف
بدي اقول لكل واحد بأجر دارو قبل ما تأجر اسأل على الاقل
واعرف مين بدك تأجر
مش يعني دفعلك اكتر تأجروو
وكل واحد يبلش يشوف مين مستأجر عاطل ما في الو لازمة
مش لازم يكون محلو هون
وكمان في عساسوة مش مناح
يعني متل ما قلت مش اصابعك نفس الاشي
بتمنى تتغيير ونرجع زي زمااااااااااااااااااان
اخ على ايام زمااااااااان


مشكور يا نخال
سلام
مع تحيااتي

[وئام العمر]

العيساوية تغيرت كتير عن اول صار كتير في ناس
ولهجتهم اختلطت يعني حكي ابياتهم غير عن حكيهم صارت لهجتهم مختلطة بلهجات المستاجرين وفي منهم اطبعوا بعادات غيرهم وتخلوا عن عاداتهم
انا بحكي عن شريحة من العساسوة مش كلهم
لانو لسا في عساسوة متمسكين بعاداتهم وتقاليدهم ولهجتهم وكل اشي بخصهم وما فرطوا في

مشكور على طرح الموضوع
تقبل مروري
وئام

[ابن فلسطين]

مرحبا
اول اشي بشكر جميع الي قامو على هاد الموضوع وفتح هادا القسم
بشكرهم كتير كتير من كل قلبي وخاصة اخوي العيساوي
وخلينا نبلش بالموضوع
خلينا نبد في البنات
اليوم البنت بتصحا من نومها بتكوم على المراي بتبلش تجبل وتحط على راسها هالخلطات ( مكياج وميك اب وبدرة ومن الانواع هدول) وبتزبط شعرها وبتطلع على المدرسة وما بدها تلبس المريول واوما بهمها المنديل
بديش احكي شو بتعمللهم المديرة في شعرهم
اما بنات زمان
كانو يوم ما يلبسو المديل من كتر ثقلو وحجمو ما كانو يسمعو حدا
كانويمشو ويرفعو المنديل عن ادينيهم عشان يسمعو
واما بالنسبة للبلد بشكل عام
راح المثل الي بيحكي الجار كبل الدار
اليوم المصاري كبل الدار
اليوم الواحد بس يفرجي المستأجر مصاري بسير يحكيلو اذا بدك ببيع الدار
انا بتزكر يوم ما كان الواحد بدو يروح يشتري دار صاحب الدار يتكاتل مع الي جاي يشتري الدار
ويحكيلو انا لو ببيع واد من اولادي ما ببيع داري
يا بي ما احلا ايام زمان
كان كل البلد ايد وحدة كان في الفرح والترح اتلاكيهم مع بعض
وين ايامك يا ستي
اليوم والله انهم صارو الغربية يحكو العساسوة كترنيني بالبلد
انا مش عارف شو بدنا انسوي في هاي الحالة
وبعدين اتصبرو اشوي والله غير اتسير عنا كجاعة بعد البيع الي باعو الارضي شركة
والاراضي المصادرة راح يكون عنا اقتظاظ سكاني بطل عنا اراضي زراعية اكتير بطلنااااااااااافلاحين سرنا مدنيين رحن عدارتن وتقاليدن
الله يرحم ايام البساتين والطابون والله الله يرم
والسياري يا اخوي السيارات كمان اشوي اتصبر لل2020 انا بتخيل انو ما راح تعرف تمشي على اجريك من كتر السيارات يعني انتو بتشوفو الطريق صارت تضيك بطل في وساع بالبلد صارو بدل ما يبعدو عن الشار يلزكو فيه ويوخدو منو للسكن
انا بتزكر زمان
كان بين الدار والدار كان مساحة كبيرة وما كان اقتظاظ سكاني
وكان الي ما في عندو بستان وبقر وحمير كا يفكرو الناس غبي
والا ما بفهم كانو يتمصخرو عليه

[البرنسيسا]

السلام عليكم ورحمة الله وبركاته

لا شك انو العيساويه كانت زمان كتيييييييييير حلوه متل حكى اخونا المحترم( العيساوي ) وقال:

(اكيد بالنسبة العيساوية سابقا هي ما احب ان اراه
بلدة بعد محدود من البيوت والجار يعرف جاره وبصوت واحد بتلاقي كل الاحبة والاخوان بجنبك)
+
(العيساوية بالزمانات وقت الحصيد والمناجل والتراكتورات والبيدر والقمح وستي وسيدي والبقرات والغنمات والجاجات احلا بمليون مره من اليوم)

وجهة نظري انو هالحكي حلو 100% واضيف, انو العيساويه اليوم تطورت لتجاري العصر وصار فيها نادي شبابي لكرة القدم ,ونادي للياقه البدنيه, وقاعة مناسبات ,ومركز جماهيري لتطوير العيساويه ,وملعب كرةقدم .........

بس الاشي مش حلو كمان انو صار فيها اكتظاظ سكاني تكاد تصبح متل (المخيم)لعدم وجود خارطة لتخطيط البناء
في العيساويه , وتفسخ العلاقات الاجتماعيه, وانقطاع صلة الرحم,هي احدى اهم مساوء الاجهزة الحديثه .


مع اجمل التحيات

البرنسيسا

[عيساوية مغتربة]

السلام عليكم ورحمة الله وبركاته
في البداية أشكر هذا القسم وشكرا لطرح هذا الموضوع
العيساوية بين الماضي ؟ أي ماضي ؟ قبل عشر سنين ؟ أو عشرون سنة ؟ أو حينما كانت البلدة التي تضم أربعين شخص ؟ يولد بها مولود ويموت شيخ لكي تبقى بلد الاربعين شخص ؟
أكيد كل واحد فينا بيعتبر العيساوية في ماضيه يعني ايام ما كان صغير أو اول طلعة شبابه
بالنسبة لي العيساوية قديما من حوالي 13 سنة هي البساطة بكل معانيها الطيبة الحمية والنخوة وحب الاهل لبعضهم انا تركت البلد وهي هيد بس ؟؟؟؟؟؟؟؟؟؟؟؟؟؟؟؟؟؟؟؟؟؟
كل سنة تقريبا برجع عالبلد لأرى انها فقدت شئ ما بننكر انها بتطور ولكن يا خسارة التطور اللي بيفقدها طيبة اهلها ونخوتهم وحبهم لأرضهم ووطنهم أراهنك ناس كتير ما بيتمنوا العيسوية تتحرر من حكم اليهود
البلد زمان كان اللي بيحكو عبري فيها ينعدوا عالاصابع هالحين الاخوة في جوا الدار بيحكوا عبري مع بعض نوع من التطور . زمان كانت البنت او الست تلبس الفستان نفسة 5-6 مناسبات او اعراس هالحين كل مناسبة في لبسة
طبعا شو؟؟؟؟؟ اكرر الفستان ؟ شو مش معكول ؟ وزي ما تفضل واحد من الشباب قال زمان المنديل البنت لما تلبسة ما تسمع من ثقلة (شرشف طاولة ) هالحين لا شريطه واللي زاد الطين بلة قال تسريحة منديل
زمان كنت تحس بمعنى اخوي ابن عمي ابن خالي ، بيقربلي . هالحين يا دوب اتحس انه اخوك بيقربلك
بس ما بننكر انه هالحين صار الدين اقوى يعني الديانه مش عادات وتقاليد بس في ناس ناس عنجد نظاف بيستحقوا الاحترام

[عيساوية مغتربة]

يا قريتي مالي أراك حزينة ..... والدمع في عينيك شبه لألي
تتجولين بناظريك كانما ............ شئ ثمين ضاع منك وغالي
ما بال وجهك شاحبا وكانه ....... قد مس ثوبك افعوانُ ساري

[ندين]

دايماً دايماً دايماً بنحكي الله يرحم ايام زماان
يعني العيسويه الكيت بالمرررررر مش حلوه
بتمشي بشارع دخان السيارات مع دخان السيجاره مع دخاان ... الخ
زمان كان يا دوب نلاقي غاز ومش كل هالقد بطلع دخان
الاكتظاظ السكاني الرهيب حاسه حالي بطلت عيساويه لأنو اللهجه كمان اتغيرت صرنا نحكي
عيساوي ع مدني .. ما حدا فيني لازم يلوم الخلايله او المستأجرين لأنو انت نفسك السبب لما تجيب واحد تسكنو ببيتك وما تعرف شو اصلو وشو فصلو بنلومك انت ما بنلومو هو
ع الاقل اي حد بدو ياجر بيتو شقا عمرو ع الاقل يستفسر عنو لأنو ما بغرف شو ممكن يعمل بالبيت وما بعرف لشو بدو يحول البيت ..!
انا بحكي العيسايو زماان كانت كتيير حلوه أقل ما فيها 40 واحد كانو يعيشن بالبلد ^_^

مشكور خيي محمد نخال
الموضوع جد روعه

[صمت الناي]

_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟
نعم
2_ إذا كان هنالك فرق ، فما هو هذا الفرق؟
يوجد لكل فرد فينا ولكل مجتمع عادات وتقاليد فعادات الخليلي تختلف عن العيساوي عن السعيري الى اخره
3_ هل كل أصابعك متماثلين .. أي ان جميع الخلالية او العساسوة متماثلين ؟؟
اكيد لا
4_ قبل أن تتهم شخص ما بنقص ، هل نظرت الى نفسك ولأعمالك ؟
مش عارفة شو احكي بس سؤالك بدو اجابي بعتقد اجابتي مش رح توافيك
5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
,,,,,,
6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟
اكيد لا لانو الكرم والشهامة حتواجه الغريب والقريب والكل


طرحك لهذا الموضوع جدا رائع
اكيدص حصل تغير وتبديل وفرق كبير
اشياء تتدعو لسوء واشياء مفيدة
مثلا نبدأ بالمفيد في القديم لم تشهد العيسوية ايعيادات او مدارس او بقالة.......... متميزة ومتطورة
ولكن التأثير السيء الذي شهدته هذه البلدة بأنها حولتها من قرية صغير كان يروق فيها المسكن الي شبه مدينة صعب المسكن من دخان السيارا والاقذارة التي تكون في الشوارع ويمكن بالزمانات ما كانت لهدرجة وسخة
حرمت البعض من لهجاته وعاداتة تقاليده هو اكثر شي بنحكي عن الهجات انو كثير ناس عساسوة وعايشين بالبلد ما بحيكو عيساوي حتى المعلمات بتحكيلنا انو احكي مدني طول وانتى بالمدرسة

اختك في الله
rama
وانشالله هلقسم بشهد كل النقاش الجيد المفيد
يعطيك العافية

[SąddaM]

1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟

مــا فـي فرق بس اليوووم كل واحد بتفلسف عن غيرووا والصراحه
غير عن العادات والقاليد اليوم ما بحبو الغريب وعندهم الغريب
زي عدو عندوا..واكيد الكل بعرف هادا الاشـي

2_ إذا كان هنالك فرق ، فما هو هذا الفرق؟

مـا في فرق كلنـا من خـلق الله ..

3_ هل كل أصابعك متماثلين .. أي ان جميع الخلالية او العساسوة متماثلين ؟؟

اكـيد مش متماثلين في العادات والقاليد ...


