شو احلى جامعه بفلسطين من وجهة نظرك ..؟

[!! آيوش !!]

شو احلى جامعة في فلسطين

واذا انت بجامعه بآي جامعه واذا جديد وين سجلت ...؟

الله يوفقكم كلكم

مع تحيتي

[3SOM...MOSTFA]

احلى جامعة بير زيت مع اني انا في جامعة بيت لحم سنة تانية بس قوانينها يا حبيبي بتعقد الطالب------وانا ما حبيتها لجامعتي تحياتي عصوووووم

[SaMoOoH]

ممممم...
احلى جامعتين بنظري همه جامعة بيت لحم وبيرزيت
وكان نفسي ادرس بوحدة فيهم بس كل شي نصيب ما صحلنا ندرس ببلادنا....

وانا سجلت بجامعة البترا بعمان تخصص محاسبة
والله يوفق الجميع انشالله

[!! آيوش !!]

الله يوفقكم انا حبيت بيت لحم بس ما طلعلي فيها ,, شو عصوم يعني اجت منهم ما اجت مني ..؟

ان شاءالله راح ادرس ببيرزيت ..

سموح انا كنت حابه ادرس برا بس تاخير نتائج نكد علينا

يارب كلنا نكون قدوه لهالبلد ونتخرج بمرتبه امتياز مع شهادات شرف

مع تحيتي

[أ. خضر عبيد]

مش مهم الجامعة حلوة أم لا المهم ويجب أن يكون السؤال ما هي أفضل جامعة في فلسطين ؟؟؟؟
الذي يريد أن يدرس ويتفوق الباب مفتوح أينما كان المهم ارادة الطالب وتصميمه على التفوق
امنياتي لجميع الطلبة في العيسوية بأن يكونوا طلاب جامعيين ومن المتفوقين

[SąddaM]

السلااام عليكم ،،،

افــضل جامعه بالنسبه لي جاامعه بير زيت
وكمان جامعه حلووه وجميله

تحياتيـــ،،،،،

[ثائر ابو لبدة]

الله يوفقكم جميعا ..

انا من وجهة نظري لا انصح بدخول اي جامعة فلسطينية ..

لان الجامعات الفلسطينية وقد اصبحت بالأونة الأخيرة ..

عبارة عن أحزاب وطوائف وملتقيات تعارف ..

ومن جهة اخرى الشهادة من الجامعة الفلسطينية ..

سواء من بيرزيت او بيت لحم او القدس المفتوحة او النجاح او الامريكية ..

ولن اذكر ابو ديس لاني لا اعترف بها كجامعة مع احترامي لكل من يدرس بها ..

غير معترف بها في ظل حصار سياسي , ثقافي اسرائيلي ..

وإن جاء الاعتراف بالشهادة فلا عمل , ولا توظيف , ولا مجال لاستخدام هذه الشهادة ..

وكرد فعل على عمليات الغش التي حصلت بامتحانات الثانوية العامة الاخيرة ..

رفعت الجامعات الفلسطينية مثل بيرزيت معدلات دخول التخصصات المختلفة ..

وقامت جامعة بيت لحم بإعادة صياغة امتحان القبول لإستيعاب عدد الطلاب الملتحقين بها ..

اما اذا اردنا الحديث عن جامعة بشهادة معترف بها وبنظام دراسي على مستوى عالي ..

فهناك الجامعة العبرية وللأسف اننا اضطررنا لدخول جامعة يقيمها عدونا ..

ولكنها افضل من أي جامعة متواجدة في ظل سلطتنا الفلسطينية وهذا هو الواقع ..

وهناك جامعات عربية كثيرة ايضا في مصر , الاردن ، الامارات ..

اما بالنسبة للجامعات الغربية فهناك جامعات كثيرة ..

ولكن لا افضل الهجرة للتعلم الا دول اجنبية وهناك جامعات تصنف بممتازة بدول عربية ..

تحياتي الكم والله يوفق الجميع .

[ليل الهجر]

اولا...مش عارفه شو بتقصدو بكلمة احلى...
اذا من ناحية العماره والبنيان..
.فالكليات ببير زيت كتيييير حلوه...كل وحده على حدا...وخصوصا المكتبه كتييييييييييييييير عجبتني...بس الشي اللي مش عاجبني فيها انو مافيها حرم جامعي او ساحات جامعيه...بتحس حالك بالشارع.....
اما كليه بيت لحم..فأنا حبيت كتير ساحاتها الخارجيه....بس البنيان...ما بعرف...لقيتهم عادي....
وبخصوص ابو ديس...الساحات ماشي حالهم...والكليات كمان ماشي حالهم...خصوصا الكليات اللي عم تنبنى جديد ومع حملة التصليحات الجديده اللي عم بتصير صايره تمام
جامعه القدس المفتوحه(الصوانه)...طبعا لا تعليق...بتشبه كل شي الا الجامعه هههههههه
اما الجامعه العبريه ..فأكيد لاااااااااغبااااااااااااااااااار عليها...بتجنن وبس...

