فلنوقف هذه المهزلة مع بداية المدارس ...

[خيّال البلد]

السلام عليكم ورمة الله وبركاته .
تحية طيبة لكم جميعا ..
واهنئ الجميع بعودة المدارس . سائلين الله ان تكون سنة خير وتفوق وتقم نحو الامام والافضل ..
ولكن من اول يوم في المددرسة لاحظت شيئا عجيبا ..
ساقول بصراحة وسادخل بالموضوع مباشرة ..
اليوم بعد رجوع الطلاب من مدارسهم على دورهم .. شفت طلاب واقفين في الشوارع على شكل مجموعات بيستنوا ترويحة البنات .. وعند مرور البنات من امامهم يبداون بالاستهزاء على البنات و(( يرمولهن الكلمات )) ويضايقونهن ...
اهذه اخلاق وصفات طلاب من اول يوم دراسي يعملون هكذا ؟؟؟
عاد انا بكيت ماشي في الشارع شفت واحد متذكره من السنة هذيك بكى يظل ورا مدرسة البنات الابتدائية .. فحكيتله الله يحعلني اشوفك حول مدرسة البنات .. طوالي ع داركم .. حكالي لا والله اصلا انا في الاعدادية شو بده يجبني هان ... انا فكرت الولد ناوي خير .. طلعت ع الدار وطليت من الشباك الا هو كاعد مع اكم ولد وكاعد برمي حكي لبنات الاعدادية ...
بصراحة هذول وغيرهم تعودوا من السنين اللي مركت ...
واذا حدا بده يحكيلي هذول صغار وابصر شو ..
بحكيلهم .. من شب على شيئ شاب عليه ..
وبحكيلهم كذلك يروحوا يشوفوا الكبار شو بسوو في القدس وشو بصير مشاكل لانهم تعودوا من وهم صغار ع هالاشي ....
بعتقد انه جوهر الفكرة وصلكم ...
فهلكيت انا بسال ...
يون الاهل عن اولادهم ؟ .. ليش ما بحاسبوهم على تاخيرتهم بعد المدرسة ؟؟
ليش الاهل ما براجعوا المدارس وبيسالوا عن اولادهم ؟؟
ليش الاهل بفتشوش شنط اولادهم .. لما الصبح يطلعوا على المدرسة والشنطة فش فيها ولا كتاب .. لانه الولد ما بصلش المدرسة اصلا .. وهذا الحكي انا مسؤول عنه ..
انه في طلاب دوامهم ببلش من الساعة 8 ونص للساعة 1 وراء مدرسة البنات الابتدائية
يوم يوم ... وهذا الحكي انا لمسته السنة الرقت وبالذات اخرها .. لما كعدت في الدار احضر للتوجيهي ... والاولاد فوك ما انهم ما بيدرسوش .. بعطلوا الدراسة للبنات كذلك .. بظلهم ينطنطوا على الشبابيك ويغلطوا على المعلمات والبنات ... واذا الواحد صاح فيهم بشردوا تيشوفوه راح بيرجعوا .. بيلعبوا معه لعبة البس والفار ..
فاين مسؤلية الاهل ؟؟
طيب في نفس الوكت ..
وين مسؤولية المدرسة اللي هذول الطلاب مسجلين بالقوائم بس بيوش ع المدرسة يوم اه وعشرة لا .. ليش ما يجيبوا الاهل ويسالوهم ؟؟؟
انا متاكد لو انه هالحكي صار لكان اقل ما فيها عدد الطلاب قل مش كل يوم بكا يزيد ...
لذلك ارجوا ايجاد الحلول السريعة لهذه المشكلة وغيرها ...
انا عندي اقتراح .. بعرفش اذا ممكن يصير او لا .. وبتمنى يصل للمسؤولين ويفكروا فيه ..
والاقتراح كالتالي ...
ليش ما يتم تاخر ترويحة الاولاد ربع ساعة والبنات يروحوا كبل بربع ساعة .. فبصير الفرك بينهم نصف ساعة تكريبا .. واظن انه وكت كافي لكل البنات يصلوا دورهم كبل ما يطلعوا الاولاد .. وبالنسبة للوكت يعني الربع ساعة .. ممكن تنزاد لكل حصة عند الاولاد 5 دكايك في اخر 3 حصص وما اظنش انهن كثار .. والبنات ممكن نقلل 5 دكايك من وكت العصرونة وممكن الدوام يبدا كبل ب 10 دكايك .. هيذ ما بنخسر اشي من وكت الحصص ..
هذا مجرد راي ... على امل ان يصل للمسؤولين ... ولا ادري ان كان هنالك من سيهتم بالموضوع ...
في الختام تقبلوا تحياتي جمييعا ..
اخوكم المحب
خيّال البلد

[SaMoOoH]