وشكرا على الموضووع وعلى الي ساهموووووو في انشائه
تقبلوو مروري

,,,

[المتحريه]

وخلينا نبلش بالموضوع
خلينا نبد في البنات
اليوم البنت بتصحا من نومها بتكوم على المراي بتبلش تجبل وتحط على راسها هالخلطات ( مكياج وميك اب وبدرة ومن الانواع هدول) وبتزبط شعرها وبتطلع على المدرسة وما بدها تلبس المريول واوما بهمها المنديل
بديش احكي شو بتعمللهم المديرة في شعرهم

بدي احكي شغله زغيره انو مش كل اصابعك واحد وبشك انو كمان الشباب ما بقومو من النوم على المراي
وزي ما حكيت عن بنات اليوم خليني احكي شوي عن ستات اليوم عفوا قصدي شباب اليوم
ازى شعركم وبطولو واظافركم بطولوهم وحواجبك ما شاء الله صرتوا اتنضفوهم والله صرنا نشوف شباب حطين مسكارا ولبس وريحه شو خليتو للبنات بدي اعرف يعني بطلنا نميز بين الشباب وبين البنات
ازى بدك يرجعوا بنات زمان لازم يرجعو شباب زماان مش زي هالايام صارت البنت شب والشب بنت ما شالله
*********************************
اما بنات زمان
كانو يوم ما يلبسو المديل من كتر ثقلو وحجمو ما كانو يسمعو حدا
كانويمشو ويرفعو المنديل عن ادينيهم عشان يسمعو

اما في هاي النقطه انت غلطان 100% البنات زمان كانوا ما يعرفوا المنديل
كانت البنت تطلع في قصير وتطلع في شعرها قدام ابوها وما يحكي معاها لانو ايام زمان كان فيها امااااان (وسأل ستات زمان بتشوف ازى كلامي صح ولا غلط) يعني البنت لما تمرق من جمب الشب عادي ولا كانو صار اشي
ام هالايام البنت بتخاف تتطلع باب دارها ماشالله عنين الشباب صار بدها قلع
لا الي بشعرها بتخلص ولا الي لابسه منديل بتخلص منهم



.................................................. .................................................. ............
.................................................. ........
........................

[ثائر ابو لبدة]

1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟

طبعا لا ..

ومثل ما بقولوها كلنا اولاد تسع شهور .. وان اكرمكم عند الله مين ؟ اتقاكم ..

لكن البشر مش كلها واحد ومش كل اصابعك واحد ..

يعني في خليلي منيح وفي خليلي عاطل وفي عيساوي منيح وعيساوي عاطل وقس على ذلك ..

2_ إذا كان هنالك فرق ، فما هو هذا الفرق؟

الفرق هو التقوى ومخافة الله طبعا اذا تحققوا بتحقق معهم كل شي ..

يعني هدا الفرق الوحيد بين الانسان والانسان ..

3_ هل كل أصابعك متماثلين .. أي ان جميع الخلالية او العساسوة متماثلين ؟؟

طبعا لا .. وقلتها فوق وبعيدها كمان مرة ..

في خليلي منيح وخليلي عاطل وعيساوي منيح وعيساوي عاطل ..

ومثل ما بقلوها الناس اجناس ..

4_ قبل أن تتهم شخص ما بنقص ، هل نظرت الى نفسك ولأعمالك ؟

طبعا .. افضل محاسبة هي محاسبة النفس قبل محاسبة الاخرين ..

5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟

طبعا لسنا انبياء .. وكلنا من صلب ادم ..

ولكن هناك فروقات بين انسان وانسان هذا اشي اكيد ..

6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟

طبعا .. اذا كان الضيف اهل للترحيب لو كان يهودي بستقبلو ..

ولا اميز بين احد كلنا بشر عبيد لله ..




محمد نخال يعطيك الف عافية ..

تحياتي الكم والله يوفق الجميع .

[ابو شهاب]

فش احلى من اي زمان

كيف كنا انا وولاد ولادي تحت شجرة الزيتون

ااااااخ لو نرجع لورى شوي ولادي راح يقولوكم قصصي

[Natalle]

السلام عليكم


1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟
لا ولا مرة في فرق بين عيساوي وغيره طيب اذا زي ما بتحكو في فرق طيب ليش ما بتفرقو كمان العيال
كل عيله بدها قريه لحالها اي احمدو ربكم انكم لقين محل تسكنو في

2_ إذا كان هنالك فرق ، فما هو هذا الفرق؟

ولا مرة يكون في فرق كلنا بشر وكلنا ولاد ادم وحواء بس بيضلو هاد الشي تخلف
في البعض مع احترامي لكل بس عيب نحكي كلمه فرق ........

3_ هل كل أصابعك متماثلين .. أي ان جميع الخلالية او العساسوة متماثلين ؟؟

لا مش نفس الشي بس الي نفس الشي الدم من فصيله وحدة ولا ايش رايكم
بس الي مش متماثلين في انو عاداتهم وقيمهم مش نفس الشي

4_ قبل أن تتهم شخص ما بنقص ، هل نظرت الى نفسك ولأعمالك ؟

ولا مرة تهمت شخص بعدين قبل ما اطلع ع عيوب غير اطلع ع عيوبي
......................

5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟


لا ما بتميز عن غير بشي
غير كل شخص الو تفكيرو وعقلو اليابس بيبسو ع طريقتو

إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟

لا بستقبلو بكل احترام وبتكون عتبت الدار الي وصدر الدار الو
(واذا لم اهلل ترحيبي بضيوفي فابمن اهلل بضيوف الجيران )



بجد مشكور الف الف شكر لك يا اخ محمد نخال وبجد موضوعك بقمه الروعه
ومتعوب عليه
تحيتي لك وبتمنى تكون اجوبتي في محلها


أميرة العاشيقيــــــــــــن

[جنّات]

كل ما بيكتر البنا والعمران فيها بتزيد سوء
لان الواحد راح يبطل يقدر يمشي فيها من كتر ما في بيوت عم تنبنى


بالسابق كانت احلا
هلا اسمحولي اني اقول انو شبابها اكثر تحررا وابتعادا عن الدين مو الكل طبعا بس في منو هالحكي

وشكرا لفتح باب النقاش

دمت بود

[just fofo]

والله قبل ماجاوب عل اسئله بس بدي احكي هل ايشي وفهموها كيف بتعجبكم هلاء انا شايفه الاغلب كاتب المستأجرين وسخو البلد المستأجرين احرفو شباب البلد يعني هلاء بكل صراحه انتو ملايكه والمسـتأجرين شياطين

يعني سبحااااااااااااااااااااان الله عليكم ماعندكم اغلاط انتو لا هاده اشكر الله مليون مره لطلعت من العيساويه والله ماكنت افكر انو لهدرجه بكرهو الغريب هاده اسمو عنصريه وانا الي بعرفو انو احنا عرب ودينا دين واحد مش انتا خليلي وانتا فلاحي وانتا الخ ...... يعني بجد عيب

هي البلد الي انا فيها مستأجرين اكتر من اهل البلد عمرنا ماجبنا الحق على مستأجر واحد لانو كل شخص في البلد واعي وعندو عقل بفكر وين صح وين الغلط مش انجيب الحق على غيرنا ونلبس اخطأنا لغيرنا انا مابحكي انو البلد الانا ساكنه فيها مش عنصريه فيها بس مش لدرجتكم يعني عنا المستأجر وابن البلد واحد على كل حال بتشكر كل شخص حكى كلمه الحق وبجد ياريت تستوعبو انو هاده الي فيكم غلط ::::::: وانا هاده رأيي حكيتو لاني كل مابدخل موضوع هيك بتحكو المستأجرين والمستأجرين وسخو ولاد البلد هاده الي دفعنو احكي رأيي


__________________________________________________ _______________
1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟

لا مافي فرق بالمره العيساوي زي الخليلي وزي ال الغزاوي وزي لسعيري لكن بتغيرو في شي واحد

2_ إذا كان هنالك فرق ، فما هو هذا الفرق؟

يمكن كل اهل بلد والها عادتها وتصرفاتهم

3_ هل كل أصابعك متماثلين .. أي ان جميع الخلالية او العساسوة متماثلين ؟؟

بكفي انو دينا دين واحد مش مسيحيه ولا يهوديه طبعا متماثلين


4_ قبل أن تتهم شخص ما بنقص ، هل نظرت الى نفسك ولأعمالك ؟

طبعا قبل ماحسب واشوف اغلاط غير اجي اشوف اغلاطي واحسب نفسي


5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟


لا ولا مره كلنا ولاد ادم ومخلوقين من طين


6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟

طبعا انا العنصريه بكرها يمكن في طبع انو مش بكره ما بستلطف الخلايله لكن على عيني وراسي عندي الخليلي زي العيساوي وزي الساحوي وغيرو لانو الاحترام واجب





بجد انك يا محمد نخال انسان بتفهم على هيك اسئله وياريت الكل يستوعبها ويعرف انو الغلط منا مش من غيرنا وقبل مانحكي هاده وهاده نعرف شو احنا

وبشكر رايي صدام لانو بجد انسان واعي وماعندو عنصريه وكل شخص متلو

[just fofo]

هون عندي ملاحظه على حكي محمد داري مع احترامي لرأيو

والتاني والأهم وردي بكل صراحه وبدون زعل الخلايلى صارو اكتر من العساسوه قبل كـــانت احسن طبعا اجو الخلايلا وخربوها يعني :

العساسوه صارو يتأجرو

الخلايلا علموهم على الوقاحه وقلة الأدب

وببساطه خليلي على راسي وعيني انا ما بميز بس خليلي سعيري بدوي هما خربوا العيساويه

وطبعا الـــــماضي اكيـــد احســـن

بنظري.....