اما اذا من ناحيه النظام الاكاديمي...
جامعه بير زيت نظامها الاكاديمي كتير قوي ومنيح....بس مش بكل التخصصات....
يعني تخصص الاي تي تحديدا (تكنلوجيا المعلومات)عندها مختلف عن المعنى الحقيقي لهادا التخصص ...يعني هوه ببير زيت عباره عن علم حاسب+هندسة الكترونيه.....بس بشكل عام تخصصاتها التانيه منيحه...
كليه بيت لحم....نظامها الاكاديمي كتير منيح خصوصا انو كلو تقريبا مدعم من بره.....
ابوديس....تخصصاتها ماشي حالها...بس عندها بعض التشديدات على تخصصات معينه لانها مدعمه من بره وكتير مهمه بالنسبه الها...متل الاي تي والقانون والصيدله....
جامعه القدس المفتوحه...ما بعرف...الماما طالبه فيها...كتبها كتييييييييييير كبيره وبتحس انو فيها فايده بس خساره انها بالعربي....لانو الكتاب او المعلومه لما تترجم بتنقص قيمتها (هادا رأيي)
الجامعه العبريه....مش مطلعه على نظامها الاكاديمي

وبصراحه ما شفت جامعات تانيه....
وبخصوص تخصصي وجامعتي...
ابوديس كلية العلوم والتكنلوجيا تخصص تكنلوجيا المعلومات فرع MIS
وبعتذر على الاطاله...وبتمنى تكون اجابتي مفيده....
وشكرا ع السؤال....
ليل الهجر

[ليل الهجر]

اخي ابو وديع احترم رأيك و اوافقك اياه....
لكن ليست جميع التخصصات بجامعهابو ديس كما تذكر....حتى من ناحيه الاعتراف بها...فهناك تخصصات معترف بها خاصه التخصصات المدعمه من الخارج والتخصصات الجديده ويمكنك السؤال والاستفسار......
وانا معك بارائك الاخرى حول الطوائف والاحزاب طبعا....

[ابو كايد]

