الي بحب الله وبحب العيساوية يفوت

[ميدو العيساوية]

قصة شب حقيقية في مدرسة الراشيدية انجرح ومن جرحو كتب قصيدة تعبر عن هاد
الجرح
بس بتمنى منك ردكم على القصيدة بصراحة علشان ازا كانت كويسة طريقة كتابتو علشان الشب يكمل طريقو في هاد المجال الشب عيساوي الاصل




تركتيني وما تذكرتيني نسيتيني من بعد سنة نسيتيني
كان حبك صادق وحقيقي بس في حبك وهمتيني
خدعتيني وجرحتينيي وكنتي لالي حبي الاولاني


سبتيني وتعذبت من جرحك انجرحك وما قدرت اقولك
جرحك كبير والجرح بنزف في حبي ما قدرت اغصبك
قولتيلي انساني وما تتمناني بالنسبة لالي انت ابن خالي



حبيتك حب ما حبو بشر وبالمقابل قلبك كان حجر
مثلتي الحب ولعبتي الدور انتي الضحية وانا كنت الثور
حبك سجني وقلبك سجن سجانتي انتي وكنت الاسير


قولتي الي بينا كان مجرد حكي وحكي ولاد كمان
وكنت انا بموت فيكي و كنت العاشق الولهان
ما بعمل فيها دراما بس انا والله انسان




اعطيتك حبي في كل جنون ولا بعمري بيكون ندمان
حبك كان غلطة ومن غلطتو بتلعم الانسان
اوهمتيني ان حبك بحر وكنت في البحر غرقان


تفكيرك كان محدود و البعد مقدر ومكتوب
حبيت انسانة بتخاف الحب وفي للحب عندها حدود
ضحيت علشان حبك وصبرت عليكي صبر موسى عاليهود




من هاللحظة فاشهدي انا جبل وانتي وادي
حبك رسملي ان انتي الي فيكي ام ولادي
جرحك داويتي ونسيت الي كان توقيع بقلم العاشق
الولهان

[ميدو العيساوية]

بس بهمش مش كتير منسقة لانو مش عارف انا انسقها بس المهم كلاماتها والله انها من كتابتو للشب وازا هاي اعجبتكم انشالله بنخلي يورجيكم الباقي الي عندو
بالنسبة لالي والله انو بعرف يكتب وكلماتو حلوة
وانشاللهع تعجبكم بس الاهم من كل هاد بد تكونو صريحن كتير علشان الشب ما بحب حدا يضحك عليه ازا انشالله ناوي يكمل
مكشورين الكل

[أبو عريبي]

ولعت نار نار والله يا اخوي ما في حد بيستاهل كل الى بتعملو في حالك مزعتلي اوعيي علي يا زلمة
على قولت الشاعر انسى انساني متقلش نرجع تاني بلاش بلاش ..تترجا بيه تبكي عليه
بكفي انت وفي

[ندين]

بصراحه الشب مبدرع كلمات ع الجرح والله
يعني اكتر من رائع
بس بدي توصل هاي الرساله لهاد الشب
انتا حبيت و واضح من الرساله انها تركت..... فادور ع الحب من جديد
لانو الي حبيت كان مجرد وهم وخيال وكان هاد الخيال مرسوم بخيالك انتا ....
بتمنى اشوف كمان قصيده بس تكون حلوه وكلماتها كلها رائعه ومش حزينه
بتمنالك التوفيق بهاد المجال وبتمنى تلاقي الحب الحقيقي

اه نسيت اشكرك ميدو عليها جد كتييييييييييييييييييييييييييير حلوه

[em 3odai]

قولتي الي بينا كان مجرد حكي وحكي ولاد كمان
وكنت انا بموت فيكي و كنت العاشق الولهان
ما بعمل فيها دراما بس انا والله انسان




اعطيتك حبي في كل جنون ولا بعمري بيكون ندمان
حبك كان غلطة ومن غلطتو بتلعم الانسان
اوهمتيني ان حبك بحر وكنت في البحر غرقان

هاي الكلمات كتير اعجبوني
القصيده لا باس بها
خليك مستمر بالكتابه عشان تطور اكتر واكتر
بالتوفيق: ام عدي

[زهرة الارجوان]

حلوة كتير هالقصيدة وان شالله يكمل فهذا الشكل لانو شكلو مبدع

[SoFt G!rL]

قولتي الي بينا كان مجرد حكي وحكي ولاد كمان
وكنت انا بموت فيكي و كنت العاشق الولهان
ما بعمل فيها دراما بس انا والله انسان

هاد المقطع روووعة وبتمناله النجاح
والخيانة مش اخر الدنيا
والله يوفقه والى الامام

تحياتي,,

[سيدرا]

