فريق العيساوية يقسو على هلال العاصمة ..

[محمد نخال]

السلام عليكم

جرت اليوم على ملعب العيساوية ثلاث مباريات ودية الأولى كانت لفريق مساجد العيساوية مع فريق منتديات كورة ، وفريق العيساوية الأول مع هلال القدس ، ورجال اعمال العيساوية مع رجال اعمال عناتا ..

العيساوية × هلال القدس

إستطاع فريق العيساوية فرض سيطرته من اول المباراة وتم إحراز الهدف الأول من الدقائق الاولى بتوقيع بهاء محمود ، وبعد عدة دقائق أحرز اسامة عليان هدف التقدم من ضربة قوية من خارج منطقة الجزاء ، وتلاهُ عبدالله الحزماوي من ضربة جميلة يسكنها في الزاوية اليمنى للحارس . توالت بعدها الهجمات والفرص وشهدت المباراة تفوق واضح لفريق العيساوية حيث إستطاعوا الفوز بنتيجة 9/3 ، مع العلم بان هدفين من اهداف الهلال أحرزوهما من ضربتي جزاء .

هلال القدس لم يلعب بكل نجومه وهذا إحدى اسباب خسارتهم .. لكن من الجانب الآخر ظهر فريق العيساوية بمستوى جيد جداً بل ممتاز مقارنةً بالمباراة النهائية في بطولة فيصل الحسيني .

تحياااتي :36_1_39:

[خضر أبورميلة]

الف مبرووك على الفوز الكبير و العريض

و ان شاء الله بالفوز في البطولات الجايه
و عقبال الناشئين

الف مبرووك كمان مرة

و بيسعدني اني اكون اول من يرد على هذا الموضوع

[فادي]

مشكوووووور يا نخال ع الخبار الروعة طبعا انا شوفت اللعبة وعلى ما اظن كان هناك استهتار من فريق الهلال

"يعني عشان غلبونا في دوري فيصل الحسيني ما لعبوا باللعيبة الاساسية بس طبعا تعتبر اللعبة غلب "


تحياتي

[خضر أبورميلة]

أكيد يعتبر غلب
ما حدا قلهم يستهزؤا فينا

( لا يلدغ المؤمن من الجحر مرتين )

[ربيع (ابوقصي)]

يسلمو يا نخال على الخبر
بس وين اسني مش حلوة منك هاي انا ثارت للعيساويه

[محمد نخال]

هلا ربيييع ..

يا زلمة بدهاش ثنين يحكو فيها .. والله اليوم الكل بدع وانت كمان بدعت كثير .. بكفي انك جبت جول .. وبالمقابل ضيعت جول *_*

[DaRk_AnGeL]

يسلموا ايديك يا نخال على هالخبر يا هيك اللعب يا بلاش ضلوا على طول هيك شادين الهمة