والله كلامك صح يا زيد...
يعني ما بأدر اضيف اي كلمة لانو كلو صح...
بس المصيبة انو الجهل مستعمر البلد استعمار كبير الاهل مش متعلمين وبجهلو بولادهم وما بسالو عليهم بالمدارس بس يلا روح يا ولد عالمدرسة شوبتعمل شو بتدرس شو بتتعلم شو بتاخد ما بعرفوا شي للاسف.... وولادهم بكرة بجهلو الي بعدهم وهيك حال البلد راح يصير.... لا في توعية كافية ولا في حد يحكم كلمة على ولد اعمل هيك وما تعمل هيك
يمكن الاهل يصرخوا مرة مرتين ومتين عالولد بس هادا مش حل.....
يعني بالتفاهم كل شي بصير وانو تقنع ابنك بالشي الصح وتفهمو الشي الصح من الغلط هادا من وجهة نظري....

اسال حتى الولد الصغير الي همة هلء عاملين حالهم شباب وبلحقوا بنات الابتدائي والاعدادي احكيلو... بتقبل يجي واحد يحكي لاختك اي كلمة من الي بتحكي للبنات من دون تفكير راح يقول لا!!!!!
معناتو انت يا ابن الناس ليش تلحق البنت وتسمعها كلام وانت هادا الحكي ما بتقبلوا على اختك
مش هالبنت بنت عالم وناس والها اخوة بردوا؟؟؟!!

وفكرتك كتير منيحة وانشالله توصل للمسؤولين.....

بركي الاولاد حطو عقلهم براسهم ودرسوا شوي وتعبوا بالدراسة
لانو ازا ما درست ما في غير تحمل حجار على ظهرك وتروح على بيتكم متكسر تكسير ويا بتشتغل بالبنا... بس تعال وشوف لو انك خلصت تعليمك وصار معك شهادة والكل يقول اجى هالفلان وراح هالفلان وهيك دارس هادا ومش عارفة شو الكل بصير يضربلك سلام على الطلعة والنزلة ويكونلك مكتبك الخاص وكل شي فيك خاص شوف الفرق بس....

بتمنى انو التعليم بالبلد يطور اكتر من هيك بكتييييييير ويكون في توعية كااااافية عند الاهل قبل الطلاب علشان يأدروا يفهموهم اكتر من هيك....

وكمان يبطلوا يجوزوا البنت وهي عمرها 15/16 سنة حراااااااااام وظلم كتير كبير البنت لسه ما بتكون واعية وبتخلف ولاد ما بتعرف تعلمهم ولا تفهمهم لانها هي بزاتها ما تعلمت ولا فهمت الحياة شو هي وشو مصاعبها ما بتوصل عمر 20 سنة الا هي مخلفة دزينة ولاد....


انا حكيت ما بأدر اضيف كلمة بعد الي حكيتو يا زيد بس ما بعرف بس بلشت احكي صار يطلع معي الكلام وكتبت هالمقال....

هادي وجهة نظري بكل الي حكيتو

مشكور كتير على هاللفتة الحلوة وياااااا ريت كل الاعضاء يقراها وكل واحد يعطي رايو بركي في حل مناسب يكون لصالح البلد واهل البلد

[ندين]

وهاد الاقتراح في زيو بالمدارس الاعداديه بالبلد بس بالعكس انو الاولاد بروحو قبل البنات عشان يهيئو حالهم و يزبطو حالهم لأستقبال البنات .. وطبعاً هاد مش كل شي غير انو الاهل ولا هما سألين بفوت الولد ع الدار ولا شي بزت الشنته وبطلع يستقبل البنات الي ضلو بالمدرسه حصص تامنه ( تحكووش الولد صاحب واجب)
بالقدس لسا هاد اول يوم الي ولسا ما شفت اشي من شباب العيسويه وان شاء الله ما اشوف
اللوم الكبييير ع الاهل الي ما عرفووش يربو
الاب بدور ع مصاري يجيبها لولاده وللمدارس والام في الدار مش فاضيه !
كل واحد بهمه وانو بدو يشوف الولد ؟؟؟

بتمنى اني ما اكون بالغت بس هاي حقيقه
كماان مره مشكور خيال

[العيساوي]

للاسف الجهل لما يحكم العقل بطل الواحد يفكر مثل الناس ...وبيصير يلاحق بنات الناس.... بدون ما يهتم لاي حد من الناس....