والله جد انها روعه

الاحساس فيها كتير عالي جد
وكلماتها ومعانيها واضحه لدرجه اني ممكن يكون عندي خلفيه حتى لو كانت بسيطه عن قصه هاد الشاب

على كلن بتمنالو حياه افضل ان شالله
وبتمنى انو يستمر لانو عندو موهبه

تحياتي
سيدرا

[ميدو العيساوية]

شكر كتير على مروركم سيدرا وعاشقة القمر وزهرة الارجوان وام عدي ونادين وابو عريبي كتير مشكورين
وفي دعمكم لهاد الشب عنجد بصير مبدع كيتر مشكروين

[3loosh]

وينك يالي على الوندو (شباك بالعربي) كنتي تطلين


حبك في قلبي عايش من سنين

وانا خايف لواحد تاني تكونين


وقلبي الولهان بدا بحبا ليكي تحسسين

وللهدايا الي انطاك اياهن ما تنكرين

والفرخه الي اكلتيه وثمنها ما دفعتين



اسمع ميدو خد هدول وضيفهم ممكن يساعدوك حبيبي هههههههههههههههههههههههه

وادا بدك كمان بألفلك لعيونك

واحلى ميدو


تحياتي 3loosh

[حماده العيساوي]

صدقني اخ ميدوا ما فيه بعد الحب الحقيقي اذا الحب ما كان من التجاهين بكون حب افراطه
فما بسير تعمل بحاك هيك لازم تصبر والله يبعتلك الي بتحبه ويحبك
مشكور على القصيده

[ميدو العيساوية]

شو مالك يا علوش وازا بتفكر انو الي كتبتو بتعتبر حكي بكون حكي ولا صغار في الشارع بحكي هاد الحكي
ومبين عليك في بعقلك اعاقة شوي علشان هيك مش قادر تفهم الي مكتوب انا وبالنيابة عن كل الاعضاء بنتمنالك الشفاء العاجل علشان بالمنتدى ما بنحب المعاقين
مشكور كتير على مرورك

[وجدي محمود]

شو هالحكي بصراحه لساني عاجز عن التعبير
والشب صاحب القصه صاحبي وحبيبي واخوي واكتر
وهو متأثر كتير بالقصه لانو كل البنات هيك دايما بخونو البنات د
وانا بحكيلو انساك منها وشوف حياتك وما تسأل فيهم البنات بالمره
والقصه نفسها صارت معي







اخوك ابو جهاد يا ورده

[ميدو العيساوية]

كتير مشكور اخي كتائب بس انا ما بعرفك وما بعمري حكيت معاك كيف بتحكي انك صاحبي وابصر شو
الله يعينك كنك مشبه على واحد تاني

[ابن فلسطين]

مرحبا
اعطيتك حبي في كل جنون ولا بعمري بيكون ندمان
حبك كان غلطة ومن غلطتو بتلعم الانسان
اوهمتيني ان حبك بحر وكنت في البحر غرقان


يسلم ميد عنجد انو مؤلف اكويس بس
بنفس الوقت بستاهل لأنو فش حب بدون خيانة
:36_7_6:

وهدول الكلمات انا كيفت عليهم
لاني انا ما بحب الحب
وفشي بعد الصداقة
سلامات:36_3_3:

[BaShAr MuStFa]

بجننننننننننننننننننننننننننننننننن حبيبي ميدو مشكور

[ميدو العيساوية]

كتير مكشورين علة مروركم الكل مشكرو وبتمنا من كل واحد دخل وعلق يحكي لواحد تاني او اي عضو بالمنتدى علشان بهمنا راي الكل انتو بتكفو وبتوفو بس بدنا نشوف الباقي يمكن رايهم غير

[BaShAr MuStFa]

شو هل كلمات ياخ ميدو ماشالله سبحانك يارب عندك احساس روعة وشعور خلاب وبنصحك اكتب ونزلهم على كتب وانشرهم في الجرائد لانك عنجد كاتب وعندك احساس يا اللهى روعة في الكتابة مشكور انزلت على النادي

[ميدو العيساوية]

مشكورين الكل على تعليقاتكم الكلوا
والكل مشكور كتير بتكشركم

[هزيـم الرعـد]

مشكوووووووووووووووووووور على القصيده الحلوه وارجوا له التقدم في هذا المجال

[قـمـ الليل ـــر]

مشكور اخي على القصيده الروعه,,
&&&&&&&&&&&&&&&
تحياتي,,

[new mail]