__________________________________________________ __________________________________________________ ____________
بس هون عندي ملاحظه صغيره مش من حقي اني اجي احكمو على طريقة عقلو وتفكيرو وانا مش خليليه ولا بحكي هيك لاني محاميه عن الخلايله وغيرهم لا لانو انا عندي كلمة الحق بقولها لو شو ماصار


قبل مانجي نحكي يامحمد داري انو هاده وهاده خرب البلد نجي انشوف اغلاطنا وغلاط ولاد بلدنا بعدين نحكي هاده وهاده خرب البلد انا بحترم رايك كتيييييييير وكل شخص وعندو رأيو لكن بس بنتقضها مش اكتر

وهون احنا مسموحلنا نتناقش ونحكي رأينا بكل صراحا وانا علقت على رأيك بذات لانو انتا الوحيد شفتك هون عنصري

ماتزعل مني بصراحه حكتلك ولابدي اي شخص يزعل مني من رأيي الي حكيتو

[selena]

هل ترى بأن هنالك فرقاً بين عيساوي وخليلي وغزاوي وسعيري ... الخ ?
اكيد كل واحد من بيئه وبالاخر ما في فرق لانو كلهم بشر
2_ إذا كان هنالك فرق ، فما هو هذا الفرق؟
كل واحد حسب تربيتو بتصرف حسب مهو متربي والبيئه العايش فيها
هل كل أصابعك متماثلين .. أي ان جميع الخلالية او العساسوة متماثلين ؟؟
اكيد لا
4_ قبل أن تتهم شخص ما بنقص ، هل نظرت الى نفسك ولأعمالك
اكيد قبل ما احاسب حد بكون مليون مرة عارفه شو انا
خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
اكيد كل واحد بحس انو هو متميز باشي عندو
_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟
طبعا راح اعاملو منيح لانو استقبال الضيف واجب وما في عنصريه

[بنت فلسطين]

هون عندي بس كلمه لاابن فلسطين على كلامو

اليوم البنت بتصحا من نومها بتكوم على المراي بتبلش تجبل وتحط على راسها هالخلطات ( مكياج وميك اب وبدرة ومن الانواع هدول) وبتزبط شعرها وبتطلع على المدرسة وما بدها تلبس المريول واوما بهمها المنديل
بديش احكي شو بتعمللهم المديرة في شعرهم
اما بنات زمان
كانو يوم ما يلبسو المديل من كتر ثقلو وحجمو ما كانو يسمعو حدا
كانويمشو ويرفعو المنديل عن ادينيهم عشان يسمعو





_________________________________________



اول شي بحترم رايك لكن قبل ماتجي تحكي على اغلاط البنات في كمان للشباب اغلاط كتيره منها يعني الشباب زمان كانوا يعملوا اللي انتو ابتعملوا هلاء طبعاً لاء بتذكر شباب زمان ما كانوا يعملوا حواجبهم ولا يلبسوا خصر ساحل ولا البلفون ما ينزل عن ايدهم ولا كل همهم يلحقوا البنات وهي الملاحظه مش لكل شباب للبفكر بهاي طريقه بس



وبنسبه للمنديل ليش هو كانو زمان يعرفو المنديل ليسا هلاء صارت نسبة البنات الي بلبسو منديل اكتر بكتيير من بنات زمان لانو زي مابحكو اهلنا كان في قبل أماان غير هلاء يعني بجد الواحد محتار بلبسو مش خالص بشلحو مش خالص لكن الواحد ليجي يعمل بعمل عشان الله مش يجي العبد يحا سبو

وبتمنى ماتزعل مني بس هاي تصحيح للمعلوماتك مش اكتر

[بنت فلسطين]

1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟

طبعا لا بس الفرق احنا الي خلنا بينا
2_ إذا كان هنالك فرق ، فما هو هذا الفرق؟


العادات وطريق تفكير والفرق الي بتمنى يغيرو هو العنصريه


3_ هل كل أصابعك متماثلين .. أي ان جميع الخلالية او العساسوة متماثلين ؟؟


اها بس بتغير زي ماحكيت قبل عداتهم


4_ قبل أن تتهم شخص ما بنقص ، هل نظرت الى نفسك ولأعمالك ؟

طبعا اول ماشوف اغلاط غير لازم اشوف اغلاطي واغيرها بعدين اجي اغير في غيري


5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟

لا لا ..... كلنا ولاد ادم

6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟



الاحترام واجب فرضو علينا الاسلام

[ДŁ-мoĐąмЄR]

1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟
لا اكيد ما فرق لانو بالنهاية كلنا مسلمون ومن اب واحد الا وهو ادم عليه السلام..

2_ إذا كان هنالك فرق ، فما هو هذا الفرق؟
ما في فرق بس للاسف هالايام غالبية الامة العربية وعنا بالقرية بدهم كلشي الهم ويمشو البلد على خاطرهم..

3_ هل كل أصابعك متماثلين .. أي ان جميع الخلالية او العساسوة متماثلين ؟؟
لا مش كل اصابعنا متل بعض في الصالح وفي الطالح وبكل عيلة في منيح وفي عاطل..

4_ قبل أن تتهم شخص ما بنقص ، هل نظرت الى نفسك ولأعمالك ؟
اكيد بنظر لحالي ولاعمالي قبل ما اطلع على غيري او احكي عن غيري..

5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
لا الحمد لله الله خلقنا بأحسن عقل واعطانا عقول لنعرف نتعامل مع الاخرين ونحسن بالتصرف ..عشان هيك برأيي انو كل الناس متل بعض وسواسية..

6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟
بستقبله كأنو متلي واحسن وبكرمه وبعطيه وبقدمله احسن ما عندي ..

يخلف عليك على هالاسئلة..

[البرنسيسا]

السلام عليكم ورحمة الله وبركاته
1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟
نعم!
2_ إذا كان هنالك فرق ، فما هو هذا الفرق؟
انني ارى الفرق بينهم في تقوى الله عز وجل
3_ هل كل أصابعك متماثلين .. أي ان جميع الخلالية او العساسوة متماثلين ؟؟
اكيد لا
4_ قبل أن تتهم شخص ما بنقص ، هل نظرت الى نفسك ولأعمالك ؟
هذه نقطه مهمه لمن يعتبر ان كل اهل مدينة (فلان ) "جيدون" اما الاخرون "كلهم سيئون"

5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
كل واحد منا يعرف قيمة نفسه (ليس الغرورا والتكبر)لاسمح الله
6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟
لا اميزه ,فالضيف يجب اكرامه

في بعض من العساسوه اول ما بعرف ان الاخر ليس عيساوي يطلق عليه كلمة( غريب )
يعني والله ما هي حلوه هالكلمه .....................ما غريب الا الشيطان


مع اجمل التحيات

البرنسيسا

[ثائر ابو لبدة]

طيب اسمعوا هالقصة ..

مر يهودي واسمه شاس بن قيس على جماعة من الانصار في المدينة ..

فلم يعجبه ما رءاهم عليه من محبة وألفة وإخاء ..

وكما نعرف فالانصار هم اوس وخزرج ..

فحاول هذا اليهودي الايقاع بينهم بتذكيرهم بالعداء الذي كان بينهم قبل اسلامهم ..

فاستجابوا له وثارت مشاعر الكره بينهم وتنادوا للسلاح ..

فوصل الخبر رسول الله صلى الله عليه وسلم ..

فحضر وقال لهم : ابدعوى الجاهلية تتقاتلون وانا بين اظهركم وقد ألف الله بين قلوبكم ..

فرموا أسلحتهم وتعانقوا عناق الاخوة المتحابين ..



واحنا لسا بنحكي عيساوي وخليلي وقدسي ومش عارف شو ..

الحمد لله انا مسلمين وحسبنا الاسلام وكفى ..

تحياتي الكم والله يوفق الجميع .

[محمد نخال]

بارك الله فيك أخي ابو وديع على هذه الإضافة ...

وفعلاً صدق فينا القول .. ( أبدعوى الجاهلية تتقاتلون ) ..

حسبنا الله ونعم الوكيل

[just fofo]

هلاء انتو شبهتونا لا هون ولامره توصل فينا لاهون

لا بنتقاتل ولاشي كل واحد بحكي رأيو وجهة نظرو
ماهاده القسم على ماأظن للنقاش ولا انا غلطانه

وانا بنسبه لكلامي مابسيء لاأي شخص

[العيساوي]

الموضوع شيق والمداخلات اختلفت بين كل مشارك ومشارك
بعضها اظهر النضوع العقلي وبعضها تركناه كما هو ليدل على ان كاتبه لا زال وربما في مرحلة الطفولة او ان النضوج العقلي لم يصل له للاسف
ربما قرأ الكثر منا مشاركات كان في تحيز واضح نأخذ منها مشاركة

الخلايلا علموهم على الوقاحه وقلة الأدب
كان بامكاننا حذف المشاركة و لانها بحق صعبة في الكلام ولكن بما ان الموضوع للنقاش الجدي فتركناها حتى نرى الاعضاء وتقبلهم او معارضتهم للفكرة وهي فقط انما تعبر عن رأي قائلها .... ولم تترك لانها مشاركة جيد وانما لانها مشاركة محفزة للغير لقولوا رأيهم بصراحه ....

مشاركة اخوي ابو سمرا كثير بناءة وكلام من الواقع للاسف المصلحة عمتنا حتى بين الاخوة والمصارى عمت الناس عن الاستفسار قبل ما نأجر ...
بتمنى تتغيير ونرجع زي زمااااااااااااااااااان
اخ على ايام زمااااااااان
وبشاركك بقول اخ على ايام زمان لكن الي بتتمناه صعب يحدث


وئام العمر
ولهجتهم اختلطت يعني حكي ابياتهم غير عن حكيهم صارت لهجتهم مختلطة بلهجات المستاجرين وفي منهم اطبعوا بعادات غيرهم وتخلوا عن عاداتهم
صحيح الناس اتغيرت لهجتهم ناس كثير حتى بالعيلة الوحده وهذا مش تعصب للهجتنا انما واقع برضو
يعني بالزمنات والله لما كنا نفتح ثمنا ونقول كلمة على طول يقولك عيساوي وان خربش فيك بقولك صفافي لقرب اللهجة بس اليوم اختلفت كثير بطلنا نحكي عيساوي كح ....


اخوي ابن فلسطين
مشاركة حلوة وهادفه مع في ناس اعترضت عليها
الله يرحم ايام البساتين والطابون والله الله يرم
ايام بيعرفوها مش كل الناس

كان بين الدار والدار كان مساحة كبيرة وما كان اقتظاظ سكاني
وكان الي ما في عندو بستان وبقر وحمير كا يفكرو الناس غبي
والا ما بفهم كانو يتمصخرو عليه

اليوم بين الدار والدار في كمان دار ........
وان شفت حدا راكب حمار بتلاقي العالم كلها بتأشر عليه كان جنينة حيوانات قدامنا ....


اختي البرنسيسا
ف, انو العيساويه اليوم تطورت لتجاري العصر وصار فيها نادي شبابي لكرة القدم ,ونادي للياقه البدنيه, وقاعة مناسبات ,ومركز جماهيري لتطوير العيساويه ,وملعب كرةقدم .........

هاي الاشياء الي حلوة مزبوط انها حدثت في البلد ...ويا ريت توخذ دور اكبر في حياةالبلد

عيساوية مغتربة

يا قريتي مالي أراك حزينة ..... والدمع في عينيك شبه لألي
تتجولين بناظريك كانما ............ شئ ثمين ضاع منك وغالي
ما بال وجهك شاحبا وكانه ....... قد مس ثوبك افعوانُ ساري

كلامك جميل كنا نتمنى مشاركتك تكون اطول فيا ريت يكون الك مرور ثاني وتعليق اطول ....


ابو شهاب

كيف كنا انا وولاد ولادي تحت شجرة الزيتون

ااااااخ لو نرجع لورى شوي ولادي راح يقولوكم قصص

هاتهم يا زلمة ناديهم ولادم يخرفونا كصصك مش غلط
او انت احكيلنا هينا بنستنى تنشوف قصص الزتون معك ...

اختي المغرور
كثرة البناء والعمران
اكيد مشكلة كبيرة موافق معاكي بس الحل؟؟؟
فش مكان نتوسع له !!! شرق الشارع ولا كأنه النا للاسف ....

Fofo Just
مداخلتك في محلها واعتراضك مفهوم وواضح مشكورة خيتي

اخوي ابو وديع

ابدعوى الجاهلية تتقاتلون
لحد اليوم ننسى قول رسولنا الكريم وبحق نتاقتل بدعوى الجاهليه للاسف

.........

[ثائر ابو لبدة]

لا يا فوفو جست ما تفهميني غلط ..

انا طرحت هالقصة من باب الفائدة ..

وبما انو الهدف من النقاش الفائدة فطرحت القصة ..

وكل الاحترام الك ولكلامك ..

