بشرى سارة للصفوف العواشر .

[ريّانه]

بسم الله الرحمن الرحيم .



بشرى سارة للطلاب وطالبات الصفوف العواشر للعام الدراسي القادم 2007/2008 , سيتم افتتاح مدرسه ثانوية للبنين والبنات في العيسوية تحت اشراف مدارس دار الأيتام الأسلاميه والفتاة اللاجئه , يرجى من جميع طلاب وطالبات العيسويه الراغبين الأسراع بالتسجيل في المركز الجماهيري في العيسوية بالنسبه للطلاب والطالبات الذين تم تسجيلهم في مدارس خارج العيسويه , يرجى اعادة تسجيلهم في المركز الجماهيري ,كي يتم معرفه أعداد الطلاب والطالبات الراغبين بتكملة دراستهم للعام القادم , يبدأ التسجيل من يوم 23/7/2007 ولمدة اسبوع فقط لكي يتسنى لنا عمل التجهيزات اللازمة , يرجى من الأهالي الكرام التعاون في تسجيل في الوقت المحدد ولكم جزيل الشكر .والسلام عليكم ورحمة الله وبركاته . :36_1_39:
( لجان اولياء امور,
المركز الجماهيري,
شركه باصات العيسوية)

[MHAMMAD]

الحمد لله الي خلصة العاشر زمااااااااااااااااااااااااااان

[صمت الليالي]

ميرسي على الخبر الحلوة

ويلا بالتوفيق للكل

وتحياتي
محمد المصري

[جرح الزمن]

مرسي على الخبريه بس بدي احكي انو لو اتسجلنا في هاي اللي بتحكو عنها ما راح يكون في تعليم متل المدارس الثانيه لانو هاي بدايه المشواار بالنسبه لالنا بالعيساويه فما راح يكون اشد واقوى من المدارس البرى وان شاء الله بشووووف وين اتسجل لانو الصراحه انا ضايع واذا مرق الوقت اكتر ممكن اضيع واضيع


تحياتي
أمير الحب

[ريّانه]

محمد
محمد المصري
امير الحب

يسلمو ع مروركم الذي اشعل صفحتي وانار بها درباً ..

بس بحب احكي لـــ امير الحب شغله زغيرة بس انو بدايه المشوار في وراها تطورات ^_^



تحياتيــ.,,

[SąddaM]

مشكووره اختــي على الخــبر السعــيد ..وبمناالهم التوفيق يااارب
شاايفه يا رياان لو فتحو هاي المدرسه على حظناا بدل ما احنا برا
ههههههههههه
يلا لازم يفتحو لصفوف11 ^_^

تقبلي مروري
SaDDaM

[&قاهر النساء&]

مشكوره اختي
بس بدي اسال بس تبعون العواشر ولا كمان 11 وتوجيهي
بتمنا تجاوبي ع سوألي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Natalle]

مشكورة
بس بدي اسالك يعني الي متسجل بلمدارس االي برا
شو يعمل
وضحيلانا

مشكروة

[رهان الحب]

شكرا الك يا ريان بس انا بحكي انو ما رايحين يفتحو مدرسة ثانوية في البلد لوطلعت عنينا من محلهم


وشكرا الكم يا شباب

[ندين]

بسم الله الرحمن الرحيم .


المطلوب ان يكون عدد المسجلين من الذكور 120 طالب وكذلك 120 طالبه من أجل فتح المدرسة , فلنضع ايدينا يداً بيد من أجل فتح هذه المدرسه لأنه بدون التعاون لانجاز هذا المشروع وأنني بسبب معرفتي عن هذا المشروع فاذا تم عمل المطلوب من خلال التسجيل والوصول الى الاعداد المذكورة , سيتم ان شاء الله فتح المدرسة هذا العام علماً بأن هناك ثلاث مؤوسسات تعمل من أجل ذلك وهي ( اتحاد لجان أولياء أمور طلاب العيسويه والمركز الجماهيري في العيساويه وشركه باصات العيساويه ), وندعو أيضاً كل المؤوسسات والأخوة والأخوات في هذه القريه مساندة القائمين على هذا المشروع . ولكم مني جزيل الشكر والعرفان . والسلام عليكم ورحمه الله وبركاته:36_1_39:

[rm7 flsteen]

انشاء الله تفتح على خير
بس المدرسه مختلط ............!!!؟؟
تحياتي
*****************

[ريّانه]

بسم الله الرحمن الرحيم .