مقترح حلو

وانا بقول هذول الي بيعملوا هالعملات لازم ينفضوا قدام العالم بلكي اهلهم وعولهم شوي او حتى اساتذتهم او اي واحد بيقدر يأثر عليهم

[فارس العيساوية]

انا بكول انكم تحكوا لاستاذ خضر بحلهه مش عدل ياخرولنة الحصص المدرسة لان هلكيت بيجي رمضان والدنياشوب

تحياتي

[أ. خضر عبيد]

الموضوع في غاية الأهمية وبحاجة الى دراسة وعمل مشترك من كل اللذين تهمهم مصلحة البلد وأولادها وبناتها ولكنه خالي من بعض الحقائق المهمة التي سوف أوافيكم بها لاحقاً
سلام ولي عودة

[صمت الناي]

اسمحولي يا جماعة بالمداخلة عم بتحكو على الولاد بس بصراحة انو الغلط مو على الولاد على البنات كمان انا كطالبة مدرسة في العيسوية لساني بس انا بشوف في بنات والله الشب ما بتعطي فرصة يطلع اما بنات بعد الدوام بنشوفهن اجين بمنظر وروحن بصراحة بمنظر ثاني وهادا الشي غلط كبير يعني والاهل عليهم اللوم الي بربي ولادو وبناتو ما بسيمع شي ولو كل اب وام دارو بالهم على اولادهم ام بنلاقي هالمهزلة هاي
سوري على المداخلة بس حبيت اعطي رأي مشكورين يا جماعة
تحياتي

[Ali-3baid]

والله هوي كلامك مزبوط وكلو صح

بس انا بحترم رأي اخت راما لانو البنات الي بعطو عين للشباب

لوهنهن ما بعطو كان بتشوف الشباب ما بقدرو يعملو شي

[SąddaM]

الســلام عليكم ,,,


اخي خياال البلـد بشكرك على الموضوع الي في غاايه الاهمــيه

انا عندي رأي وحابب احكيةةة فيه

اول شي كل كلامك صح والحق على الاولاد ..بس في حق على البنات الي بيعطو عين
للشب انو يوقف للبنات او يرميلهم كلااام صح كلاامي ؟؟

يعني زي ما حكت الاخت راما بتروح الصبح في شكل وبترووح غي شكلل تااني
طيب ليش شو المعنااا يعني انها بددهاا تفرجي حالها انها حلووه قدام الشباب
ولا اي حداا تاني...!

ف هادا الاشي غلط كبيررر ولازم تشوفله حــل يا انتو حرين شو بدكم تعملو اعملو

وانا بوافقك على رايك الي حكيتواا على تأخير الدواام

وشكراا

دمت بالصحه والعاافيه

SaDDaM
,,
,,

[SaNdRa]

بصراحة انا من اول ما تسجلت بالمنتدى بشوف اقتراحات من الجميع بتساعد على الحد من هاي المهزلة والقضاء

عليها وانا بحترم هاد الشي كتير بس لحد الان الظاهرة موجودة وكل يوم بتزيد اكتر واكتر

والحل الي اقترحتو رح يساعد على حل هاي المشكلة انما مش القضاء عليها نهائيا لانه عند بعض البنات رح تنقلب

الاية وياخدو دور الشباب ويستنو موعد ترويحتهم ، بتصير بهاي الايام فـ شو الي بيمنع تصير بعد ما يتنفذ الاقتراح

ولي عودة للاطلاع على باقي الاراء

وشكرا الك خيال

مع احتراميـ

..

[جرح الزمن]

مشكوررر على كلامك اخي خيال البلد كلامك زين العقل ومشكوور على الموضوع اللي بغايه الاهتمممااام
اما الصراحه بتكون في الأولاد والبنات يعني اذا شب حب ينكش راس على بنت بنكش واذا بنت حابه تعمل حالها بنت وتحلي حالها أدام الشب فبكوون كمان الحق على البنت مو على الشب بس في شباب محترمين وفي بالعكس وفي بنات محترمات وبالعكس ومشكووور أخي خياللل البلد على الكلاااام الحلو وعلى النصيحه الجميله
وكل الاحترام ومعك أمير الحب تحياتي

[صمت الناي]

آخ تيمو انا يوم حكيت حكيت انو الوم على البنت والشب ومش معناتو انو الشباب صايرين كتير مشالله عنهم كلهم من سوء لاسوء
ويا عم متل ما حكينا لو كل شب بيعتبر انو الي قبالو اختو ليصونها ويحفظها
تحياتي

[جرح الزمن]

السلام عليكم ورحنته الله وبركاته

بلبداية مشكور خيي خيال البلد على هادا الموضوع الا في غاية الاهميه

أن الله لايغير مابقوم حتى يغيروا ما بانفسهم وهذا حاصل أمام كل معهد وكل جامعه وللاسف امام كل مدرسه

بعد الحياء والخوف..أصبح الكل يتباها بهذه الافعال وكانهم غربييين كنا نسمع سابقا عن افعال الشباب فقط بحكم

انهم شباب ولهم افعال طيش لانهم اولاد ..و البنت كنا نسمع عن افعالها بالنادر اما الان فقد اصبحت البنت تتفاخر