واذا عندك اي مداخلة او تعليق اتفضلي ..

مستعد اناقشك ..

تحياتي الك والله يوفق الجميع .

[عاشقة فضل شاكر]

بصرااااااحه
العيساويه كتيييييييييييير تغيرت باهلها بتصرفاتهم بالمشاكل الي زادت فيها بعدم اهتمامهم فيها بشكل افضل ......
بس بردو ما ننسى قديش في كتير اشايء متحسنه فيها وانو بنعمل فيها اشياء ما بتصير في قرى تانيه ...قريتنا حلوه ومنيحه بس احنا مش عارفين نيسرها بطريقه صحيحه ولازم نتوحد ايد بايد حتى تطلع قريتنا افضل قريه................وبدي علق بردو انو فعلااااااااااا ومع احترامي للكل انو الاهل الي بيجوو من برا العيساويه هم ايضا بساهمو في دمارها وتخلفنااااااااا,,,,,,,,,,,,,,,وكل هاد برجع بسبننا احنا اهل العيسايه الطماعين للمصاري بيبنوووو وباجروووو وما بيعرفو اصل الناس شوووووووو...لدرجه ومع احترامي للكل في كتير ناس زباله في العيساويه ويا ريت نقدر نظفها شويه منهم حتى تصير افضل ........
وشكرا ع الي اقترح الموضوع................توتو

[ابراهيم نخال]

موضوع جدير بالمناقشة والحوار
صحيح ان ايام زمان افضل، السلوانة والطورة بقولو هاذا كمان، ولكن ما العمل؟
تطورت القدس وضواحيها من القرى والاحياء مثلما تطورت باقي المدن وما حولها من القرى المحيطة.
هذا ما جرى في القرن العشرين والواحد والعشرين في كل العالم، وهذا تطور طبيعي وصحي بنفس الوقت، والا فان البديل هو الانعزال والتقوقع، فهل تريد يا سيد محمد داري ان تكون العيسوية للعساسوة فقط، شو رأيك تسوي جدار فاصل على حدود العيسوية تمنع فيه دخول من هو غير عيساوي حسب تصنيفك العنصري، ما بكفينا قرف واضطهاد الاحتلال الاسرائيلي، شو رأيك توزع تصاريح كمان على الغربية اللي زي حوالنا، مسموح اللنا نصلي بجامع الاربعين ولا احد ولا التوبة ولا الجامع اللي بحد الملعب، ولا اقولك بنساوي جامع للغربية .... لانه يمكن قبلتهم غير شكل ..و..
هذه نظرة ضيقة وعنصرية ومرفوضة .. فمن حق كل فلسطيني ان يعيش في وطنه فلسطين اينما شاء، انسيت يا سيد داري مبادئ حركة فتح وخاصة البند الاول الذي يقول ان فلسطين هي الوطن الطبيعي للفلسطينين ويحق لهم العيش فيه اينما شاؤا، الا اذا كنت تفترض ان العيسوية ليست جزءً من فلسطين وهذه مصيبة!!
فما ذنب الطفل الذي ولد في العيسوية لابوين غريبين، لقد اصبحت العيسوية وطنه، سواء شئت ام ابيت، وفي بعض الدول المتحضرة يمنحوه الجنسية فور ولادته،
ولكن اقول لكم ان اصلي من غزة وهي جزء من فلسطين، ولكني ولدتُ بالعيسوية، واحس يالانتماء للعيسوية وفلسطين، والعيسوية جزء من فلسطين ايضاً.
فمن انت حتى تحرمني من وطني العيسوية؟!

قال تعالى " ان الارض يرثها عبادي الصالحون"
فلنرفع هذه الاية الكريمة كشعار لنا، ان من يخدم العيسوية ويعمل لمصلحة البلد، ويتبرع ويتطوع ويبادر ويشارك اهلها بالسراء والضراء، ويبعد الاذى عنها ويدافع عنها، ويحميها ويفديها ويدفع الثمن بالغالي والرخيص من اجل العيسوية وسكانها ... يستحق ان يحصل على لقب عيساوي ابن البلد حتى لو كان غريباً ومولود في طلوزة.
اما من يتسبب بدمارها وخرابها وتلوثها ويشيع الفتنة فيها ويسعى لهلاكها فلا يستحق لقب عيساوي حتى لو كان من صلب عيساوي؟!
طبيعة العمل هي التي تحدد الانتماء .. وهناك ضريبة ندفعها من اجل هذا الانتماء .. ومقدار ضريبة الانتماء للعيسوية التي ندفعها حباً وشغفاً بها، لا تقل عن تلك التي ندفعها من اجل فلسطين كاملة من النهر الى البحر، وليست اقل من ضريبة الانتماء للوطن الصغير (العيسوية) او الاكبر (القدس) او الوطن الكبير (فلسطين).
واخيراً... اشكر العيساوي ومحمد نخال على طرح هذا الموضوع، وكلنا امل ان تكون الردود ايجابية لخدمة البلد والمصلحة العامة وان تكون الردود بعيدة عن العنصرية والافق الضيق.

[سفيرالحب]

بسم الله الرحمن الرحيم
اشكركم جزيل الشكر على ذلك الموضوع الهادف والذي يطرح قضية تعيشها معظم المجتمعات العربية
دعوني بداية ان اخبركم اني شخص من خارج قرية العيسوية الحبيبة...الا اني اعتبر ان هذه القرية قريتي
لاني احب هذه القرية كثيرا...واني لا استطيع وصف حبي لها مهما كانت درجتي من البلاغة وحسن التعبير لاني العيساوية أسمى من الوصف وأرق من التعبير....!!!!!
ما وددت قولة ان القرى عندما تكون صغيرة فأن العلاقات الاجتماعية والتفاعل الاجتماعي يكون ايجابي بين أفرادها
ولكن عندما تتحول القرية الى مدينة فان العلاقات الاجتماعية تتحول الى علاقات مركبة ولا يكون هناك تفاعل اجتماعي بين افرادها كما تشهده القرية قديما...
ان التغير الاجتماعي شىء طبيعي بين المجتمعات وله اثار ايجابية كما ان له اثار سلبية
وان من الامور التي تواجه التغير الاجتماعي بين المجتمعات هو وقوف اهل وسكان تلك المجتمعات حائل وعقبة امام التغير الاجتماعي...حيث انهم يعتبرون ان ذلك التغير الاجتماعي ينافي العادات والتقاليد الاجتماعية والضبط الاجتماعي القائم
لذا اذكر جميع الاخوة الاعزاء في قريتي العيساوية الحبيبة ان التغير الاجتماعي شيء طبيعي جدا بين المجتماعات
ومن ارداد ان يعرف ضلك فليعود الى مذكرات ابن خلدون في علم الاجتماع

بقلم:سفير الحب
سامح السيد

[محمد محمودa]

احنا الغلط فينا الاهل بدال ميبنو لولادهم باجرو الخلايلة و هاد اكبر غلط
****************************

[عفريتة المنتدى]

الموضوع العيسوية ممممم العيسوية
اختلفت اختلاف كلي عن زمان اليوم العيسوية لا تعد قرية بنظري بل تعد اكبر من ذلك
لقد صارت وتصورت
فتقدمت من جميع النواحي المادية والعقلية
بس بضل العيسوية صح اليوم احلى بس من زمان كانت واسعة بمعنى قرية يعني كان المكان اوسع للعب للمرح
اما اليوم البيوت جنب بعضها العيسوية اتغيرت صارت كتير من الناس يجي يسكونوها
وعلى فكرة كل الناس خير وبركة اذا كان خليلي ولا عساوي ولا فلاحي ولا اياشي فالعيساوية كتير اخدت من عادات الناس الي فيها وتخالطت اللهجة والاكلات والافراح وعنجد الناس يعني اتقبلت الحياة ويلا منو امنعمل تغير بين الناس وهادا الاشي بساعدها على التطور وبكون مفيد اني اتعرف على عادات غيري وانشاء الله للافضل
تحياتي العفريتة

[عماد بوجه]

السلام عليكم
أولا بشكر الأخت ليل الهجر على الفكره والأخ نخال على الموضوع
وبقول انو العيساويه أول كانت أحلا بمليون مره من الحين
على الأقل كان تفكيرهم على مستوى أعلى من تفكير شباب اليوم رغم التقدم والتطور
فكانوا بيحترموا بعض وبيحترموا أكتر الضيف أو الغريب زي مابيحكوا شباب اليوم
فما كان تفكيرهم بهذه العنصريه هذا خليلي وهذا سعيري
وبحب أرد على العيساوي محمد داري أنو الخربان خربان من دار أبو وكل واحد بيعرف حالو
والبلد مش ملك لشخص أو لناس معينين والخلايله اشتروا بمصريهم وما سرقوا الأراضي سرقه
ولا باعوا ليهود الي خرب البلد با داري الي باعوا هداسا والجامعه والكازيه والمعسكر الجديد (دردريم)
والي مستعدين يبعوا أي اشي مقابل المصاري............
الخلايله بيشتروا مش بيبيعوا وبيعمروا وبيبنوا مستقبل لولاد ولادهم وبحبوا الضيف وبيكرمو
(قال رسول الله صلىالله عليه وسلم:- من كان يحب الله ورسوله فليكرم ضيفه)وشكرا

[FADOOSH]

1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟
اكيد طبعا في فرق كبير فلكل واحد من هاؤلاء الاشخاص له عادات وتقاليد تميزه عن غيره بس شيء واحد ما بتغير هو انه كلنا فلسطينين
2_ إذا كان هنالك فرق ، فما هو هذا الفرق؟
العادات والتقاليد
3_ هل كل أصابعك متماثلين .. أي ان جميع الخلالية او العساسوة متماثلين ؟؟
طبعا لاء كل انسان غير عن التاني في عساسوة بستاهلوا ينحطوا فوق الروس وفي ناس بعيد عنكم متل الانجاس على روسهم لايزم ينداس يعني كل واحد بختلف عن التاني حتى لو كانوا توائم
4_ قبل أن تتهم شخص ما بنقص ، هل نظرت الى نفسك ولأعمالك ؟
انا الحمد لله رب العالمين دايما بحسب حساب انه الي بده يحكي عن العالم العالم رح تحكي عيله ...
5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
طبعا لاء لانه الرسول صلى الله عليه قال : كلكم سواسية كاسنان المشط ليس على عربي او اعجمي فضلا الا بتقوا
6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟
طبعا لاء متله متل غيرة سدر البيت اله والعتبة الي ...... والبيت بيته ...^_^
اخي محمد نخال تقبل مروري ولك جزيل الشكر
تحياتي
اختكم
فـ،،ـدوشـ،،ــ

[ثائر ابو لبدة]

شكرا لكم على هذه المداخلات احترم ارائكم جميعا ..

وكان الاجماع على انو العيساوية بمراحل سابقة كانت افضل من اليوم ..

مع اختلاف الاسباب طبعا ..

و في مين ميز بين عيساوي وغير عيساوي ( غريب ) ..

وفي مين اعتبر انو كل الناس واحد ومقياس التفاضل هو التقوى ..



ابراهيم نخال

ولكن اقول لكم انا اصلي من غزة وهي جزء من فلسطين ولكني ولدتُ بالعيسوية، واحس يالانتماء للعيسوية وفلسطين، والعيسوية جزء من فلسطين ايضاً.