اشكركم لتصفحكم هذا الموضوع وهذا يدل على اهتمامكم بالتعليم , أما بالنسبه الي قاهر النساء الذي يسأل هل سيكون هناك حادي عشر وثاني عشر اذ كان هناك تعاون وتم تسجيل الأعداد المطلوبه سيكون ان شاء الله فيالسنوات القدمه سيتم فتح حادي عشر والسنه التي تليها سيتم ثاني عشر ,اما بالنسبه الي الاخت natalle على كل من سجل في المدارس خارج القريه اعادة التسجيل في المركز الجماهيري لكي نحصر الأعداد فاذا تم الوصول الي العدد المطلوب الذي نتمكن فيه افتتاح المدرسة وهو كما ورد في الأعلان وهو بالفعل سيتم افتتاحه هذا العام , اما بالنسبه الى rm7 flsteen قد يتم فتح مدرسة خاصة للبنات وفتح مدرسة خاصه للشباب . ولك جزيل الشكر . والسلام عليكم ورحمة الله وبركاته .:36_1_39:

[Ṁǎĵđ]

لا انساني منكم
انا بدي اضل بالمدرسه بره احسنلي
ومشكورة اختي ريان
عى الموضوع

[أ. خضر عبيد]

موضوع في غاية الأهمية وانني انصح جميع الطلاب والطالبات في التسجيل بهذه المدرسة لأنها خطوة أساسية في رفع مستوى التعليم في العيسوية
فهذه دعوة مني الى كل أولياء الأمور الاسراع في تسجيل أبنائهم في هذه المدارس
أرجو من القائمين على المشروع التوضيح أكثر للناس عن المدارس من حيث ادارتها ومعلميها ومكانها
وبعض التفاصيل التقنية الاخرى
الاعلان من خلال الجامع ومنشورات وتوزيعها الى كل أهالي وسكان البلد
ان لجنة أولياء الامور تعرف من هم الطلاب والطالبات الذين أنهوا الصف التاسع عليهم توجيه دعوات خاصة لهم ولأهاليهم لحثهم على التسجيل[/
مع كل امنياتي لكم بالتوفيق

[Ṁǎĵđ]

خلص انا سجلت زمان
وما بدي ارجع لانه بلكي ما زبطة الشغله
بتروح علي السنه عشان هيك
احسنلي اضل محلي

[Natalle]

مشكور والله بس
هيك ما بينفع ازا تسجلانا هون وما زبط المشروع لا سمح الله
شو بدو يصير فينا ما بيعاود يسجلونا المدارس الي بره

لازم يكون المشروع مأكدين علي مليون %
علشان احنا نضمن حالنا وين ريحين

مشكور

أميرة العاشيقيـــــــــــــــــن

[أ. خضر عبيد]

يجب عليكم التسجيل في مدارس العيسوية الثانوية دون الانسحاب من المدارس التي سجلتم بها واذا نجح المشروع باذن الله تنسحبوا في بداية شهر 9 من المدارس التي سجلتم بها وهذا من الناحية القانونية مسموح وممكن الغاء التسجيل في المدارس التي سجلتم بها في شهر 9 والذي لديه مشكلة بذلك انا على استعداد لحلها

[خضر أبورميلة]

طيب يا استاذ خضر

شو صار معنا احنا الطلاب السبعة الي طالعين برة ( التاسع ج )
و الي انت قررت انك تسجلهم في مدرسة شعفاط

[أ. خضر عبيد]

خضر مساء الخير
انا بفضل أن تسجلوا في العيسوية ويكون هناك عاشر ج أما بخصوص الطلاب السبعة لم يحصل شيء حتى الان ووعدوني أن يكون رد في بداية شهر 8 لكن أنا غير متفائل نصيحتي أن تسجلوا في البلد
ونحن نستمر في محاولاتنا

[خضر أبورميلة]

خضر مساء الخير
انا بفضل أن تسجلوا في العيسوية ويكون هناك عاشر ج أما بخصوص الطلاب السبعة لم يحصل شيء حتى الان ووعدوني أن يكون رد في بداية شهر 8 لكن أنا غير متفائل نصيحتي أن تسجلوا في البلد
ونحن نستمر في محاولاتنا




مساء النور

استاذ بهيك مدارس ما بكون كل شي جاهز و بنكون طلاب تحت التجربة

و ليش نكون تحت التجربة اذا عنا الامكانيات انه نقارع طلاب مدارس برى

و ما تزعل

انا صح بحب للبلد التقدم و التطور
و لكن في هاي الشغلات و خاصة الصف العاشر ( لأنه الصف الي بيحدد المستقبل من وجهة نظري)

لأنه في هاي الشغلات ما لعب

اان هيك حاسس

[فادي]

مساء الخير .....