بين صديقاتها بكل شئ دون حياء للأسف ولن نعيب التربيه

فبعض الاهالى تألموا وتعذبوا لتربيتهم وحافظوا عليهم بكل الطرق ولكن عند الكبر لايجازون الاهل الا بهذه الافعال

والفضائح..وعندما تسال الابناءلما تسببون الالم والاحراج لأهاليكم يجيبون بانهم كانوا مقصرين بحقوقهم وكانوا

يمنعونهم من الحريه والخروج وكانها عملية تعذيب وليست محافظه عليهم وماهي الحريه؟؟ ليست للمسلم حريه

الا بحدود الدين والشرع جيل اليوم هو جيل التقليد والتباهي بالاغلاط دون حياء.. جيل الانترنت والفضائيات..جيل

الكافيهات والسهرات..

و بنات منُعنا من الخروج مع الاصدقاء الا مع الاهالى..لم نتمرد لانهن بنات ويجب على الاهل المحافظه والغيره والا

لن يكون لهن اهل اذا لم يكونوا كذلك سبحان الله لا يرتدع الشاب أوالبنت الا بعد الوقوع في اكبر المصائب

والعياذ بالله.اللهم احمي واهدي ابنائنا

حزيل الشكر على هادا الموضوع القيم يااا خيال البلد وارجو النقاش به

لان هناك الكثير ممن يحتاج الى النصيحه

تقبلو مروري اخوكم

أمير الحب

[Che MUHAMAD]

مشكور اخ خيال البلد على الموضوع المهم للغايه

ان بحب احكي ل راما وتيمو انا مش بس البنت بتعطي عين لشب وبعدين في ولد الهمل كمان بلحكو البنات

وبعدين الواحد يشوف حالو شو بعمل بعدين يجي

[a7la_FreeDom]

مرحبا اول شي كل واحد يحكي عن حالو بعدين يحكي عن غيروو

اسمحولي في هادي الكلمه ..

اضني كل واحد عندو اخت صح واي واحد بقبلها لبنت العالم يقبلها لأختو اول .....

وانا اسف على هاد الكلام ازا ازعجكم بجد اسمف بس هادي الحقيقه صح ولا شووو ؟؟؟

شكرا مع تحياتي

[خضر أبورميلة]

اخي زيد الف شكر الك على فتحك لهذا النقاس الكتير واقعي

و الله انه اشي بخزي

يعني انا في السنه الي فاتت كنت مرووح على الدار

الا هو ولد بعرفه صدق انه عمرة اقل 11سنه (صف سادس )

ضله يمشي ورا بنت بالابتدائي لحقها و رمالها ورقه

المهم
هذا الولد اكيييد ما بيفهم شو بسوي

لنه بتلاقي واحد من اخوتو بيعملو هيك و راح يقلد فيهم


و برضوا اللوم زي ما قالت الاخت راما انه اللوم ما بيقع على عاتق طرف واحد

بل على الطرفين

لأنه صدق البنات ما هم قليلات

(اسمحولي )

و شبابنا لسا اقطع

لأنه الي ماخذ عقلهم الهبل و السكاعة و المطاردة ورا البنات


صدقوا لو كل واحد بيستغل الساعة او اكثر الي بلحق فيها البنات

في شغله مفيدة صدقوا

كان حالنا كتير اكثر من هلأ

قلتكم ليش احنا حالتنا هيك


لأنه مخاخ الشابا و الصبايا ملهي بشغلات فارطة

(يا جماعه الامه تقاس بشبابها )

اذا صلح الشبابا صلحت الامه و صلحت الحضارة


طيب

سؤال



شو بتستفيد اذا لحق بنت ولا طقعتلها حكي؟؟؟

فرضا اخوه�

[خضر أبورميلة]

اسف على الرد الغير مكتمل

بسبب انقاط النت

نكمل الحديث

------------------------------


فرضا اخوها شافك شو راح يصير ؟؟؟؟؟؟؟؟

طيب من ناحية ثانية

اليوم البلفونات الكامرا انتشرت بشكل كتير كبير

فرضا اهلها مسكوا التلفون و شافو صورتك على البلفون

( مهو البلفون بيصر و انت مش ملاحظ على حالك )


شو بتتوقع ردة فعل اهلها

يعن الواحد على شان يحكي هالاكم كلمة فاضية

بده يخرب بيت اهلة

و يسببلهم مشاكل

و رمات بتوصل للدم على شان مزحة و حكي فاضي

يعن بجد شي بوطي الراس



و الف شكر اك اخوي زيد كمان مرة

و بالنسبة للاقتراح

هو اقتراح كتير منيح و يجب دراسته

بس صدق انه بعض البنات راح يتاخروا على شان يطلعوا مع الشباب

لنه في منهم هي الي بتحب تجيت المشاكل لحالها


سلاممممممممممم


اخوكم : Ballack