هذا ما اعجبني من الردود ..



محمد محمود قال ..

احنا الغلط فينا الاهل بدل ما يبنو لولادهم باجرو الخلايلة و هاد اكبر غلط

^
^
^

جواب لما جاء فيه محمد محمود في رد عماد بوجه ..

البلد مش ملك لشخص أو لناس معينين والخلايله اشتروا بمصريهم وما سرقوا الأراضي سرقه


الى هنا وصل النقاش ..

^
^


تحياتي الكم والله يوفق الجميع .

[دعاء الكروان]

السلام عليكم ورحمة الله وبركاته
فالبدايه لا اريد التعليق على كلام اشخاص معينين
فالموضوع المطروح جميل جدا والمشاركات كانت نشطه ورائعه باختلاف الاراء بين الاعضاء
فمن خلال تتبعي الى مشاركات الاعضاء ونقاشهم كل يوم تدهشني اقتراحاتهم وكتاباتهم وتفكيرهم
وحيرني جدا اسلوب نقاشهم الامر او الفكره والاساس الذي يبنيوا عليه ارائهم في الطرح
فمن الملحوظ جدا بان ما يمتلك تفكيرهم هي دوافع قديمه جدا عفا عليها الزمن ونحن نحيها من جديد بجيلنا الجديد
الا وهي القوميه الوطنيه العرق الدم النسب ................
فقد قال الرسول صلى الله عليه وسلم عنها { دعوها فانها نتنه } وقال ايضا { واللهي ان فيك لمن الجاهليه }
وهذا مما يدعو الى اختلاف الاراء بيننا فهذا امر طبيعي
ومن الماسف جدا بان ننسى القاعده الاساسيه لتفكير كلا منى وهي القاعده الاسلاميه في التفكير والنقاش التي تحدد لنا تقيم الاخرين
وكيفية التعامل معهم وضبط الرابطه بينا وعلى اي اساس نجتمع ونفترق ................
لنكن معا خطوة خطوه بكل فكرة طرحت من قبل الاعضاء
من قال بان العيساويه بالقدم افضل من اليوم
اقول له بانه لم يحكم الحكم الصحيح فلننظر الى اجدادنا ومن سبقونا فل ننظر الى افكارهم والى روابطهم والى عاداتهم
فانها لا تختلف عما نحن عليه اليوم اني اقول هذا الكلام من خلال تقيمي لمشاركات الاعضاء وستقرائي لافكارهم المطروحه
قديما كان التميز وهو موجود اليوم
قديما كانوا يحتكمو الى العادات والتقاليد المخالفه لشريعه وهو موجود اليوم
قديما الرابطه التي تربط بينهم هي الوطن او الدم وهي موجودة اليوم
المقصود بالاختلاف هنا هو اختلاف الجوهر الانساني بان يتخلا عن كل هذه التفاهات ويتمسك بما هو حق
الى من قال ان هنالك اختلاف في العادات
اقول له صحيح الكلام بعتبار نظرتنا الحاضره او السطحيه او بعتبار المقايس التي نقيس عليها اعمالنا
ولك اذا نظرنا لها من خلال النظره الصحيه فلا نرى اي اختلاف بيننا لان العقيده واحده والفكر واحد والمشاعر واحده والمبدا واحد
حينما يكون حكمنا على الاشياء من خلال هذه النظره لا نقول بان هنالك فارق بيننا
الى من يقول باننا افضل من غيرنا والغرباء هم المخربون
اقول له { مادح نفسه كذاب } وكما تعودنا بان نلقي باخطائنا على الاخرين فلماذا الغريب ياثر علينا ونحن لا ناثر عليه فمن اين يكون
التقصير وبحق من تم هذا التقصير اهو بحقق انت ام باقربائك ام باهل بلدك فلماذا السكوت اذ
فل نعلم بان الارض هي ليست ملكن لاحد منا فنحن ضيوف عليها نمر عليها مرور الكرام ونتركها فتبقى الى من اوجدهاالذي يقول بان التقدم والتطور افقد البلد بهجتها السابقه
اقول بان التقدم هو طبيعه كل انسان فالانسان يداب بستمرار الى ان يرتقي بجميع الامور ان كانت فكريه او صناعيه وهذا ما يحثنا
عليه ديننا ورسولنا صلى الله عليه وسلم فدولة الاسلام كانت السباقه دائما في هذه المجالات حينما كنا نستظل بظلها
لا اريد ان اطيل عليكم كثيرا
فكلمة اخيره اقولها لكم لعلكم تجدوا فيها نصحكم
اجعلوا مقياس حكمكم على الاشياء واحد وهو المبدا الاسلامي
واطلب منكم السموحه ان كنت قد اسئت لكم بحديثي
اخوكم
دعاء الكروان

[wolf]

احنا الغلط فينا الاهل بدال ميبنو لولادهم باجرو الخلايلة و هاد اكبر غلط
............................
...
تقبلو مروري

wolf

[محمد نخال]

أخي wolf
احنا الغلط فينا الاهل بدال ميبنو لولادهم باجرو الخلايلة و هاد اكبر غلط

هل ترى فرقاً بينك كعيساوي وبين أخيك بالله من أي بلدٍ كان ؟؟

وما هو هذا الفرق .. حتى أعلم أنا شخصياً ما هو الفرق الذي تتحدثون عنه !!

أرجو الرد

[man999]

انا مش عارف هو كل واحد في هالمنتدى بيكتب موضوع وبدو الرد علي بدون ما يحسب العواقب موضوع مثل هيك ما بنطرح بالصوره هاذي وكل الناس خير وبركه ويا ريت كل واحد يشوف اعيوبو قبل ما يحكي على الناس وانا شايف انو المواضيع الي بنتطرح في الايام الحاليه كلها مصخره كان هذا الموضوع ولى موضوع الاحصاء لانو هيك مواضيع بتخلق فتن ويا ريت تحكو بمواضيع تفيد نا كلنا وتفهمنا كيف انحب بعضنا

[غزاوي في البلد]

اوافق اخي man999 على رده الصريح والواضح واضيف ان هذا الموضوع قد يثير المزيد من المشاكل.
حيث ان هناك اشخاص لم يستوعبوا الفكرة والهدف من وراء طرح هذا الموضوع للنقاش
فالنفوس المريضة والعقول المتحجرة من جميع الاطراف ... ستشعل النار بالهشيم، ويبدو لي ان الوقت لم يحن بعد لطرح مثل هذا الموضوع، وان كنتُ اوافق المنتدى وخاصة القائمين عليه لطرحه بالبداية. ولكن بعد تفكير عميق يفضل طرحه في وقت اخر، ربما في المستقبل، حين تنضج العقول وتكون النوايا الحسنة قد عمت بين الناس.
وعليه اطالب بوقف مناقشة هذا الموضوع من خلال المنتدى .. كي لا يتسع الشرخ في النسيج المحلي للبلد، وكي نتجنب فتنة "لعن الله موقظها" . وحتى لا نندم اوقفوا طرح هذا الموضوع، وحتى نكون ديموقراطيين، دعونا نصوت على استمراره او انهائه.
انا بقول انهو الموضوع اليوم قبل بكرا
ارجو ان تكون هناك اذان صاغية بالمنتدى بتحمل المسئولية واتخاذ القرار الصحيح بوقف هذه المسرحية !!
وكي لا نندم .... وقديماً قيل "ولات حين مندم"

[العيساوي]

اولا حبيت اشكر اخوي ابراهيم نخال على رده الي يستحق كل الاحترام فهو قدم اللازم واكثر
موضوع جدير بالمناقشة والحوار
صحيح ان ايام زمان افضل، السلوانة والطورة بقولو هاذا كمان، ولكن ما العمل؟
تطورت القدس وضواحيها من القرى والاحياء مثلما تطورت باقي المدن وما حولها من القرى المحيطة.
هذا ما جرى في القرن العشرين والواحد والعشرين في كل العالم، وهذا تطور طبيعي وصحي بنفس الوقت، والا فان البديل هو الانعزال والتقوقع، فهل تريد يا سيد محمد داري ان تكون العيسوية للعساسوة فقط، شو رأيك تسوي جدار فاصل على حدود العيسوية تمنع فيه دخول من هو غير عيساوي حسب تصنيفك العنصري، ما بكفينا قرف واضطهاد الاحتلال الاسرائيلي، شو رأيك توزع تصاريح كمان على الغربية اللي زي حوالنا، مسموح اللنا نصلي بجامع الاربعين ولا احد ولا التوبة ولا الجامع اللي بحد الملعب، ولا اقولك بنساوي جامع للغربية .... لانه يمكن قبلتهم غير شكل ..و..
هذه نظرة ضيقة وعنصرية ومرفوضة .. فمن حق كل فلسطيني ان يعيش في وطنه فلسطين اينما شاء، انسيت يا سيد داري مبادئ حركة فتح وخاصة البند الاول الذي يقول ان فلسطين هي الوطن الطبيعي للفلسطينين ويحق لهم العيش فيه اينما شاؤا، الا اذا كنت تفترض ان العيسوية ليست جزءً من فلسطين وهذه مصيبة!!
فما ذنب الطفل الذي ولد في العيسوية لابوين غريبين، لقد اصبحت العيسوية وطنه، سواء شئت ام ابيت، وفي بعض الدول المتحضرة يمنحوه الجنسية فور ولادته،
ولكن اقول لكم ان اصلي من غزة وهي جزء من فلسطين، ولكني ولدتُ بالعيسوية، واحس يالانتماء للعيسوية وفلسطين، والعيسوية جزء من فلسطين ايضاً.
فمن انت حتى تحرمني من وطني العيسوية؟!

قال تعالى " ان الارض يرثها عبادي الصالحون"
فلنرفع هذه الاية الكريمة كشعار لنا، ان من يخدم العيسوية ويعمل لمصلحة البلد، ويتبرع ويتطوع ويبادر ويشارك اهلها بالسراء والضراء، ويبعد الاذى عنها ويدافع عنها، ويحميها ويفديها ويدفع الثمن بالغالي والرخيص من اجل العيسوية وسكانها ... يستحق ان يحصل على لقب عيساوي ابن البلد حتى لو كان غريباً ومولود في طلوزة.
اما من يتسبب بدمارها وخرابها وتلوثها ويشيع الفتنة فيها ويسعى لهلاكها فلا يستحق لقب عيساوي حتى لو كان من صلب عيساوي؟!
طبيعة العمل هي التي تحدد الانتماء .. وهناك ضريبة ندفعها من اجل هذا الانتماء .. ومقدار ضريبة الانتماء للعيسوية التي ندفعها حباً وشغفاً بها، لا تقل عن تلك التي ندفعها من اجل فلسطين كاملة من النهر الى البحر، وليست اقل من ضريبة الانتماء للوطن الصغير (العيسوية) او الاكبر (القدس) او الوطن الكبير (فلسطين).
واخيراً... اشكر العيساوي ومحمد نخال على طرح هذا الموضوع، وكلنا امل ان تكون الردود ايجابية لخدمة البلد والمصلحة العامة وان تكون الردود بعيدة عن العنصرية والافق الضيق.