يعين لازم نضمن حالنا هون وهون ,.. ادا ما قبلونا في شعفاط وبنيجي ع العيسوية وادا قبلونا بشعفاط بنروح عليها

[خضر أبورميلة]

^
^
^
^
و انا بقول مثل ما قال فادي


.................................................. ..

[فارس العيساوية]

شو هالزناخه
*************************
**************************

[ღஜ¸¸MUNTASER¸¸ஜღ]

وانا .................................................. .................................................. ..

[punk]

عادي كول واحد بروح على المدرسة الي بدا ايها
تحياتي صقر العرب

[Angelina]

السلام عليكم...
بس لو سمحتو صف عاشر كتير مهم
ولازم يكون في معلمين عندهم كفاءة وخبرة في هالمجال انتو ضامنين الي بدكم تجيبوهم؟؟؟؟

[*-* متعجــرفه *-*]

بسم الله الرحمن الرحيم

انا لما كنت بصف تاسع وحكو بدهم يفتحو عاشر نجنيت بس تعليم بالعيسويه احلى بكتير من برا

خلصت توجيهي لو القرار برجع لالي بختار العيسويه ,,

مع تحيه

[SoFt G!rL]

اول اشي هاي خطوة كبيرة في التعليم لعيسوية
بس انا عندي اكم من ملاحظة وبتمنى تاخدوها بسعة صدر اول اشي التعليم في العيسوية زي ما بنعرف مش كل ولا بد لانه احنا طلعنا برا زي الهبايل والحمد الله انه لحقناهم بمستوى تعليمهم فما بظن انه هاي المدرسة رح تكون احسن من الابتدائي والاعدادي بس ع كال حال بالتوفيق وبعدين هاي المرحلة مهمة وخصوصا التوجيهي بدها مدرسة متطورة ومتوفر فيها كل اشي وما بظن بشهر او اقل بتقدرو توفرو جميع المعلمين والمختبرات ... الخ

وبالتوفيق

ملاحظة : هادا رأيي

تحياتي,,

[the sad young man]

حكي الاخت سوفت جيرل صح ما اضنيش تسوو كل هالترتيبات خلال شهر
وبعدين التعليم عنا في العيساوية نايم ع الاخير مكيفيين ع حالكم بتجيبوا 90 و فوق
بس امبكرا فش حدا بطلع عن ال85 في مدارس برااااا

[المتمردة]

بس المساكين وين بدهم يداومو في الشااااارع ولا في المركز

[خضر أبورميلة]

اول اشي هاي خطوة كبيرة في التعليم لعيسوية
بس انا عندي اكم من ملاحظة وبتمنى تاخدوها بسعة صدر اول اشي التعليم في العيسوية زي ما بنعرف مش كل ولا بد لانه احنا طلعنا برا زي الهبايل والحمد الله انه لحقناهم بمستوى تعليمهم فما بظن انه هاي المدرسة رح تكون احسن من الابتدائي والاعدادي بس ع كال حال بالتوفيق وبعدين هاي المرحلة مهمة وخصوصا التوجيهي بدها مدرسة متطورة ومتوفر فيها كل اشي وما بظن بشهر او اقل بتقدرو توفرو جميع المعلمين والمختبرات ... الخ

وبالتوفيق

ملاحظة : هادا رأيي

تحياتي,,




في منه هذا الحكي
لأنه هاي مدرسة ثانوية مش اي مدرسة
ولاززم يكون كل شي جاهز لأنه العاشر اهم صف

[Ṁǎĵđ]

والله صحيح
وانا هلكيت حكيت مع المركز
كال لسه 57 مسجلين من 240
يعني عدد بسيط جدا يعني لسه
بدهم 183 طالب وطالبهبشهر يجمعو
صعب كتييييييير
يعني المشروع مش راح ينجز بيوم وليله

[Natalle]

بس بليز احنا بدنا
نعرف شو صار بموضوع المدرسه في او ما في
لانو بدنا ضمان حالنا هون او هون

علشان ما نتوه
وبدي الرد
.........................