شكرا الك اخوي ميدو العيساوية
والقصيدة بجد روعة وبنصح الي كتبها ياخد دورة في تنضيم القصائد لأنو عندو قدرة يكون شاعر
بس ينقصها بعض الترتيب والنضام
وبتمنى اتجيب قصائد تانية لأنها بجد جلوة
وشكرا

[ميدو العيساوية]

موضوع كتير كتير روعة بتمنا من الكل يقراؤو

مشكورين لكل الي علقو

[عاشق كريستيانو]

الله يسامحك يا اخوي والله هالحب ما بيستاهل كل هلي بتعملو بحالكم لانو 99 % من قصص الحب الي بتصير هي عبارة عن قصص ما فيها مصداقية من كلا الطرفين وبالاخر بحكيلك انت حر برأيك وانشاء الله ما تندم بالمستقبل

[abo awes]

اانا الرئي تبعي مع رئي ابو عريي



تحياتي :abo awes

[فادي]

هادا لازم انلقبوا بامير الشعراء بدل احمد شوقي والله يا عمي حلوة

[ღஜ¸¸MUNTASER¸¸ஜღ]

مشكووووووووور اخوي ميدوا على روايه القصه لنا

والشب والله جد مبدع في القصايد وكلمات اكثر من روعه مشكور
تحيــاــتي

[سيد العاطفي]

مشكور يا ميدو بس لازم تودي هدا الشب عند ( ابو الزمن ) يعلمو كيف ينصقها
والكلمات روعه بس بدها تنسيق
تحياتي الك
سيد العاطفي
***********









انتا بتعرف يا ميدو مين ابو الزمن

[كبرياء الحب]

سبتيني وتعذبت من جرحك انجرحك وما قدرت اقولك
جرحك كبير والجرح بنزف في حبي ما قدرت اغصبك
قولتيلي انساني وما تتمناني بالنسبة لالي انت ابن خالي


كلمات روعة اخوي ميدو والشب مبددددددددددع كلمات معبرة جد بتججججججججججنن

دمت بود ,,,,

تحياتي ,,,,

كبرياء الحب

[المارد جيفارا]

مشكور ميدوا على الحكي باس مافيحد بعرف ايش كلمت بحبك لنه الجبال العلي ما تحملوه على كتافهم لنه كلمه ومعناه كبير ونشالله اليبحب يوخد حبو معو ونتمنالك الكم كولكوم تحبو باس ما ننسى اشي اسمو فلسطين
............المارد ,,,,,,,,,,,جيفار علم تشيبه

[فضل شاكر]

مشكور اخي ميدو على الموضوع وبالنسبة للكلام بطير العقل
بس حابب احكبلو اشي ويا ريت يتقبلو مني
((لا تشكي لناس جرحا انت صاحبه فلا يؤلم الجرح الا من به الالم))
وسوري الك يا ميدو ولشب اذا غمقت في كلامي

مع تحياتي
فضل شاكر

[دمعة مجبورة]

مرحبا السلام عليكم انا ضيفة جديدة معكم
شكرا الك كتير يا اخ ميدو كان الموضوع كتير حلو بس اكيد انت لازم تنسى الي جرحك
بس يا اخ ميدو الي بنجرح اول مرة ما بتكون اخر مرة اكيد الواحد بنجرح كتير من الناس الي حوليه بس اكيد يا اخ ميدو انت لازم اتعاود اتكمل حياتك حتى لو انت انجرحت من هادا الحب الاول بس اكيد الحب الاول ما بتنسى بس اكيد انت راح اتكمل حياتك بدون هادي البنت اكيد وانا بحكيلك كمل حياتك بدون جرح من الي حوليك وانت انسى كل الناس الي في حوليك

شكرا الك يا اخ ميدو كان الموضوع كتير حلو


دمعة مجبورة

[ابو العاصف]

مشكورة اخ ميدو عالكلامات الروعة هاي وانشالله بالتقدم يا رب وتصير تكتب احسن من هيك بالتوفيق
مشكور

[ملكة الحب]

واووووووووووووووووووو جد روعة والله يحميه يا رب وبالتوفيق والنجاح يا رب للجميع
يسلموووووووووو كتير كتير على الموضوع
تحياتي ملكة الحب

[لــمــى]

مشكوووووووووووووووووووووووووووووووووور

كلام حلو وعبر

وانا بحكي للشب انو حاول قد ما تقدر انو تنسى لانها لو حبتك صحيح ما تركتك او هجرتك
وبعدين هالأيام صعب تلاقي حب صادق وجدي

اذا شب حب بنت بتركها وبروح بخطب وحده لا بتروح ولا بتيجي بصير يحكي **اذا حكت معي بتحكي مع غيري**