كل الاحترام على الكلام المرتب والمقنع

بصراحة الموضوع مفهوم انه لم يطرح لنشر اي فتنه هذا واضح
الموضوع طرح لخلق منفس لكل من يريد ان يقول ولا يجد المكان ليقول كلمته عن البلد
نعم الموضوع صعب لا شك في ذلك ولكن افضل ان تناقش موضوع مثل هذا من ان تخلق مشاكل تراكمية وكبت فينفجر في يوم من الايام من لاشئ
افضل ان تسمع وتناقش الناس التي رأيها بصراحة لا يتوافق مع رأي الاغبيلة وهو رأي غير مرغوب فيه ولكنه موجود في عقولهم ,فليسمعوا رأي الاغلبية فنحن نعيش معا بمحبه وسلام وكلنا ابناء امه واحده اولا واخر وتجمعنا روابط لا حصر لها
الموضوع طرح للنقاش وليس لفتنه واذا بجد رأي الجميع ان نتهرب الان من مواضيع مهمة للنقاش فما فائدة هذا القسم اذا؟؟؟
قل رأيك ونحن نحترمه ولكن اعلم اننا ربما لا نوافق عليه

[ليل الهجر]

واخيرا ليل الهجر ح تشارك بالموضوع اللي يقال انو فكرتها...

اولا بعتذر ع تأخري...بس فعلا الموضوع حساس جدا وكان بدو قعده ...(وانا عندي امتحانات)...

بعد قراءة الردود لقيت عدة نقاط مهمه بيتركز حولها النقاش....
ح ابلش فيهم وحده وحده وبتمنى انكم تستحملوني.....



1-الغرباء ووجودهم في البلد
----------------------------------

انا بصراحه لو كنت عيساويه وشفت انو ما في بيت اسكن فيه لانو الناس اللي عم يجو من بره صارو اكتر عددا من اهل البلد نفسها ح ادايء....بس اللي بدي اقولوا....ما في حد ح يجبر اي عيساوي على انو يبيع او حتى يأجر....(لا خليلي ولا سعيري ولا حتى نوري).....هالشي تم برضا العساسوه نفسهم....يعني المفروض يكون اعتراضكم على العساسوه اللي بأجرو دورهم للغربا....مش العكس...ويا عمي الجار قبل الدار...عني اذا بقولوا انو المستأجر لازم يسأل عن صحاب البيت...فما بالك بأصحاب البيت؟ مش لازم يسألوا عن المستأجرين؟؟؟؟
بعدين برأيي انو احنا ك اعضاء بالمنتدى اخر ناس لازم نحكي عن العرقيه هاي لانو منتدانا ملياااااااااااان من كل المناطق وبحياتنا ما لمسنا العرقيه فيه يعني انا الخليليه ...ما كنت اعرف انو في خلايله غيري بالمنتدى....
يعني اللي بدي اقولوا احنا بالمنتدى حاسين حالنا وحده وحده ...صح ولا لأ؟؟؟ليش لما انتقل الموضوع لبره (للعيساويه ك منطقه )صرنا متفرقين؟؟؟انا بقلكم ليه.....لانو هون بالمنتدى انتوا عارفين انو الخلايله لما اشتركو اشتركوا بداف حب المنتدى بس قصة استئجارهم لدروكم حسيتو انها سرقة الكم...انو عم ياخد منكم العيساويه وعم يغير فيها...وانو العيساويه بطلت للعساسوه و بهالحاله ما بقدر اقلكم ...انو ابسط حل هوه انو ما تأجروهم,....طبعا انا صارلي اكتر من 10 سنين بالبلد..يعني ضامنه حالي مش ح تطلعوني به...ولا شو؟؟؟


2-قصة لبس البنات
[/COLOR]---------------------

انا بيوم من الايام كنت بمدرسة البلد.....يعني بتزكر انو الوحده كانت لما تعمل شعرها دنبه (مش جدله) كانت تاخد بهدله ..وحتى بره مدرسة البلد....انو كنت تحس انو اللي بدها تعجيء كتيييييييييييييييير كانت تنفل شعرها....
بس لأـ ولله الحمد....البنت صار بدك خارطه منشان تعرف شو اللي لابستو بالزبط تنورة فوق بنطلون ...كت فوق بدي (هدول للمحجبات)والله اللي مش محجبات ارحم...ع الاقل الكل عارف انها مش محجبه ...مش حجابها متل قلتو....
وطبعا غير المحجبات حدث ولا حرج.....بس شي واحد اللي بيستفزني بموضوعهم...وين امهم وابوهم؟ وين اهلهم عنهم هدول؟؟؟؟؟؟؟؟؟؟؟

3-تعليق الشباب وكلامهم
----------------------------


يعني ما بتزكر انو بحياتو حد سمعني كلمة من العيساويه...بس الموضه الجديده...صار ابن 16 سنه يكتبلي قصائد غزل....وحتى الجيران....يعني حتى مش معبرين حق الجيره

4-الباصات
-----------

يعني بزمن الفردات بحياتي ما بتزكر اني كنت اتأخر ع مدرستي...او حتى على مشوار لالي...بس هلأ صرت اذا بدي اروح ع الجامعه لازم اطلع من بيتي قبل بساعه ونص.....
يعني غير قلة عدد الباصات....في قصة السرعه تبعتهم...يعني وربي انو السلحفاه اسرع...
يا عمي بنقدر انو وهمه بالبلد بخافو على الولاد الصغار واحد ينط هيك ولا هيك بس لما يطلعوا من العيساويه ع شو بكونوا خايفين؟؟؟اي خلصوا ..بدنا نوووووصل

5-السوبرماركت والمحلات
---------------------------

يعني لشو لازم صاحب المحل يفتح بعد ال 10؟؟
يعني في عالم عندها صغار بدها حليب بدها اكل...لازم تلف كل العيساويه منشان تلاقي دكان فاتح؟؟؟؟

وبالاخر بقلكم....يرحم اياااااااااااااااااااااااااااااااااااام زماااااااااااااااااااااااااااااااااااااان


ليـل الهجر[/COLOR]

[131]

والله ايام زمان احلى بكتيرررررررررررر اليوم لما الغرب دخلو على البلد
ا
لي صار بياع حشيش وكوك وحتى في
من الغرب سارو ايجرو علىىىىىىىىىىى انتو بتعرفو ايش الله يعلم من وين ارضيهم

[131]

والله فش احلى من ايام زمان اليوم لما دخلو الغرب على البلد الي صار بياع كوك وحشيش والي سار ايئجر
على اشى ما بينحكى والله بيعلم من وين جايين
احنا في بلدنا بنحترمهم اما لما انروح على اي بلد منهم بسيرو ديوك

[SaNdRa]

انا برأيي انها حتى ما بتحتاج سؤال يعني العيسوية زماان كانت احلى بكتير
وهلء صار فيها نقله نوعيه من جميع النواحي يعني اخدنا التطور من الجانب السلبي صار التطور معناه انك تحمل بلفون اخر موديل او بين كل كلمة والتانية تحط اكم من مصطلح عبري عشان يقولو عنك متحضر حتى اللهجة الي كلنا تعودنا عليها الاغلب تخلو عنها ومن النااادر الاقي شب او صبية ما بدي احكي عن الكبار بيحكي بلهجة بلدو
1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟
بالنسبة الي طبعا لا بالنهاية كلنا فلسطينيين
3_ هل كل أصابعك متماثلين .. أي ان جميع الخلالية او العساسوة متماثلين ؟؟
لا طبعا غير متماثلين
4_ قبل أن تتهم شخص ما بنقص ، هل نظرت الى نفسك ولأعمالك ؟
بعمري ما اتهمت احد بنقص سواء كان موجود عندي او لا ، لانه بالنهايه كلنا ناقصين والكمال لله
5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
لا طبعا متلي متل غيري
6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك
ما بتفرق وبستقبله عادي كانه انسان ما في فرق بيني وبينو
موضوع جدير بالنقاش
ويعطيك الف عافية اخي محمد
تحياتيــ
..

[دمار]

طبعا ما في احلى من ايام زماااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااان زمان الناس كانت تروح وتيجي على بعضها وما كانت تحكي على بعض اشي بس هاي الايام الواحد اذا راح عند واحد ولا طول في دار التاني بلبسو تهم وبصيرو يحكو عنوا كذا وكذا وكذا الخ .............. يعني هتى الناس بطللها امان على لسانهم

[بركان الغضب]

1_ هل ترى بأن هنالك فرقاً بين عيساوي وخليلي وغزاوي وسعيري ... الخ ؟

بصراحه هو في فرق والفرق انو هاد من منطقه وانا من منطقه بس في الاخر وين بنرجع كلنا امه وحده وكلنا مسلمون وانا بحكيلك ما في فرق بس الفرق انو كل واحد من مدينا ...

2_ إذا كان هنالك فرق ، فما هو هذا الفرق؟

ممممم انو كل واحد بدو يمشي على خاطرو وبدو يكون كل شي الو ما بدو يسأل عن غيرو ..

3_ هل كل أصابعك متماثلين .. أي ان جميع الخلالية او العساسوة متماثلين ؟؟

لا ما كلهم متل بعض بس في العاطل وفي الصالح ....

4_ قبل أن تتهم شخص ما بنقص ، هل نظرت الى نفسك ولأعمالك ؟

هاد شي اكيد انو اشوف حالي قبل ما اشوف غيري ......

5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟

لا والحمد الله كلنا امه واحده ومسلمون وكلنا من ابناء وطن واحد ...

6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟

بصراحه بستقبلو استقبال كأنو ملك وبعطيه كل الاحترام والتقدير وبقدملو احسن ما عندي ...

شكرا على الاسئله ...

تقبلو مروري

شكرا مع تحياتي : °¨¨™¤¦فؤش ¦¤™¨¨°

[محمد نخال]

السلام عليكم ورحمة الله وبركاته


من خلال متابعتي لجميع المشاركات والآراء المطروحة ، نستقرأ معاً بعضاً منها كتلخيص للمشاركات التي نكن لها كل الإحترام :-

العيساوي
العيساوية اليوم: لاسفي بيوت فوق بيوت والطابق العلوي لا يدري من يسكن بالطابق السفلي غير شكله

أبو وديع
فاختلط الصالح مع الطالح كما يقولون .. ومش كل اصابعك واحد ..

ابن فلسطين
ليوم البنت بتصحا من نومها بتكوم على المراي بتبلش تجبل وتحط على راسها هالخلطات

اما بنات زمان
كانو يوم ما يلبسو المديل من كتر ثقلو وحجمو ما كانو يسمعو حدا
كانويمشو ويرفعو المنديل عن ادينيهم عشان يسمعو

عيساوية مغتربة
بالنسبة لي العيساوية قديما من حوالي 13 سنة هي البساطة بكل معانيها الطيبة الحمية والنخوة وحب الاهل لبعضهم انا تركت البلد وهي هيد بس

؟؟؟؟؟؟؟؟؟؟؟؟؟؟؟؟؟؟؟؟؟؟

البلد زمان كان اللي بيحكو عبري فيها ينعدوا عالاصابع هالحين الاخوة في جوا الدار بيحكوا عبري مع بعض نوع من التطور .