:33c4b951: بسم الله الرحمن الرحيم
عفـــــــــــــواً بالنسبة لمشاركة شو أحلى جامع من وجهة نظري
أقــــــــــــول ولا جامعة في هالدنيا أحلى من الجامعة اليوسفية
والفهيم بيفهمها وإلي قرأ تهنئتي للمساجين البارحة بيعرفها
ولكن عندي وجهة نظر منطقية مدونة أدناه
تمهـــــــــــــيد لا بد منــــه: الكل بيعرق شو عانينا جميعاً في الإنتفاضة الأولى 1987من المزايدا الوطنية والمهاتراتوبطلنا نعرف نحكي مع حدا المليح والعاطل بيتلثم وبحاول يعمل إللي هو عايزة
يا جماعة مرة رحت أشتري غسالة سيمنس 3ك أوتوماتيك من عند عربي في القدس وصاحبي كمان طلب ثمنها بالكاش 450 دينار ينطح دينار ولا مجال عنده للتقسط وسمعني ألف يمين ما بربح فيها 10 دنانير
قلت يا عون الله روح يا ولد على رامال عند صاحب العمر إلك ونفس القصة ولكن طلب 420 دينار
قلت يا ولد بدي أروح آخذ الغسالة من مصدرا اليهوي وبلفعل أخذتها بملغ 380 دينار مع 6 أقساط والله العظيم بكس الها كما بيقولن العجايز
هنا صارت المزايدات وصار كلام كثير وقليل وقلت لمن لم يطيب له ذلك
والله لو كانت من إنتاج عربي وأقل جودة وأغلى ثمن لأخذتها من العربي
أما أن يحملها من مخزن اليهودي ويعمل هيك والله أنا ما بدي هذه الوطنية
كمان هيك واجهت المزايدات ممن لا يروق له أن أرسل أولادي للجامعة العبرية
قبل أن أشرع بإعطاء وجهة نظري وحتى لا يساء الفهم وقد تكون بعض المزايدات الوطنية من قبل البعض أعطيكم وجهة نظري بشكل موضوعي ومجرد
وأرجوا أن يحترم كا منا رأي الآخر وفي كل خير إن شاء الله
للأسف الشديد قمت بزيارة عدة جامعات مثل بير زيت وبيت لحم والنجاح وجامعة القدس
ومن خلال إستطلاعاتي من خلال حفلات التخريج للطلبة والطالبات ومن خلال إدارة بعض الجامعات فهناك آراء متباينة وكثيرون يرغبون في الدراسة بالجامة العبرية
فلو لم يكن مجال أمامي غير الجامعات العربية لإخترت جامعة النجاح في نابلس وقد أفضل الجامعة الأمريكية في جينين حيث وضعها مستقر هذا مما توصلت إلية من خلال متابعتي لإدارة هاتين الجامعتين ومن خلال المواقع الخاصة بها عن طريق الإنترنت
وزيارتي الميدانية لجامعة النجاح أعطتني إطمئنان أكثر من بير زيت وبيت لحم وأبو ديس وبغض النظر عن مسألة الإعتراف وعدمه هذه وجهة نظري كإداري ليس إلا
فلكل منكم م********************************د وما خاب من إستشار أقول ذلك وأنا أعتصر ألماً مما دفعنني من باب حب الإستطلاع لأن أقوم بزيارة الجامعة العبرية لأكثر من مرة
وخاصة الأيام الدراسية والإتصال المباشر مع عدد من المسؤولين والمستشارين فوجدت الجو الأنسب من جميع النواحي بالنسبة لمن يتفوق من أولادي وبناتي
أن يتم تسجيلهم في الجامعة العبرية لعدة أسباب......
1- قوة الجامعة وكونها معترف بها عالميا ولا أحد يستطيع أن ينكر ذلك
2- قرب المسافة فيكون إبني وإبنتي أمام عيني بغض النظر عن التكاليف الباهظة للسنة التحضيرية وعلمنا الولد الكبير وهو الأن سيدخل في السنة ثانية جامعة والبنت الكبيرة والحمد لله ستدخل في السنة ثانية جامع والله أعاننا على ذلك
ويا جماعة إللي بيقنع برضى هيك الصحيح وهيك بيقول المثل
ذلك لأن الجامعات العربية نواجه فيها الحواجز والإقتحامات وبصدق أخذت بعين الإعتبار مسألة الصراعات الفكرية حيث ذقت مرارتها طيلة 15 عام من وراء القضبان رغم أنني وبحمد الله كنت ملتزماً بإصلاح ذات البين ولم أعادي أحداً وكما تعهدنني
وهذا ما سنبينه لكم في البحث الأول بعد أسبوعين
بعون من الله ومن خلال التجربة الأعتقالية
المهم طلابنا متهوبون ومترددون قد يكون ذلك بالنسبة للغة العبرية أو كلفة التعليف فهذا شأن كل منا لوحده لأن البيوت مستورة أو مسألة وجوب الدخول للسنة التحضيرية وموضوع ألبسخومتري الذي يتصعب منه الكثير لأنه إذا قلت علامته عن أل 550 لا يستطيع دخول مواضيع علمية ويؤهل فقط للمواضيع الأدبية وهذا ما لا يرغبه الكثير من الطلبة
حقاً حضرت معرض كتاب (مجمع لتمثيل الجامعات العربية والأجنبية)
وكل يدلي بدلوه حيث أخذت عدة نشرات وديسكات مما يهمني
واحتفظت بها للحاجة وها أعطاني فكرة أكثر نوعاً ما وعليه أن مع من شارك وقال هذه العبارة التالية بناءً على تجربتي الخاصة
(اما اذا اردنا الحديث عن جامعة بشهادة معترف بها
وبنظام دراسي على مستوى عالي ..
فهناك الجامعة العبرية وللأسف اننا اضطررنا لدخول جامعة يقيمها عدونا ..
ولكنها افضل من أي جامعة متواجدة في ظل سلطتنا الفلسطينية وهذا هو الواقع ..
وهناك جامعات عربية كثيرة ايضا في مصر , الاردن ، الامارات ..)
التوقيع : محمد أبو داوود درويش
الأربعاء 22/8/07

[ثائر ابو لبدة]

اول شي برجع وبقول مرة اخرى ..

التوفيق من الله ..

والله يوفقكم جميعا ..

وبالنسبة للي تفضل فيه ابو داوود ..

كلام جداً مقنع وعن تجربة ..

وبتمنى انكم تتفهموا وضع الجامعات اليوم ..

ويا ابو داوود ..

مرة اختلفنا ( بالرأي طبعا ) في موضوع سأتحدى الأيام وهي ارجعنا اتفقنا ..