واذا بنت حبت شب بتتركوا عشان حبت واحد احلى منو

ليش صرنا هيك ...؟ صار الحب بالنسبة النا لعبة وتسلية ...؟ لـــــــــيــــــــــــش ..؟
عاد احلى اشي بالدنيا الحب ؟

بس شرط انصونو ونحافظ عليه وطبعا نفهم معناه

[جرح الزمن]

تحياتي الحاره للكتب الموضوع وللي كتب القصيدة
رأيي :: قصيدة حلوه كتييييير وفيها معنى معناة الحب وخيانته ال ابن خال ال
مرسي تحياتي Animom

[امير العيساوية]

متعب يسحبني ظلي والشمس اوشكت على اتمام دورتها صوب منحدر كيمادو . لا احد اعرفه يقاسمني احساس اللحظة لانني كنت في بداية مشواري بالحسيمة .. رائحة البحر الممزوجة بالعبير استهوتني فاحسست بنوع من التجاوب بين مكونات هذا الفضاء الذي لم ار مثله سواء خلا ل سنة تكويني بالرباط او بين اسوار مكناس العتيقة.. دفعني الفضول قرب شاب جالس على اريكة صخرة ثابتة على العهد كثبات تاريخ هذه الارض الطيبة:
_ هلا سمحت لي بطرح سؤال؟
_ تفضل
_ما سر جمال هذا الشاطئ؟
اخذ علبة اللفائف وسحب اثنتين . ناولني واحدة واشار بيده الى صخرة بجانبه ..فهمت انه يطلب مني مصاحبته قليلا. ..التفت الي وهو في حيرة من طبيعة السؤال:
هل هذه لحظتك الاولى بالحسيمة؟
_اجل
من اين اتيت ..وماذا تشتغل؟
_انا من مدينة مكناس وقضيت سنة بالرباط في اطار التكوين ثم شاءت الصدف ان اعين هنا استاذا للغة العربية.
_ شوف يا اخي، راك في ارض المجاهد عبد الكريم الخطابي واظنك تسمع عنه وعن معاركه النضالية ضد الاستعمار...اعمل بجد وكن طيبا مع الناس وستكون محبوبا عندهم..
يا لحسن الصدف.. قضيت طفولتي وشبابي بحي "سيدي بابا" بمكناس مع اصدقاء من اصول ريفية وها انا اتمم مشواري بعاصمة المجاهدين...قلتها مع نفسي ..والتفت اليه:
_ ولماذا ظلت كل الطرق المؤدية الى مداخل المدينة على شكل منعرجات كمشية ثعبان اضناه العطش؟
_لولا هذه الطريق يا اخي لكنا منعزلين تماما عن العالم...انتظرنا ولا زلنا اليوم الذي سناخذ حظنا من كل شيء..
تابعت طريقي الى ان وجدت جسمي منهكا على نهد الرمال .. اخذت حفنة من زبد البحر وحالي يقول : ربما تكون قطرة الماء المالح هذه خيرا وبركة على هذا الغريب.. بحثت بين ثنايا اوراقي ثم سجلت ما علق بذهني من ذكرى احملها معي وانعطفت جانب

[دلوعة العيساوية]

القصيدة بتاخذ العقل بس يمكن لو كانت منسقة لكانت احلى وبشجع الشب اللي كتب هذه القصيدة لانه مبدع بشكل مش طبيعي وبحكيلو خيرها بغيرها

[ابو العاصف]

مكشور كتير على ردوكم يا رب شكر كتير وكيتر للكل
ابو العاصف

[نصاب حب]

تقريبا نفس جرحي الاول بس مش لهدرجة عشان لازم احنا نكون تئلانين على الصبايا مش رامين حالنا زي بعض الشباب بحرثو شارع صلاح الدين حراثة عشانهم حلوة كتير هالقصيدة وان شالله يكمل فهذا الشكل لانو شكلو مبدع

تحياتي نصاب حب

[صقر الأقصى]

مشكوووووووووور يا نيدو العيساوي على هلقصيده بس ممكن نعرف اديه عمرو لشب عشان افسرلك اياها القصه بزبط تحياتي (صقر الاقصى)

[دلوعة 2007]

مشكور يا اخي على هالقصيدة شكرااااااااااااااااااااااااااااااااااااااااااااااا ااااااا

[RAMZI MUSTAFA]

والله الشب مبدع ورائع وفي الو مستقبل جيد انشاء الله....................

[just fofo]

مشكووووووووووووور على القيده الحلوه وكلامك كتير حلو بس انساه ألي بأمن بالحب هاي الايام بكون شخص مسكين لازم الواحد يحافظ على مبادوء وما يأمن بهاي الاشياء لانو كلو كلام فاضي ........ومع تحياتي الك ولهل كلام الي كاتبو