زمان كانت البنت او الست تلبس الفستان نفسة 5-6 مناسبات او اعراس هالحين كل مناسبة في لبسة

يا قريتي مالي أراك حزينة ..... والدمع في عينيك شبه لألي
تتجولين بناظريك كانما ............ شئ ثمين ضاع منك وغالي
ما بال وجهك شاحبا وكانه ....... قد مس ثوبك افعوانُ ساري

ندين

ما حدا فيني لازم يلوم الخلايله او المستأجرين لأنو انت نفسك السبب لما تجيب واحد تسكنو ببيتك وما تعرف شو اصلو وشو فصلو بنلومك انت

صدام
مــا فـي فرق بس اليوووم كل واحد بتفلسف عن غيرووا والصراحه
غير عن العادات والقاليد اليوم ما بحبو الغريب وعندهم الغريب
زي عدو عندوا..واكيد الكل بعرف هادا الاشـي

ابو وديع

6_ إستقبلت ضيفاً في بيتك ، هل تميزه عن غيره كونه من هذا البلد او ذاك ، ام تستقبله وكأنه إنسان لا يختلف عنك ؟

طبعا .. اذا كان الضيف اهل للترحيب لو كان يهودي بستقبلو ..

FOFO JUST
وانا الي بعرفو انو احنا عرب ودينا دين واحد مش انتا خليلي وانتا فلاحي وانتا الخ ......

بنت فلسطين
شباب زمان ما كانوا يعملوا حواجبهم ولا يلبسوا خصر ساحل ولا البلفون ما ينزل عن ايدهم ولا كل همهم يلحقوا البنات وهي الملاحظه مش لكل

شباب للبفكر بهاي طريقه بس يعني بجد عيب

البرنسيسا
في بعض من العساسوه اول ما بعرف ان الاخر ليس عيساوي يطلق عليه كلمة( غريب )
يعني والله ما هي حلوه هالكلمه .....................ما غريب الا الشيطان

العيساوي
الموضوع شيق والمداخلات اختلفت بين كل مشارك ومشارك
بعضها اظهر النضوع العقلي وبعضها تركناه كما هو ليدل على ان كاتبه لا زال وربما في مرحلة الطفولة او ان النضوج العقلي لم يصل له للاسف

الخلايلا علموهم على الوقاحه وقلة الأدب كان بامكاننا حذف المشاركة و لانها بحق صعبة في الكلام ولكن بما ان الموضوع للنقاش الجدي فتركناها حتى نرى الاعضاء وتقبلهم او معارضتهم للفكرة

وهي فقط انما تعبر عن رأي قائلها .... ولم تترك لانها مشاركة جيد وانما لانها مشاركة محفزة للغير لقولوا رأيهم بصراحه ....

عاشقة فضل شاكر
ومع احترامي للكل انو الاهل الي بيجوو من برا العيساويه هم ايضا بساهمو في دمارها وتخلفناااااااا

ابراهيم نخال
فهل تريد يا سيد محمد داري ان تكون العيسوية للعساسوة فقط، شو رأيك تسوي جدار فاصل على حدود العيسوية تمنع فيه دخول من هو غير عيساوي

حسب تصنيفك العنصري، ما بكفينا قرف واضطهاد الاحتلال الاسرائيلي، شو رأيك توزع تصاريح كمان على الغربية اللي زي حوالنا، مسموح اللنا

نصلي بجامع الاربعين ولا احد ولا التوبة ولا الجامع اللي بحد الملعب، ولا اقولك بنساوي جامع للغربية .... لانه يمكن قبلتهم غير شكل ..و..
=============
مبادئ حركة فتح وخاصة البند الاول الذي يقول ان فلسطين هي الوطن الطبيعي للفلسطينين ويحق لهم العيش فيه اينما شاؤا، الا اذا كنت تفترض ان
العيسوية ليست جزءً من فلسطين وهذه مصيبة!!
=============

ولكن اقول لكم ان اصلي من غزة وهي جزء من فلسطين، ولكني ولدتُ بالعيسوية، واحس يالانتماء للعيسوية وفلسطين، والعيسوية جزء من فلسطين ايضاً.
فمن انت حتى تحرمني من وطني العيسوية؟!
=============

قال تعالى " ان الارض يرثها عبادي الصالحون"
فلنرفع هذه الاية الكريمة كشعار لنا، ان من يخدم العيسوية ويعمل لمصلحة البلد، ويتبرع ويتطوع ويبادر ويشارك اهلها بالسراء والضراء، ويبعد الاذى عنها ويدافع عنها، ويحميها ويفديها ويدفع الثمن بالغالي والرخيص من اجل العيسوية وسكانها ... يستحق ان يحصل على لقب عيساوي ابن البلد حتى لو كان غريباً ومولود في طلوزة.
اما من يتسبب بدمارها وخرابها وتلوثها ويشيع الفتنة فيها ويسعى لهلاكها فلا يستحق لقب عيساوي حتى لو كان من صلب عيساوي؟!
طبيعة العمل هي التي تحدد الانتماء .. وهناك ضريبة ندفعها من اجل هذا الانتماء .. ومقدار ضريبة الانتماء للعيسوية التي ندفعها حباً وشغفاً بها، لا تقل عن

تلك التي ندفعها من اجل فلسطين كاملة من النهر الى البحر، وليست اقل من ضريبة الانتماء للوطن الصغير (العيسوية) او الاكبر (القدس) او الوطن الكبير (فلسطين).

سفير الحب
اني شخص من خارج قرية العيسوية الحبيبة...الا اني اعتبر ان هذه القرية قريتي
لاني احب هذه القرية كثيرا...واني لا استطيع وصف حبي لها مهما كانت درجتي من البلاغة وحسن التعبير لاني العيساوية أسمى من الوصف وأرق من التعبير....!!!!!

عماد بوجة
الخلايله بيشتروا مش بيبيعوا وبيعمروا وبيبنوا مستقبل لولاد ولادهم وبحبوا الضيف وبيكرمو
(قال رسول الله صلىالله عليه وسلم:- من كان يحب الله ورسوله فليكرم ضيفه)وشكرا


FADOOSH
5_ خلقنا الله من تراب ، وزيننا بالعقل ، يا ترى هل لك مميزات تختلف عن غيرك من البشر ، تجعلك تميز نفسك عن غيرك !؟
طبعا لاء لانه الرسول صلى الله عليه قال : كلكم سواسية كاسنان المشط ليس على عربي او اعجمي فضلا الا بتقوا

دعاء الكروان
ومن المؤسف جدا بان ننسى القاعده الاساسيه لتفكير كلا منى وهي القاعده الاسلاميه في التفكير والنقاش التي تحدد لنا تقيم الاخرين
============
المقصود بالاختلاف هنا هو اختلاف الجوهر الانساني بان يتخلا عن كل هذه التفاهات ويتمسك بما هو حق
============
الى من يقول باننا افضل من غيرنا والغرباء هم المخربون
اقول له { مادح نفسه كذاب } وكما تعودنا بان نلقي باخطائنا على الاخرين فلماذا الغريب ياثر علينا ونحن لا نؤثر عليه فمن اين يكون
التقصير وبحق من تم هذا التقصير اهو بحقق انت ام باقربائك ام باهل بلدك فلماذا السكوت اذاً
=========
فل نعلم بان الارض هي ليست ملكن لاحد منا فنحن ضيوف عليها نمر عليها مرور الكرام ونتركها فتبقى الى من اوجدها

فكلمة اخيره اقولها لكم لعلكم تجدوا فيها نصحكم
اجعلوا مقياس حكمكم على الاشياء واحد وهو المبدا الاسلامي

man999
انا مش عارف هو كل واحد في هالمنتدى بيكتب موضوع وبدو الرد علي بدون ما يحسب العواقب
=========
ويا ريت تحكو بمواضيع تفيد نا كلنا وتفهمنا كيف انحب بعضنا

غزاوي في البلد
ويبدو لي ان الوقت لم يحن بعد لطرح مثل هذا الموضوع، وان كنتُ اوافق المنتدى وخاصة القائمين عليه لطرحه بالبداية.
===========
وعليه اطالب بوقف مناقشة هذا الموضوع من خلال المنتدى .. كي لا يتسع الشرخ في النسيج المحلي للبلد، وكي نتجنب فتنة "لعن الله موقظها" . وحتى لا نندم اوقفوا طرح هذا الموضوع

العيساوي
بصراحة الموضوع مفهوم انه لم يطرح لنشر اي فتنه هذا واضح
الموضوع طرح لخلق منفس لكل من يريد ان يقول ولا يجد المكان ليقول كلمته عن البلد
نعم الموضوع صعب لا شك في ذلك ولكن افضل ان تناقش موضوع مثل هذا من ان تخلق مشاكل تراكمية وكبت فينفجر في يوم من الايام من لاشئ
افضل ان تسمع وتناقش الناس التي رأيها بصراحة لا يتوافق مع رأي الاغبيلة وهو رأي غير مرغوب فيه ولكنه موجود في عقولهم ,فليسمعوا رأي الاغلبية

فنحن نعيش معا بمحبه وسلام وكلنا ابناء امه واحده اولا واخر وتجمعنا روابط لا حصر لها
الموضوع طرح للنقاش وليس لفتنه واذا بجد رأي الجميع ان نتهرب الان من مواضيع مهمة للنقاش فما فائدة هذا القسم اذا؟؟؟
قل رأيك ونحن نحترمه ولكن اعلم اننا ربما لا نوافق علي

ليل الهجر
ن برأيي انو احنا ك اعضاء بالمنتدى اخر ناس لازم نحكي عن العرقيه هاي لانو منتدانا ملياااااااااااان من كل المناطق وبحياتنا ما لمسنا العرقيه فيه يعني انا الخليليه ...ما كنت اعرف انو في خلايله غيري بالمنتدى....

صقر الجبهة
احنا في بلدنا بنحترمهم اما لما انروح على اي بلد منهم بسيرو ديوك

SaNdRa
4_ قبل أن تتهم شخص ما بنقص ، هل نظرت الى نفسك ولأعمالك ؟
بعمري ما اتهمت احد بنقص سواء كان موجود عندي او لا ، لانه بالنهايه كلنا ناقصين والكمال لله

====================

فالنكمل معاً النقاش البعيد كل البعد عن التجريح ، وليكن نقاشنا مبنياً على أساس متين يفهمه الجميع الا وهو ديننا الإسلامي.

[ليل الهجر]

سلمت يمناك اخي محمد نخال...
فعلا صدقت....
فالنكمل معاً النقاش البعيد كل البعد عن التجريح ، وليكن نقاشنا مبنياً على أساس متين يفهمه الجميع الا وهو ديننا الإسلامي

[نسائم الايمان]

السلام عليكم ورحمة الله وبركاته

والله يا جماعة انا مش فاهمة ايش هالتفاهة ...يعني بالله في فرق بين عيساوي وخليلي وغيره .... مش كلنا فلسطينية ومسلمين كما يقول الرسول صلي الله عليه وسلم: (انما المؤمنون اخوة) .....وقال تعالى : (ولا يسخر قوم من قوم عسى ان يكونوا خيرا منهم).
وال ايش في مصطلح "غربية" هاي قهريتني كتير يعني شو غربية ومش غربية مش كلها بلاد الله والعيسوية جزء من فلسطين وجزء من الوطن العربي يعني لو اي واحد عربي اجا سكن فيها بتكون ارضه مش غريب!!!!!!!!
وانا بلوم الاهل في هاد الموضوع لانه الحق عليهم اللي ما علموا اولادهم انه لازم كلنا نحب بعض بغض النظر شو اصله ومن وين جاي ومن اي عيلة ......
وبعدين احنا دايما منسال حالنا ليش مش كاينين نتحرر ونتوحد؟؟؟ ال ليش ال مهو اذا على مستوى عيساوي وخليلي وفتحاوي وحمساوي مش قادرين نتفق، كيف بدها تتحرر فلسطين والافراد نفسهم مش واعيين لهاي النقطة؟؟؟؟؟
واخيرا بتمنى من كل واحد انو يكون اوعى من هيك ويكبر عقله .