بالنسبة لموضوع الجامعات ..

وبالنهاية امامكم الاسوأ والسئ والحسن والأحسن ..

قلا ترضوا الا بالأحسن دائما وستنالوه بإذن الله ..

تحياتي الكم والله يوفق الجميع .

[عيساوي مهم]

انا ابوجهة نظري افضل جامعة في فلسطين هي جامعة بيرزيت بس هي في اسرائيل مش معترف فيها وانشاللة اذا انجحت في التوجيهي راح اسجل في جامعة دافيد يالين

[!! آيوش !!]

شكرا للجميع ومتل ما تفضل الاستاز خضر لازم السؤال يكون ما هي افضل جامعه وليس الاحلى ,,؟

انا قصدي باحلى كل شي هيك طلع معي سؤال

عيساوي مهم بيرزيت معترف فيها ابوديس مش معترف

مع تحيه

[العيساوي]

السلام عليكم ورحمة الله وبركاته
نقاش جميل ومفيد

العلم نور اينما كان

ويبقى السؤال اين يمكن ان اتمتع بجو دراسي يمنحني القدرة على التركيز في دراستي واعطائها حقها

[ثائر ابو لبدة]

والله يا عيساوي ..

وبخاطبك مع حذف ( ال ) التعريف لاني بعرف انك انسان متواضع ..

النقطة اللي اطرقتلها هي جوهر الموضوع ..

بس بحب اعقب على اشي ..

الجامعات اكثير واللي معني بشهادة الجامعة ..

يسعى لتحصيلها بأي جامعة التحق فيها ..

مع طبعا توافر الجو الدراسي المطلوب ..

طيب ..

قدر الطالب يحصل على الشهادة وبعدين ..

لازم يعيد النظر اذا الجامعة معترف فيها او لأ ..

والاعتراف لازم يكون طبعا اسرائيلي ليتمكن من العمل ..

واذا الجامعة مش معترف فيها بالحالة هاي الطالب ضيع اربع سنين من عمرو من شان ورقة يبروزها ويعلقها على الحيط ..

ففي الحالة هاي الطالب لازم يكون محور تفكيره ما بعد الجامعة ..

ويفكر في شئ يوفر له المادة ..

لأن كل ما نبذله من جهد وسعي ودراسة ونقاش

سنجد اننا في النهاية نسعى وراء المادة ..

عيساوي ..

فعلا النقاش اكثر من رائع ..

تحياتي الكم والله يوفق الجميع .

[العيساوي]

ابو وديع عزيزي الغالي

معك حق والله من ناحية معترف ومش معترف بالجامعه والصراحة هاي بدها موضوع لحال

المهم
اقول طبعا في كثير جامعات اسرائيل ما بتعرتف فيها ...
فهل يعني هذا ان طلابها مصيرهم الفشل؟؟؟
لا اكيد وبعرف ناس كثير من هالنوع
كلمتك الكل بيسعي وراء المادة سليم 100%
لكن صدقني العلم يفتح لك ابواب لم تكن تحسب لها حسابا بغض النظر عن اين تعلمت وماذا تعلمت وهذا الكلام من تجربة شخصية
فالمادة تأتي اخوي بطريقة او باخرى فرب السموات يرزق من هم اضعف من البشر

[YâŖâ]

وانا بدوري بقول افضل جامعات مش بس جامعة بير زيت وبيت لحم والجاامعة العبرية

ويسلمو ع السؤال

.

[روز]

انا ما جربت ولا جامعة بس انا كان اختياري للجامعة على اساس المنطقة

يعني اخترت الجامعة الاقرب والافضل اخترت الجامعة العبرية

لانها قريبة وشهادتها معترف فيها

وبالتوفيق للجميع

شكرا الك على السؤال

-*-تقبل مروريــ-*-

-*- RoSe-*-

[رهان الحب]

انا براي اجمل جامعة بناها جامعة بير زيت اما الجامعة الاولة والباقية في فلسطين الجامعة العبري وانصح كل من نجح في الثانوية العامة ان يسرع في التسجيل في الجامعة العبرية

[!! آيوش !!]

شكرا على مروركم الطيب ,,

وانا بدي احكي اليوم انو صارت الجامعات بفلسطين مو شغل داسه بس شغل تجاره ,,

عندك واسطه ومصاري بتفوت اي جامعه بدك ياها ,,

متلا هالموزاي طلعولنا فيه

الله يوفق الجميع

مع تحيتي

[Ali-3baid]

انا كلامي الي بدي احكي نفس كلام العيساوي وهيو سبقني

ويسلمو على هذا السؤال النقاش