[أبن الخروبة]

احيكم بتحية الاسلام
السلام عليكم ورحمة الله وبركاته
اود ان ابدأ مشاركتي في هذا الموضوع بوضع معلومات عن العيساوية واعتقد ان الكثير لا يعرفها
قرية العيسوية
تقع إلى الشمال الشرقي من مدينة القدس، على الطريق الرئيسي القدس- رام الله- نابلس، وترتفع عن سطح البحر 750م وتقوم القرية على موقع قرية (ليشة) بمعني (لبؤة) المذكورة في التوراة، صادرت سلطات الاحتلال ما يقارب 8 آلاف دونم من أخصب أراضيها الزراعية، حيث تبلغ مساحة أراضيها 10417 دونما، وتمتد من الخان الأحمر شرقا إلى مشارف القدس غربا، وقد منعت سلطات الاحتلال السماح لأهالي القرية بتطوير قريتهم، وقدر عدد سكانها عام 1922 (333) نسمة، وفي عام 1945 (730) نسمة، وقبل عدوان 1967 كان العدد حوالي (1302) نسمة، وعلى أثر العدوان نزح من القرية حوالي (244) نسمة، وفي عام 1996 بلغ حوالي (6189) نسمة. وتعد القرية ذات موقع أثري حيث تحتوي على صهاريج منقورة في الصخر ومدافن ومغر وخزان مستقل، وفيها صناديق للعظام تعود بتاريخها إلى عصر هيرودوس .
================================================== ===============
العيساوية بلدي مند الصغر ايام زمان كانت احلى بكتيييييييييييير كتييييييير
بدي احكي اول اشي عن اللغة انا بلاقي احلى لغة هي لغتنا الي هي لغة العيساوية كتييير بكيف عليها وهي جزء من تراثنا ومن عاداتنا الي اكتسبناها من اجزائنا حتى الناس الي من القرى التانية بعرفوك ادا انت عيساوي ولا لا
من حكياتك انا الي بقهرني لما اشوف واحد او وحدة مثلا بالباص وبعرف ابوها وامها عساسوة يعني معروفة وبتقعد تحكي مدني وتعملي حالها مدنية بتفكر انو لما الواحد يحكي هيك انو اتحضر وتطور بالعكس الانسان بتطور من جواتو
حتى من كلامها مش لابقلها سبحان الله الواحد بنعرف من اصلو ولو غير كتييير بحالو
انا قرأت بالمشاركات رد لعضو معنا بحكي فيه انو في ظاهرة الشباب والبنات وبلحقو بعض ومش عارف شو مزبوط كلامك الحكي هذا في منو وعلى ايام زمان الشب كان يستحي يطلع بالصبية كيف الصبية لحتى تطلع فيه و هذا كلو بسمو تطور ما احنا فلاحين ومعروف اصلنا جاين اولادنا و اولاد اولادنا يغيرونا شايفين بالله
وبدي احكي عن الزواج لما كان الولد بدهم اهلو يجوزو ما كان يحسبو الف احساب لجيزتو كلها غرفة واشوية فرشات وامخدات ولما يروح يطلب البنت كانو بعض الاهل يعطو اياها واهل العروس يكسيها والمقدم دينار واحد والمتأخر دينار
ليش لأنو زماان كان الاب شهم وجدع وكريم ما هو ماخد بنتك يسترها ويحميها ولا لا يا جماعة الخير بس الطمع زاااد زاد كتييير هل ايام الي معو قرش بسوى قرش والناس بتصير اتحبو واتبوس ايدو ورجلو واليوم الي ما معو يصرف على حالو وعلى اولاده بقولو عنو مسكين على البركة اهبل .. ليش لأنو فقير والفقر مش عيب زمااان ما كان في فقر ليش لأنو لما كان الجار يشوف جارة محتاج كان لحالو يعطيه ويرحمة الله بقول ارحمو من في الارض يرحمك من في السماء
هل ايام انا بقدر اشتري كل الناس بسيارة بسيارة وحدة امشي فيها بشارع من الشوارع بتحداكم ادا ما اشتريت الناس فيها صارت الناس تشتري بعضها هل ايام وين ايام زمااااان وهل ايام الله يرحم ايام زماان الله يرحم بتزكر لما كنا اصغار سيدي لما كان يفكر الحجر بداني مع انو اللحظة هذه كانت كتيير مؤلمة بس بقول يا ريت ترجع ايام زمان ولو على المر كمان بتزكر لما كنا نلعب انا و اولاد عمي و اخوتي كنا على الاقل انلاقي محل نلعب مش زي هل ايام الواحد يا دوب يعرف يمشي بالطريق ولا لمصيبة ادا مرقت من باب دار واحد ما بخليلك حد الا يسبو وليش لأني مرقت بس من باب دارو و انا داري ودارو الحيط بالحيط الايام هذه صارت تمرق زي لمح البصر والله ما بنحس فيها وحتى ما في الها طعم والله بتزكر احلى اشي لما كان سيدي يولع بالشتا الحطب ياااا كانت ايام بتجنن احلى ايام والله كانت كل العيلة تلتم عند سيدي وتقعد على نار الحطب ويحكو عن ايام زمان لسه كانت ايامهم بالزمنات احلى بكتييير بتزكر لما كان سيد ابوي الله يرحمو لما كان يحكيلنا عن ايام الكفاح والمناظلة كنت لما اسمع حكيو احكي انا بدي اصير زيهم بدي احرر ابلادي بدي اوقف بوجه عدوي واستبسل بس يا خسارة هل ايام لما تحكي هل حكي هذا بخاوفو منك الناس ما ضل لمنيح والله الواحد بخاف من لمنيح اكتر من العاطل فش امان زي زمان كانت ايام كتييييييير كتيييييير حلوة
بتزكر لما كنا نعبي المي من البير ونطلع فيه والله ايام زمان كان الشب تحكي عن زلمة كان زلمة بمعنى الكلمة اما مع احترام الشديد هل ايام كلمة زلمة بمعناها حراام تنحكى لواحد منهم وبقدر احكي عن شباب هل ايام زي ما بحكو بالمصطلح لجديد وهذا من التطور طبعا (شباب الكورن فليكس ) ههه
بس ما في اشي نتاسف عليه الراح راح وما ابنقدر انغير اشي بالقرية لحتى نرجع لأيام زمااان مستحيل من المستحيلات ترجع ايامنا زي ايام زمان لو بدك ترجع لأيام زمان بدك اطير نس السكان وبدك تهدم اكم من بيت لحتى تزرع وبدك لا اتشوف تلفزيون ولا كمبيوتر ولا حتى نت ولا تلفونات وبدك وبدك ودبك وبدك ... وانا بتحداك يلي بتقرأ ادا ابتقدر تتخلى عن اشي بسيط من التطور صارت الناس اتحس بالحياة اسهل من الشغلات مزبوط ريحتنا كتييير وهذا مش غلط
واخر اشي انا من وجهة نظري بقول الي عمل بناتنا الفساد بين عيساوي وغير عيساوي هم بلاد الغرب والاستعمار
هما هيك بدهم واحنا مساكين ردينا عليهم وبنعمل اكتر من هيك شو ضل اكتر من انو الاخ يقتل اخوة والله راحت الايام
وشكرا لكل من ساهم بموضع القسم هذا ولكل من سمعنا كلامو الحلو وحكالنا اشوي عن ايام زمااان

[العيساوي]

اخوي


ابن الخروبة


ابدعت فيما كتبت ونقلتي وكأني في جهاز عبر الزمن وعدت سنوات كثير للوراء وانا اقرأ المشاركة وكأني اعيش الفترة التي وصفتها

الف شكر لك
وهذه المشاركة تستحق ان تكون وضوعا منفصلا على الاقل
سلمت يمينك

[أبن الخروبة]

لا شكر على واجب اخوي العيساوي هذا واجبي وعلى الاقل عبرت عن الي كان موجود زمان وعن الحياة بالزمنات

عنجد والله كانت ايام كتييير حلوة يا ريت انعيش على الاقل بأمان وسلام ونحب بعضنا هذا الشغلة على الاقل نكتسبها

من ايام زمان ابتسوى كل اشي مزبوط الايام هذه فيها اشياء ما كانت وخلتنا نتواصل مع بعضنا بس برضو

لما اتروح اتزور بيت قريبك وتكون زي ما كان سيد ابوي و اولادو واولاد اولادو متجمعين ومتحابين بتسوى كل الدنيا وما فيها

حلو انكون متطورين بس مش حلو ننسى شو اصلنا وننسى عاداتنا وتقاليدنا وكلام اجدادنا

وبشكرك كمان مرة اخوي العيساوي وهذا شرف الي اني اكون قد وصلت الفكرة للكل

[RAMZI MUSTAFA]

بس ممكن سوال يعني ليش مكتوب اسمي في المضوع؟؟؟؟؟؟؟؟؟؟؟؟؟؟؟؟؟

[ثائر ابو لبدة]

احنا حكينا عيساوي وخليلي وقدسي وما بعرف شو ..

طيب لو حكينا اخوي المسلم ..

مش احسن من عيساوي ومش احسن من خليلي ومن ومن ..

يمكن واحد يقرأ كلامي يقول شو بحكي هدا هه ..

بفكر حالو بزمن الصحابة ..

بس الدنيا ما بضل هيك ..

لانو في خير وفي شر .. مزبوط الشر طاغي ..

بس بالاخر الخير راح ينتصر ..



قسمنا حالنا طوائف واحزاب وعائلات و و و ..

طيب ليه ؟.؟.؟ مش كلنا مسملين ..

مش كلنا بنعبد رب واحد وعلى دين واحد ..



بلال بن رباح اللي كان عبد وكان لقبو بالجاهلية ابن السوداء ..

اعزه الله بالاسلام وجلس مع رسول الله صلى الله عليه وسلم ..

وابو بكر الصديق وكبار الصحابة ..


الزمن هدا في عيساوي وفي خليلي وفي وفي ..

بس بكرة راح كل واحد بتهموا هالاعتبارات يعض اصابعه ندم ..

الدنيا ما بضل مثل ما هي والزمن بلف وبدور ..

ومن ابتغى العز بغير الاسلام اذله الله ..


ومثل ما قلت الدنيا ما بضل مثل ما هي ..

فالعيساوية قبل عشر سنين او اكثر مش مثل اليوم ..

وما دام الانسان اتغير فكل شي راح يتغير ..


تحياتي الكم والله يوفق الجميع .

[محمد نخال]

السلام عليكم ورحمة الله وبركاته

سيتم إغلاق الموضوع لإنتهاء مدة النقاش ...

نشكر جميع من شارك سواء بإبداء رأيه أم بقراءة الموضوع ..

سيتم طرح الموضوع القادم قريباً ..